Apaduddharaka Hanumatstotram

ॐ

ಆಪದುದ್ಧಾರಕ ಹನುಮತ್ಸ್ತೋತ್ರಮ್

Hanuman Stotram Kannada

ಓಂ ಅಸ್ಯ ಶ್ರೀ ಆಪದುದ್ಧಾರಕ ಹನುಮತ್ ಸ್ತೋತ್ರ ಮಹಾಮನ್ತ್ರ ಕವಚಸ್ಯ, ವಿಭೀಷಣ ಋಷಿಃ, ಹನುಮಾನ್ ದೇವತಾ, ಸರ್ವಾಪದುದ್ಧಾರಕ ಶ್ರೀಹನುಮತ್ಪ್ರಸಾದೇನ ಮಮ ಸರ್ವಾಪನ್ನಿವೃತ್ತ್ಯರ್ಥೇ, ಸರ್ವಕಾರ್ಯಾನುಕೂಲ್ಯ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್ ।

ವಾಮೇ ಕರೇ ವೈರಿಭಿದಂ ವಹನ್ತಂ

ಶೈಲಂ ಪರೇ ಶೃಙ್ಖಲಹಾರಿಟಙ್ಕಮ್ ।

ದಧಾನಮಚ್ಛಚ್ಛವಿಯಜ್ಞಸೂತ್ರಂ

ಭಜೇ ಜ್ವಲತ್ಕುಣ್ಡಲಮಾಞ್ಜನೇಯಮ್ ॥ 1 ॥

ಸಂವೀತಕೌಪೀನ ಮುದಞ್ಚಿತಾಙ್ಗುಲಿಂ

ಸಮುಜ್ಜ್ವಲನ್ಮೌಞ್ಜಿಮಥೋಪವೀತಿನಮ್ ।

ಸಕುಣ್ಡಲಂ ಲಮ್ಬಿಶಿಖಾಸಮಾವೃತಂ

ತಮಾಞ್ಜನೇಯಂ ಶರಣಂ ಪ್ರಪದ್ಯೇ ॥ 2 ॥

ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ ।

ಅಕಸ್ಮಾದಾಗತೋತ್ಪಾತ ನಾಶನಾಯ ನಮೋ ನಮಃ ॥ 3 ॥

ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ ।

ತಾಪತ್ರಿತಯಸಂಹಾರಿನ್ ಆಞ್ಜನೇಯ ನಮೋಽಸ್ತು ತೇ ॥ 4 ॥

ಆಧಿವ್ಯಾಧಿ ಮಹಾಮಾರೀ ಗ್ರಹಪೀಡಾಪಹಾರಿಣೇ ।

ಪ್ರಾಣಾಪಹರ್ತ್ರೇದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ ॥ 5 ॥

ಸಂಸಾರಸಾಗರಾವರ್ತ ಕರ್ತವ್ಯಭ್ರಾನ್ತಚೇತಸಾಮ್ ।

ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ ॥ 6 ॥

ವಜ್ರದೇಹಾಯ ಕಾಲಾಗ್ನಿರುದ್ರಾಯಾಽಮಿತತೇಜಸೇ ।

ಬ್ರಹ್ಮಾಸ್ತ್ರಸ್ತಮ್ಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ ॥ 7 ॥

ರಾಮೇಷ್ಟಂ ಕರುಣಾಪೂರ್ಣಂ ಹನೂಮನ್ತಂ ಭಯಾಪಹಮ್ ।

ಶತ್ರುನಾಶಕರಂ ಭೀಮಂ ಸರ್ವಾಭೀಷ್ಟಪ್ರದಾಯಕಮ್ ॥ 8 ॥

ಕಾರಾಗೃಹೇ ಪ್ರಯಾಣೇ ವಾ ಸಙ್ಗ್ರಾಮೇ ಶತ್ರುಸಙ್ಕಟೇ ।

ಜಲೇ ಸ್ಥಲೇ ತಥಾಽಽಕಾಶೇ ವಾಹನೇಷು ಚತುಷ್ಪಥೇ ॥ 9 ॥

ಗಜಸಿಂಹ ಮಹಾವ್ಯಾಘ್ರ ಚೋರ ಭೀಷಣ ಕಾನನೇ ।

ಯೇ ಸ್ಮರನ್ತಿ ಹನೂಮನ್ತಂ ತೇಷಾಂ ನಾಸ್ತಿ ವಿಪತ್ ಕ್ವಚಿತ್ ॥ 10 ॥

ಸರ್ವವಾನರಮುಖ್ಯಾನಾಂ ಪ್ರಾಣಭೂತಾತ್ಮನೇ ನಮಃ ।

ಶರಣ್ಯಾಯ ವರೇಣ್ಯಾಯ ವಾಯುಪುತ್ರಾಯ ತೇ ನಮಃ ॥ 11 ॥

ಪ್ರದೋಷೇ ವಾ ಪ್ರಭಾತೇ ವಾ ಯೇ ಸ್ಮರನ್ತ್ಯಞ್ಜನಾಸುತಮ್ ।

ಅರ್ಥಸಿದ್ಧಿಂ ಜಯಂ ಕೀರ್ತಿಂ ಪ್ರಾಪ್ನುವನ್ತಿ ನ ಸಂಶಯಃ ॥ 12 ॥

ಜಪ್ತ್ವಾ ಸ್ತೋತ್ರಮಿದಂ ಮನ್ತ್ರಂ ಪ್ರತಿವಾರಂ ಪಠೇನ್ನರಃ ।

ರಾಜಸ್ಥಾನೇ ಸಭಾಸ್ಥಾನೇ ಪ್ರಾಪ್ತೇ ವಾದೇ ಲಭೇಜ್ಜಯಮ್ ॥ 13 ॥

ವಿಭೀಷಣಕೃತಂ ಸ್ತೋತ್ರಂ ಯಃ ಪಠೇತ್ ಪ್ರಯತೋ ನರಃ ।

ಸರ್ವಾಪದ್ಭ್ಯೋ ವಿಮುಚ್ಯೇತ ನಾಽತ್ರ ಕಾರ್ಯಾ ವಿಚಾರಣಾ ॥ 14 ॥

ಮನ್ತ್ರಃ ।

ಮರ್ಕಟೇಶ ಮಹೋತ್ಸಾಹ ಸರ್ವಶೋಕನಿವಾರಕ ।

ಶತ್ರೂನ್ ಸಂಹರ ಮಾಂ ರಕ್ಷ ಶ್ರಿಯಂ ದಾಪಯ ಭೋ ಹರೇ ॥ 15

ಇತಿ ವಿಭೀಷಣಕೃತಂ ಸರ್ವಾಪದುದ್ಧಾರಕ ಶ್ರೀಹನುಮತ್ ಸ್ತೋತ್ರಮ್ ॥

Roman (IAST) Transliteration

oṃ asya śrī āpaduddhāraka hanumat stotra mahāmantra kavacasya, vibhīṣaṇa ṛṣiḥ, hanumān devatā, sarvāpaduddhāraka śrīhanumatprasādena mama sarvāpannivṛttyarthe, sarvakāryānukūlya siddhyarthe jape viniyogaḥ |

dhyānam |

vāme kare vairibhidaṃ vahantaṃ

śailaṃ pare śṛṅkhalahāriṭaṅkam |

dadhānamacchacchaviyajñasūtraṃ

bhaje jvalatkuṇḍalamāñjaneyam || 1 ||

saṃvītakaupīna mudañcitāṅguliṃ

samujjvalanmauñjimathopavītinam |

sakuṇḍalaṃ lambiśikhāsamāvṛtaṃ

tamāñjaneyaṃ śaraṇaṃ prapadye || 2 ||

āpannākhilalokārtihāriṇe śrīhanūmate |

akasmādāgatotpāta nāśanāya namo namaḥ || 3 ||

sītāviyuktaśrīrāmaśokaduḥkhabhayāpaha |

tāpatritayasaṃhārin āñjaneya namo'stu te || 4 ||

ādhivyādhi mahāmārī grahapīḍāpahāriṇe |

prāṇāpahartredaityānāṃ rāmaprāṇātmane namaḥ || 5 ||

saṃsārasāgarāvarta kartavyabhrāntacetasām |

śaraṇāgatamartyānāṃ śaraṇyāya namo'stu te || 6 ||

vajradehāya kālāgnirudrāyā'mitatejase |

brahmāstrastambhanāyāsmai namaḥ śrīrudramūrtaye || 7 ||

rāmeṣṭaṃ karuṇāpūrṇaṃ hanūmantaṃ bhayāpaham |

śatrunāśakaraṃ bhīmaṃ sarvābhīṣṭapradāyakam || 8 ||

kārāgṛhe prayāṇe vā saṅgrāme śatrusaṅkaṭe |

jale sthale tathā''kāśe vāhaneṣu catuṣpathe || 9 ||

gajasiṃha mahāvyāghra cora bhīṣaṇa kānane |

ye smaranti hanūmantaṃ teṣāṃ nāsti vipat kvacit || 10 ||

sarvavānaramukhyānāṃ prāṇabhūtātmane namaḥ |

śaraṇyāya vareṇyāya vāyuputrāya te namaḥ || 11 ||

pradoṣe vā prabhāte vā ye smarantyañjanāsutam |

arthasiddhiṃ jayaṃ kīrtiṃ prāpnuvanti na saṃśayaḥ || 12 ||

japtvā stotramidaṃ mantraṃ prativāraṃ paṭhennaraḥ |

rājasthāne sabhāsthāne prāpte vāde labhejjayam || 13 ||

vibhīṣaṇakṛtaṃ stotraṃ yaḥ paṭhet prayato naraḥ |

sarvāpadbhyo vimucyeta nā'tra kāryā vicāraṇā || 14 ||

mantraḥ |

markaṭeśa mahotsāha sarvaśokanivāraka |

śatrūn saṃhara māṃ rakṣa śriyaṃ dāpaya bho hare || 15

iti vibhīṣaṇakṛtaṃ sarvāpaduddhāraka śrīhanumat stotram ||