Annamayya Kirtana Radha Madhava Rati Charitamiti

ॐ

ಅನ್ನಮಯ್ಯ ಕೀರ್ತನ ರಾಧಾ ಮಾಧವ ರತಿ ಚರಿತಮಿತಿ

Vishnu Keerthana Annamacharya Kannada

ರಾಧಾಮಾಧವರತಿಚರಿತಮಿತಿ

ಬೋಧಾವಹಂ ಶ್ರುತಿಭೂಷಣಂ ॥

ಗಹನೇ ದ್ವಾವಪಿ ಗತ್ವಾ ಗತ್ವಾ

ರಹಸಿ ರತಿಂ ಪ್ರೇರಯತಿ ಸತಿ ।

ವಿಹರತಸ್ತದಾ ವಿಲಸನ್ತೌ

ವಿಹತಗೃಹಾಶೌ ವಿವಶೌ ತೌ ॥

ಲಜ್ಜಾಶಭಲ ವಿಲಾಸಲೀಲಯಾ

ಕಜ್ಜಲನಯನ ವಿಕಾರೇಣ ।

ಹೃಜ್ಜಾವ್ಯವನಹಿತ ಹೃದಯಾ ರತಿ

ಸ್ಸಜ್ಜಾ ಸಮ್ಭ್ರಮಚಪಲಾ ಜಾತಾ ॥

ಪುರತೋ ಯಾನ್ತಂ ಪುರುಷಂ ವಕುಲೈಃ

ಕುರಣ್ಟಕೈರ್ವಾ ಕುಟಜೈರ್ವಾ ।

ಪರಮಂ ಪ್ರಹರತಿ ಪಶ್ಚಾಲ್ಲಗ್ನಾ-

ಗಿರಂ ವಿನಾಸಿ ವಿಕಿರತಿ ಮುದಂ ॥

ಹರಿ ಸುರಭೂರುಹ ಮಾರೋಹತೀವ

ಚರಣೇನ ಕಟಿಂ ಸಂವೇಷ್ಟ್ಯ ।

ಪರಿರಞ್ಚಣ ಸಮ್ಪಾದಿತಪುಲಕೈ

ಸ್ಸುರುಚಿರ್ಜಾತಾ ಸುಮಲತಿಕೇವ ॥

ವಿಧುಮುಖದರ್ಶನ ವಿಕಲಿತಲಜ್ಜಾ-

ತ್ವಧರಬಿಮ್ಬಫಲಮಾಸ್ವಾದ್ಯ ।

ಮಧುರೋಪಾಯನಮಾರ್ಗೇಣ ಕುಚೌ

ನಿಧಿವದ ತ್ವಾ ನಿತ್ಯಸುಖಮಿತಾ ॥

ಸುರುಚಿರಕೇತಕ ಸುಮದಲ ನಖರೈ-

ರ್ವರಚಿಬುಕಂ ಸಾ ಪರಿವೃತ್ಯ ।

ತರುಣಿಮಸಿನ್ಧೌ ತದೀಯದೃಗ್ಜಲ-

ಚರಯುಗಲಂ ಸಂಸಕ್ತಂ ಚಕಾರ ॥

ವಚನ ವಿಲಾಸೈರ್ವಶೀಕೃತ ತಂ

ನಿಚುಲಕುಞ್ಜ ಮಾನಿತದೇಶೇ ।

ಪ್ರಚುರಸೈಕತೇ ಪಲ್ಲವಶಯನೇ-

ರಚಿತರತಿಕಲಾ ರಾಗೇಣಾಸ ॥

ಅಭಿನವಕಲ್ಯಾಣಾಞ್ಚಿತರೂಪಾ-

ವಭಿನಿವೇಶ ಸಂಯತಚಿತ್ತೌ ।

ಬಭೂವತು ಸ್ತತ್ಪರೌ ವೇಙ್ಕಟ

ವಿಭುನಾ ಸಾ ತದ್ವಿಧಿನಾ ಸತಯಾ ॥

ಸಚ ಲಜ್ಜಾವೀಕ್ಷಣೋ ಭವತಿ ತಂ

ಕಚಭರಾಂ ಗನ್ಧಂ ಘ್ರಾಪಯತಿ ।

ನಚಲತಿಚೇನ್ಮಾನವತೀ ತಥಾಪಿ

ಕುಚಸಙ್ಗಾದನುಕೂಲಯತಿ ॥

ಅವನತಶಿರಸಾಪ್ಯತಿ ಸುಭಗಂ

ವಿವಿಧಾಲಾಪೈರ್ವಿವಶಯತಿ ।

ಪ್ರವಿಮಲ ಕರರುಹರಚನ ವಿಲಾಸೈ

ರ್ಭುವನಪತಿ ತಂ ಭೂಷಯತಿ ॥

ಲತಾಗೃಹಮೇಲನಂ ನವಸೈ

ಕತವೈಭವ ಸೌಖ್ಯಂ ದೃಷ್ಟ್ವಾ ।

ತತಸ್ತತಶ್ಚರಸೌ ಕೇಲೀ-

ವ್ರತಚರ್ಯಾಂ ತಾಂ ವಾಞ್ಛನ್ತೌ ।

ವನಕುಸುಮ ವಿಶದವರವಾಸನಯಾ-

ಘನಸಾರರಜೋಗನ್ಧೈಶ್ಚ ।

ಜನಯತಿ ಪವನೇ ಸಪದಿ ವಿಕಾರಂ-

ವನಿತಾ ಪುರುಷೌ ಜನಿತಾಶೌ ॥

ಏವಂ ವಿಚರನ್ ಹೇಲಾ ವಿಮುಖ-

ಶ್ರೀವೇಙ್ಕಟಗಿರಿ ದೇವೋಯಂ ।

ಪಾವನರಾಧಾಪರಿರಮ್ಭಸುಖ-

ಶ್ರೀ ವೈಭವಸುಸ್ಥಿರೋ ಭವತಿ ॥

Roman (IAST) Transliteration

rādhāmādhavaraticaritamiti

bodhāvahaṃ śrutibhūṣaṇaṃ ||

gahane dvāvapi gatvā gatvā

rahasi ratiṃ prerayati sati |

viharatastadā vilasantau

vihatagṛhāśau vivaśau tau ||

lajjāśabhala vilāsalīlayā

kajjalanayana vikāreṇa |

hṛjjāvyavanahita hṛdayā rati

ssajjā sambhramacapalā jātā ||

purato yāntaṃ puruṣaṃ vakulaiḥ

kuraṇṭakairvā kuṭajairvā |

paramaṃ praharati paścāllagnā-

giraṃ vināsi vikirati mudaṃ ||

hari surabhūruha mārohatīva

caraṇena kaṭiṃ saṃveṣṭya |

parirañcaṇa sampāditapulakai

ssurucirjātā sumalatikeva ||

vidhumukhadarśana vikalitalajjā-

tvadharabimbaphalamāsvādya |

madhuropāyanamārgeṇa kucau

nidhivada tvā nityasukhamitā ||

suruciraketaka sumadala nakharai-

rvaracibukaṃ sā parivṛtya |

taruṇimasindhau tadīyadṛgjala-

carayugalaṃ saṃsaktaṃ cakāra ||

vacana vilāsairvaśīkṛta taṃ

niculakuñja mānitadeśe |

pracurasaikate pallavaśayane-

racitaratikalā rāgeṇāsa ||

abhinavakalyāṇāñcitarūpā-

vabhiniveśa saṃyatacittau |

babhūvatu statparau veṅkaṭa

vibhunā sā tadvidhinā satayā ||

saca lajjāvīkṣaṇo bhavati taṃ

kacabharāṃ gandhaṃ ghrāpayati |

nacalaticenmānavatī tathāpi

kucasaṅgādanukūlayati ||

avanataśirasāpyati subhagaṃ

vividhālāpairvivaśayati |

pravimala kararuharacana vilāsai

rbhuvanapati taṃ bhūṣayati ||

latāgṛhamelanaṃ navasai

katavaibhava saukhyaṃ dṛṣṭvā |

tatastataścarasau kelī-

vratacaryāṃ tāṃ vāñchantau |

vanakusuma viśadavaravāsanayā-

ghanasārarajogandhaiśca |

janayati pavane sapadi vikāraṃ-

vanitā puruṣau janitāśau ||

evaṃ vicaran helā vimukha-

śrīveṅkaṭagiri devoyaṃ |

pāvanarādhāparirambhasukha-

śrī vaibhavasusthiro bhavati ||