Aditya Kavacham — InfoLyter.in

ॐ

ಆದಿತ್ಯ ಕವಚಮ್

Aditya Kavacham

Surya Kavacham Kannada

ಅಸ್ಯ ಶ್ರೀ ಆದಿತ್ಯಕವಚಸ್ತೋತ್ರಮಹಾಮನ್ತ್ರಸ್ಯ ಅಗಸ್ತ್ಯೋ ಭಗವಾನೃಷಿಃ ಅನುಷ್ಟುಪ್ಛನ್ದಃ ಆದಿತ್ಯೋ ದೇವತಾ ಶ್ರೀಂ ಬೀಜಂ ಣೀಂ ಶಕ್ತಿಃ ಸೂಂ ಕೀಲಕಂ ಮಮ ಆದಿತ್ಯಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಂ

ಜಪಾಕುಸುಮಸಙ್ಕಾಶಂ ದ್ವಿಭುಜಂ ಪದ್ಮಹಸ್ತಕಮ್

ಸಿನ್ದೂರಾಮ್ಬರಮಾಲ್ಯಂ ಚ ರಕ್ತಗನ್ಧಾನುಲೇಪನಮ್ ।

ಮಾಣಿಕ್ಯರತ್ನಖಚಿತ-ಸರ್ವಾಭರಣಭೂಷಿತಮ್

ಸಪ್ತಾಶ್ವರಥವಾಹಂ ತು ಮೇರುಂ ಚೈವ ಪ್ರದಕ್ಷಿಣಮ್ ॥

ದೇವಾಸುರವರೈರ್ವನ್ದ್ಯಂ ಘೃಣಿಭಿಃ ಪರಿಸೇವಿತಮ್ ।

ಧ್ಯಾಯೇತ್ಪಠೇತ್ಸುವರ್ಣಾಭಂ ಸೂರ್ಯಸ್ಯ ಕವಚಂ ಮುದಾ ॥

ಕವಚಂ

ಘೃಣಿಃ ಪಾತು ಶಿರೋದೇಶೇ ಸೂರ್ಯಃ ಪಾತು ಲಲಾಟಕಮ್ ।

ಆದಿತ್ಯೋ ಲೋಚನೇ ಪಾತು ಶ್ರುತೀ ಪಾತು ದಿವಾಕರಃ ॥

ಘ್ರಾಣಂ ಪಾತು ಸದಾ ಭಾನುಃ ಮುಖಂ ಪಾತು ಸದಾರವಿಃ ।

ಜಿಹ್ವಾಂ ಪಾತು ಜಗನ್ನೇತ್ರಃ ಕಣ್ಠಂ ಪಾತು ವಿಭಾವಸುಃ ॥

ಸ್ಕನ್ಧೌ ಗ್ರಹಪತಿಃ ಪಾತು ಭುಜೌ ಪಾತು ಪ್ರಭಾಕರಃ ।

ಕರಾವಬ್ಜಕರಃ ಪಾತು ಹೃದಯಂ ಪಾತು ನಭೋಮಣಿಃ ॥

ದ್ವಾದಶಾತ್ಮಾ ಕಟಿಂ ಪಾತು ಸವಿತಾ ಪಾತು ಸಕ್ಥಿನೀ ।

ಊರೂ ಪಾತು ಸುರಶ್ರೇಷ್ಟೋ ಜಾನುನೀ ಪಾತು ಭಾಸ್ಕರಃ ॥

ಜಙ್ಘೇ ಮೇ ಪಾತು ಮಾರ್ತಾಣ್ಡೋ ಗುಲ್ಫೌ ಪಾತು ತ್ವಿಷಾಮ್ಪತಿಃ ।

ಪಾದೌ ದಿನಮಣಿಃ ಪಾತು ಪಾತು ಮಿತ್ರೋಽಖಿಲಂ ವಪುಃ ॥

ಆದಿತ್ಯಕವಚಂ ಪುಣ್ಯಮಭೇದ್ಯಂ ವಜ್ರಸನ್ನಿಭಮ್ ।

ಸರ್ವರೋಗಭಯಾದಿಭ್ಯೋ ಮುಚ್ಯತೇ ನಾತ್ರ ಸಂಶಯಃ ॥

ಸಂವತ್ಸರಮುಪಾಸಿತ್ವಾ ಸಾಮ್ರಾಜ್ಯಪದವೀಂ ಲಭೇತ್ ।

ಅಶೇಷರೋಗಶಾನ್ತ್ಯರ್ಥಂ ಧ್ಯಾಯೇದಾದಿತ್ಯಮಣ್ಡಲಮ್ ।

ಆದಿತ್ಯ ಮಣ್ಡಲ ಸ್ತುತಿಃ –

ಅನೇಕರತ್ನಸಂಯುಕ್ತಂ ಸ್ವರ್ಣಮಾಣಿಕ್ಯಭೂಷಣಮ್ ।

ಕಲ್ಪವೃಕ್ಷಸಮಾಕೀರ್ಣಂ ಕದಮ್ಬಕುಸುಮಪ್ರಿಯಮ್ ॥

ಸಿನ್ದೂರವರ್ಣಾಯ ಸುಮಣ್ಡಲಾಯ

ಸುವರ್ಣರತ್ನಾಭರಣಾಯ ತುಭ್ಯಮ್ ।

ಪದ್ಮಾದಿನೇತ್ರೇ ಚ ಸುಪಙ್ಕಜಾಯ

ಬ್ರಹ್ಮೇನ್ದ್ರ-ನಾರಾಯಣ-ಶಙ್ಕರಾಯ ॥

ಸಂರಕ್ತಚೂರ್ಣಂ ಸಸುವರ್ಣತೋಯಂ

ಸಕುಙ್ಕುಮಾಭಂ ಸಕುಶಂ ಸಪುಷ್ಪಮ್ ।

ಪ್ರದತ್ತಮಾದಾಯ ಚ ಹೇಮಪಾತ್ರೇ

ಪ್ರಶಸ್ತನಾದಂ ಭಗವನ್ ಪ್ರಸೀದ ॥

ಇತಿ ಆದಿತ್ಯಕವಚಮ್ ।

Roman (IAST) Transliteration

asya śrī ādityakavacastotramahāmantrasya agastyo bhagavānṛṣiḥ anuṣṭupchandaḥ ādityo devatā śrīṃ bījaṃ ṇīṃ śaktiḥ sūṃ kīlakaṃ mama ādityaprasādasiddhyarthe jape viniyogaḥ |

dhyānaṃ

japākusumasaṅkāśaṃ dvibhujaṃ padmahastakam

sindūrāmbaramālyaṃ ca raktagandhānulepanam |

māṇikyaratnakhacita-sarvābharaṇabhūṣitam

saptāśvarathavāhaṃ tu meruṃ caiva pradakṣiṇam ||

devāsuravarairvandyaṃ ghṛṇibhiḥ parisevitam |

dhyāyetpaṭhetsuvarṇābhaṃ sūryasya kavacaṃ mudā ||

kavacaṃ

ghṛṇiḥ pātu śirodeśe sūryaḥ pātu lalāṭakam |

ādityo locane pātu śrutī pātu divākaraḥ ||

ghrāṇaṃ pātu sadā bhānuḥ mukhaṃ pātu sadāraviḥ |

jihvāṃ pātu jagannetraḥ kaṇṭhaṃ pātu vibhāvasuḥ ||

skandhau grahapatiḥ pātu bhujau pātu prabhākaraḥ |

karāvabjakaraḥ pātu hṛdayaṃ pātu nabhomaṇiḥ ||

dvādaśātmā kaṭiṃ pātu savitā pātu sakthinī |

ūrū pātu suraśreṣṭo jānunī pātu bhāskaraḥ ||

jaṅghe me pātu mārtāṇḍo gulphau pātu tviṣāmpatiḥ |

pādau dinamaṇiḥ pātu pātu mitro'khilaṃ vapuḥ ||

ādityakavacaṃ puṇyamabhedyaṃ vajrasannibham |

sarvarogabhayādibhyo mucyate nātra saṃśayaḥ ||

saṃvatsaramupāsitvā sāmrājyapadavīṃ labhet |

aśeṣarogaśāntyarthaṃ dhyāyedādityamaṇḍalam |

āditya maṇḍala stutiḥ –

anekaratnasaṃyuktaṃ svarṇamāṇikyabhūṣaṇam |

kalpavṛkṣasamākīrṇaṃ kadambakusumapriyam ||

sindūravarṇāya sumaṇḍalāya

suvarṇaratnābharaṇāya tubhyam |

padmādinetre ca supaṅkajāya

brahmendra-nārāyaṇa-śaṅkarāya ||

saṃraktacūrṇaṃ sasuvarṇatoyaṃ

sakuṅkumābhaṃ sakuśaṃ sapuṣpam |

pradattamādāya ca hemapātre

praśastanādaṃ bhagavan prasīda ||

iti ādityakavacam |