Achyutashtakam — InfoLyter.in

ॐ

ಅಚ್ಯುತಾಷ್ಟಕಮ್

Achyutashtakam

Vishnu Ashtakam Adi Shankaracharya Kannada

ಅಚ್ಯುತಂ ಕೇಶವಂ ರಾಮನಾರಾಯಣಂ

ಕೃಷ್ಣದಾಮೋದರಂ ವಾಸುದೇವಂ ಹರಿಮ್ ।

ಶ್ರೀಧರಂ ಮಾಧವಂ ಗೋಪಿಕಾ ವಲ್ಲಭಂ

ಜಾನಕೀನಾಯಕಂ ರಾಮಚನ್ದ್ರಂ ಭಜೇ ॥ 1 ॥

ಅಚ್ಯುತಂ ಕೇಶವಂ ಸತ್ಯಭಾಮಾಧವಂ

ಮಾಧವಂ ಶ್ರೀಧರಂ ರಾಧಿಕಾ ರಾಧಿತಮ್ ।

ಇನ್ದಿರಾಮನ್ದಿರಂ ಚೇತಸಾ ಸುನ್ದರಂ

ದೇವಕೀನನ್ದನಂ ನನ್ದಜಂ ಸನ್ದಧೇ ॥ 2 ॥

[ಪಲ್ಲವಿ..]

ವಿಷ್ಣವೇ ಜಿಷ್ಣವೇ ಶಙ್ಕನೇ ಚಕ್ರಿಣೇ

ರುಕ್ಮಿಣೀ ರಾಗಿಣೇ ಜಾನಕೀ ಜಾನಯೇ ।

ವಲ್ಲವೀ ವಲ್ಲಭಾಯಾರ್ಚಿತಾ ಯಾತ್ಮನೇ

ಕಂಸ ವಿಧ್ವಂಸಿನೇ ವಂಶಿನೇ ತೇ ನಮಃ ॥ 3 ॥

ಕೃಷ್ಣ ಗೋವಿನ್ದ ಹೇ ರಾಮ ನಾರಾಯಣ

ಶ್ರೀಪತೇ ವಾಸುದೇವಾಜಿತ ಶ್ರೀನಿಧೇ ।

ಅಚ್ಯುತಾನನ್ತ ಹೇ ಮಾಧವಾಧೋಕ್ಷಜ

ದ್ವಾರಕಾನಾಯಕ ದ್ರೌಪದೀರಕ್ಷಕ ॥ 4 ॥

ರಾಕ್ಷಸ ಕ್ಷೋಭಿತಃ ಸೀತಯಾ ಶೋಭಿತೋ

ದಣ್ಡಕಾರಣ್ಯಭೂ ಪುಣ್ಯತಾಕಾರಣಃ ।

ಲಕ್ಷ್ಮಣೋನಾನ್ವಿತೋ ವಾನರೈಃ ಸೇವಿತೋ

ಅಗಸ್ತ್ಯ ಸಮ್ಪೂಜಿತೋ ರಾಘವಃ ಪಾತು ಮಾಮ್ ॥ 5 ॥

[ಪಲ್ಲವಿ..]

ಧೇನುಕಾರಿಷ್ಟಕೋಽನಿಷ್ಟಕೃದ್ದ್ವೇಷಿಣಾಂ

ಕೇಶಿಹಾ ಕಂಸಹೃದ್ವಣ್ಶಿಕಾವಾದಕಃ ।

ಪೂತನಾಕೋಪಕಃ ಸೂರಜಾಖೇಲನೋ

ಬಾಲಗೋಪಾಲಕಃ ಪಾತು ಮಾಂ ಸರ್ವದಾ ॥ 6 ॥

ವಿದ್ಯುದುದ್ಯೋತವತ್ಪ್ರಸ್ಫುರದ್ವಾಸಸಂ

ಪ್ರಾವೃಡಮ್ಭೋದವತ್ಪ್ರೋಲ್ಲಸದ್ವಿಗ್ರಹಮ್ ।

ವನ್ಯಯಾ ಮಾಲಯಾ ಶೋಭಿತೋರಃಸ್ಥಲಂ

ಲೋಹಿತಾಙ್ಘ್ರಿದ್ವಯಂ ವಾರಿಜಾಕ್ಷಂ ಭಜೇ ॥ 7॥

ಕುಞ್ಚಿತೈಃ ಕುನ್ತಲೈ ಭ್ರಾಜಮಾನಾನನಂ

ರತ್ನಮೌಲಿಂ ಲಸತ್-ಕುಣ್ಡಲಂ ಗಣ್ಡಯೋಃ ।

ಹಾರಕೇಯೂರಕಂ ಕಙ್ಕಣ ಪ್ರೋಜ್ಜ್ವಲಂ

ಕಿಙ್ಕಿಣೀ ಮಞ್ಜುಲಂ ಶ್ಯಾಮಲಂ ತಂ ಭಜೇ ॥ 8 ॥

[ಪಲ್ಲವಿ..]

ಅಚ್ಯುತಸ್ಯಾಷ್ಟಕಂ ಯಃ ಪಠೇದಿಷ್ಟದಂ

ಪ್ರೇಮತಃ ಪ್ರತ್ಯಹಂ ಪೂರುಷಃ ಸಸ್ಪೃಹಮ್ ।

ವೃತ್ತತಃ ಸುನ್ದರಂ ಕರ್ತೃ ವಿಶ್ವಮ್ಭರಃ

ತಸ್ಯ ವಶ್ಯೋ ಹರಿ ರ್ಜಾಯತೇ ಸತ್ವರಮ್ ॥

ಅಚ್ಯುತಂ ಕೇಶವಂ ರಾಮನಾರಾಯಣಂ

ಕೃಷ್ಣದಾಮೋದರಂ ವಾಸುದೇವಂ ಹರಿಮ್ ।

ಶ್ರೀಧರಂ ಮಾಧವಂ ಗೋಪಿಕಾ ವಲ್ಲಭಂ

ಜಾನಕೀನಾಯಕಂ ರಾಮಚನ್ದ್ರಂ ಭಜೇ ॥ 1 ।

॥ ಇತಿ ಶ್ರೀಶಙ್ಕರಾಚಾರ್ಯವಿರಚಿತಮಚ್ಯುತಾಷ್ಟಕಂ ಸಮ್ಪೂರ್ಣಮ್ ॥

Roman (IAST) Transliteration

acyutaṃ keśavaṃ rāmanārāyaṇaṃ

kṛṣṇadāmodaraṃ vāsudevaṃ harim |

śrīdharaṃ mādhavaṃ gopikā vallabhaṃ

jānakīnāyakaṃ rāmacandraṃ bhaje || 1 ||

acyutaṃ keśavaṃ satyabhāmādhavaṃ

mādhavaṃ śrīdharaṃ rādhikā rādhitam |

indirāmandiraṃ cetasā sundaraṃ

devakīnandanaṃ nandajaṃ sandadhe || 2 ||

[pallavi..]

viṣṇave jiṣṇave śaṅkane cakriṇe

rukmiṇī rāgiṇe jānakī jānaye |

vallavī vallabhāyārcitā yātmane

kaṃsa vidhvaṃsine vaṃśine te namaḥ || 3 ||

kṛṣṇa govinda he rāma nārāyaṇa

śrīpate vāsudevājita śrīnidhe |

acyutānanta he mādhavādhokṣaja

dvārakānāyaka draupadīrakṣaka || 4 ||

rākṣasa kṣobhitaḥ sītayā śobhito

daṇḍakāraṇyabhū puṇyatākāraṇaḥ |

lakṣmaṇonānvito vānaraiḥ sevito

agastya sampūjito rāghavaḥ pātu mām || 5 ||

[pallavi..]

dhenukāriṣṭako'niṣṭakṛddveṣiṇāṃ

keśihā kaṃsahṛdvaṇśikāvādakaḥ |

pūtanākopakaḥ sūrajākhelano

bālagopālakaḥ pātu māṃ sarvadā || 6 ||

vidyududyotavatprasphuradvāsasaṃ

prāvṛḍambhodavatprollasadvigraham |

vanyayā mālayā śobhitoraḥsthalaṃ

lohitāṅghridvayaṃ vārijākṣaṃ bhaje || 7||

kuñcitaiḥ kuntalai bhrājamānānanaṃ

ratnamauliṃ lasat-kuṇḍalaṃ gaṇḍayoḥ |

hārakeyūrakaṃ kaṅkaṇa projjvalaṃ

kiṅkiṇī mañjulaṃ śyāmalaṃ taṃ bhaje || 8 ||

[pallavi..]

acyutasyāṣṭakaṃ yaḥ paṭhediṣṭadaṃ

premataḥ pratyahaṃ pūruṣaḥ saspṛham |

vṛttataḥ sundaraṃ kartṛ viśvambharaḥ

tasya vaśyo hari rjāyate satvaram ||

acyutaṃ keśavaṃ rāmanārāyaṇaṃ

kṛṣṇadāmodaraṃ vāsudevaṃ harim |

śrīdharaṃ mādhavaṃ gopikā vallabhaṃ

jānakīnāyakaṃ rāmacandraṃ bhaje || 1 |

|| iti śrīśaṅkarācāryaviracitamacyutāṣṭakaṃ sampūrṇam ||