📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
अन्न सूक्तम्
Anna Suktam
Suktam Vedic Devanagari
अ॒हम॑स्मि प्रथ॒मजा ऋ॒तस्य॑ ।
पूर्व॑-न्दे॒वेभ्यो॑ अ॒मृत॑स्य॒ नाभिः॑ ।
यो मा॒ ददा॑ति॒ स इदे॒व मा-ऽऽवाः᳚ ।
अ॒हमन्न॒मन्न॑म॒दन्त॑मद्मि ।
पूर्व॑म॒ग्नेरपि॑ दह॒त्यन्न᳚म् ।
य॒त्तौ हा॑-ऽऽसाते अहमुत्त॒रेषु॑ ।
व्यात्त॑मस्य प॒शवः॑ सु॒जम्भ᳚म् ।
पश्य॑न्ति॒ धीराः॒ प्रच॑रन्ति॒ पाकाः᳚ ।
जहा᳚म्य॒न्य-न्न ज॑हाम्य॒न्यम् ।
1
अ॒हमन्नं॒-वँश॒मिच्च॑रामि ॥ 1
स॒मा॒नमर्थ॒-म्पर्ये॑मि भु॒ञ्जत् ।
को मामन्न॑-म्मनु॒ष्यो॑ दयेत ।
परा॑के॒ अन्न॒-न्निहि॑तं-लोँ॒क ए॒तत् ।
विश्वै᳚र्दे॒वैः पि॒तृभि॑र्गु॒प्तमन्न᳚म् ।
यद॒द्यते॑ लु॒प्यते॒ यत्प॑रो॒प्यते᳚ ।
श॒त॒त॒मी सा त॒नूर्मे॑ बभूव ।
म॒हान्तौ॑ च॒रू स॑कृद्दु॒ग्धेन॑ पप्रौ ।
दिव॑-ञ्च॒ पृश्नि॑ पृथि॒वी-ञ्च॑ सा॒कम् ।
तत्सं॒‍पिब॑न्तो॒ न मि॑नन्ति वे॒धसः॑ ।
2
नैतद्भूयो॒ भव॑ति॒ नो कनी॑यः ॥ 2
अन्न॑-म्प्रा॒णमन्न॑मपा॒नमा॑हुः ।
अन्न॑-म्मृ॒त्यु-न्तमु॑ जी॒वातु॑माहुः ।
अन्न॑-म्ब्र॒ह्माणो॑ ज॒रसं॑-वँदन्ति ।
अन्न॑माहुः प्र॒जन॑न-म्प्र॒जाना᳚म् ।
मोघ॒मन्नं॑-विँन्दते॒ अप्र॑चेताः ।
स॒त्य-म्ब्र॑वीमि व॒ध इत्स तस्य॑ ।
नार्य॒मण॒-म्पुष्य॑ति॒ नो सखा॑यम् ।
केव॑लाघो भवति केवला॒दी ।
अ॒ह-म्मे॒घ-स्स्त॒नय॒न्वर्​ष॑न्नस्मि ।
3
माम॑दन्त्य॒हम॑द्म्य॒न्यान् ॥ 3
[अह॒ग्ं सद॒मृतो॑ भवामि ।
मदा॑दि॒त्या अधि॒ सर्वे॑ तपन्ति ।]
Roman (IAST) Transliteration
a॒hama̭smi pratha॒majā ṛ॒tasya̭ |
pūrva̭-nde॒vebhyo̭ a॒mṛta̭sya॒ nābhiḥ̭ |
yo mā॒ dadā̭ti॒ sa ide॒va mā-''vāḥ᳚ |
a॒hamanna॒manna̭ma॒danta̭madmi |
pūrva̭ma॒gnerapi̭ daha॒tyanna᳚m |
ya॒ttau hā̭-''sāte ahamutta॒reṣṷ |
vyātta̭masya pa॒śavaḥ̭ su॒jambha᳚m |
paśya̭nti॒ dhīrāḥ॒ praca̭ranti॒ pākāḥ᳚ |
jahā᳚mya॒nya-nna ja̭hāmya॒nyam |
a॒hamannaṃ॒-va~śa॒micca̭rāmi || 1
sa॒mā॒namartha॒-mparyḙmi bhu॒ñjat |
ko māmanna̭-mmanu॒ṣyo̭ dayeta |
parā̭ke॒ anna॒-nnihi̭taṃ-lo~॒ka e॒tat |
viśvai᳚rde॒vaiḥ pi॒tṛbhi̭rgu॒ptamanna᳚m |
yada॒dyatḙ lu॒pyate॒ yatpa̭ro॒pyate᳚ |
śa॒ta॒ta॒mī sā ta॒nūrmḙ babhūva |
ma॒hāntaṷ ca॒rū sa̭kṛddu॒gdhena̭ paprau |
diva̭-ñca॒ pṛśni̭ pṛthi॒vī-ñca̭ sā॒kam |
tatsaṃ॒‍piba̭nto॒ na mi̭nanti ve॒dhasaḥ̭ |
naitadbhūyo॒ bhava̭ti॒ no kanī̭yaḥ || 2
anna̭-mprā॒ṇamanna̭mapā॒namā̭huḥ |
anna̭-mmṛ॒tyu-ntamṷ jī॒vātṷmāhuḥ |
anna̭-mbra॒hmāṇo̭ ja॒rasaṃ̭-va~danti |
anna̭māhuḥ pra॒jana̭na-mpra॒jānā᳚m |
mogha॒mannaṃ̭-vi~ndate॒ apra̭cetāḥ |
sa॒tya-mbra̭vīmi va॒dha itsa tasya̭ |
nārya॒maṇa॒-mpuṣya̭ti॒ no sakhā̭yam |
keva̭lāgho bhavati kevalā॒dī |
a॒ha-mme॒gha-ssta॒naya॒nvar​ṣa̭nnasmi |
māma̭dantya॒hama̭dmya॒nyān || 3
[aha॒gṃ sada॒mṛto̭ bhavāmi |
madā̭di॒tyā adhi॒ sarvḙ tapanti |]
InfoLyter.in — Sacred Vedic Knowledge Portal · Free forever