Vighneshvara Ashtottara Shata Nama Stotram

ॐ

વિઘ્નેશ્વર અષ્ટોત્તર શત નામ સ્તોત્રમ્

Tara Ashtottara Sata Namavali Gujarati

વિનાયકો વિઘ્નરાજો ગૌરીપુત્રો ગણેશ્વરઃ ।

સ્કન્દાગ્રજોઽવ્યયઃ પૂતો દક્ષોઽધ્યક્ષો દ્વિજપ્રિયઃ ॥ 1 ॥

અગ્નિગર્વચ્છિદિન્દ્રશ્રીપ્રદો વાણીપ્રદોઽવ્યયઃ

સર્વસિદ્ધિપ્રદ-શ્શર્વતનયઃ શર્વરીપ્રિયઃ ॥ 2 ॥

સર્વાત્મકઃ સૃષ્ટિકર્તા દેવોઽનેકાર્ચિતશ્શિવઃ ।

શુદ્ધો બુદ્ધિપ્રિય-શ્શાન્તો બ્રહ્મચારી ગજાનનઃ ॥ 3 ॥

દ્વૈમાત્રેયો મુનિસ્તુત્યો ભક્તવિઘ્નવિનાશનઃ ।

એકદન્ત-શ્ચતુર્બાહુ-શ્ચતુર-શ્શક્તિસંયુતઃ ॥ 4 ॥

લમ્બોદર-શ્શૂર્પકર્ણો હર-ર્બ્રહ્મવિદુત્તમઃ ।

કાલો ગ્રહપતિઃ કામી સોમસૂર્યાગ્નિલોચનઃ ॥ 5 ॥

પાશાઙ્કુશધર-શ્ચણ્ડો ગુણાતીતો નિરઞ્જનઃ ।

અકલ્મષ-સ્સ્વયંસિદ્ધ-સ્સિદ્ધાર્ચિતપદામ્બુજઃ ॥ 6 ॥

બીજપૂરફલાસક્તો વરદ-શ્શાશ્વતઃ કૃતી ।

વિદ્વત્ પ્રિયો વીતભયો ગદી ચક્રીક્ષુચાપધૃત્ ॥ 7 ॥

શ્રીદોઽજ ઉત્પલકરઃ શ્રીપતિઃ સ્તુતિહર્ષિતઃ ।

કુલાદ્રિભેત્તા જટિલઃ કલિકલ્મષનાશનઃ ॥ 8 ॥

ચન્દ્રચૂડામણિઃ કાન્તઃ પાપહારી સમાહિતઃ ।

અશ્રિત-શ્રીકર-સ્સૌમ્યો ભક્તવાઞ્છિતદાયકઃ ॥ 9 ॥

શાન્તઃ કૈવલ્યસુખદ-સ્સચ્ચિદાનન્દવિગ્રહઃ ।

જ્ઞાની દયાયુતો દાન્તો બ્રહ્મદ્વેષવિવર્જિતઃ ॥ 10 ॥

પ્રમત્તદૈત્યભયદઃ શ્રીકણ્ઠો વિબુધેશ્વરઃ ।

રમાર્ચિતો નિધિ-ર્નાગરાજયજ્ઞોપવીતવાન્ ॥ 11 ॥

સ્થૂલકણ્ઠઃ સ્વયઙ્કર્તા સામઘોષપ્રિયઃ પરઃ ।

સ્થૂલતુણ્ડોઽગ્રણી-ર્ધીરો વાગીશઃ-સિદ્ધિદાયકઃ ॥ 12 ॥

દૂર્વાબિલ્વપ્રિયોઽવ્યક્તમૂર્તિ-રદ્ભુતમૂર્તિમાન્ ।

શૈલેન્દ્રતનુજોત્સઙ્ગખેલનોત્સુકમાનસઃ ॥ 13 ॥

સ્વલાવણ્યસુધાસારજિતમન્મથવિગ્રહઃ ।

સમસ્તજગદાધારો માયી મૂષકવાહનઃ ॥ 14 ॥

હૃષ્ટ-સ્તુષ્ટઃ પ્રસન્નાત્મા સર્વસિદ્ધિપ્રદાયકઃ ।

અષ્ટોત્તરશતેનૈવં નામ્નાં વિઘ્નેશ્વરં વિભુમ્ ॥ 15 ॥

તુષ્ટાવ શઙ્કરઃ પુત્રં ત્રિપુરં હન્તુમુદ્યતઃ ।

યઃ પૂજયેદનેનૈવ ભક્ત્યા સિદ્ધિવિનાયકમ્ ॥ 16 ॥

દૂર્વાદલૈ-ર્બિલ્વપત્રૈઃ પુષ્પૈર્વા ચન્દનાક્ષતૈઃ ।

સર્વાન્કામાનવાપ્નોતિ સર્વવિઘ્નૈઃ પ્રમુચ્યતે ॥

ઇતિ વિઘ્નેશ્વરાષ્ટોત્તર શતનામસ્તોત્રં સમ્પૂર્ણમ્

Roman (IAST) Transliteration

vināyako vighnarājo gaurīputro gaṇeśvaraḥ |

skandāgrajo'vyayaḥ pūto dakṣo'dhyakṣo dvijapriyaḥ || 1 ||

agnigarvacchidindraśrīprado vāṇīprado'vyayaḥ

sarvasiddhiprada-śśarvatanayaḥ śarvarīpriyaḥ || 2 ||

sarvātmakaḥ sṛṣṭikartā devo'nekārcitaśśivaḥ |

śuddho buddhipriya-śśānto brahmacārī gajānanaḥ || 3 ||

dvaimātreyo munistutyo bhaktavighnavināśanaḥ |

ekadanta-ścaturbāhu-ścatura-śśaktisaṃyutaḥ || 4 ||

lambodara-śśūrpakarṇo hara-rbrahmaviduttamaḥ |

kālo grahapatiḥ kāmī somasūryāgnilocanaḥ || 5 ||

pāśāṅkuśadhara-ścaṇḍo guṇātīto nirañjanaḥ |

akalmaṣa-ssvayaṃsiddha-ssiddhārcitapadāmbujaḥ || 6 ||

bījapūraphalāsakto varada-śśāśvataḥ kṛtī |

vidvat priyo vītabhayo gadī cakrīkṣucāpadhṛt || 7 ||

śrīdo'ja utpalakaraḥ śrīpatiḥ stutiharṣitaḥ |

kulādribhettā jaṭilaḥ kalikalmaṣanāśanaḥ || 8 ||

candracūḍāmaṇiḥ kāntaḥ pāpahārī samāhitaḥ |

aśrita-śrīkara-ssaumyo bhaktavāñchitadāyakaḥ || 9 ||

śāntaḥ kaivalyasukhada-ssaccidānandavigrahaḥ |

jñānī dayāyuto dānto brahmadveṣavivarjitaḥ || 10 ||

pramattadaityabhayadaḥ śrīkaṇṭho vibudheśvaraḥ |

ramārcito nidhi-rnāgarājayajñopavītavān || 11 ||

sthūlakaṇṭhaḥ svayaṅkartā sāmaghoṣapriyaḥ paraḥ |

sthūlatuṇḍo'graṇī-rdhīro vāgīśaḥ-siddhidāyakaḥ || 12 ||

dūrvābilvapriyo'vyaktamūrti-radbhutamūrtimān |

śailendratanujotsaṅgakhelanotsukamānasaḥ || 13 ||

svalāvaṇyasudhāsārajitamanmathavigrahaḥ |

samastajagadādhāro māyī mūṣakavāhanaḥ || 14 ||

hṛṣṭa-stuṣṭaḥ prasannātmā sarvasiddhipradāyakaḥ |

aṣṭottaraśatenaivaṃ nāmnāṃ vighneśvaraṃ vibhum || 15 ||

tuṣṭāva śaṅkaraḥ putraṃ tripuraṃ hantumudyataḥ |

yaḥ pūjayedanenaiva bhaktyā siddhivināyakam || 16 ||

dūrvādalai-rbilvapatraiḥ puṣpairvā candanākṣataiḥ |

sarvānkāmānavāpnoti sarvavighnaiḥ pramucyate ||

iti vighneśvarāṣṭottara śatanāmastotraṃ sampūrṇam