Varahi Kavacham — InfoLyter.in

ॐ

વારાહી કવચમ્

Varahi Kavacham

Kavacham Gujarati

અસ્ય શ્રીવારાહીકવચસ્ય ત્રિલોચન ઋષિઃ, અનુષ્ટુપ્ છન્દઃ, શ્રીવારાહી દેવતા, ૐ બીજં, ગ્લૌં શક્તિઃ, સ્વાહેતિ કીલકં, મમ સર્વશત્રુનાશનાર્થે જપે વિનિયોગઃ ॥

ધ્યાનમ્ ।

ધ્યાત્વેન્દ્રનીલવર્ણાભાં ચન્દ્રસૂર્યાગ્નિલોચનામ્ ।

વિધિવિષ્ણુહરેન્દ્રાદિ માતૃભૈરવસેવિતામ્ ॥ 1 ॥

જ્વલન્મણિગણપ્રોક્તમકુટામાવિલમ્બિતામ્ ।

અસ્ત્રશસ્ત્રાણિ સર્વાણિ તત્તત્કાર્યોચિતાનિ ચ ॥ 2 ॥

એતૈઃ સમસ્તૈર્વિવિધં બિભ્રતીં મુસલં હલમ્ ।

પાત્વા હિંસ્રાન્ હિ કવચં ભુક્તિમુક્તિફલપ્રદમ્ ॥ 3 ॥

પઠેત્ત્રિસન્ધ્યં રક્ષાર્થં ઘોરશત્રુનિવૃત્તિદમ્ ।

વાર્તાલી મે શિરઃ પાતુ ઘોરાહી ફાલમુત્તમમ્ ॥ 4 ॥

નેત્રે વરાહવદના પાતુ કર્ણૌ તથાઞ્જની ।

ઘ્રાણં મે રુન્ધિની પાતુ મુખં મે પાતુ જમ્ભિની ॥ 5 ॥

પાતુ મે મોહિની જિહ્વાં સ્તમ્ભિની કણ્ઠમાદરાત્ ।

સ્કન્ધૌ મે પઞ્ચમી પાતુ ભુજૌ મહિષવાહના ॥ 6 ॥

સિંહારૂઢા કરૌ પાતુ કુચૌ કૃષ્ણમૃગાઞ્ચિતા ।

નાભિં ચ શઙ્ખિની પાતુ પૃષ્ઠદેશે તુ ચક્રિણિ ॥ 7 ॥

ખડ્ગં પાતુ ચ કટ્યાં મે મેઢ્રં પાતુ ચ ખેદિની ।

ગુદં મે ક્રોધિની પાતુ જઘનં સ્તમ્ભિની તથા ॥ 8 ॥

ચણ્ડોચ્ચણ્ડશ્ચોરુયુગ્મં જાનુની શત્રુમર્દિની ।

જઙ્ઘાદ્વયં ભદ્રકાલી મહાકાલી ચ ગુલ્ફયોઃ ॥ 9 ॥

પાદાદ્યઙ્ગુલિપર્યન્તં પાતુ ચોન્મત્તભૈરવી ।

સર્વાઙ્ગં મે સદા પાતુ કાલસઙ્કર્ષણી તથા ॥ 10 ॥

યુક્તાયુક્તસ્થિતં નિત્યં સર્વપાપાત્પ્રમુચ્યતે ।

સર્વે સમર્થ્ય સંયુક્તં ભક્તરક્ષણતત્પરમ્ ॥ 11 ॥

સમસ્તદેવતા સર્વં સવ્યં વિષ્ણોઃ પુરાર્ધને ।

સર્વશત્રુવિનાશાય શૂલિના નિર્મિતં પુરા ॥ 12 ॥

સર્વભક્તજનાશ્રિત્ય સર્વવિદ્વેષસંહતિઃ ।

વારાહી કવચં નિત્યં ત્રિસન્ધ્યં યઃ પઠેન્નરઃ ॥ 13 ॥

તથા વિધં ભૂતગણા ન સ્પૃશન્તિ કદાચન ।

આપદઃ શત્રુચોરાદિ ગ્રહદોષાશ્ચ સમ્ભવાઃ ॥ 14 ॥

માતા પુત્રં યથા વત્સં ધેનુઃ પક્ષ્મેવ લોચનમ્ ।

તથાઙ્ગમેવ વારાહી રક્ષા રક્ષાતિ સર્વદા ॥ 15 ॥

ઇતિ શ્રીરુદ્રયામલતન્ત્રે શ્રી વારાહી કવચમ્ ॥

Roman (IAST) Transliteration

asya śrīvārāhīkavacasya trilocana ṛṣiḥ, anuṣṭup chandaḥ, śrīvārāhī devatā, oṃ bījaṃ, glauṃ śaktiḥ, svāheti kīlakaṃ, mama sarvaśatrunāśanārthe jape viniyogaḥ ||

dhyānam |

dhyātvendranīlavarṇābhāṃ candrasūryāgnilocanām |

vidhiviṣṇuharendrādi mātṛbhairavasevitām || 1 ||

jvalanmaṇigaṇaproktamakuṭāmāvilambitām |

astraśastrāṇi sarvāṇi tattatkāryocitāni ca || 2 ||

etaiḥ samastairvividhaṃ bibhratīṃ musalaṃ halam |

pātvā hiṃsrān hi kavacaṃ bhuktimuktiphalapradam || 3 ||

paṭhettrisandhyaṃ rakṣārthaṃ ghoraśatrunivṛttidam |

vārtālī me śiraḥ pātu ghorāhī phālamuttamam || 4 ||

netre varāhavadanā pātu karṇau tathāñjanī |

ghrāṇaṃ me rundhinī pātu mukhaṃ me pātu jambhinī || 5 ||

pātu me mohinī jihvāṃ stambhinī kaṇṭhamādarāt |

skandhau me pañcamī pātu bhujau mahiṣavāhanā || 6 ||

siṃhārūḍhā karau pātu kucau kṛṣṇamṛgāñcitā |

nābhiṃ ca śaṅkhinī pātu pṛṣṭhadeśe tu cakriṇi || 7 ||

khaḍgaṃ pātu ca kaṭyāṃ me meḍhraṃ pātu ca khedinī |

gudaṃ me krodhinī pātu jaghanaṃ stambhinī tathā || 8 ||

caṇḍoccaṇḍaścoruyugmaṃ jānunī śatrumardinī |

jaṅghādvayaṃ bhadrakālī mahākālī ca gulphayoḥ || 9 ||

pādādyaṅguliparyantaṃ pātu conmattabhairavī |

sarvāṅgaṃ me sadā pātu kālasaṅkarṣaṇī tathā || 10 ||

yuktāyuktasthitaṃ nityaṃ sarvapāpātpramucyate |

sarve samarthya saṃyuktaṃ bhaktarakṣaṇatatparam || 11 ||

samastadevatā sarvaṃ savyaṃ viṣṇoḥ purārdhane |

sarvaśatruvināśāya śūlinā nirmitaṃ purā || 12 ||

sarvabhaktajanāśritya sarvavidveṣasaṃhatiḥ |

vārāhī kavacaṃ nityaṃ trisandhyaṃ yaḥ paṭhennaraḥ || 13 ||

tathā vidhaṃ bhūtagaṇā na spṛśanti kadācana |

āpadaḥ śatrucorādi grahadoṣāśca sambhavāḥ || 14 ||

mātā putraṃ yathā vatsaṃ dhenuḥ pakṣmeva locanam |

tathāṅgameva vārāhī rakṣā rakṣāti sarvadā || 15 ||

iti śrīrudrayāmalatantre śrī vārāhī kavacam ||