Sundarakanda Prarthana Shlokah

ॐ

સુન્દરકાણ્ડ પ્રાર્થના શ્લોકાઃ

Valmiki Gujarati

મનોજવં મારુતતુલ્યવેગં

જિતેન્દ્રિયં બુદ્ધિમતાં વરિષ્ઠમ્ ।

વાતાત્મજં વાનરયૂથમુખ્યં

શ્રીરામદૂતં શિરસા નમામિ ॥

અઞ્જનાનન્દનં વીરં જાનકીશોકનાશનમ્ ।

કપીશમક્ષહન્તારં વન્દે લઙ્કાભયઙ્કરમ્ ॥

ગોષ્પદીકૃતવારાશિં મશકીકૃતરાક્ષસમ્ ।

રામાયણમહામાલારત્નં વન્દેઽનિલાત્મજમ્ ॥

યત્ર યત્ર રઘુનાથકીર્તનં તત્ર તત્ર કૃતમસ્તકાઞ્જલિમ્ ।

બાષ્પવારિપરિપૂર્ણલોચનં મારુતિં નમત રાક્ષસાન્તકમ્ ॥

વન્દે વાનર-નારસિંહ-ખગરાટ્-ક્રોડાશ્વવક્ત્રાઞ્ચિતં

નાનાલઙ્કરણં ત્રિપઞ્ચનયનં દેદીપ્યમાનં રુચામ્ ।

હસ્તાભૈરસિખેટપુસ્તકસુધાભાણ્ડં કુશાદ્રીન્ હલં

ખટ્વાઙ્ગં ફણિવૃક્ષધૃદ્દશભુજં સર્વારિગર્વાપહમ્ ॥

સર્વારિષ્ટનિવારકં શુભકરં પિઙ્ગાક્ષમક્ષાપહં

સીતાન્વેષણતત્પરં કપિવરં કોટીન્દુસૂર્યપ્રભમ્ ।

લઙ્કાદ્વીપભયઙ્કરં સકલદં સુગ્રીવસમ્માનિતં

દેવેન્દ્રાદિ સમક્તદેવવિનુતં કાકુત્થદૂતં ભજે ॥

બુદ્ધિર્બલં યશો ધૈર્યં નિર્ભયત્વમરોગતા ।

અજાડ્યં વાક્પટુત્વં ચ હનુમચ્છરણાદ્ભવેત્ ॥

નમોઽસ્તુરામાય સલક્ષ્મણાય દેવ્યૈ ચ તસ્યૈ જનકાત્મજાયૈ ।

નમોઽસ્તુ રુદ્રેન્દ્રયમાનિલેભ્યો નમોઽસ્તુ ચન્દ્રાર્કમરુદ્ગણેભ્યઃ ॥

જયત્યતિબલો રામો લક્ષ્મણશ્ચ મહાબલઃ ।

રાજા જયતિ સુગ્રીવો રાઘવેણાભિપાલિતઃ ॥

દાસોઽહં કોસલેન્દ્રસ્ય રામસ્યાક્લિષ્ટકર્મણઃ ।

હનુમાન્ શત્રુસૈન્યાનાં નિહન્તા મારુતાત્મજઃ ॥

ન રાવણસહસ્રં મે યુદ્ધે પ્રતિબલં ભવેત્ ।

શિલાભિસ્તુ પ્રહરતઃ પાદપૈશ્ચ સહસ્રશઃ ॥

અર્દયિત્વા પુરીં લઙ્કાં અભિવાદ્ય ચ મૈથિલીમ્ ।

સમૃદ્ધાર્થો ગમિષ્યામિ મિષતાં સર્વરક્ષસામ્ ॥

ધર્માત્મા સત્યસન્ધશ્ચ રામો દાશરથિર્યદિ ।

પૌરુષે ચાપ્રતિદ્વન્દ્વઃ શરૈનં જહિ રાવણિમ્ ॥

સકૃદેવ પ્રપન્નાય તવાસ્મીતિ ચ યાચતે ।

અભયં સર્વભૂતેભ્યઃ દદામ્યેતદ્વ્રતં મમ ॥

ઇતિ સુન્દરકાણ્ડ પ્રાર્થના શ્લોકાઃ સમાપ્તા ।

Roman (IAST) Transliteration

manojavaṃ mārutatulyavegaṃ

jitendriyaṃ buddhimatāṃ variṣṭham |

vātātmajaṃ vānarayūthamukhyaṃ

śrīrāmadūtaṃ śirasā namāmi ||

añjanānandanaṃ vīraṃ jānakīśokanāśanam |

kapīśamakṣahantāraṃ vande laṅkābhayaṅkaram ||

goṣpadīkṛtavārāśiṃ maśakīkṛtarākṣasam |

rāmāyaṇamahāmālāratnaṃ vande'nilātmajam ||

yatra yatra raghunāthakīrtanaṃ tatra tatra kṛtamastakāñjalim |

bāṣpavāriparipūrṇalocanaṃ mārutiṃ namata rākṣasāntakam ||

vande vānara-nārasiṃha-khagarāṭ-kroḍāśvavaktrāñcitaṃ

nānālaṅkaraṇaṃ tripañcanayanaṃ dedīpyamānaṃ rucām |

hastābhairasikheṭapustakasudhābhāṇḍaṃ kuśādrīn halaṃ

khaṭvāṅgaṃ phaṇivṛkṣadhṛddaśabhujaṃ sarvārigarvāpaham ||

sarvāriṣṭanivārakaṃ śubhakaraṃ piṅgākṣamakṣāpahaṃ

sītānveṣaṇatatparaṃ kapivaraṃ koṭīndusūryaprabham |

laṅkādvīpabhayaṅkaraṃ sakaladaṃ sugrīvasammānitaṃ

devendrādi samaktadevavinutaṃ kākutthadūtaṃ bhaje ||

buddhirbalaṃ yaśo dhairyaṃ nirbhayatvamarogatā |

ajāḍyaṃ vākpaṭutvaṃ ca hanumaccharaṇādbhavet ||

namo'sturāmāya salakṣmaṇāya devyai ca tasyai janakātmajāyai |

namo'stu rudrendrayamānilebhyo namo'stu candrārkamarudgaṇebhyaḥ ||

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ ||

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ ||

na rāvaṇasahasraṃ me yuddhe pratibalaṃ bhavet |

śilābhistu praharataḥ pādapaiśca sahasraśaḥ ||

ardayitvā purīṃ laṅkāṃ abhivādya ca maithilīm |

samṛddhārtho gamiṣyāmi miṣatāṃ sarvarakṣasām ||

dharmātmā satyasandhaśca rāmo dāśarathiryadi |

pauruṣe cāpratidvandvaḥ śarainaṃ jahi rāvaṇim ||

sakṛdeva prapannāya tavāsmīti ca yācate |

abhayaṃ sarvabhūtebhyaḥ dadāmyetadvrataṃ mama ||

iti sundarakāṇḍa prārthanā ślokāḥ samāptā |