Shri Vishnu Panjara Stotram

ॐ

શ્રી વિષ્ણુ પઞ્જર સ્તોત્રમ્

Vishnu Stotram Gujarati

ૐ અસ્ય શ્રીવિષ્ણુપઞ્જરસ્તોત્ર મહામન્ત્રસ્ય નારદ ઋષિઃ । અનુષ્ટુપ્ છન્દઃ । શ્રીવિષ્ણુઃ પરમાત્મા દેવતા । અહં બીજમ્ । સોહં શક્તિઃ । ૐ હ્રીં કીલકમ્ । મમ સર્વદેહરક્ષણાર્થં જપે વિનિયોગઃ ।

નારદ ઋષયે નમઃ મુખે । શ્રીવિષ્ણુપરમાત્મદેવતાયૈ નમઃ હૃદયે । અહં બીજં ગુહ્યે । સોહં શક્તિઃ પાદયોઃ । ૐ હ્રીં કીલકં પાદાગ્રે । ૐ હ્રાં હ્રીં હ્રૂં હ્રૈં હ્રૌં હ્રઃ ઇતિ મન્ત્રઃ ।

ૐ હ્રાં અઙ્ગુષ્ઠાભ્યાં નમઃ ।

ૐ હ્રીં તર્જનીભ્યાં નમઃ ।

ૐ હ્રૂં મધ્યમાભ્યાં નમઃ ।

ૐ હ્રૈં અનામિકાભ્યાં નમઃ ।

ૐ હ્રૌં કનિષ્ઠિકાભ્યાં નમઃ ।

ૐ હ્રઃ કરતલકરપૃષ્ઠાભ્યાં નમઃ ।

ઇતિ કરન્યાસઃ ।

ૐ હ્રાં હૃદયાય નમઃ ।

ૐ હ્રીં શિરસે સ્વાહા ।

ૐ હ્રૂં શિખાયૈ વષટ્ ।

ૐ હ્રૈં કવચાય હુમ્ ।

ૐ હ્રૌં નેત્રત્રયાય વૌષટ્ ।

ૐ હ્રઃ અસ્ત્રાય ફટ્ ।

ઇતિ અઙ્ગન્યાસઃ ।

અહં બીજં પ્રાણાયામં મન્ત્રત્રયેણ કુર્યાત્ ।

ધ્યાનમ્ ।

પરં પરસ્માત્પ્રકૃતેરનાદિમેકં નિવિષ્ટં બહુધા ગુહાયામ્ ।

સર્વાલયં સર્વચરાચરસ્થં નમામિ વિષ્ણું જગદેકનાથમ્ ॥ 1 ॥

ૐ વિષ્ણુપઞ્જરકં દિવ્યં સર્વદુષ્ટનિવારણમ્ ।

ઉગ્રતેજો મહાવીર્યં સર્વશત્રુનિકૃન્તનમ્ ॥ 2 ॥

ત્રિપુરં દહમાનસ્ય હરસ્ય બ્રહ્મણો હિતમ્ ।

તદહં સમ્પ્રવક્ષ્યામિ આત્મરક્ષાકરં નૃણામ્ ॥ 3 ॥

પાદૌ રક્ષતુ ગોવિન્દો જઙ્ઘે ચૈવ ત્રિવિક્રમઃ ।

ઊરૂ મે કેશવઃ પાતુ કટિં ચૈવ જનાર્દનઃ ॥ 4 ॥

નાભિં ચૈવાચ્યુતઃ પાતુ ગુહ્યં ચૈવ તુ વામનઃ ।

ઉદરં પદ્મનાભશ્ચ પૃષ્ઠં ચૈવ તુ માધવઃ ॥ 5 ॥

વામપાર્શ્વં તથા વિષ્ણુર્દક્ષિણં મધુસૂદનઃ ।

બાહૂ વૈ વાસુદેવશ્ચ હૃદિ દામોદરસ્તથા ॥ 6 ॥

કણ્ઠં રક્ષતુ વારાહઃ કૃષ્ણશ્ચ મુખમણ્ડલમ્ ।

માધવઃ કર્ણમૂલે તુ હૃષીકેશશ્ચ નાસિકે ॥ 7 ॥

નેત્રે નારાયણો રક્ષેલ્લલાટં ગરુડધ્વજઃ ।

કપોલૌ કેશવો રક્ષેદ્વૈકુણ્ઠઃ સર્વતોદિશમ્ ॥ 8 ॥

શ્રીવત્સાઙ્કશ્ચ સર્વેષામઙ્ગાનાં રક્ષકો ભવેત્ ।

પૂર્વસ્યાં પુણ્ડરીકાક્ષ આગ્નેય્યાં શ્રીધરસ્તથા ॥ 9 ॥

દક્ષિણે નારસિંહશ્ચ નૈરૃત્યાં માધવોઽવતુ ।

પુરુષોત્તમો વારુણ્યાં વાયવ્યાં ચ જનાર્દનઃ ॥ 10 ॥

ગદાધરસ્તુ કૌબેર્યામીશાન્યાં પાતુ કેશવઃ ।

આકાશે ચ ગદા પાતુ પાતાલે ચ સુદર્શનમ્ ॥ 11 ॥

સન્નદ્ધઃ સર્વગાત્રેષુ પ્રવિષ્ટો વિષ્ણુપઞ્જરઃ ।

વિષ્ણુપઞ્જરવિષ્ટોઽહં વિચરામિ મહીતલે ॥ 12 ॥

રાજદ્વારેઽપથે ઘોરે સઙ્ગ્રામે શત્રુસઙ્કટે ।

નદીષુ ચ રણે ચૈવ ચોરવ્યાઘ્રભયેષુ ચ ॥ 13 ॥

ડાકિનીપ્રેતભૂતેષુ ભયં તસ્ય ન જાયતે ।

રક્ષ રક્ષ મહાદેવ રક્ષ રક્ષ જનેશ્વર ॥ 14 ॥

રક્ષન્તુ દેવતાઃ સર્વા બ્રહ્મવિષ્ણુમહેશ્વરાઃ ।

જલે રક્ષતુ વારાહઃ સ્થલે રક્ષતુ વામનઃ ॥ 15 ॥

અટવ્યાં નારસિંહશ્ચ સર્વતઃ પાતુ કેશવઃ ॥

દિવા રક્ષતુ માં સૂર્યો રાત્રૌ રક્ષતુ ચન્દ્રમાઃ ॥ 16 ॥

પન્થાનં દુર્ગમં રક્ષેત્સર્વમેવ જનાર્દનઃ ।

રોગવિઘ્નહતશ્ચૈવ બ્રહ્મહા ગુરુતલ્પગઃ ॥ 17 ॥

સ્ત્રીહન્તા બાલઘાતી ચ સુરાપો વૃષલીપતિઃ ।

મુચ્યતે સર્વપાપેભ્યો યઃ પઠેન્નાત્ર સંશયઃ ॥ 18 ॥

અપુત્રો લભતે પુત્રં ધનાર્થી લભતે ધનમ્ ।

વિદ્યાર્થી લભતે વિદ્યાં મોક્ષાર્થી લભતે ગતિમ્ ॥ 19 ॥

આપદો હરતે નિત્યં વિષ્ણુસ્તોત્રાર્થસમ્પદા ।

યસ્ત્વિદં પઠતે સ્તોત્રં વિષ્ણુપઞ્જરમુત્તમમ્ ॥ 20 ॥

મુચ્યતે સર્વપાપેભ્યો વિષ્ણુલોકં સ ગચ્છતિ ।

ગોસહસ્રફલં તસ્ય વાજપેયશતસ્ય ચ ॥ 21 ॥

અશ્વમેધસહસ્રસ્ય ફલં પ્રાપ્નોતિ માનવઃ ।

સર્વકામં લભેદસ્ય પઠનાન્નાત્ર સંશયઃ ॥ 22 ॥

જલે વિષ્ણુઃ સ્થલે વિષ્ણુર્વિષ્ણુઃ પર્વતમસ્તકે ।

જ્વાલામાલાકુલે વિષ્ણુઃ સર્વં વિષ્ણુમયં જગત્ ॥ 23 ॥

ઇતિ શ્રીબ્રહ્માણ્ડપુરાણે ઇન્દ્રનારદસંવાદે શ્રીવિષ્ણુપઞ્જરસ્તોત્રમ્ ॥

Roman (IAST) Transliteration

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatalakarapṛṣṭhābhyāṃ namaḥ |

iti karanyāsaḥ |

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

iti aṅganyāsaḥ |

ahaṃ bījaṃ prāṇāyāmaṃ mantratrayeṇa kuryāt |

dhyānam |

paraṃ parasmātprakṛteranādimekaṃ niviṣṭaṃ bahudhā guhāyām |

sarvālayaṃ sarvacarācarasthaṃ namāmi viṣṇuṃ jagadekanātham || 1 ||

oṃ viṣṇupañjarakaṃ divyaṃ sarvaduṣṭanivāraṇam |

ugratejo mahāvīryaṃ sarvaśatrunikṛntanam || 2 ||

tripuraṃ dahamānasya harasya brahmaṇo hitam |

tadahaṃ sampravakṣyāmi ātmarakṣākaraṃ nṛṇām || 3 ||

pādau rakṣatu govindo jaṅghe caiva trivikramaḥ |

ūrū me keśavaḥ pātu kaṭiṃ caiva janārdanaḥ || 4 ||

nābhiṃ caivācyutaḥ pātu guhyaṃ caiva tu vāmanaḥ |

udaraṃ padmanābhaśca pṛṣṭhaṃ caiva tu mādhavaḥ || 5 ||

vāmapārśvaṃ tathā viṣṇurdakṣiṇaṃ madhusūdanaḥ |

bāhū vai vāsudevaśca hṛdi dāmodarastathā || 6 ||

kaṇṭhaṃ rakṣatu vārāhaḥ kṛṣṇaśca mukhamaṇḍalam |

mādhavaḥ karṇamūle tu hṛṣīkeśaśca nāsike || 7 ||

netre nārāyaṇo rakṣellalāṭaṃ garuḍadhvajaḥ |

kapolau keśavo rakṣedvaikuṇṭhaḥ sarvatodiśam || 8 ||

śrīvatsāṅkaśca sarveṣāmaṅgānāṃ rakṣako bhavet |

pūrvasyāṃ puṇḍarīkākṣa āgneyyāṃ śrīdharastathā || 9 ||

dakṣiṇe nārasiṃhaśca nairṛtyāṃ mādhavo'vatu |

puruṣottamo vāruṇyāṃ vāyavyāṃ ca janārdanaḥ || 10 ||

gadādharastu kauberyāmīśānyāṃ pātu keśavaḥ |

ākāśe ca gadā pātu pātāle ca sudarśanam || 11 ||

sannaddhaḥ sarvagātreṣu praviṣṭo viṣṇupañjaraḥ |

viṣṇupañjaraviṣṭo'haṃ vicarāmi mahītale || 12 ||

rājadvāre'pathe ghore saṅgrāme śatrusaṅkaṭe |

nadīṣu ca raṇe caiva coravyāghrabhayeṣu ca || 13 ||

ḍākinīpretabhūteṣu bhayaṃ tasya na jāyate |

rakṣa rakṣa mahādeva rakṣa rakṣa janeśvara || 14 ||

rakṣantu devatāḥ sarvā brahmaviṣṇumaheśvarāḥ |

jale rakṣatu vārāhaḥ sthale rakṣatu vāmanaḥ || 15 ||

aṭavyāṃ nārasiṃhaśca sarvataḥ pātu keśavaḥ ||

divā rakṣatu māṃ sūryo rātrau rakṣatu candramāḥ || 16 ||

panthānaṃ durgamaṃ rakṣetsarvameva janārdanaḥ |

rogavighnahataścaiva brahmahā gurutalpagaḥ || 17 ||

strīhantā bālaghātī ca surāpo vṛṣalīpatiḥ |

mucyate sarvapāpebhyo yaḥ paṭhennātra saṃśayaḥ || 18 ||

aputro labhate putraṃ dhanārthī labhate dhanam |

vidyārthī labhate vidyāṃ mokṣārthī labhate gatim || 19 ||

āpado harate nityaṃ viṣṇustotrārthasampadā |

yastvidaṃ paṭhate stotraṃ viṣṇupañjaramuttamam || 20 ||

mucyate sarvapāpebhyo viṣṇulokaṃ sa gacchati |

gosahasraphalaṃ tasya vājapeyaśatasya ca || 21 ||

aśvamedhasahasrasya phalaṃ prāpnoti mānavaḥ |

sarvakāmaṃ labhedasya paṭhanānnātra saṃśayaḥ || 22 ||

jale viṣṇuḥ sthale viṣṇurviṣṇuḥ parvatamastake |

jvālāmālākule viṣṇuḥ sarvaṃ viṣṇumayaṃ jagat || 23 ||

iti śrībrahmāṇḍapurāṇe indranāradasaṃvāde śrīviṣṇupañjarastotram ||