Shri Vishnu Ashtottara Shatanama Stotram

ॐ

શ્રી વિષ્ણુ અષ્ટોત્તર શતનામ સ્તોત્રમ્

Vishnu Ashtottara Sata Namavali Gujarati

અષ્ટોત્તરશતં નામ્નાં વિષ્ણોરતુલતેજસઃ ।

યસ્ય શ્રવણમાત્રેણ નરો નારાયણો ભવેત્ ॥ 1 ॥

વિષ્ણુર્જિષ્ણુર્વષટ્કારો દેવદેવો વૃષાકપિઃ । [વૃષાપતિઃ]

દામોદરો દીનબન્ધુરાદિદેવોઽદિતેસ્તુતઃ ॥ 2 ॥

પુણ્ડરીકઃ પરાનન્દઃ પરમાત્મા પરાત્પરઃ ।

પરશુધારી વિશ્વાત્મા કૃષ્ણઃ કલિમલાપહા ॥ 3 ॥

કૌસ્તુભોદ્ભાસિતોરસ્કો નરો નારાયણો હરિઃ ।

હરો હરપ્રિયઃ સ્વામી વૈકુણ્ઠો વિશ્વતોમુખઃ ॥ 4 ॥

હૃષીકેશોઽપ્રમેયાત્મા વરાહો ધરણીધરઃ ।

વામનો વેદવક્તા ચ વાસુદેવઃ સનાતનઃ ॥ 5 ॥

રામો વિરામો વિરજો રાવણારી રમાપતિઃ ।

વૈકુણ્ઠવાસી વસુમાન્ ધનદો ધરણીધરઃ ॥ 6 ॥

ધર્મેશો ધરણીનાથો ધ્યેયો ધર્મભૃતાંવરઃ ।

સહસ્રશીર્ષા પુરુષઃ સહસ્રાક્ષઃ સહસ્રપાત્ ॥ 7 ॥

સર્વગઃ સર્વવિત્સર્વઃ શરણ્યઃ સાધુવલ્લભઃ । [સર્વદઃ]

કૌસલ્યાનન્દનઃ શ્રીમાન્ રાક્ષસઃકુલનાશકઃ ॥ 8 ॥

જગત્કર્તા જગદ્ધર્તા જગજ્જેતા જનાર્તિહા ।

જાનકીવલ્લભો દેવો જયરૂપો જલેશ્વરઃ ॥ 9 ॥

ક્ષીરાબ્ધિવાસી ક્ષીરાબ્ધિતનયાવલ્લભસ્તથા ।

શેષશાયી પન્નગારિવાહનો વિષ્ટરશ્રવઃ ॥ 10 ॥

માધવો મથુરાનાથો મુકુન્દો મોહનાશનઃ ।

દૈત્યારિઃ પુણ્ડરીકાક્ષો હ્યચ્યુતો મધુસૂદનઃ ॥ 11 ॥

સોમસૂર્યાગ્નિનયનો નૃસિંહો ભક્તવત્સલઃ ।

નિત્યો નિરામયશ્શુદ્ધો વરદેવો જગત્પ્રભુઃ ॥ 12 ॥ [નરદેવો]

હયગ્રીવો જિતરિપુરુપેન્દ્રો રુક્મિણીપતિઃ ।

સર્વદેવમયઃ શ્રીશઃ સર્વાધારઃ સનાતનઃ ॥ 13 ॥

સૌમ્યઃ સૌમ્યપ્રદઃ સ્રષ્ટા વિષ્વક્સેનો જનાર્દનઃ ।

યશોદાતનયો યોગી યોગશાસ્ત્રપરાયણઃ ॥ 14 ॥

રુદ્રાત્મકો રુદ્રમૂર્તિઃ રાઘવો મધુસૂધનઃ । [રુદ્રસૂદનઃ]

ઇતિ તે કથિતં દિવ્યં નામ્નામષ્ટોત્તરં શતમ્ ॥ 15 ॥

સર્વપાપહરં પુણ્યં દિવ્યોરતુલતેજસઃ ।

દુઃખદારિદ્ર્યદૌર્ભાગ્યનાશનં સુખવર્ધનમ્ ॥ 16 ॥

સર્વસમ્પત્કરં સૌમ્યં મહાપાતકનાશનમ્ ।

પ્રાતરુત્થાય વિપેન્દ્ર પઠેદેકાગ્રમાનસઃ ॥ 17 ॥

તસ્ય નશ્યન્તિ વિપદાં રાશયઃ સિદ્ધિમાપ્નુયાત્ ॥ 18 ॥

ઇતિ શ્રી વિષ્ણોઃ અષ્ટોત્તરશતનામ સ્તોત્રમ્ ॥

Roman (IAST) Transliteration

aṣṭottaraśataṃ nāmnāṃ viṣṇoratulatejasaḥ |

yasya śravaṇamātreṇa naro nārāyaṇo bhavet || 1 ||

viṣṇurjiṣṇurvaṣaṭkāro devadevo vṛṣākapiḥ | [vṛṣāpatiḥ]

dāmodaro dīnabandhurādidevo'ditestutaḥ || 2 ||

puṇḍarīkaḥ parānandaḥ paramātmā parātparaḥ |

paraśudhārī viśvātmā kṛṣṇaḥ kalimalāpahā || 3 ||

kaustubhodbhāsitorasko naro nārāyaṇo hariḥ |

haro harapriyaḥ svāmī vaikuṇṭho viśvatomukhaḥ || 4 ||

hṛṣīkeśo'prameyātmā varāho dharaṇīdharaḥ |

vāmano vedavaktā ca vāsudevaḥ sanātanaḥ || 5 ||

rāmo virāmo virajo rāvaṇārī ramāpatiḥ |

vaikuṇṭhavāsī vasumān dhanado dharaṇīdharaḥ || 6 ||

dharmeśo dharaṇīnātho dhyeyo dharmabhṛtāṃvaraḥ |

sahasraśīrṣā puruṣaḥ sahasrākṣaḥ sahasrapāt || 7 ||

sarvagaḥ sarvavitsarvaḥ śaraṇyaḥ sādhuvallabhaḥ | [sarvadaḥ]

kausalyānandanaḥ śrīmān rākṣasaḥkulanāśakaḥ || 8 ||

jagatkartā jagaddhartā jagajjetā janārtihā |

jānakīvallabho devo jayarūpo jaleśvaraḥ || 9 ||

kṣīrābdhivāsī kṣīrābdhitanayāvallabhastathā |

śeṣaśāyī pannagārivāhano viṣṭaraśravaḥ || 10 ||

mādhavo mathurānātho mukundo mohanāśanaḥ |

daityāriḥ puṇḍarīkākṣo hyacyuto madhusūdanaḥ || 11 ||

somasūryāgninayano nṛsiṃho bhaktavatsalaḥ |

nityo nirāmayaśśuddho varadevo jagatprabhuḥ || 12 || [naradevo]

hayagrīvo jitaripurupendro rukmiṇīpatiḥ |

sarvadevamayaḥ śrīśaḥ sarvādhāraḥ sanātanaḥ || 13 ||

saumyaḥ saumyapradaḥ sraṣṭā viṣvakseno janārdanaḥ |

yaśodātanayo yogī yogaśāstraparāyaṇaḥ || 14 ||

rudrātmako rudramūrtiḥ rāghavo madhusūdhanaḥ | [rudrasūdanaḥ]

iti te kathitaṃ divyaṃ nāmnāmaṣṭottaraṃ śatam || 15 ||

sarvapāpaharaṃ puṇyaṃ divyoratulatejasaḥ |

duḥkhadāridryadaurbhāgyanāśanaṃ sukhavardhanam || 16 ||

sarvasampatkaraṃ saumyaṃ mahāpātakanāśanam |

prātarutthāya vipendra paṭhedekāgramānasaḥ || 17 ||

tasya naśyanti vipadāṃ rāśayaḥ siddhimāpnuyāt || 18 ||

iti śrī viṣṇoḥ aṣṭottaraśatanāma stotram ||