Shri Vinayaka Stavarajah

ॐ

શ્રી વિનાયક સ્તવરાજઃ

Ganesha Stotram Gujarati

બીજાપૂરગદેક્ષુકાર્મુકરુજા ચક્રાબ્જપાશોત્પલ-

-વ્રીહ્યગ્રસ્વવિષાણરત્નકલશપ્રોદ્યત્કરામ્ભોરુહઃ ।

ધ્યેયો વલ્લભયા સપદ્મકરયાશ્લિષ્ટોજ્જ્વલદ્ભૂષયા

વિશ્વોત્પત્તિવિપત્તિસંસ્થિતિકરો વિઘ્નેશ ઇષ્ટાર્થદઃ ॥ 1 ॥

નમસ્તે સિદ્ધિલક્ષ્મીશ ગણાધિપ મહાપ્રભો ।

વિઘ્નેશ્વર જગન્નાથ ગૌરીપુત્ર જગત્પ્રભો ॥ 2 ॥

જય વિઘ્નેશ્વર વિભો વિનાયક મહેશ્વર ।

લમ્બોદર મહાબાહો સર્વદા ત્વં પ્રસીદ મે ॥ 3 ॥

મહાદેવ જગત્સ્વામિન્ મૂષિકારૂઢ શઙ્કર ।

વિશાલાક્ષ મહાકાય માં ત્રાહિ પરમેશ્વર ॥ 4 ॥

કુઞ્જરાસ્ય સુરાધીશ મહેશ કરુણાનિધે ।

માતુલુઙ્ગધર સ્વામિન્ ગદાચક્રસમન્વિત ॥ 5 ॥

દશબાહો મહારાજ ગજવક્ત્ર ચતુર્ભુજ ।

શૂર્પકર્ણ મહાકર્ણ ગણનાથ પ્રસીદ મે ॥ 6 ॥

શઙ્ખશૂલસમાયુક્ત બીજાપૂરસમન્વિત ।

ઇક્ષુકાર્મુકસંયુક્ત પદ્મહસ્ત પ્રસીદ મે ॥ 7 ॥

નાનાભરણસંયુક્ત રત્નકુમ્ભકર પ્રભો ।

સર્ગસ્થિતિલયાધીશ પરમાત્મન્ જય પ્રભો ॥ 8 ॥

અનાથનાથ વિશ્વેશ વિઘ્નસઙ્ઘવિનાશન ।

ત્રયીમૂર્તે સુરપતે બ્રહ્મવિષ્ણુશિવાત્મક ॥ 9 ॥

ત્રયીગુણ મહાદેવ પાહિ માં સર્વપાલક ।

અણિમાદિગુણાધાર લક્ષ્મીશ્રીવિષ્ણુપૂજિત ॥ 10 ॥

ગૌરીશઙ્કરસમ્પૂજ્ય જય ત્વં ગણનાયક ।

રતિમન્મથસંસેવ્ય મહીભૂદારસંસ્તુત ॥ 11 ॥

ઋદ્ધ્યામોદાદિસંસેવ્ય મહાગણપતે જય ।

શઙ્ખપદ્માદિસંસેવ્ય નિરાલમ્બ નિરીશ્વર ॥ 12 ॥

નિષ્કલઙ્ક નિરાધાર પાહિ માં નિત્યમવ્યય ।

અનાદ્ય જગતામાદ્ય પિતામહસુપૂજિત ॥ 13 ॥

ધૂમકેતો ગણાધ્યક્ષ મહામૂષકવાહન ।

અનન્તપરમાનન્દ જય વિઘ્નેશ્વરેશ્વર ॥ 14 ॥

રત્નસિંહાસનાસીન કિરીટેન સુશોભિત ।

પરાત્પર પરેશાન પરપૂરુષ પાહિ મામ્ ॥ 15 ॥

નિર્દ્વન્દ્વ નિર્ગુણાભાસ જપાપુષ્પસમપ્રભ ।

સર્વપ્રમથસંસ્તુત્ય ત્રાહિ માં વિઘ્નનાયક ॥ 16 ॥

કુમારસ્ય ગુરો દેવ સર્વૈશ્વર્યપ્રદાયક ।

સર્વાભીષ્ટપ્રદ સ્વામિન્ સર્વપ્રત્યૂહનાશક ॥ 17 ॥

શરણ્ય સર્વલોકાનાં શરણાગતવત્સલ ।

મહાગણપતે નિત્યં માં પાલય કૃપાનિધે ॥ 18 ॥

એવં શ્રીગણનાથસ્ય સ્તવરાજમનુત્તમમ્ ।

યઃ પઠેચ્છૃણુયાન્નિત્યં પ્રત્યૂહૈઃ સ વિમુચ્યતે ॥ 19 ॥

અશ્વમેધસમં પુણ્યફલં પ્રાપ્નોત્યનુત્તમમ્ ।

વશીકરોતિ ત્રૈલોક્યં પ્રાપ્ય સૌભાગ્યમુત્તમમ્ ॥ 20 ॥

સર્વાભીષ્ટમવાપ્નોતિ શીઘ્રમેવ સુદુર્લભમ્ ।

મહાગણેશસાન્નિધ્યં પ્રાપ્નોત્યેવ ન સંશયઃ ॥ 21 ॥

ઇતિ શ્રીરુદ્રયામલે શ્રીવિનાયકસ્તવરાજઃ સમ્પૂર્ણમ્ ।

Roman (IAST) Transliteration

bījāpūragadekṣukārmukarujā cakrābjapāśotpala-

-vrīhyagrasvaviṣāṇaratnakalaśaprodyatkarāmbhoruhaḥ |

dhyeyo vallabhayā sapadmakarayāśliṣṭojjvaladbhūṣayā

viśvotpattivipattisaṃsthitikaro vighneśa iṣṭārthadaḥ || 1 ||

namaste siddhilakṣmīśa gaṇādhipa mahāprabho |

vighneśvara jagannātha gaurīputra jagatprabho || 2 ||

jaya vighneśvara vibho vināyaka maheśvara |

lambodara mahābāho sarvadā tvaṃ prasīda me || 3 ||

mahādeva jagatsvāmin mūṣikārūḍha śaṅkara |

viśālākṣa mahākāya māṃ trāhi parameśvara || 4 ||

kuñjarāsya surādhīśa maheśa karuṇānidhe |

mātuluṅgadhara svāmin gadācakrasamanvita || 5 ||

daśabāho mahārāja gajavaktra caturbhuja |

śūrpakarṇa mahākarṇa gaṇanātha prasīda me || 6 ||

śaṅkhaśūlasamāyukta bījāpūrasamanvita |

ikṣukārmukasaṃyukta padmahasta prasīda me || 7 ||

nānābharaṇasaṃyukta ratnakumbhakara prabho |

sargasthitilayādhīśa paramātman jaya prabho || 8 ||

anāthanātha viśveśa vighnasaṅghavināśana |

trayīmūrte surapate brahmaviṣṇuśivātmaka || 9 ||

trayīguṇa mahādeva pāhi māṃ sarvapālaka |

aṇimādiguṇādhāra lakṣmīśrīviṣṇupūjita || 10 ||

gaurīśaṅkarasampūjya jaya tvaṃ gaṇanāyaka |

ratimanmathasaṃsevya mahībhūdārasaṃstuta || 11 ||

ṛddhyāmodādisaṃsevya mahāgaṇapate jaya |

śaṅkhapadmādisaṃsevya nirālamba nirīśvara || 12 ||

niṣkalaṅka nirādhāra pāhi māṃ nityamavyaya |

anādya jagatāmādya pitāmahasupūjita || 13 ||

dhūmaketo gaṇādhyakṣa mahāmūṣakavāhana |

anantaparamānanda jaya vighneśvareśvara || 14 ||

ratnasiṃhāsanāsīna kirīṭena suśobhita |

parātpara pareśāna parapūruṣa pāhi mām || 15 ||

nirdvandva nirguṇābhāsa japāpuṣpasamaprabha |

sarvapramathasaṃstutya trāhi māṃ vighnanāyaka || 16 ||

kumārasya guro deva sarvaiśvaryapradāyaka |

sarvābhīṣṭaprada svāmin sarvapratyūhanāśaka || 17 ||

śaraṇya sarvalokānāṃ śaraṇāgatavatsala |

mahāgaṇapate nityaṃ māṃ pālaya kṛpānidhe || 18 ||

evaṃ śrīgaṇanāthasya stavarājamanuttamam |

yaḥ paṭhecchṛṇuyānnityaṃ pratyūhaiḥ sa vimucyate || 19 ||

aśvamedhasamaṃ puṇyaphalaṃ prāpnotyanuttamam |

vaśīkaroti trailokyaṃ prāpya saubhāgyamuttamam || 20 ||

sarvābhīṣṭamavāpnoti śīghrameva sudurlabham |

mahāgaṇeśasānnidhyaṃ prāpnotyeva na saṃśayaḥ || 21 ||

iti śrīrudrayāmale śrīvināyakastavarājaḥ sampūrṇam |