Shri Venkateshvara Vijayarya Sapta Vibhakti Stotram

ॐ

શ્રી વેઙ્કટેશ્વર વિજયાર્યા સપ્ત વિભક્તિ સ્તોત્રમ્

Vishnu Stotram Gujarati

શ્રીવેઙ્કટાદ્રિધામા ભૂમા ભૂમાપ્રિયઃ કૃપાસીમા ।

નિરવધિકનિત્યમહિમા ભવતુ જયી પ્રણતદર્શિતપ્રેમા ॥ 1 ॥

જય જનતા વિમલીકૃતિસફલીકૃતસકલમઙ્ગલાકાર ।

વિજયી ભવ વિજયી ભવ વિજયી ભવ વેઙ્કટાચલાધીશ ॥ 2 ॥

કમનીયમન્દહસિતં કઞ્ચન કન્દર્પકોટિલાવણ્યમ્ ।

પશ્યેયમઞ્જનાદ્રૌ પુંસાં પૂર્વતનપુણ્યપરિપાકમ્ ॥ 3 ॥

મરતકમેચકરુચિના મદનાજ્ઞાગન્ધિમધ્યહૃદયેન ।

વૃષશૈલમૌલિસુહૃદા મહસા કેનાપિ વાસિતં જ્ઞેયમ્ ॥ 4 ॥

પત્યૈ નમો વૃષાદ્રેઃ કરયુગપરિકર્મશઙ્ખચક્રાય ।

ઇતરકરકમલયુગલીદર્શિત-કટિબન્ધદાનમુદ્રાય ॥ 5 ॥

સામ્રાજ્યપિશુનમકુટીસુઘટલલાટાત્ સુમઙ્ગલા પાઙ્ગાત્ ।

સ્મિતરુચિફુલ્લકપોલાદપરો ન પરોઽસ્તિ વેઙ્કટાદ્રીશાત્ ॥ 6 ॥

સર્વાભરણવિભૂષિતદિવ્યાવયવસ્ય વેઙ્કટાદ્રિપતેઃ ।

પલ્લવપુષ્પવિભૂષિતકલ્પતરોશ્ચાપિ કા ભિદા દૃષ્ટા ॥ 7 ॥

લક્ષ્મીલલિતપદામ્બુજલાક્ષારસરઞ્જિતાયતોરસ્કે ।

શ્રીવેઙ્કટાદ્રિનાથે નાથે મમ નિત્યમર્પિતો ભારઃ ॥ 8 ॥

આર્યાવૃત્તસમેતા સપ્તવિભક્તિર્વૃષાદ્રિનાથસ્ય ।

વાદીન્દ્રભીકૃદાખ્યૈરાર્યૈ રચિતા જયત્વિયં સતતમ્ ॥ 9 ॥

ઇતિ શ્રીવેઙ્કટેશવિજયાર્યાસપ્તવિભક્તિ સ્તોત્રં સમ્પૂર્ણમ્ ।

Roman (IAST) Transliteration

śrīveṅkaṭādridhāmā bhūmā bhūmāpriyaḥ kṛpāsīmā |

niravadhikanityamahimā bhavatu jayī praṇatadarśitapremā || 1 ||

jaya janatā vimalīkṛtisaphalīkṛtasakalamaṅgalākāra |

vijayī bhava vijayī bhava vijayī bhava veṅkaṭācalādhīśa || 2 ||

kamanīyamandahasitaṃ kañcana kandarpakoṭilāvaṇyam |

paśyeyamañjanādrau puṃsāṃ pūrvatanapuṇyaparipākam || 3 ||

maratakamecakarucinā madanājñāgandhimadhyahṛdayena |

vṛṣaśailamaulisuhṛdā mahasā kenāpi vāsitaṃ jñeyam || 4 ||

patyai namo vṛṣādreḥ karayugaparikarmaśaṅkhacakrāya |

itarakarakamalayugalīdarśita-kaṭibandhadānamudrāya || 5 ||

sāmrājyapiśunamakuṭīsughaṭalalāṭāt sumaṅgalā pāṅgāt |

smitaruciphullakapolādaparo na paro'sti veṅkaṭādrīśāt || 6 ||

sarvābharaṇavibhūṣitadivyāvayavasya veṅkaṭādripateḥ |

pallavapuṣpavibhūṣitakalpataroścāpi kā bhidā dṛṣṭā || 7 ||

lakṣmīlalitapadāmbujalākṣārasarañjitāyatoraske |

śrīveṅkaṭādrināthe nāthe mama nityamarpito bhāraḥ || 8 ||

āryāvṛttasametā saptavibhaktirvṛṣādrināthasya |

vādīndrabhīkṛdākhyairāryai racitā jayatviyaṃ satatam || 9 ||

iti śrīveṅkaṭeśavijayāryāsaptavibhakti stotraṃ sampūrṇam |