Shri Venkateshvara Mangalashtakam

ॐ

શ્રી વેઙ્કટેશ્વર મઙ્ગલાષ્ટકમ્

Vishnu Ashtakam Gujarati

શ્રીક્ષોણ્યૌ રમણીયુગં સુરમણીપુત્રોઽપિ વાણીપતિઃ

પૌત્રશ્ચન્દ્રશિરોમણિઃ ફણિપતિઃ શય્યા સુરાઃ સેવકાઃ ।

તાર્ક્ષ્યો યસ્ય રથો મહશ્ચ ભવનં બ્રહ્માણ્ડમાદ્યઃ પુમાન્

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 1 ॥

યત્તેજો રવિકોટિકોટિકિરણાન્ ધિક્કૃત્ય જેજીયતે

યસ્ય શ્રીવદનામ્બુજસ્ય સુષમા રાકેન્દુકોટીરપિ ।

સૌન્દર્યં ચ મનોભવાનપિ બહૂન્ કાન્તિશ્ચ કાદમ્બિનીં

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 2 ॥

નાનારત્ન કિરીટકુણ્ડલમુખૈર્ભૂષાગણૈર્ભૂષિતઃ

શ્રીમત્કૌસ્તુભરત્ન ભવ્યહૃદયઃ શ્રીવત્સસલ્લાઞ્છનઃ ।

વિદ્યુદ્વર્ણસુવર્ણવસ્ત્રરુચિરો યઃ શઙ્ખચક્રાદિભિઃ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 3 ॥

યત્ફાલે મૃગનાભિચારુતિલકો નેત્રેઽબ્જપત્રાયતે

કસ્તૂરીઘનસારકેસરમિલચ્છ્રીગન્ધસારો દ્રવૈઃ ।

ગન્ધૈર્લિપ્તતનુઃ સુગન્ધસુમનોમાલાધરો યઃ પ્રભુઃ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 4 ॥

એતદ્દિવ્યપદં મમાસ્તિ ભુવિ તત્સમ્પશ્યતેત્યાદરા-

-દ્ભક્તેભ્યઃ સ્વકરેણ દર્શયતિ યદ્દૃષ્ટ્યાઽતિસૌખ્યં ગતઃ ।

એતદ્ભક્તિમતો મહાનપિ ભવામ્ભોધિર્નદીતિ સ્પૃશન્

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 5 ॥

યઃ સ્વામી સરસસ્તટે વિહરતો શ્રીસ્વામિનામ્નઃ સદા

સૌવર્ણાલયમન્દિરો વિધિમુખૈર્બર્હિર્મુખૈઃ સેવિતઃ ।

યઃ શત્રૂન્ હનયન્ નિજાનવતિ ચ શ્રીભૂવરાહાત્મકઃ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 6 ॥

યો બ્રહ્માદિસુરાન્ મુનીંશ્ચ મનુજાન્ બ્રહ્મોત્સવાયાગતાન્

દૃષ્ટ્વા હૃષ્ટમના બભૂવ બહુશસ્તૈરર્ચિતઃ સંસ્તુતઃ ।

તેભ્યો યઃ પ્રદદાદ્વરાન્ બહુવિધાન્ લક્ષ્મીનિવાસો વિભુઃ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 7 ॥

યો દેવો ભુવિ વર્તતે કલિયુગે વૈકુણ્ઠલોકસ્થિતો

ભક્તાનાં પરિપાલનાય સતતં કારુણ્યવારાં નિધિઃ ।

શ્રીશેષાખ્યમહીન્ધ્રમસ્તકમણિર્ભક્તૈકચિન્તામણિઃ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 8 ॥

શેષાદ્રિપ્રભુમઙ્ગલાષ્ટકમિદં તુષ્ટેન યસ્યેશિતુઃ

પ્રીત્યર્થં રચિતં રમેશચરણદ્વન્દ્વૈકનિષ્ઠાવતા ।

વૈવાહ્યાદિશુભક્રિયાસુ પઠિતં યૈઃ સાધુ તેષામપિ

શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ 9 ॥

ઇતિ શ્રી વેઙ્કટેશ મઙ્ગલાષ્ટકમ્ ।

Roman (IAST) Transliteration

śrīkṣoṇyau ramaṇīyugaṃ suramaṇīputro'pi vāṇīpatiḥ

pautraścandraśiromaṇiḥ phaṇipatiḥ śayyā surāḥ sevakāḥ |

tārkṣyo yasya ratho mahaśca bhavanaṃ brahmāṇḍamādyaḥ pumān

śrīmadveṅkaṭabhūdharendraramaṇaḥ kuryāddharirmaṅgalam || 1 ||

yattejo ravikoṭikoṭikiraṇān dhikkṛtya jejīyate

yasya śrīvadanāmbujasya suṣamā rākendukoṭīrapi |

saundaryaṃ ca manobhavānapi bahūn kāntiśca kādambinīṃ

śrīmadveṅkaṭabhūdharendraramaṇaḥ kuryāddharirmaṅgalam || 2 ||

nānāratna kirīṭakuṇḍalamukhairbhūṣāgaṇairbhūṣitaḥ

śrīmatkaustubharatna bhavyahṛdayaḥ śrīvatsasallāñchanaḥ |

vidyudvarṇasuvarṇavastraruciro yaḥ śaṅkhacakrādibhiḥ

śrīmadveṅkaṭabhūdharendraramaṇaḥ kuryāddharirmaṅgalam || 3 ||

yatphāle mṛganābhicārutilako netre'bjapatrāyate

kastūrīghanasārakesaramilacchrīgandhasāro dravaiḥ |

gandhairliptatanuḥ sugandhasumanomālādharo yaḥ prabhuḥ

śrīmadveṅkaṭabhūdharendraramaṇaḥ kuryāddharirmaṅgalam || 4 ||

etaddivyapadaṃ mamāsti bhuvi tatsampaśyatetyādarā-

-dbhaktebhyaḥ svakareṇa darśayati yaddṛṣṭyā'tisaukhyaṃ gataḥ |

etadbhaktimato mahānapi bhavāmbhodhirnadīti spṛśan

śrīmadveṅkaṭabhūdharendraramaṇaḥ kuryāddharirmaṅgalam || 5 ||

yaḥ svāmī sarasastaṭe viharato śrīsvāmināmnaḥ sadā

sauvarṇālayamandiro vidhimukhairbarhirmukhaiḥ sevitaḥ |

yaḥ śatrūn hanayan nijānavati ca śrībhūvarāhātmakaḥ

śrīmadveṅkaṭabhūdharendraramaṇaḥ kuryāddharirmaṅgalam || 6 ||

yo brahmādisurān munīṃśca manujān brahmotsavāyāgatān

dṛṣṭvā hṛṣṭamanā babhūva bahuśastairarcitaḥ saṃstutaḥ |

tebhyo yaḥ pradadādvarān bahuvidhān lakṣmīnivāso vibhuḥ

śrīmadveṅkaṭabhūdharendraramaṇaḥ kuryāddharirmaṅgalam || 7 ||

yo devo bhuvi vartate kaliyuge vaikuṇṭhalokasthito

bhaktānāṃ paripālanāya satataṃ kāruṇyavārāṃ nidhiḥ |

śrīśeṣākhyamahīndhramastakamaṇirbhaktaikacintāmaṇiḥ

śrīmadveṅkaṭabhūdharendraramaṇaḥ kuryāddharirmaṅgalam || 8 ||

śeṣādriprabhumaṅgalāṣṭakamidaṃ tuṣṭena yasyeśituḥ

prītyarthaṃ racitaṃ rameśacaraṇadvandvaikaniṣṭhāvatā |

vaivāhyādiśubhakriyāsu paṭhitaṃ yaiḥ sādhu teṣāmapi

śrīmadveṅkaṭabhūdharendraramaṇaḥ kuryāddharirmaṅgalam || 9 ||

iti śrī veṅkaṭeśa maṅgalāṣṭakam |