Shri Veda Vyasa Stuti — InfoLyter.in

ॐ

શ્રી વેદ વ્યાસ સ્તુતિ

Shri Veda Vyasa Stuti

Adi Shankaracharya Gujarati

વ્યાસં વસિષ્ઠનપ્તારં શક્તેઃ પૌત્રમકલ્મષમ્ ।

પરાશરાત્મજં વન્દે શુકતાતં તપોનિધિમ્ ॥ 1

વ્યાસાય વિષ્ણુરૂપાય વ્યાસરૂપાય વિષ્ણવે ।

નમો વૈ બ્રહ્મનિધયે વાસિષ્ઠાય નમો નમઃ ॥ 2

કૃષ્ણદ્વૈપાયનં વ્યાસં સર્વલોકહિતે રતમ્ ।

વેદાબ્જભાસ્કરં વન્દે શમાદિનિલયં મુનિમ્ ॥ 3

વેદવ્યાસં સ્વાત્મરૂપં સત્યસન્ધં પરાયણમ્ ।

શાન્તં જિતેન્દ્રિયક્રોધં સશિષ્યં પ્રણમામ્યહમ્ ॥ 4

અચતુર્વદનો બ્રહ્મા દ્વિબાહુરપરો હરિઃ ।

અફાલલોચનઃ શમ્ભુઃ ભગવાન્ બાદરાયણઃ ॥ 5

શઙ્કરં શઙ્કરાચાર્યં કેશવં બાદરાયણમ્ ।

સૂત્રભાષ્યકૃતૌ વન્દે ભગવન્તૌ પુનઃ પુનઃ ॥ 6

બ્રહ્મસૂત્રકૃતે તસ્મૈ વેદવ્યાસાય વેધસે ।

જ્ઞાનશક્ત્યવતારાય નમો ભગવતો હરેઃ ॥ 7

વ્યાસઃ સમસ્તધર્માણાં વક્તા મુનિવરેડિતઃ ।

ચિરઞ્જીવી દીર્ઘમાયુર્દદાતુ જટિલો મમ ॥ 8

પ્રજ્ઞાબલેન તપસા ચતુર્વેદવિભાજકઃ ।

કૃષ્ણદ્વૈપાયનો યશ્ચ તસ્મૈ શ્રીગુરવે નમઃ ॥ 9

જટાધરસ્તપોનિષ્ઠઃ શુદ્ધયોગો જિતેન્દ્રિયઃ ।

કૃષ્ણાજિનધરઃ કૃષ્ણસ્તસ્મૈ શ્રીગુરવે નમઃ ॥ 10

ભારતસ્ય વિધાતા ચ દ્વિતીય ઇવ યો હરિઃ ।

હરિભક્તિપરો યશ્ચ તસ્મૈ શ્રીગુરવે નમઃ ॥ 11

જયતિ પરાશરસૂનુઃ સત્યવતી હૃદયનન્દનો વ્યાસઃ ।

યસ્યાસ્ય કમલગલિતં ભારતમમૃતં જગત્પિબતિ ॥ 12

વેદવિભાગવિધાત્રે વિમલાય બ્રહ્મણે નમો વિશ્વદૃશે ।

સકલધૃતિહેતુસાધનસૂત્રસૃજે સત્યવત્યભિવ્યક્તિ મતે ॥ 13

વેદાન્તવાક્યકુસુમાનિ સમાનિ ચારુ

જગ્રન્થ સૂત્રનિચયેન મનોહરેણ ।

મોક્ષાર્થિલોકહિતકામનયા મુનિર્યઃ

તં બાદરાયણમહં પ્રણમામિ ભક્ત્યા ॥ 14

ઇતિ શ્રી વેદવ્યાસ સ્તુતિઃ ।

Roman (IAST) Transliteration

vyāsaṃ vasiṣṭhanaptāraṃ śakteḥ pautramakalmaṣam |

parāśarātmajaṃ vande śukatātaṃ taponidhim || 1

vyāsāya viṣṇurūpāya vyāsarūpāya viṣṇave |

namo vai brahmanidhaye vāsiṣṭhāya namo namaḥ || 2

kṛṣṇadvaipāyanaṃ vyāsaṃ sarvalokahite ratam |

vedābjabhāskaraṃ vande śamādinilayaṃ munim || 3

vedavyāsaṃ svātmarūpaṃ satyasandhaṃ parāyaṇam |

śāntaṃ jitendriyakrodhaṃ saśiṣyaṃ praṇamāmyaham || 4

acaturvadano brahmā dvibāhuraparo hariḥ |

aphālalocanaḥ śambhuḥ bhagavān bādarāyaṇaḥ || 5

śaṅkaraṃ śaṅkarācāryaṃ keśavaṃ bādarāyaṇam |

sūtrabhāṣyakṛtau vande bhagavantau punaḥ punaḥ || 6

brahmasūtrakṛte tasmai vedavyāsāya vedhase |

jñānaśaktyavatārāya namo bhagavato hareḥ || 7

vyāsaḥ samastadharmāṇāṃ vaktā munivareḍitaḥ |

cirañjīvī dīrghamāyurdadātu jaṭilo mama || 8

prajñābalena tapasā caturvedavibhājakaḥ |

kṛṣṇadvaipāyano yaśca tasmai śrīgurave namaḥ || 9

jaṭādharastaponiṣṭhaḥ śuddhayogo jitendriyaḥ |

kṛṣṇājinadharaḥ kṛṣṇastasmai śrīgurave namaḥ || 10

bhāratasya vidhātā ca dvitīya iva yo hariḥ |

haribhaktiparo yaśca tasmai śrīgurave namaḥ || 11

jayati parāśarasūnuḥ satyavatī hṛdayanandano vyāsaḥ |

yasyāsya kamalagalitaṃ bhāratamamṛtaṃ jagatpibati || 12

vedavibhāgavidhātre vimalāya brahmaṇe namo viśvadṛśe |

sakaladhṛtihetusādhanasūtrasṛje satyavatyabhivyakti mate || 13

vedāntavākyakusumāni samāni cāru

jagrantha sūtranicayena manohareṇa |

mokṣārthilokahitakāmanayā muniryaḥ

taṃ bādarāyaṇamahaṃ praṇamāmi bhaktyā || 14

iti śrī vedavyāsa stutiḥ |