Shri Subrahmanya Trishati Stotram

ॐ

શ્રી સુબ્રહ્મણ્ય ત્રિશતિ સ્તોત્રમ્

Murugan Trishati Gujarati

શ્રીં સૌં શરવણભવઃ શરચ્ચન્દ્રાયુતપ્રભઃ ।

શશાઙ્કશેખરસુતઃ શચીમાઙ્ગલ્યરક્ષકઃ ॥ 1 ॥

શતાયુષ્યપ્રદાતા ચ શતકોટિરવિપ્રભઃ ।

શચીવલ્લભસુપ્રીતઃ શચીનાયકપૂજિતઃ ॥ 2 ॥

શચીનાથચતુર્વક્ત્રદેવદૈત્યાભિવન્દિતઃ ।

શચીશાર્તિહરશ્ચૈવ શમ્ભુઃ શમ્ભૂપદેશકઃ ॥ 3 ॥

શઙ્કરઃ શઙ્કરપ્રીતઃ શમ્યાકકુસુમપ્રિયઃ ।

શઙ્કુકર્ણમહાકર્ણપ્રમુખાદ્યભિવન્દિતઃ ॥ 4 ॥

શચીનાથસુતાપ્રાણનાયકઃ શક્તિપાણિમાન્ ।

શઙ્ખપાણિપ્રિયઃ શઙ્ખોપમષડ્ગલસુપ્રભઃ ॥ 5 ॥

શઙ્ખઘોષપ્રિયઃ શઙ્ખચક્રશૂલાદિકાયુધઃ ।

શઙ્ખધારાભિષેકાદિપ્રિયઃ શઙ્કરવલ્લભઃ ॥ 6 ॥

શબ્દબ્રહ્મમયશ્ચૈવ શબ્દમૂલાન્તરાત્મકઃ ।

શબ્દપ્રિયઃ શબ્દરૂપઃ શબ્દાનન્દઃ શચીસ્તુતઃ ॥ 7 ॥

શતકોટિપ્રવિસ્તારયોજનાયતમન્દિરઃ ।

શતકોટિરવિપ્રખ્યરત્નસિંહાસનાન્વિતઃ ॥ 8 ॥

શતકોટિમહર્ષીન્દ્રસેવિતોભયપાર્શ્વભૂઃ ।

શતકોટિસુરસ્ત્રીણાં નૃત્તસઙ્ગીતકૌતુકઃ ॥ 9 ॥

શતકોટીન્દ્રદિક્પાલહસ્તચામરસેવિતઃ ।

શતકોટ્યખિલાણ્ડાદિમહાબ્રહ્માણ્ડનાયકઃ ॥ 10 ॥

શઙ્ખપાણિવિધિભ્યાં ચ પાર્શ્વયોરુપસેવિતઃ ।

શઙ્ખપદ્મનિધીનાં ચ કોટિભિઃ પરિસેવિતઃ ॥ 11 ॥

શશાઙ્કાદિત્યકોટીભિઃ સવ્યદક્ષિણસેવિતઃ ।

શઙ્ખપાલાદ્યષ્ટનાગકોટીભિઃ પરિસેવિતઃ ॥ 12 ॥

શશાઙ્કારપતઙ્ગાદિગ્રહનક્ષત્રસેવિતઃ ।

શશિભાસ્કરભૌમાદિગ્રહદોષાર્તિભઞ્જનઃ ॥ 13 ॥

શતપત્રદ્વયકરઃ શતપત્રાર્ચનપ્રિયઃ ।

શતપત્રસમાસીનઃ શતપત્રાસનસ્તુતઃ ॥ 14 ॥

શારીરબ્રહ્મમૂલાદિષડાધારનિવાસકઃ ।

શતપત્રસમુત્પન્નબ્રહ્મગર્વવિભેદનઃ ॥ 15 ॥

શશાઙ્કાર્ધજટાજૂટઃ શરણાગતવત્સલઃ ।

રકારરૂપો રમણો રાજીવાક્ષો રહોગતઃ ॥ 16 ॥

રતીશકોટિસૌન્દર્યો રવિકોટ્યુદયપ્રભઃ ।

રાગસ્વરૂપો રાગઘ્નો રક્તાબ્જપ્રિય એવ ચ ॥ 17 ॥

રાજરાજેશ્વરીપુત્રો રાજેન્દ્રવિભવપ્રદઃ ।

રત્નપ્રભાકિરીટાગ્રો રવિચન્દ્રાગ્નિલોચનઃ ॥ 18 ॥

રત્નાઙ્ગદમહાબાહૂ રત્નતાટઙ્કભૂષણઃ ।

રત્નકેયૂરભૂષાઢ્યો રત્નહારવિરાજિતઃ ॥ 19 ॥

રત્નકિઙ્કિણિકાઞ્ચ્યાદિબદ્ધસત્કટિશોભિતઃ ।

રવસંયુક્તરત્નાભનૂપુરાઙ્ઘ્રિસરોરુહઃ ॥ 20 ॥

રત્નકઙ્કણચૂલ્યાદિસર્વાભરણભૂષિતઃ ।

રત્નસિંહાસનાસીનો રત્નશોભિતમન્દિરઃ ॥ 21 ॥

રાકેન્દુમુખષટ્કશ્ચ રમાવાણ્યાદિપૂજિતઃ ।

રાક્ષસામરગન્ધર્વકોટિકોટ્યભિવન્દિતઃ ॥ 22 ॥

રણરઙ્ગે મહાદૈત્યસઙ્ગ્રામજયકૌતુકઃ ।

રાક્ષસાનીકસંહારકોપાવિષ્ટાયુધાન્વિતઃ ॥ 23 ॥

રાક્ષસાઙ્ગસમુત્પન્નરક્તપાનપ્રિયાયુધઃ ।

રવયુક્તધનુર્હસ્તો રત્નકુક્કુટધારણઃ ॥ 24 ॥

રણરઙ્ગજયો રામાસ્તોત્રશ્રવણકૌતુકઃ ।

રમ્ભાઘૃતાચીવિશ્વાચીમેનકાદ્યભિવન્દિતઃ ॥ 25 ॥

રક્તપીતામ્બરધરો રક્તગન્ધાનુલેપનઃ ।

રક્તદ્વાદશપદ્માક્ષો રક્તમાલ્યવિભૂષિતઃ ॥ 26 ॥

રવિપ્રિયો રાવણેશસ્તોત્રસામમનોહરઃ ।

રાજ્યપ્રદો રન્ધ્રગુહ્યો રતિવલ્લભસુપ્રિયઃ ॥ 27 ॥

રણાનુબન્ધનિર્મુક્તો રાક્ષસાનીકનાશકઃ ।

રાજીવસમ્ભવદ્વેષી રાજીવાસનપૂજિતઃ ॥ 28 ॥

રમણીયમહાચિત્રમયૂરારૂઢસુન્દરઃ ।

રમાનાથસ્તુતો રામો રકારાકર્ષણક્રિયઃ ॥ 29 ॥

વકારરૂપો વરદો વજ્રશક્ત્યભયાન્વિતઃ ।

વામદેવાદિસમ્પૂજ્યો વજ્રપાણિમનોહરઃ ॥ 30 ॥

વાણીસ્તુતો વાસવેશો વલ્લીકલ્યાણસુન્દરઃ ।

વલ્લીવદનપદ્માર્કો વલ્લીનેત્રોત્પલોડુપઃ ॥ 31 ॥

વલ્લીદ્વિનયનાનન્દો વલ્લીચિત્તતટામૃતમ્ ।

વલ્લીકલ્પલતાવૃક્ષો વલ્લીપ્રિયમનોહરઃ ॥ 32 ॥

વલ્લીકુમુદહાસ્યેન્દુઃ વલ્લીભાષિતસુપ્રિયઃ ।

વલ્લીમનોહૃત્સૌન્દર્યો વલ્લીવિદ્યુલ્લતાઘનઃ ॥ 33 ॥

વલ્લીમઙ્ગલવેષાઢ્યો વલ્લીમુખવશઙ્કરઃ ।

વલ્લીકુચગિરિદ્વન્દ્વકુઙ્કુમાઙ્કિતવક્ષકઃ ॥ 34 ॥

વલ્લીશો વલ્લભો વાયુસારથિર્વરુણસ્તુતઃ ।

વક્રતુણ્ડાનુજો વત્સો વત્સલો વત્સરક્ષકઃ ॥ 35 ॥

વત્સપ્રિયો વત્સનાથો વત્સવીરગણાવૃતઃ ।

વારણાનનદૈત્યઘ્નો વાતાપિઘ્નોપદેશકઃ ॥ 36 ॥

વર્ણગાત્રમયૂરસ્થો વર્ણરૂપો વરપ્રભુઃ ।

વર્ણસ્થો વારણારૂઢો વજ્રશક્ત્યાયુધપ્રિયઃ ॥ 37 ॥

વામાઙ્ગો વામનયનો વચદ્ભૂર્વામનપ્રિયઃ ।

વરવેષધરો વામો વાચસ્પતિસમર્ચિતઃ ॥ 38 ॥

વસિષ્ઠાદિમુનિશ્રેષ્ઠવન્દિતો વન્દનપ્રિયઃ ।

વકારનૃપદેવસ્ત્રીચોરભૂતારિમોહનઃ ॥ 39 ॥

ણકારરૂપો નાદાન્તો નારદાદિમુનિસ્તુતઃ ।

ણકારપીઠમધ્યસ્થો નગભેદી નગેશ્વરઃ ॥ 40 ॥

ણકારનાદસન્તુષ્ટો નાગાશનરથસ્થિતઃ ।

ણકારજપસુપ્રીતો નાનાવેષો નગપ્રિયઃ ॥ 41 ॥

ણકારબિન્દુનિલયો નવગ્રહસુરૂપકઃ ।

ણકારપઠનાનન્દો નન્દિકેશ્વરવન્દિતઃ ॥ 42 ॥

ણકારઘણ્ટાનિનદો નારાયણમનોહરઃ ।

ણકારનાદશ્રવણો નલિનોદ્ભવશિક્ષકઃ ॥ 43 ॥

ણકારપઙ્કજાદિત્યો નવવીરાધિનાયકઃ ।

ણકારપુષ્પભ્રમરો નવરત્નવિભૂષણઃ ॥ 44 ॥

ણકારાનર્ઘશયનો નવશક્તિસમાવૃતઃ ।

ણકારવૃક્ષકુસુમો નાટ્યસઙ્ગીતસુપ્રિયઃ ॥ 45 ॥

ણકારબિન્દુનાદજ્ઞો નયજ્ઞો નયનોદ્ભવઃ ।

ણકારપર્વતેન્દ્રાગ્રસમુત્પન્નસુધારણિઃ ॥ 46 ॥

ણકારપેટકમણિર્નાગપર્વતમન્દિરઃ ।

ણકારકરુણાનન્દો નાદાત્મા નાગભૂષણઃ ॥ 47 ॥

ણકારકિઙ્કિણીભૂષો નયનાદૃશ્યદર્શનઃ ।

ણકારવૃષભાવાસો નામપારાયણપ્રિયઃ ॥ 48 ॥

ણકારકમલારૂઢો નામાનન્તસમન્વિતઃ ।

ણકારતુરગારૂઢો નવરત્નાદિદાયકઃ ॥ 49 ॥

ણકારમકુટજ્વાલામણિર્નવનિધિપ્રદઃ ।

ણકારમૂલમન્ત્રાર્થો નવસિદ્ધાદિપૂજિતઃ ॥ 50 ॥

ણકારમૂલનાદાન્તો ણકારસ્તમ્ભનક્રિયઃ ।

ભકારરૂપો ભક્તાર્થો ભવો ભર્ગો ભયાપહઃ ॥ 51 ॥

ભક્તપ્રિયો ભક્તવન્દ્યો ભગવાન્ભક્તવત્સલઃ ।

ભક્તાર્તિભઞ્જનો ભદ્રો ભક્તસૌભાગ્યદાયકઃ ॥ 52 ॥

ભક્તમઙ્ગલદાતા ચ ભક્તકલ્યાણદર્શનઃ ।

ભક્તદર્શનસન્તુષ્ટો ભક્તસઙ્ઘસુપૂજિતઃ ॥ 53 ॥

ભક્તસ્તોત્રપ્રિયાનન્દો ભક્તાભીષ્ટપ્રદાયકઃ ।

ભક્તસમ્પૂર્ણફલદો ભક્તસામ્રાજ્યભોગદઃ ॥ 54 ॥

ભક્તસાલોક્યસામીપ્યરૂપમોક્ષવરપ્રદઃ ।

ભવૌષધિર્ભવઘ્નશ્ચ ભવારણ્યદવાનલઃ ॥ 55 ॥

ભવાન્ધકારમાર્તાણ્ડો ભવવૈદ્યો ભવાયુધમ્ ।

ભવશૈલમહાવજ્રો ભવસાગરનાવિકઃ ॥ 56 ॥

ભવમૃત્યુભયધ્વંસી ભાવનાતીતવિગ્રહઃ ।

ભવભૂતપિશાચઘ્નો ભાસ્વરો ભારતીપ્રિયઃ ॥ 57 ॥ [ભય]

ભાષિતધ્વનિમૂલાન્તો ભાવાભાવવિવર્જિતઃ ।

ભાનુકોપપિતૃધ્વંસી ભારતીશોપદેશકઃ ॥ 58 ॥

ભાર્ગવીનાયકશ્રીમદ્ભાગિનેયો ભવોદ્ભવઃ ।

ભારક્રૌઞ્ચાસુરદ્વેષો ભાર્ગવીનાથવલ્લભઃ ॥ 59 ॥

ભટવીરનમસ્કૃત્યો ભટવીરસમાવૃતઃ ।

ભટતારાગણોડ્વીશો ભટવીરગણસ્તુતઃ ॥ 60 ॥

ભાગીરથેયો ભાષાર્થો ભાવનાશબરીપ્રિયઃ ।

ભકારે કલિચોરારિભૂતાદ્યુચ્ચાટનોદ્યતઃ ॥ 61 ॥

વકારસુકલાસંસ્થો વરિષ્ઠો વસુદાયકઃ ।

વકારકુમુદેન્દુશ્ચ વકારાબ્ધિસુધામયઃ ॥ 62 ॥

વકારામૃતમાધુર્યો વકારામૃતદાયકઃ ।

દક્ષે વજ્રાભીતિયુતો વામે શક્તિવરાન્વિતઃ ॥ 63 ॥

વકારોદધિપૂર્ણેન્દુઃ વકારોદધિમૌક્તિકમ્ ।

વકારમેઘસલિલો વાસવાત્મજરક્ષકઃ ॥ 64 ॥

વકારફલસારજ્ઞો વકારકલશામૃતમ્ ।

વકારપઙ્કજરસો વસુર્વંશવિવર્ધનઃ ॥ 65 ॥

વકારદિવ્યકમલભ્રમરો વાયુવન્દિતઃ ।

વકારશશિસઙ્કાશો વજ્રપાણિસુતાપ્રિયઃ ॥ 66 ॥

વકારપુષ્પસદ્ગન્ધો વકારતટપઙ્કજમ્ ।

વકારભ્રમરધ્વાનો વયસ્તેજોબલપ્રદઃ ॥ 67 ॥

વકારવનિતાનાથો વશ્યાદ્યષ્ટપ્રિયાપ્રદઃ ।

વકારફલસત્કારો વકારાજ્યહુતાશનઃ ॥ 68 ॥

વર્ચસ્વી વાઙ્મનોઽતીતો વાતાપ્યરિકૃતપ્રિયઃ ।

વકારવટમૂલસ્થો વકારજલધેસ્તટઃ ॥ 69 ॥

વકારગઙ્ગાવેગાબ્ધિઃ વજ્રમાણિક્યભૂષણઃ ।

વાતરોગહરો વાણીગીતશ્રવણકૌતુકઃ ॥ 70 ॥

વકારમકરારૂઢો વકારજલધેઃ પતિઃ ।

વકારામલમન્ત્રાર્થો વકારગૃહમઙ્ગલમ્ ॥ 71 ॥

વકારસ્વર્ગમાહેન્દ્રો વકારારણ્યવારણઃ ।

વકારપઞ્જરશુકો વલારિતનયાસ્તુતઃ ॥ 72 ॥

વકારમન્ત્રમલયસાનુમન્મન્દમારુતઃ ।

વાદ્યન્તભાન્ત ષટ્ક્રમ્ય જપાન્તે શત્રુભઞ્જનઃ ॥ 73 ॥

વજ્રહસ્તસુતાવલ્લીવામદક્ષિણસેવિતઃ ।

વકુલોત્પલકાદમ્બપુષ્પદામસ્વલઙ્કૃતઃ ॥ 74 ॥

વજ્રશક્ત્યાદિસમ્પન્નદ્વિષટ્પાણિસરોરુહઃ ।

વાસનાગન્ધલિપ્તાઙ્ગો વષટ્કારો વશીકરઃ ॥ 75 ॥

વાસનાયુક્તતામ્બૂલપૂરિતાનનસુન્દરઃ ।

વલ્લભાનાથસુપ્રીતો વરપૂર્ણામૃતોદધિઃ ॥ 76 ॥

ઇતિ શ્રી સુબ્રહ્મણ્ય ત્રિશતી સ્તોત્રમ્ ।

Roman (IAST) Transliteration

śrīṃ sauṃ śaravaṇabhavaḥ śaraccandrāyutaprabhaḥ |

śaśāṅkaśekharasutaḥ śacīmāṅgalyarakṣakaḥ || 1 ||

śatāyuṣyapradātā ca śatakoṭiraviprabhaḥ |

śacīvallabhasuprītaḥ śacīnāyakapūjitaḥ || 2 ||

śacīnāthacaturvaktradevadaityābhivanditaḥ |

śacīśārtiharaścaiva śambhuḥ śambhūpadeśakaḥ || 3 ||

śaṅkaraḥ śaṅkaraprītaḥ śamyākakusumapriyaḥ |

śaṅkukarṇamahākarṇapramukhādyabhivanditaḥ || 4 ||

śacīnāthasutāprāṇanāyakaḥ śaktipāṇimān |

śaṅkhapāṇipriyaḥ śaṅkhopamaṣaḍgalasuprabhaḥ || 5 ||

śaṅkhaghoṣapriyaḥ śaṅkhacakraśūlādikāyudhaḥ |

śaṅkhadhārābhiṣekādipriyaḥ śaṅkaravallabhaḥ || 6 ||

śabdabrahmamayaścaiva śabdamūlāntarātmakaḥ |

śabdapriyaḥ śabdarūpaḥ śabdānandaḥ śacīstutaḥ || 7 ||

śatakoṭipravistārayojanāyatamandiraḥ |

śatakoṭiraviprakhyaratnasiṃhāsanānvitaḥ || 8 ||

śatakoṭimaharṣīndrasevitobhayapārśvabhūḥ |

śatakoṭisurastrīṇāṃ nṛttasaṅgītakautukaḥ || 9 ||

śatakoṭīndradikpālahastacāmarasevitaḥ |

śatakoṭyakhilāṇḍādimahābrahmāṇḍanāyakaḥ || 10 ||

śaṅkhapāṇividhibhyāṃ ca pārśvayorupasevitaḥ |

śaṅkhapadmanidhīnāṃ ca koṭibhiḥ parisevitaḥ || 11 ||

śaśāṅkādityakoṭībhiḥ savyadakṣiṇasevitaḥ |

śaṅkhapālādyaṣṭanāgakoṭībhiḥ parisevitaḥ || 12 ||

śaśāṅkārapataṅgādigrahanakṣatrasevitaḥ |

śaśibhāskarabhaumādigrahadoṣārtibhañjanaḥ || 13 ||

śatapatradvayakaraḥ śatapatrārcanapriyaḥ |

śatapatrasamāsīnaḥ śatapatrāsanastutaḥ || 14 ||

śārīrabrahmamūlādiṣaḍādhāranivāsakaḥ |

śatapatrasamutpannabrahmagarvavibhedanaḥ || 15 ||

śaśāṅkārdhajaṭājūṭaḥ śaraṇāgatavatsalaḥ |

rakārarūpo ramaṇo rājīvākṣo rahogataḥ || 16 ||

ratīśakoṭisaundaryo ravikoṭyudayaprabhaḥ |

rāgasvarūpo rāgaghno raktābjapriya eva ca || 17 ||

rājarājeśvarīputro rājendravibhavapradaḥ |

ratnaprabhākirīṭāgro ravicandrāgnilocanaḥ || 18 ||

ratnāṅgadamahābāhū ratnatāṭaṅkabhūṣaṇaḥ |

ratnakeyūrabhūṣāḍhyo ratnahāravirājitaḥ || 19 ||

ratnakiṅkiṇikāñcyādibaddhasatkaṭiśobhitaḥ |

ravasaṃyuktaratnābhanūpurāṅghrisaroruhaḥ || 20 ||

ratnakaṅkaṇacūlyādisarvābharaṇabhūṣitaḥ |

ratnasiṃhāsanāsīno ratnaśobhitamandiraḥ || 21 ||

rākendumukhaṣaṭkaśca ramāvāṇyādipūjitaḥ |

rākṣasāmaragandharvakoṭikoṭyabhivanditaḥ || 22 ||

raṇaraṅge mahādaityasaṅgrāmajayakautukaḥ |

rākṣasānīkasaṃhārakopāviṣṭāyudhānvitaḥ || 23 ||

rākṣasāṅgasamutpannaraktapānapriyāyudhaḥ |

ravayuktadhanurhasto ratnakukkuṭadhāraṇaḥ || 24 ||

raṇaraṅgajayo rāmāstotraśravaṇakautukaḥ |

rambhāghṛtācīviśvācīmenakādyabhivanditaḥ || 25 ||

raktapītāmbaradharo raktagandhānulepanaḥ |

raktadvādaśapadmākṣo raktamālyavibhūṣitaḥ || 26 ||

ravipriyo rāvaṇeśastotrasāmamanoharaḥ |

rājyaprado randhraguhyo rativallabhasupriyaḥ || 27 ||

raṇānubandhanirmukto rākṣasānīkanāśakaḥ |

rājīvasambhavadveṣī rājīvāsanapūjitaḥ || 28 ||

ramaṇīyamahācitramayūrārūḍhasundaraḥ |

ramānāthastuto rāmo rakārākarṣaṇakriyaḥ || 29 ||

vakārarūpo varado vajraśaktyabhayānvitaḥ |

vāmadevādisampūjyo vajrapāṇimanoharaḥ || 30 ||

vāṇīstuto vāsaveśo vallīkalyāṇasundaraḥ |

vallīvadanapadmārko vallīnetrotpaloḍupaḥ || 31 ||

vallīdvinayanānando vallīcittataṭāmṛtam |

vallīkalpalatāvṛkṣo vallīpriyamanoharaḥ || 32 ||

vallīkumudahāsyenduḥ vallībhāṣitasupriyaḥ |

vallīmanohṛtsaundaryo vallīvidyullatāghanaḥ || 33 ||

vallīmaṅgalaveṣāḍhyo vallīmukhavaśaṅkaraḥ |

vallīkucagiridvandvakuṅkumāṅkitavakṣakaḥ || 34 ||

vallīśo vallabho vāyusārathirvaruṇastutaḥ |

vakratuṇḍānujo vatso vatsalo vatsarakṣakaḥ || 35 ||

vatsapriyo vatsanātho vatsavīragaṇāvṛtaḥ |

vāraṇānanadaityaghno vātāpighnopadeśakaḥ || 36 ||

varṇagātramayūrastho varṇarūpo varaprabhuḥ |

varṇastho vāraṇārūḍho vajraśaktyāyudhapriyaḥ || 37 ||

vāmāṅgo vāmanayano vacadbhūrvāmanapriyaḥ |

varaveṣadharo vāmo vācaspatisamarcitaḥ || 38 ||

vasiṣṭhādimuniśreṣṭhavandito vandanapriyaḥ |

vakāranṛpadevastrīcorabhūtārimohanaḥ || 39 ||

ṇakārarūpo nādānto nāradādimunistutaḥ |

ṇakārapīṭhamadhyastho nagabhedī nageśvaraḥ || 40 ||

ṇakāranādasantuṣṭo nāgāśanarathasthitaḥ |

ṇakārajapasuprīto nānāveṣo nagapriyaḥ || 41 ||

ṇakārabindunilayo navagrahasurūpakaḥ |

ṇakārapaṭhanānando nandikeśvaravanditaḥ || 42 ||

ṇakāraghaṇṭāninado nārāyaṇamanoharaḥ |

ṇakāranādaśravaṇo nalinodbhavaśikṣakaḥ || 43 ||

ṇakārapaṅkajādityo navavīrādhināyakaḥ |

ṇakārapuṣpabhramaro navaratnavibhūṣaṇaḥ || 44 ||

ṇakārānarghaśayano navaśaktisamāvṛtaḥ |

ṇakāravṛkṣakusumo nāṭyasaṅgītasupriyaḥ || 45 ||

ṇakārabindunādajño nayajño nayanodbhavaḥ |

ṇakāraparvatendrāgrasamutpannasudhāraṇiḥ || 46 ||

ṇakārapeṭakamaṇirnāgaparvatamandiraḥ |

ṇakārakaruṇānando nādātmā nāgabhūṣaṇaḥ || 47 ||

ṇakārakiṅkiṇībhūṣo nayanādṛśyadarśanaḥ |

ṇakāravṛṣabhāvāso nāmapārāyaṇapriyaḥ || 48 ||

ṇakārakamalārūḍho nāmānantasamanvitaḥ |

ṇakāraturagārūḍho navaratnādidāyakaḥ || 49 ||

ṇakāramakuṭajvālāmaṇirnavanidhipradaḥ |

ṇakāramūlamantrārtho navasiddhādipūjitaḥ || 50 ||

ṇakāramūlanādānto ṇakārastambhanakriyaḥ |

bhakārarūpo bhaktārtho bhavo bhargo bhayāpahaḥ || 51 ||

bhaktapriyo bhaktavandyo bhagavānbhaktavatsalaḥ |

bhaktārtibhañjano bhadro bhaktasaubhāgyadāyakaḥ || 52 ||

bhaktamaṅgaladātā ca bhaktakalyāṇadarśanaḥ |

bhaktadarśanasantuṣṭo bhaktasaṅghasupūjitaḥ || 53 ||

bhaktastotrapriyānando bhaktābhīṣṭapradāyakaḥ |

bhaktasampūrṇaphalado bhaktasāmrājyabhogadaḥ || 54 ||

bhaktasālokyasāmīpyarūpamokṣavarapradaḥ |

bhavauṣadhirbhavaghnaśca bhavāraṇyadavānalaḥ || 55 ||

bhavāndhakāramārtāṇḍo bhavavaidyo bhavāyudham |

bhavaśailamahāvajro bhavasāgaranāvikaḥ || 56 ||

bhavamṛtyubhayadhvaṃsī bhāvanātītavigrahaḥ |

bhavabhūtapiśācaghno bhāsvaro bhāratīpriyaḥ || 57 || [bhaya]

bhāṣitadhvanimūlānto bhāvābhāvavivarjitaḥ |

bhānukopapitṛdhvaṃsī bhāratīśopadeśakaḥ || 58 ||

bhārgavīnāyakaśrīmadbhāgineyo bhavodbhavaḥ |

bhārakrauñcāsuradveṣo bhārgavīnāthavallabhaḥ || 59 ||

bhaṭavīranamaskṛtyo bhaṭavīrasamāvṛtaḥ |

bhaṭatārāgaṇoḍvīśo bhaṭavīragaṇastutaḥ || 60 ||

bhāgīratheyo bhāṣārtho bhāvanāśabarīpriyaḥ |

bhakāre kalicorāribhūtādyuccāṭanodyataḥ || 61 ||

vakārasukalāsaṃstho variṣṭho vasudāyakaḥ |

vakārakumudenduśca vakārābdhisudhāmayaḥ || 62 ||

vakārāmṛtamādhuryo vakārāmṛtadāyakaḥ |

dakṣe vajrābhītiyuto vāme śaktivarānvitaḥ || 63 ||

vakārodadhipūrṇenduḥ vakārodadhimauktikam |

vakārameghasalilo vāsavātmajarakṣakaḥ || 64 ||

vakāraphalasārajño vakārakalaśāmṛtam |

vakārapaṅkajaraso vasurvaṃśavivardhanaḥ || 65 ||

vakāradivyakamalabhramaro vāyuvanditaḥ |

vakāraśaśisaṅkāśo vajrapāṇisutāpriyaḥ || 66 ||

vakārapuṣpasadgandho vakārataṭapaṅkajam |

vakārabhramaradhvāno vayastejobalapradaḥ || 67 ||

vakāravanitānātho vaśyādyaṣṭapriyāpradaḥ |

vakāraphalasatkāro vakārājyahutāśanaḥ || 68 ||

varcasvī vāṅmano'tīto vātāpyarikṛtapriyaḥ |

vakāravaṭamūlastho vakārajaladhestaṭaḥ || 69 ||

vakāragaṅgāvegābdhiḥ vajramāṇikyabhūṣaṇaḥ |

vātarogaharo vāṇīgītaśravaṇakautukaḥ || 70 ||

vakāramakarārūḍho vakārajaladheḥ patiḥ |

vakārāmalamantrārtho vakāragṛhamaṅgalam || 71 ||

vakārasvargamāhendro vakārāraṇyavāraṇaḥ |

vakārapañjaraśuko valāritanayāstutaḥ || 72 ||

vakāramantramalayasānumanmandamārutaḥ |

vādyantabhānta ṣaṭkramya japānte śatrubhañjanaḥ || 73 ||

vajrahastasutāvallīvāmadakṣiṇasevitaḥ |

vakulotpalakādambapuṣpadāmasvalaṅkṛtaḥ || 74 ||

vajraśaktyādisampannadviṣaṭpāṇisaroruhaḥ |

vāsanāgandhaliptāṅgo vaṣaṭkāro vaśīkaraḥ || 75 ||

vāsanāyuktatāmbūlapūritānanasundaraḥ |

vallabhānāthasuprīto varapūrṇāmṛtodadhiḥ || 76 ||

iti śrī subrahmaṇya triśatī stotram |