Shri Siddhalakshmi Stotram

ॐ

શ્રી સિદ્ધલક્ષ્મી સ્તોત્રમ્

Lakshmi Stotram Gujarati

અસ્ય શ્રીસિદ્ધલક્ષ્મીસ્તોત્રમન્ત્રસ્ય હિરણ્યગર્ભ ઋષિઃ અનુષ્ટુપ્ છન્દઃ, શ્રીમહાકાલીમહાલક્ષ્મીમહાસરસ્વત્યો દેવતાઃ શ્રીં બીજં હ્રીં શક્તિઃ ક્લીં કીલકં મમ સર્વક્લેશપીડાપરિહારાર્થં સર્વદુઃખદારિદ્ર્યનાશનાર્થં સર્વકાર્યસિદ્ધ્યર્થં શ્રીસિદ્ધિલક્ષ્મીસ્તોત્ર પાઠે વિનિયોગઃ ॥

ઋષ્યાદિન્યાસઃ

ૐ હિરણ્યગર્ભ ઋષયે નમઃ શિરસિ ।

અનુષ્ટુપ્છન્દસે નમો મુખે ।

શ્રીમહાકાલીમહાલક્ષ્મીમહાસરસ્વતીદેવતાભ્યો નમો હૃદિઃ ।

શ્રીં બીજાય નમો ગુહ્યે ।

હ્રીં શક્તયે નમઃ પાદયોઃ ।

ક્લીં કીલકાય નમો નાભૌ ।

વિનિયોગાય નમઃ સર્વાઙ્ગેષુ ॥

કરન્યાસઃ

ૐ શ્રીં સિદ્ધલક્ષ્મ્યૈ અઙ્ગુષ્ઠાભ્યાં નમઃ ।

ૐ હ્રીં વિષ્ણુતેજસે તર્જનીભ્યાં નમઃ ।

ૐ ક્લીં અમૃતાનન્દાયૈ મધ્યમાભ્યાં નમઃ ।

ૐ શ્રીં દૈત્યમાલિન્યૈ અનામિકાભ્યાં નમઃ ।

ૐ હ્રીં તેજઃ પ્રકાશિન્યૈ કનિષ્ઠિકાભ્યાં નમઃ ।

ૐ ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ કરતલ કરપૃષ્ઠાભ્યાં નમઃ ॥

અઙ્ગન્યાસઃ

ૐ શ્રીં સિદ્ધલક્ષ્મ્યૈ હૃદયાય નમઃ ।

ૐ હ્રીં વિષ્ણુતેજસે શિરસે સ્વાહા ।

ૐ ક્લીં અમૃતાનન્દાયૈ શિખાયૈ વષટ્ ।

ૐ શ્રીં દૈત્યમાલિન્યૈ કવચાય હુમ્ ।

ૐ હ્રીં તેજઃ પ્રકાશિન્યૈ નેત્રત્રયાય વૌષટ્ ।

ૐ ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ અસ્ત્રાય ફટ્ ॥

ૐ શ્રીં હ્રીં ક્લીં શ્રીં સિદ્ધલક્ષ્મ્યૈ નમઃ ઇતિ દિગ્બન્ધઃ ॥

અથ ધ્યાનમ્

બ્રાહ્મીં ચ વૈષ્ણવીં ભદ્રાં ષડ્ભુજાં ચ ચતુર્મુખીમ્ ।

ત્રિનેત્રાં ખડ્ગત્રિશૂલપદ્મચક્રગદાધરામ્ ॥ 1 ॥

પીતામ્બરધરાં દેવીં નાનાલઙ્કારભૂષિતામ્ ।

તેજઃપુઞ્જધરીં શ્રેષ્ઠાં ધ્યાયેદ્બાલકુમારિકામ્ ॥ 2 ॥

અથ સ્તોત્રમ્

ઓઙ્કારં લક્ષ્મીરૂપં તુ વિષ્ણું વાગ્ભવમવ્યયમ્ ।

વિષ્ણુમાનન્દમવ્યક્તં હ્રીઙ્કારં બીજરૂપિણીમ્ ॥ 3 ॥

ક્લીં અમૃતાનન્દિનીં ભદ્રાં સત્યાનન્દદાયિનીમ્ ।

શ્રીં દૈત્યશમનીં શક્તિં માલિનીં શત્રુમર્દિનીમ્ ॥ 4 ॥

તેજઃ પ્રકાશિનીં દેવીં વરદાં શુભકારિણીમ્ ।

બ્રાહ્મીં ચ વૈષ્ણવીં રૌદ્રીં કાલિકારૂપશોભિનીમ્ ॥ 5 ॥

અકારે લક્ષ્મીરૂપં તુ ઉકારે વિષ્ણુમવ્યયમ્ ।

મકારઃ પુરુષોઽવ્યક્તો દેવી પ્રણવ ઉચ્યતે ॥ 6 ॥

સૂર્યકોટિપ્રતીકાશં ચન્દ્રકોટિસમપ્રભમ્ ।

તન્મધ્યે નિકરં સૂક્ષ્મં બ્રહ્મરુપં વ્યવસ્થિતમ્ ॥ 7 ॥

ઓઙ્કારં પરમાનન્દં સદૈવ સુરસુન્દરીમ્ ।

સિદ્ધલક્ષ્મી મોક્ષલક્ષ્મી આદ્યલક્ષ્મી નમોઽસ્તુ તે ॥ 8 ॥

શ્રીઙ્કારં પરમં સિદ્ધં સર્વબુદ્ધિપ્રદાયકમ્ ।

સૌભાગ્યાઽમૃતા કમલા સત્યલક્ષ્મી નમોઽસ્તુ તે ॥ 9 ॥

હ્રીઙ્કારં પરમં શુદ્ધં પરમૈશ્વર્યદાયકમ્ ।

કમલા ધનદા લક્ષ્મી ભોગલક્ષ્મી નમોઽસ્તુ તે ॥ 10 ॥

ક્લીઙ્કારં કામરૂપિણ્યં કામનાપરિપૂર્તિદમ્ ।

ચપલા ચઞ્ચલા લક્ષ્મી કાત્યાયની નમોઽસ્તુ તે ॥ 11 ॥

શ્રીઙ્કારં સિદ્ધિરૂપિણ્યં સર્વસિદ્ધિપ્રદાયકમ્ ।

પદ્માનનાં જગન્માત્રે અષ્ટલક્ષ્મીં નમોઽસ્તુ તે ॥ 12 ॥

સર્વમઙ્ગલમાઙ્ગલ્યે શિવે સર્વાર્થસાધિકે ।

શરણ્યે ત્ર્યમ્બકે ગૌરિ નારાયણી નમોઽસ્તુ તે ॥ 13 ॥

પ્રથમં ત્ર્યમ્બકા ગૌરી દ્વિતીયં વૈષ્ણવી તથા ।

તૃતીયં કમલા પ્રોક્તા ચતુર્થં સુન્દરી તથા ॥ 14 ॥

પઞ્ચમં વિષ્ણુશક્તિશ્ચ ષષ્ઠં કાત્યાયની તથા ।

વારાહી સપ્તમં ચૈવ હ્યષ્ટમં હરિવલ્લભા ॥ 15 ॥

નવમં ખડ્ગિની પ્રોક્તા દશમં ચૈવ દેવિકા ।

એકાદશં સિદ્ધલક્ષ્મીર્દ્વાદશં હંસવાહિની ॥ 16 ॥

ઉત્તરન્યાસઃ

ૐ શ્રીં સિદ્ધલક્ષ્મ્યૈ હૃદયાય નમઃ ।

ૐ હ્રીં વિષ્ણુતેજસે શિરસે સ્વાહા ।

ૐ ક્લીં અમૃતાનન્દાયૈ શિખાયૈ વષટ્ ।

ૐ શ્રીં દૈત્યમાલિન્યૈ કવચાય હુમ્ ।

ૐ હ્રીં તેજઃ પ્રકાશિન્યૈ નેત્રત્રયાય વૌષટ્ ।

ૐ ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ અસ્ત્રાય ફટ્ ॥

ૐ શ્રીં હ્રીં ક્લીં શ્રીં સિદ્ધલક્ષ્મ્યૈ નમઃ ઇતિ દિગ્વિમોકઃ ॥

અથ ફલશૃતિઃ

એતત્ સ્તોત્રવરં દેવ્યા યે પઠન્તિ સદા નરાઃ ।

સર્વાપદ્ભ્યો વિમુચ્યન્તે નાત્ર કાર્યા વિચારણા ॥ 17 ॥

એકમાસં દ્વિમાસં ચ ત્રિમાસં ચ ચતુસ્થથા ।

પઞ્ચમાસં ચ ષણ્માસં ત્રિકાલં યઃ સદા પઠેત્ ॥ 18 ॥

બ્રાહ્મણઃ ક્લેશિતો દુઃખી દારિદ્ર્યભયપીડિતઃ ।

જન્માન્તર સહસ્રોત્થૈર્મુચ્યતે સર્વકિલ્બષૈઃ ॥ 19 ॥

દરિદ્રો લભતે લક્ષ્મીમપુત્રઃ પુત્રવાન્ ભવેત્ ।

ધન્યો યશસ્વી શત્રુઘ્નો વહ્નિચૌરભયેષુ ચ ॥ 20 ॥

શાકિની ભૂત વેતાલ સર્પ વ્યાઘ્ર નિપાતને ।

રાજદ્વારે સભાસ્થાને કારાગૃહનિબન્ધને ॥ 21 ॥

ઈશ્વરેણ કૃતં સ્તોત્રં પ્રાણિનાં હિતકારકમ્ ।

સ્તુવન્તુ બ્રાહ્મણાઃ નિત્યં દારિદ્ર્યં ન ચ બાધતે ॥ 22 ॥

સર્વપાપહરા લક્ષ્મીઃ સર્વસિદ્ધિપ્રદાયિનીમ્ ।

સાધકાઃ લભતે સર્વં પઠેત્ સ્તોત્રં નિરન્તરમ્ ॥ 23 ॥

પ્રાર્થના

યા શ્રીઃ પદ્મવને કદમ્બશિખરે રાજગૃહે કુઞ્જરે

શ્વેતે ચાશ્વયુતે વૃષે ચ યુગલે યજ્ઞે ચ યૂપસ્થિતે ।

શઙ્ખે દૈવકુલે નરેન્દ્રભવને ગઙ્ગાતટે ગોકુલે

સા શ્રીસ્તિષ્ઠતુ સર્વદા મમ ગૃહે ભૂયાત્ સદા નિશ્ચલા ॥

યા સા પદ્માસનસ્થા વિપુલકટિતટી પદ્મપત્રાયતાક્ષી

ગમ્ભીરાવર્તનાભિઃ સ્તનભરનમિતા શુદ્ધવસ્ત્રોત્તરીયા ।

લક્ષ્મીર્દિવ્યૈર્ગજેન્દ્રૈર્મણિગણખચિતૈઃ સ્નાપિતા હેમકુમ્ભૈઃ

નિત્યં સા પદ્મહસ્તા મમ વસતુ ગૃહે સર્વમાઙ્ગલ્યયુક્તા ॥

ઇતિ શ્રીબ્રહ્મપુરાણે ઈશ્વરવિષ્ણુસંવાદે શ્રી સિદ્ધલક્ષ્મી સ્તોત્રમ્ ॥

Roman (IAST) Transliteration

asya śrīsiddhalakṣmīstotramantrasya hiraṇyagarbha ṛṣiḥ anuṣṭup chandaḥ, śrīmahākālīmahālakṣmīmahāsarasvatyo devatāḥ śrīṃ bījaṃ hrīṃ śaktiḥ klīṃ kīlakaṃ mama sarvakleśapīḍāparihārārthaṃ sarvaduḥkhadāridryanāśanārthaṃ sarvakāryasiddhyarthaṃ śrīsiddhilakṣmīstotra pāṭhe viniyogaḥ ||

ṛṣyādinyāsaḥ

oṃ hiraṇyagarbha ṛṣaye namaḥ śirasi |

anuṣṭupchandase namo mukhe |

śrīmahākālīmahālakṣmīmahāsarasvatīdevatābhyo namo hṛdiḥ |

śrīṃ bījāya namo guhye |

hrīṃ śaktaye namaḥ pādayoḥ |

klīṃ kīlakāya namo nābhau |

viniyogāya namaḥ sarvāṅgeṣu ||

karanyāsaḥ

oṃ śrīṃ siddhalakṣmyai aṅguṣṭhābhyāṃ namaḥ |

oṃ hrīṃ viṣṇutejase tarjanībhyāṃ namaḥ |

oṃ klīṃ amṛtānandāyai madhyamābhyāṃ namaḥ |

oṃ śrīṃ daityamālinyai anāmikābhyāṃ namaḥ |

oṃ hrīṃ tejaḥ prakāśinyai kaniṣṭhikābhyāṃ namaḥ |

oṃ klīṃ brāhmyai vaiṣṇavyai rudrāṇyai karatala karapṛṣṭhābhyāṃ namaḥ ||

aṅganyāsaḥ

oṃ śrīṃ siddhalakṣmyai hṛdayāya namaḥ |

oṃ hrīṃ viṣṇutejase śirase svāhā |

oṃ klīṃ amṛtānandāyai śikhāyai vaṣaṭ |

oṃ śrīṃ daityamālinyai kavacāya hum |

oṃ hrīṃ tejaḥ prakāśinyai netratrayāya vauṣaṭ |

oṃ klīṃ brāhmyai vaiṣṇavyai rudrāṇyai astrāya phaṭ ||

oṃ śrīṃ hrīṃ klīṃ śrīṃ siddhalakṣmyai namaḥ iti digbandhaḥ ||

atha dhyānam

brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhīm |

trinetrāṃ khaḍgatriśūlapadmacakragadādharām || 1 ||

pītāmbaradharāṃ devīṃ nānālaṅkārabhūṣitām |

tejaḥpuñjadharīṃ śreṣṭhāṃ dhyāyedbālakumārikām || 2 ||

atha stotram

oṅkāraṃ lakṣmīrūpaṃ tu viṣṇuṃ vāgbhavamavyayam |

viṣṇumānandamavyaktaṃ hrīṅkāraṃ bījarūpiṇīm || 3 ||

klīṃ amṛtānandinīṃ bhadrāṃ satyānandadāyinīm |

śrīṃ daityaśamanīṃ śaktiṃ mālinīṃ śatrumardinīm || 4 ||

tejaḥ prakāśinīṃ devīṃ varadāṃ śubhakāriṇīm |

brāhmīṃ ca vaiṣṇavīṃ raudrīṃ kālikārūpaśobhinīm || 5 ||

akāre lakṣmīrūpaṃ tu ukāre viṣṇumavyayam |

makāraḥ puruṣo'vyakto devī praṇava ucyate || 6 ||

sūryakoṭipratīkāśaṃ candrakoṭisamaprabham |

tanmadhye nikaraṃ sūkṣmaṃ brahmarupaṃ vyavasthitam || 7 ||

oṅkāraṃ paramānandaṃ sadaiva surasundarīm |

siddhalakṣmī mokṣalakṣmī ādyalakṣmī namo'stu te || 8 ||

śrīṅkāraṃ paramaṃ siddhaṃ sarvabuddhipradāyakam |

saubhāgyā'mṛtā kamalā satyalakṣmī namo'stu te || 9 ||

hrīṅkāraṃ paramaṃ śuddhaṃ paramaiśvaryadāyakam |

kamalā dhanadā lakṣmī bhogalakṣmī namo'stu te || 10 ||

klīṅkāraṃ kāmarūpiṇyaṃ kāmanāparipūrtidam |

capalā cañcalā lakṣmī kātyāyanī namo'stu te || 11 ||

śrīṅkāraṃ siddhirūpiṇyaṃ sarvasiddhipradāyakam |

padmānanāṃ jaganmātre aṣṭalakṣmīṃ namo'stu te || 12 ||

sarvamaṅgalamāṅgalye śive sarvārthasādhike |

śaraṇye tryambake gauri nārāyaṇī namo'stu te || 13 ||

prathamaṃ tryambakā gaurī dvitīyaṃ vaiṣṇavī tathā |

tṛtīyaṃ kamalā proktā caturthaṃ sundarī tathā || 14 ||

pañcamaṃ viṣṇuśaktiśca ṣaṣṭhaṃ kātyāyanī tathā |

vārāhī saptamaṃ caiva hyaṣṭamaṃ harivallabhā || 15 ||

navamaṃ khaḍginī proktā daśamaṃ caiva devikā |

ekādaśaṃ siddhalakṣmīrdvādaśaṃ haṃsavāhinī || 16 ||

uttaranyāsaḥ

oṃ śrīṃ siddhalakṣmyai hṛdayāya namaḥ |

oṃ hrīṃ viṣṇutejase śirase svāhā |

oṃ klīṃ amṛtānandāyai śikhāyai vaṣaṭ |

oṃ śrīṃ daityamālinyai kavacāya hum |

oṃ hrīṃ tejaḥ prakāśinyai netratrayāya vauṣaṭ |

oṃ klīṃ brāhmyai vaiṣṇavyai rudrāṇyai astrāya phaṭ ||

oṃ śrīṃ hrīṃ klīṃ śrīṃ siddhalakṣmyai namaḥ iti digvimokaḥ ||

atha phalaśṛtiḥ

etat stotravaraṃ devyā ye paṭhanti sadā narāḥ |

sarvāpadbhyo vimucyante nātra kāryā vicāraṇā || 17 ||

ekamāsaṃ dvimāsaṃ ca trimāsaṃ ca catusthathā |

pañcamāsaṃ ca ṣaṇmāsaṃ trikālaṃ yaḥ sadā paṭhet || 18 ||

brāhmaṇaḥ kleśito duḥkhī dāridryabhayapīḍitaḥ |

janmāntara sahasrotthairmucyate sarvakilbaṣaiḥ || 19 ||

daridro labhate lakṣmīmaputraḥ putravān bhavet |

dhanyo yaśasvī śatrughno vahnicaurabhayeṣu ca || 20 ||

śākinī bhūta vetāla sarpa vyāghra nipātane |

rājadvāre sabhāsthāne kārāgṛhanibandhane || 21 ||

īśvareṇa kṛtaṃ stotraṃ prāṇināṃ hitakārakam |

stuvantu brāhmaṇāḥ nityaṃ dāridryaṃ na ca bādhate || 22 ||

sarvapāpaharā lakṣmīḥ sarvasiddhipradāyinīm |

sādhakāḥ labhate sarvaṃ paṭhet stotraṃ nirantaram || 23 ||

prārthanā

yā śrīḥ padmavane kadambaśikhare rājagṛhe kuñjare

śvete cāśvayute vṛṣe ca yugale yajñe ca yūpasthite |

śaṅkhe daivakule narendrabhavane gaṅgātaṭe gokule

sā śrīstiṣṭhatu sarvadā mama gṛhe bhūyāt sadā niścalā ||

yā sā padmāsanasthā vipulakaṭitaṭī padmapatrāyatākṣī

gambhīrāvartanābhiḥ stanabharanamitā śuddhavastrottarīyā |

lakṣmīrdivyairgajendrairmaṇigaṇakhacitaiḥ snāpitā hemakumbhaiḥ

nityaṃ sā padmahastā mama vasatu gṛhe sarvamāṅgalyayuktā ||

iti śrībrahmapurāṇe īśvaraviṣṇusaṃvāde śrī siddhalakṣmī stotram ||