Shri Shitala Devi Ashtakam (shitalashtakam)

ॐ

શ્રી શીતલા દેવી અષ્ટકમ્ (શીતલાષ્ટકમ્)

Devi Ashtakam Gujarati

અસ્ય શ્રીશીતલાસ્તોત્રસ્ય મહાદેવ ઋષિઃ અનુષ્ટુપ્ છન્દઃ શીતલા દેવતા લક્ષ્મીર્બીજં ભવાની શક્તિઃ સર્વવિસ્ફોટકનિવૃત્યર્થે જપે વિનિયોગઃ ॥

ઈશ્વર ઉવાચ ।

વન્દેઽહં શીતલાં દેવીં રાસભસ્થાં દિગમ્બરામ્ ।

માર્જનીકલશોપેતાં શૂર્પાલઙ્કૃતમસ્તકામ્ ॥ 1 ॥

વન્દેઽહં શીતલાં દેવીં સર્વરોગભયાપહામ્ ।

યામાસાદ્ય નિવર્તેત વિસ્ફોટકભયં મહત્ ॥ 2 ॥

શીતલે શીતલે ચેતિ યો બ્રૂયાદ્દાહપીડિતઃ ।

વિસ્ફોટકભયં ઘોરં ક્ષિપ્રં તસ્ય પ્રણશ્યતિ ॥ 3 ॥

યસ્ત્વામુદકમધ્યે તુ ધ્યાત્વા સમ્પૂજયેન્નરઃ ।

વિસ્ફોટકભયં ઘોરં ગૃહે તસ્ય ન જાયતે ॥ 4 ॥

શીતલે જ્વરદગ્ધસ્ય પૂતિગન્ધયુતસ્ય ચ ।

પ્રણષ્ટચક્ષુષઃ પુંસસ્ત્વામાહુર્જીવનૌષધમ્ ॥ 5 ॥

શીતલે તનુજાન્ રોગાન્ નૃણાં હરસિ દુસ્ત્યજાન્ ।

વિસ્ફોટકવિદીર્ણાનાં ત્વમેકાઽમૃતવર્ષિણી ॥ 6 ॥

ગલગણ્ડગ્રહા રોગા યે ચાન્યે દારુણા નૃણામ્ ।

ત્વદનુધ્યાનમાત્રેણ શીતલે યાન્તિ સઙ્ક્ષયમ્ ॥ 7 ॥

ન મન્ત્રો નૌષધં તસ્ય પાપરોગસ્ય વિદ્યતે ।

ત્વામેકાં શીતલે ધાત્રીં નાન્યાં પશ્યામિ દેવતામ્ ॥ 8 ॥

મૃણાલતન્તુસદૃશીં નાભિહૃન્મધ્યસંસ્થિતામ્ ।

યસ્ત્વાં સઞ્ચિન્તયેદ્દેવિ તસ્ય મૃત્યુર્ન જાયતે ॥ 9 ॥

અષ્ટકં શીતલાદેવ્યા યો નરઃ પ્રપઠેત્સદા ।

વિસ્ફોટકભયં ઘોરં ગૃહે તસ્ય ન જાયતે ॥ 10 ॥

શ્રોતવ્યં પઠિતવ્યં ચ શ્રદ્ધાભક્તિસમન્વિતૈઃ ।

ઉપસર્ગવિનાશાય પરં સ્વસ્ત્યયનં મહત્ ॥ 11 ॥

શીતલે ત્વં જગન્માતા શીતલે ત્વં જગત્પિતા ।

શીતલે ત્વં જગદ્ધાત્રી શીતલાયૈ નમો નમઃ ॥ 12 ॥

રાસભો ગર્દભશ્ચૈવ ખરો વૈશાખનન્દનઃ ।

શીતલાવાહનશ્ચૈવ દૂર્વાકન્દનિકૃન્તનઃ ॥ 13 ॥

એતાનિ ખરનામાનિ શીતલાગ્રે તુ યઃ પઠેત્ ।

તસ્ય ગેહે શિશૂનાં ચ શીતલારુઙ્ ન જાયતે ॥ 14 ॥

શીતલાષ્ટકમેવેદં ન દેયં યસ્યકસ્યચિત્ ।

દાતવ્યં ચ સદા તસ્મૈ શ્રદ્ધાભક્તિયુતાય વૈ ॥ 15 ॥

ઇતિ શ્રીસ્કાન્દપુરાણે શીતલાષ્ટકમ્ ॥

Roman (IAST) Transliteration

asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||

īśvara uvāca |

vande'haṃ śītalāṃ devīṃ rāsabhasthāṃ digambarām |

mārjanīkalaśopetāṃ śūrpālaṅkṛtamastakām || 1 ||

vande'haṃ śītalāṃ devīṃ sarvarogabhayāpahām |

yāmāsādya nivarteta visphoṭakabhayaṃ mahat || 2 ||

śītale śītale ceti yo brūyāddāhapīḍitaḥ |

visphoṭakabhayaṃ ghoraṃ kṣipraṃ tasya praṇaśyati || 3 ||

yastvāmudakamadhye tu dhyātvā sampūjayennaraḥ |

visphoṭakabhayaṃ ghoraṃ gṛhe tasya na jāyate || 4 ||

śītale jvaradagdhasya pūtigandhayutasya ca |

praṇaṣṭacakṣuṣaḥ puṃsastvāmāhurjīvanauṣadham || 5 ||

śītale tanujān rogān nṛṇāṃ harasi dustyajān |

visphoṭakavidīrṇānāṃ tvamekā'mṛtavarṣiṇī || 6 ||

galagaṇḍagrahā rogā ye cānye dāruṇā nṛṇām |

tvadanudhyānamātreṇa śītale yānti saṅkṣayam || 7 ||

na mantro nauṣadhaṃ tasya pāparogasya vidyate |

tvāmekāṃ śītale dhātrīṃ nānyāṃ paśyāmi devatām || 8 ||

mṛṇālatantusadṛśīṃ nābhihṛnmadhyasaṃsthitām |

yastvāṃ sañcintayeddevi tasya mṛtyurna jāyate || 9 ||

aṣṭakaṃ śītalādevyā yo naraḥ prapaṭhetsadā |

visphoṭakabhayaṃ ghoraṃ gṛhe tasya na jāyate || 10 ||

śrotavyaṃ paṭhitavyaṃ ca śraddhābhaktisamanvitaiḥ |

upasargavināśāya paraṃ svastyayanaṃ mahat || 11 ||

śītale tvaṃ jaganmātā śītale tvaṃ jagatpitā |

śītale tvaṃ jagaddhātrī śītalāyai namo namaḥ || 12 ||

rāsabho gardabhaścaiva kharo vaiśākhanandanaḥ |

śītalāvāhanaścaiva dūrvākandanikṛntanaḥ || 13 ||

etāni kharanāmāni śītalāgre tu yaḥ paṭhet |

tasya gehe śiśūnāṃ ca śītalāruṅ na jāyate || 14 ||

śītalāṣṭakamevedaṃ na deyaṃ yasyakasyacit |

dātavyaṃ ca sadā tasmai śraddhābhaktiyutāya vai || 15 ||

iti śrīskāndapurāṇe śītalāṣṭakam ||