📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
શ્રી રામ આપદુદ્ધારક સ્તોત્રમ્
Shri Rama Apaduddharaka Stotram
Rama Stotram Gujarati
આપદામપહર્તારં દાતારં સર્વસમ્પદામ્ ।
લોકાભિરામં શ્રીરામં ભૂયો ભૂયો નમામ્યહમ્ ॥
નમઃ કોદણ્ડહસ્તાય સન્ધીકૃતશરાય ચ ।
દણ્ડિતાખિલદૈત્યાય રામાયાપન્નિવારિણે ॥ 1 ॥
આપન્નજનરક્ષૈકદીક્ષાયામિતતેજસે ।
નમોઽસ્તુ વિષ્ણવે તુભ્યં રામાયાપન્નિવારિણે ॥ 2 ॥
પદામ્ભોજરજસ્સ્પર્શપવિત્રમુનિયોષિતે ।
નમોઽસ્તુ સીતાપતયે રામાયાપન્નિવારિણે ॥ 3 ॥
દાનવેન્દ્રમહામત્તગજપઞ્ચાસ્યરૂપિણે ।
નમોઽસ્તુ રઘુનાથાય રામાયાપન્નિવારિણે ॥ 4 ॥
મહિજાકુચસંલગ્નકુઙ્કુમારુણવક્ષસે ।
નમઃ કલ્યાણરૂપાય રામાયાપન્નિવારિણે ॥ 5 ॥
પદ્મસમ્ભવ ભૂતેશ મુનિસંસ્તુતકીર્તયે ।
નમો માર્તાણ્ડવંશ્યાય રામાયાપન્નિવારિણે ॥ 6 ॥
હરત્યાર્તિં ચ લોકાનાં યો વા મધુનિષૂદનઃ ।
નમોઽસ્તુ હરયે તુભ્યં રામાયાપન્નિવારિણે ॥ 7 ॥
તાપકારણસંસારગજસિંહસ્વરૂપિણે ।
નમો વેદાન્તવેદ્યાય રામાયાપન્નિવારિણે ॥ 8 ॥
રઙ્ગત્તરઙ્ગજલધિગર્વહૃચ્છરધારિણે ।
નમઃ પ્રતાપરૂપાય રામાયાપન્નિવારિણે ॥ 9 ॥
દારોપહિતચન્દ્રાવતંસધ્યાતસ્વમૂર્તયે ।
નમઃ સત્યસ્વરૂપાય રામાયાપન્નિવારિણે ॥ 10 ॥
તારાનાયકસઙ્કાશવદનાય મહૌજસે ।
નમોઽસ્તુ તાટકાહન્ત્રે રામાયાપન્નિવારિણે ॥ 11 ॥
રમ્યસાનુલસચ્ચિત્રકૂટાશ્રમવિહારિણે ।
નમઃ સૌમિત્રિસેવ્યાય રામાયાપન્નિવારિણે ॥ 12 ॥
સર્વદેવહિતાસક્ત દશાનનવિનાશિને ।
નમોઽસ્તુ દુઃખધ્વંસાય રામાયાપન્નિવારિણે ॥ 13 ॥
રત્નસાનુનિવાસૈક વન્દ્યપાદામ્બુજાય ચ ।
નમસ્ત્રૈલોક્યનાથાય રામાયાપન્નિવારિણે ॥ 14 ॥
સંસારબન્ધમોક્ષૈકહેતુધામપ્રકાશિને ।
નમઃ કલુષસંહર્ત્રે રામાયાપન્નિવારિણે ॥ 15 ॥
પવનાશુગ સઙ્ક્ષિપ્ત મારીચાદિ સુરારયે ।
નમો મખપરિત્રાત્રે રામાયાપન્નિવારિણે ॥ 16 ॥
દામ્ભિકેતરભક્તૌઘમહદાનન્દદાયિને ।
નમઃ કમલનેત્રાય રામાયાપન્નિવારિણે ॥ 17 ॥
લોકત્રયોદ્વેગકર કુમ્ભકર્ણશિરશ્છિદે ।
નમો નીરદદેહાય રામાયાપન્નિવારિણે ॥ 18 ॥
કાકાસુરૈકનયનહરલ્લીલાસ્ત્રધારિણે ।
નમો ભક્તૈકવેદ્યાય રામાયાપન્નિવારિણે ॥ 19 ॥
ભિક્ષુરૂપસમાક્રાન્ત બલિસર્વૈકસમ્પદે ।
નમો વામનરૂપાય રામાયાપન્નિવારિણે ॥ 20 ॥
રાજીવનેત્રસુસ્પન્દ રુચિરાઙ્ગસુરોચિષે ।
નમઃ કૈવલ્યનિધયે રામાયાપન્નિવારિણે ॥ 21 ॥
મન્દમારુતસંવીત મન્દારદ્રુમવાસિને ।
નમઃ પલ્લવપાદાય રામાયાપન્નિવારિણે ॥ 22 ॥
શ્રીકણ્ઠચાપદલનધુરીણબલબાહવે ।
નમઃ સીતાનુષક્તાય રામાયાપન્નિવારિણે ॥ 23 ॥
રાજરાજસુહૃદ્યોષાર્ચિત મઙ્ગલમૂર્તયે ।
નમ ઇક્ષ્વાકુવંશ્યાય રામાયાપન્નિવારિણે ॥ 24 ॥
મઞ્જુલાદર્શવિપ્રેક્ષણોત્સુકૈકવિલાસિને ।
નમઃ પાલિતભક્તાય રામાયાપન્નિવારિણે ॥ 25 ॥
ભૂરિભૂધર કોદણ્ડમૂર્તિ ધ્યેયસ્વરૂપિણે ।
નમોઽસ્તુ તેજોનિધયે રામાયાપન્નિવારિણે ॥ 26 ॥
યોગીન્દ્રહૃત્સરોજાતમધુપાય મહાત્મને ।
નમો રાજાધિરાજાય રામાયાપન્નિવારિણે ॥ 27 ॥
ભૂવરાહસ્વરૂપાય નમો ભૂરિપ્રદાયિને ।
નમો હિરણ્યગર્ભાય રામાયાપન્નિવારિણે ॥ 28 ॥
યોષાઞ્જલિવિનિર્મુક્ત લાજાઞ્ચિતવપુષ્મતે ।
નમઃ સૌન્દર્યનિધયે રામાયાપન્નિવારિણે ॥ 29 ॥
નખકોટિવિનિર્ભિન્નદૈત્યાધિપતિવક્ષસે ।
નમો નૃસિંહરૂપાય રામાયાપન્નિવારિણે ॥ 30 ॥
માયામાનુષદેહાય વેદોદ્ધરણહેતવે ।
નમોઽસ્તુ મત્સ્યરૂપાય રામાયાપન્નિવારિણે ॥ 31 ॥
મિતિશૂન્ય મહાદિવ્યમહિમ્ને માનિતાત્મને ।
નમો બ્રહ્મસ્વરૂપાય રામાયાપન્નિવારિણે ॥ 32 ॥
અહઙ્કારેતરજન સ્વાન્તસૌધવિહારિણે ।
નમોઽસ્તુ ચિત્સ્વરૂપાય રામાયાપન્નિવારિણે ॥ 33 ॥
સીતાલક્ષ્મણસંશોભિપાર્શ્વાય પરમાત્મને ।
નમઃ પટ્ટાભિષિક્તાય રામાયાપન્નિવારિણે ॥ 34 ॥
અગ્રતઃ પૃષ્ઠતશ્ચૈવ પાર્શ્વતશ્ચ મહાબલૌ ।
આકર્ણપૂર્ણધન્વાનૌ રક્ષેતાં રામલક્ષ્મણૌ ॥ 35 ॥
સન્નદ્ધઃ કવચી ખડ્ગી ચાપબાણધરો યુવા ।
તિષ્ઠન્મમાગ્રતો નિત્યં રામઃ પાતુ સલક્ષ્મણઃ ॥ 36 ॥
આપદામપહર્તારં દાતારં સર્વસમ્પદામ્ ।
લોકાભિરામં શ્રીરામં ભૂયો ભૂયો નમામ્યહમ્ ॥
ફલશ્રુતિ
ઇમં સ્તવં ભગવતઃ પઠેદ્યઃ પ્રીતમાનસઃ ।
પ્રભાતે વા પ્રદોષે વા રામસ્ય પરમાત્મનઃ ॥ 1 ॥
સ તુ તીર્ત્વા ભવામ્બોધિમાપદસ્સકલાનપિ ।
રામસાયુજ્યમાપ્નોતિ દેવદેવપ્રસાદતઃ ॥ 2 ॥
કારાગૃહાદિબાધાસુ સમ્પ્રાપ્તે બહુસઙ્કટે ।
આપન્નિવારકસ્તોત્રં પઠેદ્યસ્તુ યથાવિધિઃ ॥ 3 ॥
સંયોજ્યાનુષ્ટુભં મન્ત્રમનુશ્લોકં સ્મરન્વિભુમ્ ।
સપ્તાહાત્સર્વબાધાભ્યો મુચ્યતે નાત્ર સંશયઃ ॥ 4 ॥
દ્વાત્રિંશદ્વારજપતઃ પ્રત્યહં તુ દૃઢવ્રતઃ ।
વૈશાખે ભાનુમાલોક્ય પ્રત્યહં શતસઙ્ખ્યયા ॥ 5 ॥
ધનવાન્ ધનદપ્રખ્યસ્સ ભવેન્નાત્ર સંશયઃ ।
બહુનાત્ર કિમુક્તેન યં યં કામયતે નરઃ ॥ 6 ॥
તં તં કામમવાપ્નોતિ સ્તોત્રેણાનેન માનવઃ ।
યન્ત્રપૂજાવિધાનેન જપહોમાદિતર્પણૈઃ ॥ 7 ॥
યસ્તુ કુર્વીત સહસા સર્વાન્કામાનવાપ્નુયાત્ ।
ઇહ લોકે સુખી ભૂત્વા પરે મુક્તો ભવિષ્યતિ ॥ 8 ॥
Roman (IAST) Transliteration
āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||
namaḥ kodaṇḍahastāya sandhīkṛtaśarāya ca |
daṇḍitākhiladaityāya rāmāyāpannivāriṇe || 1 ||
āpannajanarakṣaikadīkṣāyāmitatejase |
namo'stu viṣṇave tubhyaṃ rāmāyāpannivāriṇe || 2 ||
padāmbhojarajassparśapavitramuniyoṣite |
namo'stu sītāpataye rāmāyāpannivāriṇe || 3 ||
dānavendramahāmattagajapañcāsyarūpiṇe |
namo'stu raghunāthāya rāmāyāpannivāriṇe || 4 ||
mahijākucasaṃlagnakuṅkumāruṇavakṣase |
namaḥ kalyāṇarūpāya rāmāyāpannivāriṇe || 5 ||
padmasambhava bhūteśa munisaṃstutakīrtaye |
namo mārtāṇḍavaṃśyāya rāmāyāpannivāriṇe || 6 ||
haratyārtiṃ ca lokānāṃ yo vā madhuniṣūdanaḥ |
namo'stu haraye tubhyaṃ rāmāyāpannivāriṇe || 7 ||
tāpakāraṇasaṃsāragajasiṃhasvarūpiṇe |
namo vedāntavedyāya rāmāyāpannivāriṇe || 8 ||
raṅgattaraṅgajaladhigarvahṛccharadhāriṇe |
namaḥ pratāparūpāya rāmāyāpannivāriṇe || 9 ||
dāropahitacandrāvataṃsadhyātasvamūrtaye |
namaḥ satyasvarūpāya rāmāyāpannivāriṇe || 10 ||
tārānāyakasaṅkāśavadanāya mahaujase |
namo'stu tāṭakāhantre rāmāyāpannivāriṇe || 11 ||
ramyasānulasaccitrakūṭāśramavihāriṇe |
namaḥ saumitrisevyāya rāmāyāpannivāriṇe || 12 ||
sarvadevahitāsakta daśānanavināśine |
namo'stu duḥkhadhvaṃsāya rāmāyāpannivāriṇe || 13 ||
ratnasānunivāsaika vandyapādāmbujāya ca |
namastrailokyanāthāya rāmāyāpannivāriṇe || 14 ||
saṃsārabandhamokṣaikahetudhāmaprakāśine |
namaḥ kaluṣasaṃhartre rāmāyāpannivāriṇe || 15 ||
pavanāśuga saṅkṣipta mārīcādi surāraye |
namo makhaparitrātre rāmāyāpannivāriṇe || 16 ||
dāmbhiketarabhaktaughamahadānandadāyine |
namaḥ kamalanetrāya rāmāyāpannivāriṇe || 17 ||
lokatrayodvegakara kumbhakarṇaśiraśchide |
namo nīradadehāya rāmāyāpannivāriṇe || 18 ||
kākāsuraikanayanaharallīlāstradhāriṇe |
namo bhaktaikavedyāya rāmāyāpannivāriṇe || 19 ||
bhikṣurūpasamākrānta balisarvaikasampade |
namo vāmanarūpāya rāmāyāpannivāriṇe || 20 ||
rājīvanetrasuspanda rucirāṅgasurociṣe |
namaḥ kaivalyanidhaye rāmāyāpannivāriṇe || 21 ||
mandamārutasaṃvīta mandāradrumavāsine |
namaḥ pallavapādāya rāmāyāpannivāriṇe || 22 ||
śrīkaṇṭhacāpadalanadhurīṇabalabāhave |
namaḥ sītānuṣaktāya rāmāyāpannivāriṇe || 23 ||
rājarājasuhṛdyoṣārcita maṅgalamūrtaye |
nama ikṣvākuvaṃśyāya rāmāyāpannivāriṇe || 24 ||
mañjulādarśaviprekṣaṇotsukaikavilāsine |
namaḥ pālitabhaktāya rāmāyāpannivāriṇe || 25 ||
bhūribhūdhara kodaṇḍamūrti dhyeyasvarūpiṇe |
namo'stu tejonidhaye rāmāyāpannivāriṇe || 26 ||
yogīndrahṛtsarojātamadhupāya mahātmane |
namo rājādhirājāya rāmāyāpannivāriṇe || 27 ||
bhūvarāhasvarūpāya namo bhūripradāyine |
namo hiraṇyagarbhāya rāmāyāpannivāriṇe || 28 ||
yoṣāñjalivinirmukta lājāñcitavapuṣmate |
namaḥ saundaryanidhaye rāmāyāpannivāriṇe || 29 ||
nakhakoṭivinirbhinnadaityādhipativakṣase |
namo nṛsiṃharūpāya rāmāyāpannivāriṇe || 30 ||
māyāmānuṣadehāya vedoddharaṇahetave |
namo'stu matsyarūpāya rāmāyāpannivāriṇe || 31 ||
mitiśūnya mahādivyamahimne mānitātmane |
namo brahmasvarūpāya rāmāyāpannivāriṇe || 32 ||
ahaṅkāretarajana svāntasaudhavihāriṇe |
namo'stu citsvarūpāya rāmāyāpannivāriṇe || 33 ||
sītālakṣmaṇasaṃśobhipārśvāya paramātmane |
namaḥ paṭṭābhiṣiktāya rāmāyāpannivāriṇe || 34 ||
agrataḥ pṛṣṭhataścaiva pārśvataśca mahābalau |
ākarṇapūrṇadhanvānau rakṣetāṃ rāmalakṣmaṇau || 35 ||
sannaddhaḥ kavacī khaḍgī cāpabāṇadharo yuvā |
tiṣṭhanmamāgrato nityaṃ rāmaḥ pātu salakṣmaṇaḥ || 36 ||
āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||
phalaśruti
imaṃ stavaṃ bhagavataḥ paṭhedyaḥ prītamānasaḥ |
prabhāte vā pradoṣe vā rāmasya paramātmanaḥ || 1 ||
sa tu tīrtvā bhavāmbodhimāpadassakalānapi |
rāmasāyujyamāpnoti devadevaprasādataḥ || 2 ||
kārāgṛhādibādhāsu samprāpte bahusaṅkaṭe |
āpannivārakastotraṃ paṭhedyastu yathāvidhiḥ || 3 ||
saṃyojyānuṣṭubhaṃ mantramanuślokaṃ smaranvibhum |
saptāhātsarvabādhābhyo mucyate nātra saṃśayaḥ || 4 ||
dvātriṃśadvārajapataḥ pratyahaṃ tu dṛḍhavrataḥ |
vaiśākhe bhānumālokya pratyahaṃ śatasaṅkhyayā || 5 ||
dhanavān dhanadaprakhyassa bhavennātra saṃśayaḥ |
bahunātra kimuktena yaṃ yaṃ kāmayate naraḥ || 6 ||
taṃ taṃ kāmamavāpnoti stotreṇānena mānavaḥ |
yantrapūjāvidhānena japahomāditarpaṇaiḥ || 7 ||
yastu kurvīta sahasā sarvānkāmānavāpnuyāt |
iha loke sukhī bhūtvā pare mukto bhaviṣyati || 8 ||
InfoLyter.in — Sacred Vedic Knowledge Portal · Free forever