Shri Nrisimha Mantrarajapada Stotram

ॐ

શ્રી નૃસિંહ મન્ત્રરાજપાદ સ્તોત્રમ્

Narasimha Stotram Gujarati

પાર્વત્યુવાચ ।

મન્ત્રાણાં પરમં મન્ત્રં ગુહ્યાનાં ગુહ્યમેવ ચ ।

બ્રૂહિ મે નારસિંહસ્ય તત્ત્વં મન્ત્રસ્ય દુર્લભમ્ ॥

શઙ્કર ઉવાચ ।

વૃત્તોત્ફુલ્લવિશાલાક્ષં વિપક્ષક્ષયદીક્ષિતમ્ ।

નિનાદત્રસ્તવિશ્વાણ્ડં વિષ્ણુમુગ્રં નમામ્યહમ્ ॥ 1 ॥

સર્વૈરવધ્યતાં પ્રાપ્તં સબલૌઘં દિતેઃ સુતમ્ ।

નખાગ્રૈઃ શકલીચક્રે યસ્તં વીરં નમામ્યહમ્ ॥ 2 ॥

પદાવષ્ટબ્ધપાતાલં મૂર્ધાઽઽવિષ્ટત્રિવિષ્ટપમ્ ।

ભુજપ્રવિષ્ટાષ્ટદિશં મહાવિષ્ણું નમામ્યહમ્ ॥ 3 ॥

જ્યોતીંષ્યર્કેન્દુનક્ષત્રજ્વલનાદીન્યનુક્રમાત્ ।

જ્વલન્તિ તેજસા યસ્ય તં જ્વલન્તં નમામ્યહમ્ ॥ 4 ॥

સર્વેન્દ્રિયૈરપિ વિના સર્વં સર્વત્ર સર્વદા ।

યો જાનાતિ નમામ્યાદ્યં તમહં સર્વતોમુખમ્ ॥ 5 ॥

નરવત્ સિંહવચ્ચૈવ યસ્ય રૂપં મહાત્મનઃ ।

મહાસટં મહાદંષ્ટ્રં તં નૃસિંહં નમામ્યહમ્ ॥ 6 ॥

યન્નામસ્મરણાદ્ભીતાઃ ભૂતવેતાલરાક્ષસાઃ ।

રોગાદ્યાશ્ચ પ્રણશ્યન્તિ ભીષણં તં નમામ્યહમ્ ॥ 7 ॥

સર્વેઽપિ યં સમાશ્રિત્ય સકલં ભદ્રમશ્નુતે ।

શ્રિયા ચ ભદ્રયા જુષ્ટો યસ્તં ભદ્રં નમામ્યહમ્ ॥ 8 ॥

સાક્ષાત્ સ્વકાલે સમ્પ્રાપ્તં મૃત્યું શત્રુગણાન્વિતમ્ ।

ભક્તાનાં નાશયેદ્યસ્તુ મૃત્યુમૃત્યું નમામ્યહમ્ ॥ 9 ॥

નમસ્કારાત્મકં યસ્મૈ વિધાયાત્મનિવેદનમ્ ।

ત્યક્તદુઃખોઽખિલાન્ કામાનશ્નન્તં તં નમામ્યહમ્ ॥ 10 ॥

દાસભૂતાઃ સ્વતઃ સર્વે હ્યાત્માનઃ પરમાત્મનઃ ।

અતોઽહમપિ તે દાસઃ ઇતિ મત્વા નમામ્યહમ્ ॥ 11 ॥

શઙ્કરેણાદરાત્ પ્રોક્તં પદાનાં તત્ત્વમુત્તમમ્ ।

ત્રિસન્ધ્યં યઃ પઠેત્તસ્ય શ્રીવિદ્યાઽઽયુશ્ચ વર્ધતે ॥ 12 ॥

ઇતિ શ્રીશઙ્કરકૃત શ્રી નૃસિંહ મન્ત્રરાજપદ સ્તોત્રમ્ ।

Roman (IAST) Transliteration

pārvatyuvāca |

mantrāṇāṃ paramaṃ mantraṃ guhyānāṃ guhyameva ca |

brūhi me nārasiṃhasya tattvaṃ mantrasya durlabham ||

śaṅkara uvāca |

vṛttotphullaviśālākṣaṃ vipakṣakṣayadīkṣitam |

ninādatrastaviśvāṇḍaṃ viṣṇumugraṃ namāmyaham || 1 ||

sarvairavadhyatāṃ prāptaṃ sabalaughaṃ diteḥ sutam |

nakhāgraiḥ śakalīcakre yastaṃ vīraṃ namāmyaham || 2 ||

padāvaṣṭabdhapātālaṃ mūrdhā''viṣṭatriviṣṭapam |

bhujapraviṣṭāṣṭadiśaṃ mahāviṣṇuṃ namāmyaham || 3 ||

jyotīṃṣyarkendunakṣatrajvalanādīnyanukramāt |

jvalanti tejasā yasya taṃ jvalantaṃ namāmyaham || 4 ||

sarvendriyairapi vinā sarvaṃ sarvatra sarvadā |

yo jānāti namāmyādyaṃ tamahaṃ sarvatomukham || 5 ||

naravat siṃhavaccaiva yasya rūpaṃ mahātmanaḥ |

mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||

yannāmasmaraṇādbhītāḥ bhūtavetālarākṣasāḥ |

rogādyāśca praṇaśyanti bhīṣaṇaṃ taṃ namāmyaham || 7 ||

sarve'pi yaṃ samāśritya sakalaṃ bhadramaśnute |

śriyā ca bhadrayā juṣṭo yastaṃ bhadraṃ namāmyaham || 8 ||

sākṣāt svakāle samprāptaṃ mṛtyuṃ śatrugaṇānvitam |

bhaktānāṃ nāśayedyastu mṛtyumṛtyuṃ namāmyaham || 9 ||

namaskārātmakaṃ yasmai vidhāyātmanivedanam |

tyaktaduḥkho'khilān kāmānaśnantaṃ taṃ namāmyaham || 10 ||

dāsabhūtāḥ svataḥ sarve hyātmānaḥ paramātmanaḥ |

ato'hamapi te dāsaḥ iti matvā namāmyaham || 11 ||

śaṅkareṇādarāt proktaṃ padānāṃ tattvamuttamam |

trisandhyaṃ yaḥ paṭhettasya śrīvidyā''yuśca vardhate || 12 ||

iti śrīśaṅkarakṛta śrī nṛsiṃha mantrarājapada stotram |