Shri Minakshi Stotram — InfoLyter.in

ॐ

શ્રી મીનાક્ષી સ્તોત્રમ્

Shri Minakshi Stotram

Meenakshi Stotram Gujarati

શ્રીવિદ્યે શિવવામભાગનિલયે શ્રીરાજરાજાર્ચિતે

શ્રીનાથાદિગુરુસ્વરૂપવિભવે ચિન્તામણીપીઠિકે ।

શ્રીવાણીગિરિજાનુતાઙ્ઘ્રિકમલે શ્રીશામ્ભવિ શ્રીશિવે

મધ્યાહ્ને મલયધ્વજાધિપસુતે માં પાહિ મીનામ્બિકે ॥ 1 ॥

ચક્રસ્થેઽચપલે ચરાચરજગન્નાથે જગત્પૂજિતે

આર્તાલીવરદે નતાભયકરે વક્ષોજભારાન્વિતે ।

વિદ્યે વેદકલાપમૌલિવિદિતે વિદ્યુલ્લતાવિગ્રહે

માતઃ પૂર્ણસુધારસાર્દ્રહૃદયે માં પાહિ મીનામ્બિકે ॥ 2 ॥

કોટીરાઙ્ગદરત્નકુણ્ડલધરે કોદણ્ડબાણાઞ્ચિતે

કોકાકારકુચદ્વયોપરિલસત્પ્રાલમ્બહારાઞ્ચિતે ।

શિઞ્જન્નૂપુરપાદસારસમણીશ્રીપાદુકાલઙ્કૃતે

મદ્દારિદ્ર્યભુજઙ્ગગારુડખગે માં પાહિ મીનામ્બિકે ॥ 3 ॥

બ્રહ્મેશાચ્યુતગીયમાનચરિતે પ્રેતાસનાન્તસ્થિતે

પાશોદઙ્કુશચાપબાણકલિતે બાલેન્દુચૂડાઞ્ચિતે ।

બાલે બાલકુરઙ્ગલોલનયને બાલાર્કકોટ્યુજ્જ્વલે

મુદ્રારાધિતદૈવતે મુનિસુતે માં પાહિ મીનામ્બિકે ॥ 4 ॥

ગન્ધર્વામરયક્ષપન્નગનુતે ગઙ્ગાધરાલિઙ્ગિતે

ગાયત્રીગરુડાસને કમલજે સુશ્યામલે સુસ્થિતે ।

ખાતીતે ખલદારુપાવકશિખે ખદ્યોતકોટ્યુજ્જ્વલે

મન્ત્રારાધિતદૈવતે મુનિસુતે માં પાહી મીનામ્બિકે ॥ 5 ॥

નાદે નારદતુમ્બુરાદ્યવિનુતે નાદાન્તનાદાત્મિકે

નિત્યે નીલલતાત્મિકે નિરુપમે નીવારશૂકોપમે ।

કાન્તે કામકલે કદમ્બનિલયે કામેશ્વરાઙ્કસ્થિતે

મદ્વિદ્યે મદભીષ્ટકલ્પલતિકે માં પાહિ મીનામ્બિકે ॥ 6 ॥

વીણાનાદનિમીલિતાર્ધનયને વિસ્રસ્તચૂલીભરે

તામ્બૂલારુણપલ્લવાધરયુતે તાટઙ્કહારાન્વિતે ।

શ્યામે ચન્દ્રકલાવતંસકલિતે કસ્તૂરિકાફાલિકે

પૂર્ણે પૂર્ણકલાભિરામવદને માં પાહિ મીનામ્બિકે ॥ 7 ॥

શબ્દબ્રહ્મમયી ચરાચરમયી જ્યોતિર્મયી વાઙ્મયી

નિત્યાનન્દમયી નિરઞ્જનમયી તત્ત્વમ્મયી ચિન્મયી ।

તત્ત્વાતીતમયી પરાત્પરમયી માયામયી શ્રીમયી

સર્વૈશ્વર્યમયી સદાશિવમયી માં પાહિ મીનામ્બિકે ॥ 8 ॥

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ મીનાક્ષી સ્તોત્રમ્ ।

Roman (IAST) Transliteration

śrīvidye śivavāmabhāganilaye śrīrājarājārcite

śrīnāthādigurusvarūpavibhave cintāmaṇīpīṭhike |

śrīvāṇīgirijānutāṅghrikamale śrīśāmbhavi śrīśive

madhyāhne malayadhvajādhipasute māṃ pāhi mīnāmbike || 1 ||

cakrasthe'capale carācarajagannāthe jagatpūjite

ārtālīvarade natābhayakare vakṣojabhārānvite |

vidye vedakalāpamaulividite vidyullatāvigrahe

mātaḥ pūrṇasudhārasārdrahṛdaye māṃ pāhi mīnāmbike || 2 ||

koṭīrāṅgadaratnakuṇḍaladhare kodaṇḍabāṇāñcite

kokākārakucadvayoparilasatprālambahārāñcite |

śiñjannūpurapādasārasamaṇīśrīpādukālaṅkṛte

maddāridryabhujaṅgagāruḍakhage māṃ pāhi mīnāmbike || 3 ||

brahmeśācyutagīyamānacarite pretāsanāntasthite

pāśodaṅkuśacāpabāṇakalite bālenducūḍāñcite |

bāle bālakuraṅgalolanayane bālārkakoṭyujjvale

mudrārādhitadaivate munisute māṃ pāhi mīnāmbike || 4 ||

gandharvāmarayakṣapannaganute gaṅgādharāliṅgite

gāyatrīgaruḍāsane kamalaje suśyāmale susthite |

khātīte khaladārupāvakaśikhe khadyotakoṭyujjvale

mantrārādhitadaivate munisute māṃ pāhī mīnāmbike || 5 ||

nāde nāradatumburādyavinute nādāntanādātmike

nitye nīlalatātmike nirupame nīvāraśūkopame |

kānte kāmakale kadambanilaye kāmeśvarāṅkasthite

madvidye madabhīṣṭakalpalatike māṃ pāhi mīnāmbike || 6 ||

vīṇānādanimīlitārdhanayane visrastacūlībhare

tāmbūlāruṇapallavādharayute tāṭaṅkahārānvite |

śyāme candrakalāvataṃsakalite kastūrikāphālike

pūrṇe pūrṇakalābhirāmavadane māṃ pāhi mīnāmbike || 7 ||

śabdabrahmamayī carācaramayī jyotirmayī vāṅmayī

nityānandamayī nirañjanamayī tattvammayī cinmayī |

tattvātītamayī parātparamayī māyāmayī śrīmayī

sarvaiśvaryamayī sadāśivamayī māṃ pāhi mīnāmbike || 8 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mīnākṣī stotram |