Shri Matangi Ashtottara Shata Nama Stotram

ॐ

શ્રી માતઙ્ગી અષ્ટોત્તર શત નામા સ્તોત્રં

Tara Ashtottara Sata Namavali Gujarati

શ્રીભૈરવ્યુવાચ

ભગવન્ શ્રોતુમિચ્છામિ માતઙ્ગ્યાઃ શતનામકમ્ ।

યદ્ગુહ્યં સર્વતન્ત્રેષુ કેનાપિ ન પ્રકાશિતમ્ ॥ 1 ॥

શ્રીભૈરવ ઉવાચ

શૃણુ દેવિ પ્રવક્ષ્યામિ રહસ્યાતિરહસ્યકમ્ ।

નાખ્યેયં યત્ર કુત્રાપિ પઠનીયં પરાત્પરમ્ ॥ 2 ॥

યસ્યૈકવારપઠનાત્સર્વે વિઘ્ના ઉપદ્રવાઃ ।

નશ્યન્તિ તત્ક્ષણાદ્દેવિ વહ્નિના તૂલરાશિવત્ ॥ 3 ॥

પ્રસન્ના જાયતે દેવી માતઙ્ગી ચાસ્ય પાઠતઃ ।

સહસ્રનામપઠને યત્ફલં પરિકીર્તિતમ્ ।

તત્કોટિગુણિતં દેવીનામાષ્ટશતકં શુભમ્ ॥ 4 ॥

અસ્ય શ્રીમાતઙ્ગ્યષ્ટોત્તરશતનામસ્તોત્રસ્ય ભગવાન્મતઙ્ગ ઋષિઃ અનુષ્ટુપ્છન્દઃ શ્રીમાતઙ્ગી દેવતા શ્રીમાતઙ્ગી પ્રીતયે જપે વિનિયોગઃ ।

મહામત્તમાતઙ્ગિની સિદ્ધિરૂપા

તથા યોગિની ભદ્રકાલી રમા ચ ।

ભવાની ભવપ્રીતિદા ભૂતિયુક્તા

ભવારાધિતા ભૂતિસમ્પત્કરી ચ ॥ 1 ॥

ધનાધીશમાતા ધનાગારદૃષ્ટિ-

-ર્ધનેશાર્ચિતા ધીરવાપી વરાઙ્ગી ।

પ્રકૃષ્ટા પ્રભારૂપિણી કામરૂપા

પ્રહૃષ્ટા મહાકીર્તિદા કર્ણનાલી ॥ 2 ॥

કરાલી ભગા ઘોરરૂપા ભગાઙ્ગી

ભગાહ્વા ભગપ્રીતિદા ભીમરૂપા ।

ભવાની મહાકૌશિકી કોશપૂર્ણા

કિશોરી કિશોરપ્રિયા નન્દીહા ॥ 3 ॥

મહાકારણાઽકારણા કર્મશીલા

કપાલી પ્રસિદ્ધા મહાસિદ્ધખણ્ડા ।

મકારપ્રિયા માનરૂપા મહેશી

મલોલ્લાસિની લાસ્યલીલાલયાઙ્ગી ॥ 4 ॥

ક્ષમા ક્ષેમશીલા ક્ષપાકારિણી ચા-

-ઽક્ષયપ્રીતિદા ભૂતિયુક્તા ભવાની ।

ભવારાધિતા ભૂતિસત્યાત્મિકા ચ

પ્રભોદ્ભાસિતા ભાનુભાસ્વત્કરા ચ ॥ 5 ॥

ધરાધીશમાતા ધરાગારદૃષ્ટિ-

-ર્ધરેશાર્ચિતા ધીવરા ધીવરાઙ્ગી ।

પ્રકૃષ્ટા પ્રભારૂપિણી પ્રાણરૂપા

પ્રકૃષ્ટસ્વરૂપા સ્વરૂપપ્રિયા ચ ॥ 6 ॥

ચલત્કુણ્ડલા કામિની કાન્તયુક્તા

કપાલાઽચલા કાલકોદ્ધારિણી ચ ।

કદમ્બપ્રિયા કોટરી કોટદેહા

ક્રમા કીર્તિદા કર્ણરૂપા ચ કાક્ષ્મીઃ ॥ 7 ॥

ક્ષમાઙ્ગી ક્ષયપ્રેમરૂપા ક્ષયા ચ

ક્ષયાક્ષા ક્ષયાહ્વા ક્ષયપ્રાન્તરા ચ ।

ક્ષવત્કામિની ક્ષારિણી ક્ષીરપૂર્ણા

શિવાઙ્ગી ચ શાકમ્ભરી શાકદેહા ॥ 8 ॥

મહાશાકયજ્ઞા ફલપ્રાશકા ચ

શકાહ્વાઽશકાહ્વા શકાખ્યા શકા ચ ।

શકાક્ષાન્તરોષા સુરોષા સુરેખા

મહાશેષયજ્ઞોપવીતપ્રિયા ચ ॥ 9 ॥

જયન્તી જયા જાગ્રતી યોગ્યરૂપા

જયાઙ્ગા જપધ્યાનસન્તુષ્ટસઞ્જ્ઞા ।

જયપ્રાણરૂપા જયસ્વર્ણદેહા

જયજ્વાલિની યામિની યામ્યરૂપા ॥ 10 ॥

જગન્માતૃરૂપા જગદ્રક્ષણા ચ

સ્વધાવૌષડન્તા વિલમ્બાઽવિલમ્બા ।

ષડઙ્ગા મહાલમ્બરૂપાસિહસ્તા-

પદાહારિણીહારિણી હારિણી ચ ॥ 11 ॥

મહામઙ્ગલા મઙ્ગલપ્રેમકીર્તિ-

-ર્નિશુમ્ભચ્છિદા શુમ્ભદર્પાપહા ચ ।

તથાઽઽનન્દબીજાદિમુક્તિસ્વરૂપા

તથા ચણ્ડમુણ્ડાપદા મુખ્યચણ્ડા ॥ 12 ॥

પ્રચણ્ડાઽપ્રચણ્ડા મહાચણ્ડવેગા

ચલચ્ચામરા ચામરા ચન્દ્રકીર્તિઃ ।

સુચામીકરા ચિત્રભૂષોજ્જ્વલાઙ્ગી

સુસઙ્ગીતગીતા ચ પાયાદપાયાત્ ॥ 13 ॥

ઇતિ તે કથિતં દેવિ નામ્નામષ્ટોત્તરં શતમ્ ।

ગોપ્યં ચ સર્વતન્ત્રેષુ ગોપનીયં ચ સર્વદા ॥ 14 ॥

એતસ્ય સતતાભ્યાસાત્સાક્ષાદ્દેવો મહેશ્વરઃ ।

ત્રિસન્ધ્યં ચ મહાભક્ત્યા પઠનીયં સુખોદયમ્ ॥ 15 ॥

ન તસ્ય દુષ્કરં કિઞ્ચિજ્જાયતે સ્પર્શતઃ ક્ષણાત્ ।

સુકૃતં યત્તદેવાપ્તં તસ્માદાવર્તયેત્સદા ॥ 16 ॥

સદૈવ સન્નિધૌ તસ્ય દેવી વસતિ સાદરમ્ ।

અયોગા યે ત એવાગ્રે સુયોગાશ્ચ ભવન્તિ વૈ ॥ 17 ॥

ત એવ મિત્રભૂતાશ્ચ ભવન્તિ તત્પ્રસાદતઃ ।

વિષાણિ નોપસર્પન્તિ વ્યાધયો ન સ્પૃશન્તિ તાન્ ॥ 18 ॥

લૂતાવિસ્ફોટકાઃ સર્વે શમં યાન્તિ ચ તત્ક્ષણાત્ ।

જરાપલિતનિર્મુક્તઃ કલ્પજીવી ભવેન્નરઃ ॥ 19 ॥

અપિ કિં બહુનોક્તેન સાન્નિધ્યં ફલમાપ્નુયાત્ ।

યાવન્મયા પુરા પ્રોક્તં ફલં સાહસ્રનામકમ્ ।

તત્સર્વં લભતે મર્ત્યો મહામાયાપ્રસાદતઃ ॥ 20 ॥

ઇતિ શ્રીરુદ્રયામલે શ્રીમાતઙ્ગીશતનામસ્તોત્રમ્ ।

Roman (IAST) Transliteration

śrībhairavyuvāca

bhagavan śrotumicchāmi mātaṅgyāḥ śatanāmakam |

yadguhyaṃ sarvatantreṣu kenāpi na prakāśitam || 1 ||

śrībhairava uvāca

śṛṇu devi pravakṣyāmi rahasyātirahasyakam |

nākhyeyaṃ yatra kutrāpi paṭhanīyaṃ parātparam || 2 ||

yasyaikavārapaṭhanātsarve vighnā upadravāḥ |

naśyanti tatkṣaṇāddevi vahninā tūlarāśivat || 3 ||

prasannā jāyate devī mātaṅgī cāsya pāṭhataḥ |

sahasranāmapaṭhane yatphalaṃ parikīrtitam |

tatkoṭiguṇitaṃ devīnāmāṣṭaśatakaṃ śubham || 4 ||

asya śrīmātaṅgyaṣṭottaraśatanāmastotrasya bhagavānmataṅga ṛṣiḥ anuṣṭupchandaḥ śrīmātaṅgī devatā śrīmātaṅgī prītaye jape viniyogaḥ |

mahāmattamātaṅginī siddhirūpā

tathā yoginī bhadrakālī ramā ca |

bhavānī bhavaprītidā bhūtiyuktā

bhavārādhitā bhūtisampatkarī ca || 1 ||

dhanādhīśamātā dhanāgāradṛṣṭi-

-rdhaneśārcitā dhīravāpī varāṅgī |

prakṛṣṭā prabhārūpiṇī kāmarūpā

prahṛṣṭā mahākīrtidā karṇanālī || 2 ||

karālī bhagā ghorarūpā bhagāṅgī

bhagāhvā bhagaprītidā bhīmarūpā |

bhavānī mahākauśikī kośapūrṇā

kiśorī kiśorapriyā nandīhā || 3 ||

mahākāraṇā'kāraṇā karmaśīlā

kapālī prasiddhā mahāsiddhakhaṇḍā |

makārapriyā mānarūpā maheśī

malollāsinī lāsyalīlālayāṅgī || 4 ||

kṣamā kṣemaśīlā kṣapākāriṇī cā-

-'kṣayaprītidā bhūtiyuktā bhavānī |

bhavārādhitā bhūtisatyātmikā ca

prabhodbhāsitā bhānubhāsvatkarā ca || 5 ||

dharādhīśamātā dharāgāradṛṣṭi-

-rdhareśārcitā dhīvarā dhīvarāṅgī |

prakṛṣṭā prabhārūpiṇī prāṇarūpā

prakṛṣṭasvarūpā svarūpapriyā ca || 6 ||

calatkuṇḍalā kāminī kāntayuktā

kapālā'calā kālakoddhāriṇī ca |

kadambapriyā koṭarī koṭadehā

kramā kīrtidā karṇarūpā ca kākṣmīḥ || 7 ||

kṣamāṅgī kṣayapremarūpā kṣayā ca

kṣayākṣā kṣayāhvā kṣayaprāntarā ca |

kṣavatkāminī kṣāriṇī kṣīrapūrṇā

śivāṅgī ca śākambharī śākadehā || 8 ||

mahāśākayajñā phalaprāśakā ca

śakāhvā'śakāhvā śakākhyā śakā ca |

śakākṣāntaroṣā suroṣā surekhā

mahāśeṣayajñopavītapriyā ca || 9 ||

jayantī jayā jāgratī yogyarūpā

jayāṅgā japadhyānasantuṣṭasañjñā |

jayaprāṇarūpā jayasvarṇadehā

jayajvālinī yāminī yāmyarūpā || 10 ||

jaganmātṛrūpā jagadrakṣaṇā ca

svadhāvauṣaḍantā vilambā'vilambā |

ṣaḍaṅgā mahālambarūpāsihastā-

padāhāriṇīhāriṇī hāriṇī ca || 11 ||

mahāmaṅgalā maṅgalapremakīrti-

-rniśumbhacchidā śumbhadarpāpahā ca |

tathā''nandabījādimuktisvarūpā

tathā caṇḍamuṇḍāpadā mukhyacaṇḍā || 12 ||

pracaṇḍā'pracaṇḍā mahācaṇḍavegā

calaccāmarā cāmarā candrakīrtiḥ |

sucāmīkarā citrabhūṣojjvalāṅgī

susaṅgītagītā ca pāyādapāyāt || 13 ||

iti te kathitaṃ devi nāmnāmaṣṭottaraṃ śatam |

gopyaṃ ca sarvatantreṣu gopanīyaṃ ca sarvadā || 14 ||

etasya satatābhyāsātsākṣāddevo maheśvaraḥ |

trisandhyaṃ ca mahābhaktyā paṭhanīyaṃ sukhodayam || 15 ||

na tasya duṣkaraṃ kiñcijjāyate sparśataḥ kṣaṇāt |

sukṛtaṃ yattadevāptaṃ tasmādāvartayetsadā || 16 ||

sadaiva sannidhau tasya devī vasati sādaram |

ayogā ye ta evāgre suyogāśca bhavanti vai || 17 ||

ta eva mitrabhūtāśca bhavanti tatprasādataḥ |

viṣāṇi nopasarpanti vyādhayo na spṛśanti tān || 18 ||

lūtāvisphoṭakāḥ sarve śamaṃ yānti ca tatkṣaṇāt |

jarāpalitanirmuktaḥ kalpajīvī bhavennaraḥ || 19 ||

api kiṃ bahunoktena sānnidhyaṃ phalamāpnuyāt |

yāvanmayā purā proktaṃ phalaṃ sāhasranāmakam |

tatsarvaṃ labhate martyo mahāmāyāprasādataḥ || 20 ||

iti śrīrudrayāmale śrīmātaṅgīśatanāmastotram |