Shri Madhvacharya Krita Dvadasha Stotra - Ashtamastotram

ॐ

શ્રી મધ્વાચાર્ય કૃત દ્વાદશ સ્તોત્ર - અષ્ટમસ્તોત્રમ્

Stotram Madhvacharya Gujarati

અથ અષ્ટમસ્તોત્રમ્

વન્દિતાશેષવન્દ્યોરુવૃન્દારકં ચન્દનાચર્ચિતોદારપીનાંસકમ્ ।

ઇન્દિરાચઞ્ચલાપાઙ્ગનીરાજિતં મન્દરોદ્ધારિવૃત્તોદ્ભુજાભોગિનમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 1॥

સૃષ્ટિસંહારલીલાવિલાસાતતં પુષ્ટષાડ્ગુણ્યસદ્વિગ્રહોલ્લાસિનમ્ ।

દુષ્ટનિઃશેષસંહારકર્મોદ્યતં હૃષ્ટપુષ્ટાતિશિષ્ટ (અનુશિષ્ટ) પ્રજાસંશ્રયમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 2॥

ઉન્નતપ્રાર્થિતાશેષસંસાધકં સન્નતાલૌકિકાનન્દદશ્રીપદમ્ ।

ભિન્નકર્માશયપ્રાણિસમ્પ્રેરકં તન્ન કિં નેતિ વિદ્વત્સુ મીમાંસિતમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 3॥

વિપ્રમુખ્યૈઃ સદા વેદવાદોન્મુખૈઃ સુપ્રતાપૈઃ ક્ષિતીશેશ્વરૈશ્ચાર્ચ્ચિતમ્ ।

અપ્રતર્ક્યોરુસંવિદ્ગુણં નિર્મલં સપ્રકાશાજરાનન્દરૂપં પરમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 4॥

અત્યયો યસ્ય (યેન) કેનાપિ ન ક્વાપિ હિ પ્રત્યયો યદ્ગુણેષૂત્તમાનાં પરઃ ।

સત્યસઙ્કલ્પ એકો વરેણ્યો વશી મત્યનૂનૈઃ સદા વેદવાદોદિતઃ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 5॥

પશ્યતાં દુઃખસન્તાનનિર્મૂલનં દૃશ્યતાં દૃશ્યતામિત્યજેશાર્ચિતમ્ ।

નશ્યતાં દૂરગં સર્વદાપ્યાઽત્મગં વશ્યતાં સ્વેચ્છયા સજ્જનેષ્વાગતમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 6॥

અગ્રજં યઃ સસર્જાજમગ્ર્યાકૃતિં વિગ્રહો યસ્ય સર્વે ગુણા એવ હિ ।

ઉગ્ર આદ્યોઽપિ યસ્યાત્મજાગ્ર્યાત્મજઃ સદ્ગૃહીતઃ સદા યઃ પરં દૈવતમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 7॥

અચ્યુતો યો ગુણૈર્નિત્યમેવાખિલૈઃ પ્રચ્યુતોઽશેષદોષૈઃ સદા પૂર્તિતઃ ।

ઉચ્યતે સર્વવેદોરુવાદૈરજઃ સ્વર્ચિતો બ્રહ્મરુદ્રેન્દ્રપૂર્વૈઃ સદા ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 8॥

ધાર્યતે યેન વિશ્વં સદાજાદિકં વાર્યતેઽશેષદુઃખં નિજધ્યાયિનામ્ ।

પાર્યતે સર્વમન્યૈર્નયત્પાર્યતે કાર્યતે ચાખિલં સર્વભૂતૈઃ સદા ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 9॥

સર્વપાપાનિયત્સંસ્મૃતેઃ સઙ્ક્ષયં સર્વદા યાન્તિ ભક્ત્યા વિશુદ્ધાત્મનામ્ ।

શર્વગુર્વાદિગીર્વાણ સંસ્થાનદઃ કુર્વતે કર્મ યત્પ્રીતયે સજ્જનાઃ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 10॥

અક્ષયં કર્મ યસ્મિન્ પરે સ્વર્પિતં પ્રક્ષયં યાન્તિ દુઃખાનિ યન્નામતઃ ।

અક્ષરો યોઽજરઃ સર્વદૈવામૃતઃ કુક્ષિગં યસ્ય વિશ્વં સદાઽજાદિકમ્ ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 11॥

નન્દિતીર્થોરુસન્નામિનો નન્દિનઃ સન્દધાનાઃ સદાનન્દદેવે મતિમ્ ।

મન્દહાસારુણા પાઙ્ગદત્તોન્નતિં વન્દિતાશેષદેવાદિવૃન્દં સદા ।

પ્રીણયામો વાસુદેવં દેવતામણ્ડલાખણ્ડમણ્ડનં પ્રીણયામો વાસુદેવમ્ ॥ 12॥

ઇતિ શ્રીમદાનન્દતીર્થભગવત્પાદાચાર્ય વિરચિતં

દ્વાદશસ્તોત્રેષુ અષ્ટમસ્તોત્રં સમ્પૂર્ણમ્

Roman (IAST) Transliteration

atha aṣṭamastotram

vanditāśeṣavandyoruvṛndārakaṃ candanācarcitodārapīnāṃsakam |

indirācañcalāpāṅganīrājitaṃ mandaroddhārivṛttodbhujābhoginam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 1||

sṛṣṭisaṃhāralīlāvilāsātataṃ puṣṭaṣāḍguṇyasadvigrahollāsinam |

duṣṭaniḥśeṣasaṃhārakarmodyataṃ hṛṣṭapuṣṭātiśiṣṭa (anuśiṣṭa) prajāsaṃśrayam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 2||

unnataprārthitāśeṣasaṃsādhakaṃ sannatālaukikānandadaśrīpadam |

bhinnakarmāśayaprāṇisamprerakaṃ tanna kiṃ neti vidvatsu mīmāṃsitam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 3||

vipramukhyaiḥ sadā vedavādonmukhaiḥ supratāpaiḥ kṣitīśeśvaraiścārccitam |

apratarkyorusaṃvidguṇaṃ nirmalaṃ saprakāśājarānandarūpaṃ param |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 4||

atyayo yasya (yena) kenāpi na kvāpi hi pratyayo yadguṇeṣūttamānāṃ paraḥ |

satyasaṅkalpa eko vareṇyo vaśī matyanūnaiḥ sadā vedavādoditaḥ |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 5||

paśyatāṃ duḥkhasantānanirmūlanaṃ dṛśyatāṃ dṛśyatāmityajeśārcitam |

naśyatāṃ dūragaṃ sarvadāpyā'tmagaṃ vaśyatāṃ svecchayā sajjaneṣvāgatam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 6||

agrajaṃ yaḥ sasarjājamagryākṛtiṃ vigraho yasya sarve guṇā eva hi |

ugra ādyo'pi yasyātmajāgryātmajaḥ sadgṛhītaḥ sadā yaḥ paraṃ daivatam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 7||

acyuto yo guṇairnityamevākhilaiḥ pracyuto'śeṣadoṣaiḥ sadā pūrtitaḥ |

ucyate sarvavedoruvādairajaḥ svarcito brahmarudrendrapūrvaiḥ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 8||

dhāryate yena viśvaṃ sadājādikaṃ vāryate'śeṣaduḥkhaṃ nijadhyāyinām |

pāryate sarvamanyairnayatpāryate kāryate cākhilaṃ sarvabhūtaiḥ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 9||

sarvapāpāniyatsaṃsmṛteḥ saṅkṣayaṃ sarvadā yānti bhaktyā viśuddhātmanām |

śarvagurvādigīrvāṇa saṃsthānadaḥ kurvate karma yatprītaye sajjanāḥ |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 10||

akṣayaṃ karma yasmin pare svarpitaṃ prakṣayaṃ yānti duḥkhāni yannāmataḥ |

akṣaro yo'jaraḥ sarvadaivāmṛtaḥ kukṣigaṃ yasya viśvaṃ sadā'jādikam |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 11||

nanditīrthorusannāmino nandinaḥ sandadhānāḥ sadānandadeve matim |

mandahāsāruṇā pāṅgadattonnatiṃ vanditāśeṣadevādivṛndaṃ sadā |

prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 12||

iti śrīmadānandatīrthabhagavatpādācārya viracitaṃ

dvādaśastotreṣu aṣṭamastotraṃ sampūrṇam