Shri Madhvacharya Krita Dvadasha Stotra - Shashtamastotram

ॐ

શ્રી મધ્વાચાર્ય કૃત દ્વાદશ સ્તોત્ર - ષષ્ટમસ્તોત્રમ્

Stotram Madhvacharya Gujarati

અથ ષષ્ઠસ્તોત્રમ્

મત્સ્યકરૂપ લયોદવિહારિન્ વેદવિનેત્ર ચતુર્મુખવન્દ્ય ।

કૂર્મસ્વરૂપક મન્દરધારિન્ લોકવિધારક દેવવરેણ્ય ॥ 1॥

સૂકરરૂપક દાનવશત્રો ભૂમિવિધારક યજ્ઞાવરાઙ્ગ ।

દેવ નૃસિંહ હિરણ્યકશત્રો સર્વ ભયાન્તક દૈવતબન્ધો ॥ 2॥

વામન વામન માણવવેષ દૈત્યવરાન્તક કારણરૂપ ।

રામ ભૃગૂદ્વહ સૂર્જિતદીપ્તે ક્ષત્રકુલાન્તક શમ્ભુવરેણ્ય ॥ 3॥

રાઘવ રાઘવ રાક્ષસ શત્રો મારુતિવલ્લભ જાનકિકાન્ત ।

દેવકિનન્દન નન્દકુમાર વૃન્દાવનાઞ્ચન ગોકુલચન્દ્ર ॥ 4॥

કન્દફલાશન સુન્દરરૂપ નન્દિતગોકુલવન્દિતપાદ ।

ઇન્દ્રસુતાવક નન્દકહસ્ત ચન્દનચર્ચિત સુન્દરિનાથ ॥ 5॥

ઇન્દીવરોદર દલનયન મન્દરધારિન્ ગોવિન્દ વન્દે ।

ચન્દ્રશતાનન કુન્દસુહાસ નન્દિતદૈવતાનન્દસુપૂર્ણ ॥ 6॥

દેવકિનન્દન સુન્દરરૂપ રુક્મિણિવલ્લભ પાણ્ડવબન્ધો ।

દૈત્યવિમોહક નિત્યસુખાદે દેવવિબોધક બુદ્ધસ્વરૂપ ॥ 7॥

દુષ્ટકુલાન્તક કલ્કિસ્વરૂપ ધર્મવિવર્ધન મૂલયુગાદે ।

નારાયણામલકારણમૂર્તે પૂર્ણગુણાર્ણવ નિત્યસુબોધ ॥ 8॥

આનન્દતીર્થકૃતા હરિગાથા પાપહરા શુભનિત્યસુખાર્થા ॥ 9॥

ઇતિ શ્રીમદાનન્દતીર્થભગવત્પાદાચાર્ય વિરચિતં

દ્વાદશસ્તોત્રેષુ ષષ્ઠસ્તોત્રં સમ્પૂર્ણમ્

Roman (IAST) Transliteration

atha ṣaṣṭhastotram

matsyakarūpa layodavihārin vedavinetra caturmukhavandya |

kūrmasvarūpaka mandaradhārin lokavidhāraka devavareṇya || 1||

sūkararūpaka dānavaśatro bhūmividhāraka yajñāvarāṅga |

deva nṛsiṃha hiraṇyakaśatro sarva bhayāntaka daivatabandho || 2||

vāmana vāmana māṇavaveṣa daityavarāntaka kāraṇarūpa |

rāma bhṛgūdvaha sūrjitadīpte kṣatrakulāntaka śambhuvareṇya || 3||

rāghava rāghava rākṣasa śatro mārutivallabha jānakikānta |

devakinandana nandakumāra vṛndāvanāñcana gokulacandra || 4||

kandaphalāśana sundararūpa nanditagokulavanditapāda |

indrasutāvaka nandakahasta candanacarcita sundarinātha || 5||

indīvarodara dalanayana mandaradhārin govinda vande |

candraśatānana kundasuhāsa nanditadaivatānandasupūrṇa || 6||

devakinandana sundararūpa rukmiṇivallabha pāṇḍavabandho |

daityavimohaka nityasukhāde devavibodhaka buddhasvarūpa || 7||

duṣṭakulāntaka kalkisvarūpa dharmavivardhana mūlayugāde |

nārāyaṇāmalakāraṇamūrte pūrṇaguṇārṇava nityasubodha || 8||

ānandatīrthakṛtā harigāthā pāpaharā śubhanityasukhārthā || 9||

iti śrīmadānandatīrthabhagavatpādācārya viracitaṃ

dvādaśastotreṣu ṣaṣṭhastotraṃ sampūrṇam