Shri Madhvacharya Krita Dvadasha Stotra - Prathamastotram

ॐ

શ્રી મધ્વાચાર્ય કૃત દ્વાદશ સ્તોત્ર - પ્રથમસ્તોત્રમ્

Stotram Madhvacharya Gujarati

॥ દ્વાદશ સ્તોત્રાણિ॥

અથ પ્રથમસ્તોત્રમ્

વન્દે વન્દ્યં સદાનન્દં વાસુદેવં નિરઞ્જનમ્ ।

ઇન્દિરાપતિમાદ્યાદિ વરદેશ વરપ્રદમ્ ॥ 1॥

નમામિ નિખિલાધીશ કિરીટાઘૃષ્ટપીઠવત્ ।

હૃત્તમઃ શમનેઽર્કાભં શ્રીપતેઃ પાદપઙ્કજમ્ ॥ 2॥

જામ્બૂનદામ્બરાધારં નિતમ્બં ચિન્ત્યમીશિતુઃ ।

સ્વર્ણમઞ્જીરસંવીતં આરૂઢં જગદમ્બયા ॥ 3॥

ઉદરં ચિન્ત્યં ઈશસ્ય તનુત્વેઽપિ અખિલમ્ભરમ્ ।

વલિત્રયાઙ્કિતં નિત્યં આરૂઢં શ્રિયૈકયા ॥ 4॥

સ્મરણીયમુરો વિષ્ણોઃ ઇન્દિરાવાસમુત્તમૈઃ । વર્

ઇન્દિરાવાસમીશિતુઃ ઇન્દિરાવાસમુત્તમમ્

અનન્તં અન્તવદિવ ભુજયોરન્તરઙ્ગતમ્ ॥ 5॥

શઙ્ખચક્રગદાપદ્મધરાશ્ચિન્ત્યા હરેર્ભુજાઃ ।

પીનવૃત્તા જગદ્રક્ષા કેવલોદ્યોગિનોઽનિશમ્ ॥ 6॥

સન્તતં ચિન્તયેત્કણ્ઠં ભાસ્વત્કૌસ્તુભભાસકમ્ ।

વૈકુણ્ઠસ્યાખિલા વેદા ઉદ્ગીર્યન્તેઽનિશં યતઃ ॥ 7॥

સ્મરેત યામિનીનાથ સહસ્રામિતકાન્તિમત્ ।

ભવતાપાપનોદીડ્યં શ્રીપતેઃ મુખપઙ્કજમ્ ॥ 8॥

પૂર્ણાનન્યસુખોદ્ભાસિં અન્દસ્મિતમધીશિતુઃ ।

ગોવિન્દસ્ય સદા ચિન્ત્યં નિત્યાનન્દપદપ્રદમ્ ॥ 9॥

સ્મરામિ ભવસન્તાપ હાનિદામૃતસાગરમ્ ।

પૂર્ણાનન્દસ્ય રામસ્ય સાનુરાગાવલોકનમ્ ॥ 10॥

ધ્યાયેદજસ્રમીશસ્ય પદ્મજાદિપ્રતીક્ષિતમ્ ।

ભ્રૂભઙ્ગં પારમેષ્ઠ્યાદિ પદદાયિ વિમુક્તિદમ્ ॥ 11॥

સન્તતં ચિન્તયેઽનન્તં અન્તકાલે । (અન્ત્યકાલે વિશેષતઃ)

નૈવોદાપુઃ ગૃણન્તોઽન્તં યદ્ગુણાનાં અજાદયઃ ॥ 12॥

ઇતિ શ્રીમદાનન્દતીર્થભગવત્પાદાચાર્ય વિરચિતં

દ્વાદશસ્તોત્રેષુ પ્રથમસ્તોત્રં સમ્પૂર્ણમ્

Roman (IAST) Transliteration

|| dvādaśa stotrāṇi||

atha prathamastotram

vande vandyaṃ sadānandaṃ vāsudevaṃ nirañjanam |

indirāpatimādyādi varadeśa varapradam || 1||

namāmi nikhilādhīśa kirīṭāghṛṣṭapīṭhavat |

hṛttamaḥ śamane'rkābhaṃ śrīpateḥ pādapaṅkajam || 2||

jāmbūnadāmbarādhāraṃ nitambaṃ cintyamīśituḥ |

svarṇamañjīrasaṃvītaṃ ārūḍhaṃ jagadambayā || 3||

udaraṃ cintyaṃ īśasya tanutve'pi akhilambharam |

valitrayāṅkitaṃ nityaṃ ārūḍhaṃ śriyaikayā || 4||

smaraṇīyamuro viṣṇoḥ indirāvāsamuttamaiḥ | var

indirāvāsamīśituḥ indirāvāsamuttamam

anantaṃ antavadiva bhujayorantaraṅgatam || 5||

śaṅkhacakragadāpadmadharāścintyā harerbhujāḥ |

pīnavṛttā jagadrakṣā kevalodyogino'niśam || 6||

santataṃ cintayetkaṇṭhaṃ bhāsvatkaustubhabhāsakam |

vaikuṇṭhasyākhilā vedā udgīryante'niśaṃ yataḥ || 7||

smareta yāminīnātha sahasrāmitakāntimat |

bhavatāpāpanodīḍyaṃ śrīpateḥ mukhapaṅkajam || 8||

pūrṇānanyasukhodbhāsiṃ andasmitamadhīśituḥ |

govindasya sadā cintyaṃ nityānandapadapradam || 9||

smarāmi bhavasantāpa hānidāmṛtasāgaram |

pūrṇānandasya rāmasya sānurāgāvalokanam || 10||

dhyāyedajasramīśasya padmajādipratīkṣitam |

bhrūbhaṅgaṃ pārameṣṭhyādi padadāyi vimuktidam || 11||

santataṃ cintaye'nantaṃ antakāle | (antyakāle viśeṣataḥ)

naivodāpuḥ gṛṇanto'ntaṃ yadguṇānāṃ ajādayaḥ || 12||

iti śrīmadānandatīrthabhagavatpādācārya viracitaṃ

dvādaśastotreṣu prathamastotraṃ sampūrṇam