Shri Krishna Kavacham (trailokya Mangala Kavacham)

ॐ

શ્રી કૃષ્ણ કવચં (ત્રૈલોક્ય મઙ્ગલ કવચમ્)

Krishna Kavacham Gujarati

શ્રી નારદ ઉવાચ –

ભગવન્સર્વધર્મજ્ઞ કવચં યત્પ્રકાશિતમ્ ।

ત્રૈલોક્યમઙ્ગલં નામ કૃપયા કથય પ્રભો ॥ 1 ॥

સનત્કુમાર ઉવાચ –

શૃણુ વક્ષ્યામિ વિપ્રેન્દ્ર કવચં પરમાદ્ભુતમ્ ।

નારાયણેન કથિતં કૃપયા બ્રહ્મણે પુરા ॥ 2 ॥

બ્રહ્મણા કથિતં મહ્યં પરં સ્નેહાદ્વદામિ તે ।

અતિ ગુહ્યતરં તત્ત્વં બ્રહ્મમન્ત્રૌઘવિગ્રહમ્ ॥ 3 ॥

યદ્ધૃત્વા પઠનાદ્બ્રહ્મા સૃષ્ટિં વિતનુતે ધ્રુવમ્ ।

યદ્ધૃત્વા પઠનાત્પાતિ મહાલક્ષ્મીર્જગત્ત્રયમ્ ॥ 4 ॥

પઠનાદ્ધારણાચ્છમ્ભુઃ સંહર્તા સર્વમન્ત્રવિત્ ।

ત્રૈલોક્યજનની દુર્ગા મહિષાદિમહાસુરાન્ ॥ 5 ॥

વરતૃપ્તાન્ જઘાનૈવ પઠનાદ્ધારણાદ્યતઃ ।

એવમિન્દ્રાદયઃ સર્વે સર્વૈશ્વર્યમવાપ્નુયુઃ ॥ 6 ॥

ઇદં કવચમત્યન્તગુપ્તં કુત્રાપિ નો વદેત્ ।

શિષ્યાય ભક્તિયુક્તાય સાધકાય પ્રકાશયેત્ ॥ 7 ॥

શઠાય પરશિષ્યાય દત્વા મૃત્યુમવાપ્નુયાત્ ।

ત્રૈલોક્યમઙ્ગલસ્યાઽસ્ય કવચસ્ય પ્રજાપતિઃ ॥ 8 ॥

ઋષિશ્છન્દશ્ચ ગાયત્રી દેવો નારાયણસ્સ્વયમ્ ।

ધર્માર્થકામમોક્ષેષુ વિનિયોગઃ પ્રકીર્તિતઃ ॥ 9 ॥

પ્રણવો મે શિરઃ પાતુ નમો નારાયણાય ચ ।

ફાલં મે નેત્રયુગલમષ્ટાર્ણો ભુક્તિમુક્તિદઃ ॥ 10 ॥

ક્લીં પાયાચ્છ્રોત્રયુગ્મં ચૈકાક્ષરઃ સર્વમોહનઃ ।

ક્લીં કૃષ્ણાય સદા ઘ્રાણં ગોવિન્દાયેતિ જિહ્વિકામ્ ॥ 11 ॥

ગોપીજનપદવલ્લભાય સ્વાહાઽનનં મમ ।

અષ્ટાદશાક્ષરો મન્ત્રઃ કણ્ઠં પાતુ દશાક્ષરઃ ॥ 12 ॥

ગોપીજનપદવલ્લભાય સ્વાહા ભુજદ્વયમ્ ।

ક્લીં ગ્લૌં ક્લીં શ્યામલાઙ્ગાય નમઃ સ્કન્ધૌ રક્ષાક્ષરઃ ॥ 13 ॥

ક્લીં કૃષ્ણઃ ક્લીં કરૌ પાયાત્ ક્લીં કૃષ્ણાયાં ગતોઽવતુ ।

હૃદયં ભુવનેશાનઃ ક્લીં કૃષ્ણઃ ક્લીં સ્તનૌ મમ ॥ 14 ॥

ગોપાલાયાગ્નિજાયાતં કુક્ષિયુગ્મં સદાઽવતુ ।

ક્લીં કૃષ્ણાય સદા પાતુ પાર્શ્વયુગ્મમનુત્તમઃ ॥ 15 ॥

કૃષ્ણ ગોવિન્દકૌ પાતુ સ્મરાદ્યૌજેયુતૌ મનુઃ ।

અષ્ટાક્ષરઃ પાતુ નાભિં કૃષ્ણેતિ દ્વ્યક્ષરોઽવતુ ॥ 16 ॥

પૃષ્ઠં ક્લીં કૃષ્ણકં ગલ્લ ક્લીં કૃષ્ણાય દ્વિરાન્તકઃ ।

સક્થિની સતતં પાતુ શ્રીં હ્રીં ક્લીં કૃષ્ણઠદ્વયમ્ ॥ 17 ॥

ઊરૂ સપ્તાક્ષરં પાયાત્ ત્રયોદશાક્ષરોઽવતુ ।

શ્રીં હ્રીં ક્લીં પદતો ગોપીજનવલ્લભપદં તતઃ ॥ 18 ॥

શ્રિયા સ્વાહેતિ પાયૂ વૈ ક્લીં હ્રીં શ્રીં સદશાર્ણકઃ ।

જાનુની ચ સદા પાતુ ક્લીં હ્રીં શ્રીં ચ દશાક્ષરઃ ॥ 19 ॥

ત્રયોદશાક્ષરઃ પાતુ જઙ્ઘે ચક્રાદ્યુદાયુધઃ ।

અષ્ટાદશાક્ષરો હ્રીં શ્રીં પૂર્વકો વિંશદર્ણકઃ ॥ 20 ॥

સર્વાઙ્ગં મે સદા પાતુ દ્વારકાનાયકો બલી ।

નમો ભગવતે પશ્ચાદ્વાસુદેવાય તત્પરમ્ ॥ 21 ॥

તારાદ્યો દ્વાદશાર્ણોઽયં પ્રાચ્યાં માં સર્વદાઽવતુ ।

શ્રીં હ્રીં ક્લીં ચ દશાર્ણસ્તુ ક્લીં હ્રીં શ્રીં ષોડશાર્ણકઃ ॥ 22 ॥

ગદાદ્યુદાયુધો વિષ્ણુર્મામગ્નેર્દિશિ રક્ષતુ ।

હ્રીં શ્રીં દશાક્ષરો મન્ત્રો દક્ષિણે માં સદાઽવતુ ॥ 23 ॥

તારો નમો ભગવતે રુક્મિણીવલ્લભાય ચ ।

સ્વાહેતિ ષોડશાર્ણોઽયં નૈરૃત્યાં દિશિ રક્ષતુ ॥ 24 ॥

ક્લીં હૃષીકેશ વંશાય નમો માં વારુણોઽવતુ ।

અષ્ટાદશાર્ણઃ કામાન્તો વાયવ્યે માં સદાઽવતુ ॥ 25 ॥

શ્રીં માયાકામતૃષ્ણાય ગોવિન્દાય દ્વિકો મનુઃ ।

દ્વાદશાર્ણાત્મકો વિષ્ણુરુત્તરે માં સદાઽવતુ ॥ 26 ॥

વાગ્ભવં કામકૃષ્ણાય હ્રીં ગોવિન્દાય તત્પરમ્ ।

શ્રીં ગોપીજનવલ્લભાય સ્વાહા હસ્તૌ તતઃ પરમ્ ॥ 27 ॥

દ્વાવિંશત્યક્ષરો મન્ત્રો મામૈશાન્યે સદાઽવતુ ।

કાલીયસ્ય ફણામધ્યે દિવ્યં નૃત્યં કરોતિ તમ્ ॥ 28 ॥

નમામિ દેવકીપુત્રં નૃત્યરાજાનમચ્યુતમ્ ।

દ્વાત્રિંશદક્ષરો મન્ત્રોઽપ્યધો માં સર્વદાઽવતુ ॥ 29 ॥

કામદેવાય વિદ્મહે પુષ્પબાણાય ધીમહિ ।

તન્નોઽનઙ્ગઃ પ્રચોદયાદેષા માં પાતુચોર્ધ્વતઃ ॥ 30 ॥

ઇતિ તે કથિતં વિપ્ર બ્રહ્મમન્ત્રૌઘવિગ્રહમ્ ।

ત્રૈલોક્યમઙ્ગલં નામ કવચં બ્રહ્મરૂપકમ્ ॥ 31 ॥

બ્રહ્મણા કથિતં પૂર્વં નારાયણમુખાચ્છ્રુતમ્ ।

તવ સ્નેહાન્મયાઽખ્યાતં પ્રવક્તવ્યં ન કસ્યચિત્ ॥ 32 ॥

ગુરું પ્રણમ્ય વિધિવત્કવચં પ્રપઠેત્તતઃ ।

સકૃદ્દ્વિસ્ત્રિર્યથાજ્ઞાનં સ હિ સર્વતપોમયઃ ॥ 33 ॥

મન્ત્રેષુ સકલેષ્વેવ દેશિકો નાત્ર સંશયઃ ।

શતમષ્ટોત્તરં ચાસ્ય પુરશ્ચર્યા વિધિસ્સ્મૃતઃ ॥ 34 ॥

હવનાદીન્દશાંશેન કૃત્વા તત્સાધયેદ્ધ્રુવમ્ ।

યદિ સ્યાત્સિદ્ધકવચો વિષ્ણુરેવ ભવેત્સ્વયમ્ ॥ 35 ॥

મન્ત્રસિદ્ધિર્ભવેત્તસ્ય પુરશ્ચર્યા વિધાનતઃ ।

સ્પર્ધામુદ્ધૂય સતતં લક્ષ્મીર્વાણી વસેત્તતઃ ॥ 36 ॥

પુષ્પાઞ્જલ્યષ્ટકં દત્વા મૂલેનૈવ પઠેત્સકૃત્ ।

દશવર્ષસહસ્રાણિ પૂજાયાઃ ફલમાપ્નુયાત્ ॥ 37 ॥

ભૂર્જે વિલિખ્ય ગુલિકાં સ્વર્ણસ્થાં ધારયેદ્યદિ ।

કણ્ઠે વા દક્ષિણે બાહૌ સોઽપિ વિષ્ણુર્ન સંશયઃ ॥ 38 ॥

અશ્વમેધસહસ્રાણિ વાજપેયશતાનિ ચ ।

મહાદાનાનિ યાન્યેવ પ્રાદક્ષિણ્યં ભુવસ્તથા ॥ 39 ॥

કલાં નાર્હન્તિ તાન્યેવ સકૃદુચ્ચારણાત્તતઃ ।

કવચસ્ય પ્રસાદેન જીવન્મુક્તો ભવેન્નરઃ ॥ 40 ॥

ત્રૈલોક્યં ક્ષોભયત્યેવ ત્રૈલોક્યવિજયી સ હિ ।

ઇદં કવચમજ્ઞાત્વા યજેદ્યઃ પુરુષોત્તમમ્ ।

શતલક્ષપ્રજપ્તોઽપિ ન મન્ત્રસ્તસ્ય સિદ્ધ્યતિ ॥ 41 ॥

ઇતિ શ્રી નારદપાઞ્ચરાત્રે જ્ઞાનામૃતસારે ત્રૈલોક્યમઙ્ગલકવચમ્ ।

Roman (IAST) Transliteration

śrī nārada uvāca –

bhagavansarvadharmajña kavacaṃ yatprakāśitam |

trailokyamaṅgalaṃ nāma kṛpayā kathaya prabho || 1 ||

sanatkumāra uvāca –

śṛṇu vakṣyāmi viprendra kavacaṃ paramādbhutam |

nārāyaṇena kathitaṃ kṛpayā brahmaṇe purā || 2 ||

brahmaṇā kathitaṃ mahyaṃ paraṃ snehādvadāmi te |

ati guhyataraṃ tattvaṃ brahmamantraughavigraham || 3 ||

yaddhṛtvā paṭhanādbrahmā sṛṣṭiṃ vitanute dhruvam |

yaddhṛtvā paṭhanātpāti mahālakṣmīrjagattrayam || 4 ||

paṭhanāddhāraṇācchambhuḥ saṃhartā sarvamantravit |

trailokyajananī durgā mahiṣādimahāsurān || 5 ||

varatṛptān jaghānaiva paṭhanāddhāraṇādyataḥ |

evamindrādayaḥ sarve sarvaiśvaryamavāpnuyuḥ || 6 ||

idaṃ kavacamatyantaguptaṃ kutrāpi no vadet |

śiṣyāya bhaktiyuktāya sādhakāya prakāśayet || 7 ||

śaṭhāya paraśiṣyāya datvā mṛtyumavāpnuyāt |

trailokyamaṅgalasyā'sya kavacasya prajāpatiḥ || 8 ||

ṛṣiśchandaśca gāyatrī devo nārāyaṇassvayam |

dharmārthakāmamokṣeṣu viniyogaḥ prakīrtitaḥ || 9 ||

praṇavo me śiraḥ pātu namo nārāyaṇāya ca |

phālaṃ me netrayugalamaṣṭārṇo bhuktimuktidaḥ || 10 ||

klīṃ pāyācchrotrayugmaṃ caikākṣaraḥ sarvamohanaḥ |

klīṃ kṛṣṇāya sadā ghrāṇaṃ govindāyeti jihvikām || 11 ||

gopījanapadavallabhāya svāhā'nanaṃ mama |

aṣṭādaśākṣaro mantraḥ kaṇṭhaṃ pātu daśākṣaraḥ || 12 ||

gopījanapadavallabhāya svāhā bhujadvayam |

klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||

klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |

hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||

gopālāyāgnijāyātaṃ kukṣiyugmaṃ sadā'vatu |

klīṃ kṛṣṇāya sadā pātu pārśvayugmamanuttamaḥ || 15 ||

kṛṣṇa govindakau pātu smarādyaujeyutau manuḥ |

aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||

pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |

sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||

ūrū saptākṣaraṃ pāyāt trayodaśākṣaro'vatu |

śrīṃ hrīṃ klīṃ padato gopījanavallabhapadaṃ tataḥ || 18 ||

śriyā svāheti pāyū vai klīṃ hrīṃ śrīṃ sadaśārṇakaḥ |

jānunī ca sadā pātu klīṃ hrīṃ śrīṃ ca daśākṣaraḥ || 19 ||

trayodaśākṣaraḥ pātu jaṅghe cakrādyudāyudhaḥ |

aṣṭādaśākṣaro hrīṃ śrīṃ pūrvako viṃśadarṇakaḥ || 20 ||

sarvāṅgaṃ me sadā pātu dvārakānāyako balī |

namo bhagavate paścādvāsudevāya tatparam || 21 ||

tārādyo dvādaśārṇo'yaṃ prācyāṃ māṃ sarvadā'vatu |

śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||

gadādyudāyudho viṣṇurmāmagnerdiśi rakṣatu |

hrīṃ śrīṃ daśākṣaro mantro dakṣiṇe māṃ sadā'vatu || 23 ||

tāro namo bhagavate rukmiṇīvallabhāya ca |

svāheti ṣoḍaśārṇo'yaṃ nairṛtyāṃ diśi rakṣatu || 24 ||

klīṃ hṛṣīkeśa vaṃśāya namo māṃ vāruṇo'vatu |

aṣṭādaśārṇaḥ kāmānto vāyavye māṃ sadā'vatu || 25 ||

śrīṃ māyākāmatṛṣṇāya govindāya dviko manuḥ |

dvādaśārṇātmako viṣṇuruttare māṃ sadā'vatu || 26 ||

vāgbhavaṃ kāmakṛṣṇāya hrīṃ govindāya tatparam |

śrīṃ gopījanavallabhāya svāhā hastau tataḥ param || 27 ||

dvāviṃśatyakṣaro mantro māmaiśānye sadā'vatu |

kālīyasya phaṇāmadhye divyaṃ nṛtyaṃ karoti tam || 28 ||

namāmi devakīputraṃ nṛtyarājānamacyutam |

dvātriṃśadakṣaro mantro'pyadho māṃ sarvadā'vatu || 29 ||

kāmadevāya vidmahe puṣpabāṇāya dhīmahi |

tanno'naṅgaḥ pracodayādeṣā māṃ pātucordhvataḥ || 30 ||

iti te kathitaṃ vipra brahmamantraughavigraham |

trailokyamaṅgalaṃ nāma kavacaṃ brahmarūpakam || 31 ||

brahmaṇā kathitaṃ pūrvaṃ nārāyaṇamukhācchrutam |

tava snehānmayā'khyātaṃ pravaktavyaṃ na kasyacit || 32 ||

guruṃ praṇamya vidhivatkavacaṃ prapaṭhettataḥ |

sakṛddvistriryathājñānaṃ sa hi sarvatapomayaḥ || 33 ||

mantreṣu sakaleṣveva deśiko nātra saṃśayaḥ |

śatamaṣṭottaraṃ cāsya puraścaryā vidhissmṛtaḥ || 34 ||

havanādīndaśāṃśena kṛtvā tatsādhayeddhruvam |

yadi syātsiddhakavaco viṣṇureva bhavetsvayam || 35 ||

mantrasiddhirbhavettasya puraścaryā vidhānataḥ |

spardhāmuddhūya satataṃ lakṣmīrvāṇī vasettataḥ || 36 ||

puṣpāñjalyaṣṭakaṃ datvā mūlenaiva paṭhetsakṛt |

daśavarṣasahasrāṇi pūjāyāḥ phalamāpnuyāt || 37 ||

bhūrje vilikhya gulikāṃ svarṇasthāṃ dhārayedyadi |

kaṇṭhe vā dakṣiṇe bāhau so'pi viṣṇurna saṃśayaḥ || 38 ||

aśvamedhasahasrāṇi vājapeyaśatāni ca |

mahādānāni yānyeva prādakṣiṇyaṃ bhuvastathā || 39 ||

kalāṃ nārhanti tānyeva sakṛduccāraṇāttataḥ |

kavacasya prasādena jīvanmukto bhavennaraḥ || 40 ||

trailokyaṃ kṣobhayatyeva trailokyavijayī sa hi |

idaṃ kavacamajñātvā yajedyaḥ puruṣottamam |

śatalakṣaprajapto'pi na mantrastasya siddhyati || 41 ||

iti śrī nāradapāñcarātre jñānāmṛtasāre trailokyamaṅgalakavacam |