Shri Kamala Ashtottara Shata Nama Stotram

ॐ

શ્રી કમલા અષ્ટોત્તર શત નામા સ્તોત્રં

Tara Ashtottara Sata Namavali Gujarati

શ્રી શિવ ઉવાચ

શતમષ્ટોત્તરં નામ્નાં કમલાયા વરાનને ।

પ્રવક્ષ્યામ્યતિગુહ્યં હિ ન કદાપિ પ્રકાશયેત્ ॥ 1 ॥

ૐ મહામાયા મહાલક્ષ્મીર્મહાવાણી મહેશ્વરી ।

મહાદેવી મહારાત્રિર્મહિષાસુરમર્દિની ॥ 2 ॥

કાલરાત્રિઃ કુહૂઃ પૂર્ણાનન્દાદ્યા ભદ્રિકા નિશા ।

જયા રિક્તા મહાશક્તિર્દેવમાતા કૃશોદરી ॥ 3 ॥

શચીન્દ્રાણી શક્રનુતા શઙ્કરપ્રિયવલ્લભા ।

મહાવરાહજનની મદનોન્મથિની મહી ॥ 4 ॥

વૈકુણ્ઠનાથરમણી વિષ્ણુવક્ષઃસ્થલસ્થિતા ।

વિશ્વેશ્વરી વિશ્વમાતા વરદાઽભયદા શિવા ॥ 5 ॥

શૂલિની ચક્રિણી મા ચ પાશિની શઙ્ખધારિણી ।

ગદિની મુણ્ડમાલા ચ કમલા કરુણાલયા ॥ 6 ॥

પદ્માક્ષધારિણી હ્યમ્બા મહાવિષ્ણુપ્રિયઙ્કરી ।

ગોલોકનાથરમણી ગોલોકેશ્વરપૂજિતા ॥ 7 ॥

ગયા ગઙ્ગા ચ યમુના ગોમતી ગરુડાસના ।

ગણ્ડકી સરયૂસ્તાપી રેવા ચૈવ પયસ્વિની ॥ 8 ॥

નર્મદા ચૈવ કાવેરી કેદારસ્થલવાસિની ।

કિશોરી કેશવનુતા મહેન્દ્રપરિવન્દિતા ॥ 9 ॥

બ્રહ્માદિદેવનિર્માણકારિણી વેદપૂજિતા ।

કોટિબ્રહ્માણ્ડમધ્યસ્થા કોટિબ્રહ્માણ્ડકારિણી ॥ 10 ॥

શ્રુતિરૂપા શ્રુતિકરી શ્રુતિસ્મૃતિપરાયણા ।

ઇન્દિરા સિન્ધુતનયા માતઙ્ગી લોકમાતૃકા ॥ 11 ॥

ત્રિલોકજનની તન્ત્રા તન્ત્રમન્ત્રસ્વરૂપિણી ।

તરુણી ચ તમોહન્ત્રી મઙ્ગલા મઙ્ગલાયના ॥ 12 ॥

મધુકૈટભમથની શુમ્ભાસુરવિનાશિની ।

નિશુમ્ભાદિહરા માતા હરિશઙ્કરપૂજિતા ॥ 13 ॥

સર્વદેવમયી સર્વા શરણાગતપાલિની ।

શરણ્યા શમ્ભુવનિતા સિન્ધુતીરનિવાસિની ॥ 14 ॥

ગન્ધર્વગાનરસિકા ગીતા ગોવિન્દવલ્લભા ।

ત્રૈલોક્યપાલિની તત્ત્વરૂપા તારુણ્યપૂરિતા ॥ 15 ॥

ચન્દ્રાવલી ચન્દ્રમુખી ચન્દ્રિકા ચન્દ્રપૂજિતા ।

ચન્દ્રા શશાઙ્કભગિની ગીતવાદ્યપરાયણા ॥ 16 ॥

સૃષ્ટિરૂપા સૃષ્ટિકરી સૃષ્ટિસંહારકારિણી ।

ઇતિ તે કથિતં દેવિ રમાનામશતાષ્ટકમ્ ॥ 17 ॥

ત્રિસન્ધ્યં પ્રયતો ભૂત્વા પઠેદેતત્સમાહિતઃ ।

યં યં કામયતે કામં તં તં પ્રાપ્નોત્યસંશયમ્ ॥ 18 ॥

ઇમં સ્તવં યઃ પઠતીહ મર્ત્યો

વૈકુણ્ઠપત્ન્યાઃ પરમાદરેણ ।

ધનાધિપાદ્યૈઃ પરિવન્દિતઃ સ્યાત્

પ્રયાસ્યતિ શ્રીપદમન્તકાલે ॥ 19 ॥

ઇતિ શ્રી કમલાષ્ટોત્તરશતનામસ્તોત્રમ્ ।

Roman (IAST) Transliteration

śrī śiva uvāca

śatamaṣṭottaraṃ nāmnāṃ kamalāyā varānane |

pravakṣyāmyatiguhyaṃ hi na kadāpi prakāśayet || 1 ||

oṃ mahāmāyā mahālakṣmīrmahāvāṇī maheśvarī |

mahādevī mahārātrirmahiṣāsuramardinī || 2 ||

kālarātriḥ kuhūḥ pūrṇānandādyā bhadrikā niśā |

jayā riktā mahāśaktirdevamātā kṛśodarī || 3 ||

śacīndrāṇī śakranutā śaṅkarapriyavallabhā |

mahāvarāhajananī madanonmathinī mahī || 4 ||

vaikuṇṭhanātharamaṇī viṣṇuvakṣaḥsthalasthitā |

viśveśvarī viśvamātā varadā'bhayadā śivā || 5 ||

śūlinī cakriṇī mā ca pāśinī śaṅkhadhāriṇī |

gadinī muṇḍamālā ca kamalā karuṇālayā || 6 ||

padmākṣadhāriṇī hyambā mahāviṣṇupriyaṅkarī |

golokanātharamaṇī golokeśvarapūjitā || 7 ||

gayā gaṅgā ca yamunā gomatī garuḍāsanā |

gaṇḍakī sarayūstāpī revā caiva payasvinī || 8 ||

narmadā caiva kāverī kedārasthalavāsinī |

kiśorī keśavanutā mahendraparivanditā || 9 ||

brahmādidevanirmāṇakāriṇī vedapūjitā |

koṭibrahmāṇḍamadhyasthā koṭibrahmāṇḍakāriṇī || 10 ||

śrutirūpā śrutikarī śrutismṛtiparāyaṇā |

indirā sindhutanayā mātaṅgī lokamātṛkā || 11 ||

trilokajananī tantrā tantramantrasvarūpiṇī |

taruṇī ca tamohantrī maṅgalā maṅgalāyanā || 12 ||

madhukaiṭabhamathanī śumbhāsuravināśinī |

niśumbhādiharā mātā hariśaṅkarapūjitā || 13 ||

sarvadevamayī sarvā śaraṇāgatapālinī |

śaraṇyā śambhuvanitā sindhutīranivāsinī || 14 ||

gandharvagānarasikā gītā govindavallabhā |

trailokyapālinī tattvarūpā tāruṇyapūritā || 15 ||

candrāvalī candramukhī candrikā candrapūjitā |

candrā śaśāṅkabhaginī gītavādyaparāyaṇā || 16 ||

sṛṣṭirūpā sṛṣṭikarī sṛṣṭisaṃhārakāriṇī |

iti te kathitaṃ devi ramānāmaśatāṣṭakam || 17 ||

trisandhyaṃ prayato bhūtvā paṭhedetatsamāhitaḥ |

yaṃ yaṃ kāmayate kāmaṃ taṃ taṃ prāpnotyasaṃśayam || 18 ||

imaṃ stavaṃ yaḥ paṭhatīha martyo

vaikuṇṭhapatnyāḥ paramādareṇa |

dhanādhipādyaiḥ parivanditaḥ syāt

prayāsyati śrīpadamantakāle || 19 ||

iti śrī kamalāṣṭottaraśatanāmastotram |