📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
શ્રી કામાખ્યા સ્તોત્રં
Shri Kamakhya Stotram
Stotram Gujarati
જય કામેશિ ચામુણ્ડે જય ભૂતાપહારિણિ ।
જય સર્વગતે દેવિ કામેશ્વરિ નમોઽસ્તુ તે ॥ 1 ॥
વિશ્વમૂર્તે શુભે શુદ્ધે વિરૂપાક્ષિ ત્રિલોચને ।
ભીમરૂપે શિવે વિદ્યે કામેશ્વરિ નમોઽસ્તુ તે ॥ 2 ॥
માલાજયે જયે જમ્ભે ભૂતાક્ષિ ક્ષુભિતેઽક્ષયે ।
મહામાયે મહેશાનિ કામેશ્વરિ નમોઽસ્તુ તે ॥ 3 ॥
ભીમાક્ષિ ભીષણે દેવિ સર્વભૂતક્ષયઙ્કરિ ।
કાલિ ચ વિકરાલિ ચ કામેશ્વરિ નમોઽસ્તુ તે ॥ 3 ॥
કાલિ કરાલવિક્રાન્તે કામેશ્વરિ હરપ્રિયે ।
સર્વશાસ્ત્રસારભૂતે કામેશ્વરિ નમોઽસ્તુ તે ॥ 4 ॥
કામરૂપપ્રદીપે ચ નીલકૂટનિવાસિનિ ।
નિશુમ્ભશુમ્ભમથનિ કામેશ્વરિ નમોઽસ્તુ તે ॥ 5 ॥
કામાખ્યે કામરૂપસ્થે કામેશ્વરિ હરિપ્રિયે ।
કામનાં દેહિ મે નિત્યં કામેશ્વરિ નમોઽસ્તુ તે ॥ 6 ॥
વપાનાઢ્યમહાવક્ત્રે તથા ત્રિભુવનેશ્વરિ ।
મહિષાસુરવધે દેવિ કામેશ્વરિ નમોઽસ્તુ તે ॥ 7 ॥
છાગતુષ્ટે મહાભીમે કામાખ્યે સુરવન્દિતે ।
જય કામપ્રદે તુષ્ટે કામેશ્વરિ નમોઽસ્તુ તે ॥ 8 ॥
ભ્રષ્ટરાજ્યો યદા રાજા નવમ્યાં નિયતઃ શુચિઃ ।
અષ્ટમ્યાં ચ ચતુર્દશ્યામુપવાસી નરોત્તમઃ ॥ 9 ॥
સંવત્સરેણ લભતે રાજ્યં નિષ્કણ્ટકં પુનઃ ।
ય ઇદં શૃણુયાદ્ભક્ત્યા તવ દેવિ સમુદ્ભવમ્ ।
સર્વપાપવિનિર્મુક્તઃ પરં નિર્વાણમૃચ્છતિ ॥ 10 ॥
શ્રીકામરૂપેશ્વરિ ભાસ્કરપ્રભેપ્રકાશિતામ્ભોજનિભાયતાનને ।
સુરારિરક્ષઃસ્તુતિપાતનોત્સુકેત્રયીમયે દેવનુતે નમામિ ॥ 11 ॥
સિતાસિતે રક્તપિશઙ્ગવિગ્રહેરૂપાણિ યસ્યાઃ પ્રતિભાન્તિ તાનિ ।
વિકારરૂપા ચ વિકલ્પિતાનિશુભાશુભાનામપિ તાં નમામિ ॥ 12 ॥
કામરૂપસમુદ્ભૂતે કામપીઠાવતંસકે ।
વિશ્વાધારે મહામાયે કામેશ્વરિ નમોઽસ્તુ તે ॥ 13 ॥
અવ્યક્તવિગ્રહે શાન્તે સન્તતે કામરૂપિણિ ।
કાલગમ્યે પરે શાન્તે કામેશ્વરિ નમોઽસ્તુ તે ॥ 14 ॥
યા સુષુમ્નાન્તરાલસ્થા ચિન્ત્યતે જ્યોતિરૂપિણી ।
પ્રણતોઽસ્મિ પરાં વીરાં કામેશ્વરિ નમોઽસ્તુ તે ॥ 15 ॥
દંષ્ટ્રાકરાલવદને મુણ્ડમાલોપશોભિતે ।
સર્વતઃ સર્વગે દેવિ કામેશ્વરિ નમોઽસ્તુ તે ॥ 16 ॥
ચામુણ્ડે ચ મહાકાલિ કાલિ કપાલહારિણી ।
પાશહસ્તે દણ્ડહસ્તે કામેશ્વરિ નમોઽસ્તુ તે ॥ 17 ॥
ચામુણ્ડે કુલમાલાસ્યે તીક્ષ્ણદંષ્ટ્રે મહાબલે ।
શવયાનસ્થિતે દેવિ કામેશ્વરિ નમોઽસ્તુ તે ॥ 18 ॥
ઇતિ શ્રી કામાખ્યા સ્તોત્રમ્ ।
Roman (IAST) Transliteration
jaya kāmeśi cāmuṇḍe jaya bhūtāpahāriṇi |
jaya sarvagate devi kāmeśvari namo'stu te || 1 ||
viśvamūrte śubhe śuddhe virūpākṣi trilocane |
bhīmarūpe śive vidye kāmeśvari namo'stu te || 2 ||
mālājaye jaye jambhe bhūtākṣi kṣubhite'kṣaye |
mahāmāye maheśāni kāmeśvari namo'stu te || 3 ||
bhīmākṣi bhīṣaṇe devi sarvabhūtakṣayaṅkari |
kāli ca vikarāli ca kāmeśvari namo'stu te || 3 ||
kāli karālavikrānte kāmeśvari harapriye |
sarvaśāstrasārabhūte kāmeśvari namo'stu te || 4 ||
kāmarūpapradīpe ca nīlakūṭanivāsini |
niśumbhaśumbhamathani kāmeśvari namo'stu te || 5 ||
kāmākhye kāmarūpasthe kāmeśvari haripriye |
kāmanāṃ dehi me nityaṃ kāmeśvari namo'stu te || 6 ||
vapānāḍhyamahāvaktre tathā tribhuvaneśvari |
mahiṣāsuravadhe devi kāmeśvari namo'stu te || 7 ||
chāgatuṣṭe mahābhīme kāmākhye suravandite |
jaya kāmaprade tuṣṭe kāmeśvari namo'stu te || 8 ||
bhraṣṭarājyo yadā rājā navamyāṃ niyataḥ śuciḥ |
aṣṭamyāṃ ca caturdaśyāmupavāsī narottamaḥ || 9 ||
saṃvatsareṇa labhate rājyaṃ niṣkaṇṭakaṃ punaḥ |
ya idaṃ śṛṇuyādbhaktyā tava devi samudbhavam |
sarvapāpavinirmuktaḥ paraṃ nirvāṇamṛcchati || 10 ||
śrīkāmarūpeśvari bhāskaraprabheprakāśitāmbhojanibhāyatānane |
surārirakṣaḥstutipātanotsuketrayīmaye devanute namāmi || 11 ||
sitāsite raktapiśaṅgavigraherūpāṇi yasyāḥ pratibhānti tāni |
vikārarūpā ca vikalpitāniśubhāśubhānāmapi tāṃ namāmi || 12 ||
kāmarūpasamudbhūte kāmapīṭhāvataṃsake |
viśvādhāre mahāmāye kāmeśvari namo'stu te || 13 ||
avyaktavigrahe śānte santate kāmarūpiṇi |
kālagamye pare śānte kāmeśvari namo'stu te || 14 ||
yā suṣumnāntarālasthā cintyate jyotirūpiṇī |
praṇato'smi parāṃ vīrāṃ kāmeśvari namo'stu te || 15 ||
daṃṣṭrākarālavadane muṇḍamālopaśobhite |
sarvataḥ sarvage devi kāmeśvari namo'stu te || 16 ||
cāmuṇḍe ca mahākāli kāli kapālahāriṇī |
pāśahaste daṇḍahaste kāmeśvari namo'stu te || 17 ||
cāmuṇḍe kulamālāsye tīkṣṇadaṃṣṭre mahābale |
śavayānasthite devi kāmeśvari namo'stu te || 18 ||
iti śrī kāmākhyā stotram |
InfoLyter.in — Sacred Vedic Knowledge Portal · Free forever