Shri Kalika Sahasra Nama Stotram

ॐ

શ્રી કાલિકા સહસ્ર નામ સ્તોત્રમ્

Kali Stotram Gujarati

શ્રી શિવ ઉવાચ ।

કથિતોઽયં મહામન્ત્રઃ સર્વમન્ત્રોત્તમોત્તમઃ ।

યામાસાદ્ય મયા પ્રાપ્તમૈશ્વર્યપદમુત્તમમ્ ॥ 1 ॥

સંયુક્તઃ પરયા ભક્ત્યા યથોક્ત વિધિના ભવાન્ ।

કુરુતામર્ચનં દેવ્યાસ્ત્રૈલોક્યવિજિગીષયા ॥ 2 ॥

શ્રીપરશુરામ ઉવાચ ।

પ્રસન્નો યદિ મે દેવ પરમેશ પુરાતન ।

રહસ્યં પરમં દેવ્યાઃ કૃપયા કથય પ્રભો ॥ 3 ॥

વિનાર્ચનં વિના હોમં વિના ન્યાસં વિના બલિમ્ ।

વિના ગન્ધં વિના પુષ્પં વિના નિત્યોદિતાં ક્રિયામ્ ॥ 4 ॥

પ્રાણાયામં વિના ધ્યાનં વિના ભૂતવિશોધનમ્ ।

વિના દાનં વિના જાપં યેન કાલી પ્રસીદતિ ॥ 5 ॥

શ્રી શિવ ઉવાચ ।

પૃષ્ટં ત્વયોત્તમં પ્રાજ્ઞ ભૃગુવંશ સમુદ્ભવ ।

ભક્તાનામપિ ભક્તોઽસિ ત્વમેવ સાધયિષ્યસિ ॥ 6 ॥

દેવીં દાનવકોટિઘ્નીં લીલયા રુધિરપ્રિયામ્ ।

સદા સ્તોત્રપ્રિયામુગ્રાં કામકૌતુકલાલસામ્ ॥ 7 ॥

સર્વદાઽઽનન્દહૃદયામાસવોત્સવ માનસામ્ ।

માધ્વીક મત્સ્યમાંસાનુરાગિણીં વૈષ્ણવીં પરામ્ ॥ 8 ॥

શ્મશાનવાસિનીં પ્રેતગણનૃત્યમહોત્સવામ્ ।

યોગપ્રભાવાં યોગેશીં યોગીન્દ્રહૃદયસ્થિતામ્ ॥ 9 ॥

તામુગ્રકાલિકાં રામ પ્રસીદયિતુમર્હસિ ।

તસ્યાઃ સ્તોત્રં પરં પુણ્યં સ્વયં કાલ્યા પ્રકાશિતમ્ ॥ 10 ॥

તવ તત્ કથયિષ્યામિ શ્રુત્વા વત્સાવધારય ।

ગોપનીયં પ્રયત્નેન પઠનીયં પરાત્પરમ્ ॥ 11 ॥

યસ્યૈકકાલપઠનાત્ સર્વે વિઘ્નાઃ સમાકુલાઃ ।

નશ્યન્તિ દહને દીપ્તે પતઙ્ગા ઇવ સર્વતઃ ॥ 12 ॥

ગદ્યપદ્યમયી વાણી તસ્ય ગઙ્ગાપ્રવાહવત્ ।

તસ્ય દર્શનમાત્રેણ વાદિનો નિષ્પ્રભાં ગતાઃ ॥ 13 ॥

તસ્ય હસ્તે સદૈવાસ્તિ સર્વસિદ્ધિર્ન સંશયઃ ।

રાજાનોઽપિ ચ દાસત્વં ભજન્તે કિં પરે જનાઃ ॥ 14 ॥

નિશીથે મુક્તકેશસ્તુ નગ્નઃ શક્તિસમાહિતઃ ।

મનસા ચિન્તયેત્ કાલીં મહાકાલેન ચાલિતામ્ ॥ 15 ॥

પઠેત્ સહસ્રનામાખ્યં સ્તોત્રં મોક્ષસ્ય સાધનમ્ ।

પ્રસન્ના કાલિકા તસ્ય પુત્રત્વેનાનુકમ્પતે ॥ 16 ॥

યથા બ્રહ્મમૃતૈર્બ્રહ્મકુસુમૈઃ પૂજિતા પરા ।

પ્રસીદતિ તથાનેન સ્તુતા કાલી પ્રસીદતિ ॥ 17 ॥

વિનિયોગઃ –

અસ્ય શ્રી દક્ષિણકાલિકા સહસ્રનામ સ્તોત્રસ્ય મહાકાલભૈરવ ઋષિઃ અનુષ્ટુપ્ છન્દઃ શ્મશાનકાલી દેવતા ધર્માર્થકામમોક્ષાર્થે પાઠે વિનિયોગઃ ।

ધ્યાનમ્ –

શવારૂઢાં મહાભીમાં ઘોરદંષ્ટ્રાં હસન્મુખીં

ચતુર્ભુજાં ખડ્ગમુણ્ડવરાભયકરાં શિવામ્ ।

મુણ્ડમાલાધરાં દેવીં લલાજ્જિહ્વાં દિગમ્બરાં

એવં સઞ્ચિન્તયેત્કાલીં શ્મશાનાલયવાસિનીમ્ ॥

સ્તોત્રમ્ –

શ્મશાનકાલિકા કાલી ભદ્રકાલી કપાલિની ।

ગુહ્યકાલી મહાકાલી કુરુકુલ્લા વિરોધિની ॥ 1 ॥

કાલિકા કાલરાત્રિશ્ચ મહાકાલનિતમ્બિની ।

કાલભૈરવભાર્યા ચ કુલવર્ત્મપ્રકાશિની ॥ 2 ॥

કામદા કામિની કન્યા કમનીયસ્વરૂપિણી ।

કસ્તૂરીરસલિપ્તાઙ્ગી કુઞ્જરેશ્વરગામિની ॥ 3 ॥

કકારવર્ણસર્વાઙ્ગી કામિની કામસુન્દરી ।

કામાર્તા કામરૂપા ચ કામધેનુઃ કલાવતી ॥ 4 ॥

કાન્તા કામસ્વરૂપા ચ કામાખ્યા કુલકામિની ।

કુલીના કુલવત્યમ્બા દુર્ગા દુર્ગતિનાશિની ॥ 5 ॥

કૌમારી કલજા કૃષ્ણા કૃષ્ણદેહા કૃશોદરી ।

કૃશાઙ્ગી કુલિશાઙ્ગી ચ ક્રીઙ્કારી કમલા કલા ॥ 6 ॥

કરાલાસ્યા કરાલી ચ કુલકાન્તાઽપરાજિતા ।

ઉગ્રા ઉગ્રપ્રભા દીપ્તા વિપ્રચિત્તા મહાબલા ॥ 7 ॥

નીલા ઘના મેઘનાદા માત્રા મુદ્રા મિતામિતા ।

બ્રાહ્મી નારાયણી ભદ્રા સુભદ્રા ભક્તવત્સલા ॥ 8 ॥

માહેશ્વરી ચ ચામુણ્ડા વારાહી નારસિંહિકા ।

વજ્રાઙ્ગી વજ્રકઙ્કાલી નૃમુણ્ડસ્રગ્વિણી શિવા ॥ 9 ॥

માલિની નરમુણ્ડાલી ગલદ્રક્તવિભૂષણા ।

રક્તચન્દનસિક્તાઙ્ગી સિન્દૂરારુણમસ્તકા ॥ 10 ॥

ઘોરરૂપા ઘોરદંષ્ટ્રા ઘોરાઘોરતરા શુભા ।

મહાદંષ્ટ્રા મહામાયા સુદતી યુગદન્તુરા ॥ 11 ॥

સુલોચના વિરૂપાક્ષી વિશાલાક્ષી ત્રિલોચના ।

શારદેન્દુપ્રસન્નાસ્યા સ્ફુરત્સ્મેરામ્બુજેક્ષણા ॥ 12 ॥

અટ્ટહાસપ્રફુલ્લાસ્યા સ્મેરવક્ત્રા સુભાષિણી ।

પ્રફુલ્લપદ્મવદના સ્મિતાસ્યા પ્રિયભાષિણી ॥ 13 ॥

કોટરાક્ષી કુલશ્રેષ્ઠા મહતી બહુભાષિણી ।

સુમતિઃ કુમતિશ્ચણ્ડા ચણ્ડમુણ્ડાતિવેગિની ॥ 14 ॥

સુકેશી મુક્તકેશી ચ દીર્ઘકેશી મહાકચા ।

પ્રેતદેહાકર્ણપૂરા પ્રેતપાણિસુમેખલા ॥ 15 ॥

પ્રેતાસના પ્રિયપ્રેતા પુણ્યદા કુલપણ્ડિતા ।

પુણ્યાલયા પુણ્યદેહા પુણ્યશ્લોકા ચ પાવની ॥ 16 ॥

પૂતા પવિત્રા પરમા પરા પુણ્યવિભૂષણા ।

પુણ્યનામ્ની ભીતિહરા વરદા ખડ્ગપાણિની ॥ 17 ॥

નૃમુણ્ડહસ્તા શાન્તા ચ છિન્નમસ્તા સુનાસિકા ।

દક્ષિણા શ્યામલા શ્યામા શાન્તા પીનોન્નતસ્તની ॥ 18 ॥

દિગમ્બરા ઘોરરાવા સૃક્કાન્તરક્તવાહિની ।

ઘોરરાવા શિવાસઙ્ગા નિઃસઙ્ગા મદનાતુરા ॥ 19 ॥

મત્તા પ્રમત્તા મદના સુધાસિન્ધુનિવાસિની ।

અતિમત્તા મહામત્તા સર્વાકર્ષણકારિણી ॥ 20 ॥

ગીતપ્રિયા વાદ્યરતા પ્રેતનૃત્યપરાયણા ।

ચતુર્ભુજા દશભુજા અષ્ટાદશભુજા તથા ॥ 21 ॥

કાત્યાયની જગન્માતા જગતી પરમેશ્વરી ।

જગદ્બન્ધુર્જગદ્ધાત્રી જગદાનન્દકારિણી ॥ 22 ॥

જગજ્જીવવતી હૈમવતી માયા મહાલયા ।

નાગયજ્ઞોપવીતાઙ્ગી નાગિની નાગશાયિની ॥ 23 ॥

નાગકન્યા દેવકન્યા ગાન્ધારી કિન્નરી સુરી ।

મોહરાત્રી મહારાત્રી દારુણામાસુરાસુરી ॥ 24 ॥

વિદ્યાધરી વસુમતી યક્ષિણી યોગિની જરા ।

રાક્ષસી ડાકિની વેદમયી વેદવિભૂષણા ॥ 25 ॥

શ્રુતિસ્મૃતિમહાવિદ્યા ગુહ્યવિદ્યા પુરાતની ।

ચિન્ત્યાઽચિન્ત્યા સ્વધા સ્વાહા નિદ્રા તન્દ્રા ચ પાર્વતી ॥ 26 ॥

અપર્ણા નિશ્ચલા લોલા સર્વવિદ્યા તપસ્વિની ।

ગઙ્ગા કાશી શચી સીતા સતી સત્યપરાયણા ॥ 27 ॥

નીતિઃ સુનીતિઃ સુરુચિસ્તુષ્ટિઃ પુષ્ટિર્ધૃતિઃ ક્ષમા ।

વાણી બુદ્ધિર્મહાલક્ષ્મી લક્ષ્મીર્નીલસરસ્વતી ॥ 28 ॥

સ્રોતસ્વતી સ્રોતવતી માતઙ્ગી વિજયા જયા ।

નદી સિન્ધુઃ સર્વમયી તારા શૂન્યનિવાસિની ॥ 29 ॥

શુદ્ધા તરઙ્ગિણી મેધા લાકિની બહુરૂપિણી ।

સદાનન્દમયી સત્યા સર્વાનન્દસ્વરૂપિણી ॥ 30 ॥

સુનન્દા નન્દિની સ્તુત્યા સ્તવનીયા સ્વભાવિની ।

રઙ્કિણી ટઙ્કિણી ચિત્રા વિચિત્રા ચિત્રરૂપિણી ॥ 31 ॥

પદ્મા પદ્માલયા પદ્મસુખી પદ્મવિભૂષણા ।

શાકિની હાકિની ક્ષાન્તા રાકિણી રુધિરપ્રિયા ॥ 32 ॥

ભ્રાન્તિર્ભવાની રુદ્રાણી મૃડાની શત્રુમર્દિની ।

ઉપેન્દ્રાણી મહેશાની જ્યોત્સ્ના ચેન્દ્રસ્વરૂપિણી ॥ 33 ॥

સૂર્યાત્મિકા રુદ્રપત્ની રૌદ્રી સ્ત્રી પ્રકૃતિઃ પુમાન્ ।

શક્તિઃ સૂક્તિર્મતિમતી ભુક્તિર્મુક્તિઃ પતિવ્રતા ॥ 34 ॥

સર્વેશ્વરી સર્વમાતા શર્વાણી હરવલ્લભા ।

સર્વજ્ઞા સિદ્ધિદા સિદ્ધા ભાવ્યા ભવ્યા ભયાપહા ॥ 35 ॥

કર્ત્રી હર્ત્રી પાલયિત્રી શર્વરી તામસી દયા ।

તમિસ્રા યામિનીસ્થા ચ સ્થિરા ધીરા તપસ્વિની ॥ 36 ॥

ચાર્વઙ્ગી ચઞ્ચલા લોલજિહ્વા ચારુચરિત્રિણી ।

ત્રપા ત્રપાવતી લજ્જા નિર્લજ્જા હ્રીં રજોવતી ॥ 37 ॥

સત્ત્વવતી ધર્મનિષ્ઠા શ્રેષ્ઠા નિષ્ઠુરવાદિની ।

ગરિષ્ઠા દુષ્ટસંહર્ત્રી વિશિષ્ટા શ્રેયસી ઘૃણા ॥ 38 ॥

ભીમા ભયાનકા ભીમનાદિની ભીઃ પ્રભાવતી ।

વાગીશ્વરી શ્રીર્યમુના યજ્ઞકર્ત્રી યજુઃપ્રિયા ॥ 39 ॥

ઋક્સામાથર્વનિલયા રાગિણી શોભનસ્વરા ।

કલકણ્ઠી કમ્બુકણ્ઠી વેણુવીણાપરાયણા ॥ 40 ॥

વંશિની વૈષ્ણવી સ્વચ્છા ધાત્રી ત્રિજગદીશ્વરી ।

મધુમતી કુણ્ડલિની ઋદ્ધિઃ સિદ્ધિઃ શુચિસ્મિતા ॥ 41 ॥

રમ્ભોર્વશી રતી રામા રોહિણી રેવતી રમા ।

શઙ્ખિની ચક્રિણી કૃષ્ણા ગદિની પદ્મિની તથા ॥ 42 ॥

શૂલિની પરિઘાસ્ત્રા ચ પાશિની શાર્ઙ્ગપાણિની ।

પિનાકધારિણી ધૂમ્રા શરભી વનમાલિની ॥ 43 ॥

વજ્રિણી સમરપ્રીતા વેગિની રણપણ્ડિતા ।

જટિની બિમ્બિની નીલા લાવણ્યામ્બુધિચન્દ્રિકા ॥ 44 ॥

બલિપ્રિયા સદાપૂજ્યા પૂર્ણા દૈત્યેન્દ્રમાથિની ।

મહિષાસુરસંહન્ત્રી વાસિની રક્તદન્તિકા ॥ 45 ॥

રક્તપા રુધિરાક્તાઙ્ગી રક્તખર્પરહસ્તિની ।

રક્તપ્રિયા માંસરુચિર્વાસવાસક્તમાનસા ॥ 46 ॥

ગલચ્છોણિતમુણ્ડાલિકણ્ઠમાલાવિભૂષણા ।

શવાસના ચિતાન્તસ્થા માહેશી વૃષવાહિની ॥ 47 ॥

વ્યાઘ્રત્વગમ્બરા ચીનચેલિની સિંહવાહિની ।

વામદેવી મહાદેવી ગૌરી સર્વજ્ઞભાવિની ॥ 48 ॥

બાલિકા તરુણી વૃદ્ધા વૃદ્ધમાતા જરાતુરા ।

સુભ્રુર્વિલાસિની બ્રહ્મવાદિની બ્રાહ્મણી મહી ॥ 49 ॥

સ્વપ્નવતી ચિત્રલેખા લોપામુદ્રા સુરેશ્વરી ।

અમોઘાઽરુન્ધતી તીક્ષ્ણા ભોગવત્યનુવાદિની ॥ 50 ॥

મન્દાકિની મન્દહાસા જ્વાલામુખ્યસુરાન્તકા ।

માનદા માનિની માન્યા માનનીયા મદોદ્ધતા ॥ 51 ॥

મદિરા મદિરાન્માદા મેધ્યા નવ્યા પ્રસાદિની ।

સુમધ્યાઽનન્તગુણિની સર્વલોકોત્તમોત્તમા ॥ 52 ॥

જયદા જિત્વરા જૈત્રી જયશ્રીર્જયશાલિની ।

સુખદા શુભદા સત્યા સભાસઙ્ક્ષોભકારિણી ॥ 53 ॥

શિવદૂતી ભૂતિમતી વિભૂતિર્ભીષણાનના ।

કૌમારી કુલજા કુન્તી કુલસ્ત્રી કુલપાલિકા ॥ 54 ॥

કીર્તિર્યશસ્વિની ભૂષા ભૂષ્યા ભૂતપતિપ્રિયા ।

સગુણા નિર્ગુણા ધૃષ્ટા નિષ્ઠા કાષ્ઠા પ્રતિષ્ઠિતા ॥ 55 ॥

ધનિષ્ઠા ધનદા ધન્યા વસુધા સ્વપ્રકાશિની ।

ઉર્વી ગુર્વી ગુરુશ્રેષ્ઠા સગુણા ત્રિગુણાત્મિકા ॥ 56 ॥

મહાકુલીના નિષ્કામા સકામા કામજીવના ।

કામદેવકલા રામાઽભિરામા શિવનર્તકી ॥ 57 ॥

ચિન્તામણિઃ કલ્પલતા જાગ્રતી દીનવત્સલા ।

કાર્તિકી કીર્તિકા કૃત્યા અયોધ્યા વિષમા સમા ॥ 58 ॥

સુમન્ત્રા મન્ત્રિણી ઘૂર્ણા હ્લાદિની ક્લેશનાશિની ।

ત્રૈલોક્યજનની હૃષ્ટા નિર્માંસા મનોરૂપિણી ॥ 59 ॥

તડાગનિમ્નજઠરા શુષ્કમાંસાસ્થિમાલિની ।

અવન્તી મથુરા માયા ત્રૈલોક્યપાવનીશ્વરી ॥ 60 ॥

વ્યક્તાઽવ્યક્તાઽનેકમૂર્તિઃ શર્વરી ભીમનાદિની ।

ક્ષેમઙ્કરી શઙ્કરી ચ સર્વસમ્મોહકારિણી ॥ 61 ॥

ઊર્ધ્વતેજસ્વિની ક્લિન્ના મહાતેજસ્વિની તથા ।

અદ્વૈતા ભોગિની પૂજ્યા યુવતી સર્વમઙ્ગલા ॥ 62 ॥

સર્વપ્રિયઙ્કરી ભોગ્યા ધરણી પિશિતાશના ।

ભયઙ્કરી પાપહરા નિષ્કલઙ્કા વશઙ્કરી ॥ 63 ॥

આશા તૃષ્ણા ચન્દ્રકલા નિદ્રાન્યા વાયુવેગિની ।

સહસ્રસૂર્યસઙ્કાશા ચન્દ્રકોટિસમપ્રભા ॥ 64 ॥

વહ્નિમણ્ડલસંસ્થા ચ સર્વતત્ત્વપ્રતિષ્ઠિતા ।

સર્વાચારવતી સર્વદેવકન્યાધિદેવતા ॥ 65 ॥

દક્ષકન્યા દક્ષયજ્ઞનાશિની દુર્ગતારિકા ।

ઇજ્યા પૂજ્યા વિભા ભૂતિઃ સત્કીર્તિર્બ્રહ્મરૂપિણી ॥ 66 ॥

રમ્ભોરુશ્ચતુરા રાકા જયન્તી કરુણા કુહુઃ ।

મનસ્વિની દેવમાતા યશસ્યા બ્રહ્મચારિણી ॥ 67 ॥

ઋદ્ધિદા વૃદ્ધિદા વૃદ્ધિઃ સર્વાદ્યા સર્વદાયિની ।

આધારરૂપિણી ધ્યેયા મૂલાધારનિવાસિની ॥ 68 ॥

અજ્ઞા પ્રજ્ઞા પૂર્ણમનાશ્ચન્દ્રમુખ્યનુકૂલિની ।

વાવદૂકા નિમ્નનાભિઃ સત્યા સન્ધ્યા દૃઢવ્રતા ॥ 69 ॥

આન્વીક્ષિકી દણ્ડનીતિસ્ત્રયી ત્રિદિવસુન્દરી ।

જ્વલિની જ્વાલિની શૈલતનયા વિન્ધ્યવાસિની ॥ 70 ॥

અમેયા ખેચરી ધૈર્યા તુરીયા વિમલાઽઽતુરા ।

પ્રગલ્ભા વારુણી છાયા શશિની વિસ્ફુલિઙ્ગિની ॥ 71 ॥

ભુક્તિઃ સિદ્ધિઃ સદાપ્રાપ્તિઃ પ્રાકામ્યા મહિમાઽણિમા ।

ઇચ્છાસિદ્ધિર્વિસિદ્ધા ચ વશિત્વોર્ધ્વનિવાસિની ॥ 72 ॥

લઘિમા ચૈવ ગાયત્રી સાવિત્રી ભુવનેશ્વરી ।

મનોહરા ચિતા દિવ્યા દેવ્યુદારા મનોરમા ॥ 73 ॥

પિઙ્ગલા કપિલા જિહ્વારસજ્ઞા રસિકા રસા ।

સુષુમ્નેડા ભોગવતી ગાન્ધારી નરકાન્તકા ॥ 74 ॥

પાઞ્ચાલી રુક્મિણી રાધારાધ્યા ભીમાધિરાધિકા ।

અમૃતા તુલસી વૃન્દા કૈટભી કપટેશ્વરી ॥ 75 ॥

ઉગ્રચણ્ડેશ્વરી વીરા જનની વીરસુન્દરી ।

ઉગ્રતારા યશોદાખ્યા દૈવકી દેવમાનિતા ॥ 76 ॥

નિરઞ્જના ચિત્રદેવી ક્રોધિની કુલદીપિકા ।

કુલવાગીશ્વરી વાણી માતૃકા દ્રાવિણી દ્રવા ॥ 77 ॥

યોગેશ્વરી મહામારી ભ્રામરી બિન્દુરૂપિણી ।

દૂતી પ્રાણેશ્વરી ગુપ્તા બહુલા ચમરી પ્રભા ॥ 78 ॥

કુબ્જિકા જ્ઞાનિની જ્યેષ્ઠા ભુશુણ્ડી પ્રકટા તિથિઃ ।

દ્રવિણી ગોપની માયા કામબીજેશ્વરી ક્રિયા ॥ 79 ॥

શામ્ભવી કેકરા મેના મૂષલાસ્ત્રા તિલોત્તમા ।

અમેયવિક્રમા ક્રૂરા સમ્પત્શાલા ત્રિલોચના ॥ 80 ॥

સ્વસ્તિર્હવ્યવહા પ્રીતિરુષ્મા ધૂમ્રાર્ચિરઙ્ગદા ।

તપિની તાપિની વિશ્વા ભોગદા ધારિણી ધરા ॥ 81 ॥

ત્રિખણ્ડા બોધિની વશ્યા સકલા શબ્દરૂપિણી ।

બીજરૂપા મહામુદ્રા યોગિની યોનિરૂપિણી ॥ 82 ॥

અનઙ્ગકુસુમાઽનઙ્ગમેખલાઽનઙ્ગરૂપિણી ।

વજ્રેશ્વરી ચ જયિની સર્વદ્વન્દ્વક્ષયઙ્કરી ॥ 83 ॥

ષડઙ્ગયુવતી યોગયુક્તા જ્વાલાંશુમાલિની ।

દુરાશયા દુરાધારા દુર્જયા દુર્ગરૂપિણી ॥ 84 ॥

દુરન્તા દુષ્કૃતિહરા દુર્ધ્યેયા દુરતિક્રમા ।

હંસેશ્વરી ત્રિકોણસ્થા શાકમ્ભર્યનુકમ્પિની ॥ 85 ॥

ત્રિકોણનિલયા નિત્યા પરમામૃતરઞ્જિતા ।

મહાવિદ્યેશ્વરી શ્વેતા ભેરુણ્ડા કુલસુન્દરી ॥ 86 ॥

ત્વરિતા ભક્તિસંસક્તા ભક્તવશ્યા સનાતની ।

ભક્તાનન્દમયી ભક્તભાવિકા ભક્તશઙ્કરી ॥ 87 ॥

સર્વસૌન્દર્યનિલયા સર્વસૌભાગ્યશાલિની ।

સર્વસમ્ભોગભવના સર્વસૌખ્યનિરૂપિણી ॥ 88 ॥

કુમારીપૂજનરતા કુમારીવ્રતચારિણી ।

કુમારીભક્તિસુખિની કુમારીરૂપધારિણી ॥ 89 ॥

કુમારીપૂજકપ્રીતા કુમારીપ્રીતિદા પ્રિયા ।

કુમારીસેવકાસઙ્ગા કુમારીસેવકાલયા ॥ 90 ॥

આનન્દભૈરવી બાલભૈરવી બટુભૈરવી ।

શ્મશાનભૈરવી કાલભૈરવી પુરભૈરવી ॥ 91 ॥

મહાભૈરવપત્ની ચ પરમાનન્દભૈરવી ।

સુધાનન્દભૈરવી ચ ઉન્માદાનન્દભૈરવી ॥ 92 ॥

મુક્તાનન્દભૈરવી ચ તથા તરુણભૈરવી ।

જ્ઞાનાનન્દભૈરવી ચ અમૃતાનન્દભૈરવી ॥ 93 ॥

મહાભયઙ્કરી તીવ્રા તીવ્રવેગા તપસ્વિની ।

ત્રિપુરા પરમેશાની સુન્દરી પુરસુન્દરી ॥ 94 ॥

ત્રિપુરેશી પઞ્ચદશી પઞ્ચમી પુરવાસિની ।

મહાસપ્તદશી ચૈવ ષોડશી ત્રિપુરેશ્વરી ॥ 95 ॥

મહાઙ્કુશસ્વરૂપા ચ મહાચક્રેશ્વરી તથા ।

નવચક્રેશ્વરી ચક્રેશ્વરી ત્રિપુરમાલિની ॥ 96 ॥

રાજરાજેશ્વરી ધીરા મહાત્રિપુરસુન્દરી ।

સિન્દૂરપૂરરુચિરા શ્રીમત્ત્રિપુરસુન્દરી ॥ 97 ॥

સર્વાઙ્ગસુન્દરી રક્તારક્તવસ્ત્રોત્તરીયિણી ।

જવાયાવકસિન્દૂરરક્તચન્દનધારિણી ॥ 98 ॥

જવાયાવકસિન્દૂરરક્તચન્દનરૂપધૃક્ ।

ચામરી બાલકુટિલનિર્મલા શ્યામકેશિની ॥ 99 ॥

વજ્રમૌક્તિકરત્નાઢ્યા કિરીટમુકુટોજ્જ્વલા ।

રત્નકુણ્ડલસંયુક્તસ્ફુરદ્ગણ્ડમનોરમા ॥ 100 ॥

કુઞ્જરેશ્વરકુમ્ભોત્થમુક્તારઞ્જિતનાસિકા ।

મુક્તાવિદ્રુમમાણિક્યહારાઢ્યસ્તનમણ્ડલા ॥ 101 ॥

સૂર્યકાન્તેન્દુકાન્તાઢ્યસ્પર્શાશ્મકણ્ઠભૂષણા ।

બીજપૂરસ્ફુરદ્બીજદન્તપઙ્ક્તિરનુત્તમા ॥ 102 ॥

કામકોદણ્ડકાભુગ્નભ્રૂકટાક્ષપ્રવર્ષિણી ।

માતઙ્ગકુમ્ભવક્ષોજા લસત્કોકનદેક્ષણા ॥ 103 ॥

મનોજ્ઞશષ્કુલીકર્ણા હંસીગતિવિડમ્બિની ।

પદ્મરાગાઙ્ગદજ્યોતિર્દોશ્ચતુષ્કપ્રકાશિની ॥ 104 ॥

નાનામણિપરિસ્ફૂર્જચ્છુદ્ધકાઞ્ચનકઙ્કણા ।

નાગેન્દ્રદન્તનિર્માણવલયાઙ્કિતપાણિની ॥ 105 ॥

અઙ્ગુરીયકચિત્રાઙ્ગી વિચિત્રક્ષુદ્રઘણ્ટિકા ।

પટ્ટામ્બરપરીધાના કલમઞ્જીરશિઞ્જિની ॥ 106 ॥

કર્પૂરાગરુકસ્તૂરીકુઙ્કુમદ્રવલેપિતા ।

વિચિત્રરત્નપૃથિવીકલ્પશાખિતલસ્થિતા ॥ 107 ॥

રત્નદ્વીપસ્ફુરદ્રત્નસિંહાસનવિલાસિની ।

ષટ્ચક્રભેદનકરી પરમાનન્દરૂપિણી ॥ 108 ॥

સહસ્રદલપદ્માન્તશ્ચન્દ્રમણ્ડલવર્તિની ।

બ્રહ્મરૂપા શિવક્રોડા નાનાસુખવિલાસિની ॥ 109 ॥

હરવિષ્ણુવિરિઞ્ચીન્દ્રગ્રહનાયકસેવિતા ।

શિવા શૈવા ચ રુદ્રાણી તથૈવ શિવવાદિની ॥ 110 ॥

માતઙ્ગિની શ્રીમતી ચ તથૈવાનઙ્ગમેખલા ।

ડાકિની યોગિની ચૈવ તથોપયોગિની મતા ॥ 111 ॥

માહેશ્વરી વૈષ્ણવી ચ ભ્રામરી શિવરૂપિણી ।

અલમ્બુષા વેગવતી ક્રોધરૂપા સુમેખલા ॥ 112 ॥

ગાન્ધારી હસ્તજિહ્વા ચ ઇડા ચૈવ શુભઙ્કરી ।

પિઙ્ગલા બ્રહ્મદૂતી ચ સુષુમ્ના ચૈવ ગન્ધિની ॥ 113 ॥

આત્મયોનિર્બ્રહ્મયોનિર્જગદ્યોનિરયોનિજા ।

ભગરૂપા ભગસ્થાત્રી ભગિની ભગરૂપિણી ॥ 114 ॥

ભગાત્મિકા ભગાધારરૂપિણી ભગમાલિની ।

લિઙ્ગાખ્યા ચૈવ લિઙ્ગેશી ત્રિપુરા ભૈરવી તથા ॥ 115 ॥

લિઙ્ગગીતિઃ સુગીતિશ્ચ લિઙ્ગસ્થા લિઙ્ગરૂપધૃક્ ।

લિઙ્ગમાના લિઙ્ગભવા લિઙ્ગલિઙ્ગા ચ પાર્વતી ॥ 116 ॥

ભગવતી કૌશિકી ચ પ્રેમા ચૈવ પ્રિયંવદા ।

ગૃધ્રરૂપા શિવારૂપા ચક્રિણી ચક્રરૂપધૃક્ ॥ 117 ॥

લિઙ્ગાભિધાયિની લિઙ્ગપ્રિયા લિઙ્ગનિવાસિની ।

લિઙ્ગસ્થા લિઙ્ગની લિઙ્ગરૂપિણી લિઙ્ગસુન્દરી ॥ 118 ॥

લિઙ્ગગીતિર્મહાપ્રીતા ભગગીતિર્મહાસુખા ।

લિઙ્ગનામસદાનન્દા ભગનામસદાગતિઃ ॥ 119 ॥

લિઙ્ગમાલાકણ્ઠભૂષા ભગમાલાવિભૂષણા ।

ભગલિઙ્ગામૃતપ્રીતા ભગલિઙ્ગસ્વરૂપિણી ॥ 120 ॥

ભગલિઙ્ગસ્ય રૂપા ચ ભગલિઙ્ગસુખાવહા ।

સ્વયમ્ભૂકુસુમપ્રીતા સ્વયમ્ભૂકુસુમાર્ચિતા ॥ 121 ॥

સ્વયમ્ભૂકુસુમપ્રાણા સ્વયમ્ભૂપુષ્પતર્પિતા ।

સ્વયમ્ભૂપુષ્પઘટિતા સ્વયમ્ભૂપુષ્પધારિણી ॥ 122 ॥

સ્વયમ્ભૂપુષ્પતિલકા સ્વયમ્ભૂપુષ્પચર્ચિતા ।

સ્વયમ્ભૂપુષ્પનિરતા સ્વયમ્ભૂકુસુમગ્રહા ॥ 123 ॥

સ્વયમ્ભૂપુષ્પયજ્ઞાંશા સ્વયમ્ભૂકુસુમાત્મિકા ।

સ્વયમ્ભૂપુષ્પનિચિતા સ્વયમ્ભૂકુસુમપ્રિયા ॥ 124 ॥

સ્વયમ્ભૂકુસુમાદાનલાલસોન્મત્તમાનસા ।

સ્વયમ્ભૂકુસુમાનન્દલહરીસ્નિગ્ધદેહિની ॥ 125 ॥

સ્વયમ્ભૂકુસુમાધારા સ્વયમ્ભૂકુસુમાકુલા ।

સ્વયમ્ભૂપુષ્પનિલયા સ્વયમ્ભૂપુષ્પવાસિની ॥ 126 ॥

સ્વયમ્ભૂકુસુમસ્નિગ્ધા સ્વયમ્ભૂકુસુમાત્મિકા ।

સ્વયમ્ભૂપુષ્પકરિણી સ્વયમ્ભૂપુષ્પવાણિકા ॥ 127 ॥

સ્વયમ્ભૂકુસુમધ્યાના સ્વયમ્ભૂકુસુમપ્રભા ।

સ્વયમ્ભૂકુસુમજ્ઞાના સ્વયમ્ભૂપુષ્પભાગિની ॥ 128 ॥

સ્વયમ્ભૂકુસુમોલ્લાસા સ્વયમ્ભૂપુષ્પવર્ષિણી ।

સ્વયમ્ભૂકુસુમોત્સાહા સ્વયમ્ભૂપુષ્પરૂપિણી ॥ 129 ॥

સ્વયમ્ભૂકુસુમોન્માદા સ્વયમ્ભૂપુષ્પસુન્દરી ।

સ્વયમ્ભૂકુસુમારાધ્યા સ્વયમ્ભૂકુસુમોદ્ભવા ॥ 130 ॥

સ્વયમ્ભૂકુસુમાવ્યગ્રા સ્વયમ્ભૂપુષ્પપૂર્ણિતા ।

સ્વયમ્ભૂપૂજકપ્રાજ્ઞા સ્વયમ્ભૂહોતૃમાતૃકા ॥ 131 ॥

સ્વયમ્ભૂદાતૃરક્ષિત્રી સ્વયમ્ભૂરક્તતારિકા ।

સ્વયમ્ભૂપૂજકગ્રસ્તા સ્વયમ્ભૂપૂજકપ્રિયા ॥ 132 ॥

સ્વયમ્ભૂવન્દકાધારા સ્વયમ્ભૂનિન્દકાન્તકા ।

સ્વયમ્ભૂપ્રદસર્વસ્વા સ્વયમ્ભૂપ્રદપુત્રિણી ॥ 133 ॥

સ્વયમ્ભૂપ્રદસસ્મેરા સ્વયમ્ભૂતશરીરિણી ।

સર્વકાલોદ્ભવપ્રીતા સર્વકાલોદ્ભવાત્મિકા ॥ 134 ॥

સર્વકાલોદ્ભવોદ્ભાવા સર્વકાલોદ્ભવોદ્ભવા ।

કુણ્ડપુષ્પસદાપ્રીતા કુણ્ડપુષ્પસદારતિઃ ॥ 135 ॥

કુણ્ડગોલોદ્ભવપ્રાણા કુણ્ડગોલોદ્ભવાત્મિકા ।

સ્વયમ્ભૂર્વા શિવા ધાત્રી પાવની લોકપાવની ॥ 136 ॥

કીર્તિર્યશસ્વિની મેધા વિમેધા શુક્રસુન્દરી ।

અશ્વિની કૃત્તિકા પુષ્યા તેજસ્કા ચન્દ્રમણ્ડલા ॥ 137 ॥

સૂક્ષ્માઽસૂક્ષ્મા બલાકા ચ વરદા ભયનાશિની ।

વરદાઽભયદા ચૈવ મુક્તિબન્ધવિનાશિની ॥ 138 ॥

કામુકા કામદા કાન્તા કામાખ્યા કુલસુન્દરી ।

દુઃખદા સુખદા મોક્ષા મોક્ષદાર્થપ્રકાશિની ॥ 139 ॥

દુષ્ટાદુષ્ટમતિશ્ચૈવ સર્વકાર્યવિનાશિની ।

શુક્રાધારા શુક્રરૂપા શુક્રસિન્ધુનિવાસિની ॥ 140 ॥

શુક્રાલયા શુક્રભોગા શુક્રપૂજાસદારતિઃ ।

શુક્રપૂજ્યા શુક્રહોમસન્તુષ્ટા શુક્રવત્સલા ॥ 141 ॥

શુક્રમૂર્તિઃ શુક્રદેહા શુક્રપૂજકપુત્રિણી ।

શુક્રસ્થા શુક્રિણી શુક્રસંસ્પૃહા શુક્રસુન્દરી ॥ 142 ॥

શુક્રસ્નાતા શુક્રકરી શુક્રસેવ્યાઽતિશુક્રિણી ।

મહાશુક્રા શુક્રભવા શુક્રવૃષ્ટિવિધાયિની ॥ 143 ॥

શુક્રાભિધેયા શુક્રાર્હા શુક્રવન્દકવન્દિતા ।

શુક્રાનન્દકરી શુક્રસદાનન્દાભિધાયિકા ॥ 144 ॥

શુક્રોત્સવા સદાશુક્રપૂર્ણા શુક્રમનોરમા ।

શુક્રપૂજકસર્વસ્વા શુક્રનિન્દકનાશિની ॥ 145 ॥

શુક્રાત્મિકા શુક્રસંવત્ શુક્રાકર્ષણકારિણી ।

શારદા સાધકપ્રાણા સાધકાસક્તમાનસા ॥ 146 ॥

સાધકોત્તમસર્વસ્વા સાધકાભક્તરક્તપા ।

સાધકાનન્દસન્તોષા સાધકાનન્દકારિણી ॥ 147 ॥

આત્મવિદ્યા બ્રહ્મવિદ્યા પરબ્રહ્મસ્વરૂપિણી ।

ત્રિકૂટસ્થા પઞ્ચકૂટા સર્વકૂટશરીરિણી ॥ 148 ॥

સર્વવર્ણમયી વર્ણજપમાલાવિધાયિની ।

ઇતિ શ્રીકાલિકાનામસહસ્રં શિવભાષિતમ્ ॥ 149 ॥

ગુહ્યાદ્ગુહ્યતરં સાક્ષાન્મહાપાતકનાશનમ્ ।

પૂજાકાલે નિશીથે ચ સન્ધ્યયોરુભયોરપિ ॥ 150 ॥

લભતે ગાણપત્યં સ યઃ પઠેત્ સાધકોત્તમઃ ।

યઃ પઠેત્ પાઠયેદ્વાપિ શૃણોતિ શ્રાવયેદપિ ॥ 151 ॥

સર્વપાપવિનિર્મુક્તઃ સ યાતિ કાલિકાપુરમ્ ।

શ્રદ્ધયાઽશ્રદ્ધયા વાપિ યઃ કશ્ચિન્માનવઃ સ્મરેત્ ॥ 152 ॥

દુર્ગં દુર્ગશતં તીર્ત્વા સ યાતિ પરમાઙ્ગતિમ્ ।

વન્ધ્યા વા કાકવન્ધ્યા વા મૃતવત્સા ચ યાઙ્ગના ॥ 153 ॥

શ્રુત્વા સ્તોત્રમિદં પુત્રાન્ લભતે ચિરજીવિનઃ ।

યં યં કામયતે કામં પઠન્ સ્તોત્રમનુત્તમમ્ ।

દેવીપાદપ્રસાદેન તત્તદાપ્નોતિ નિશ્ચિતમ્ ॥ 154 ॥

ઇતિ શ્રીકાલિકાકુલસર્વસ્વે હરપરશુરામસંવાદે શ્રી કાલિકા સહસ્રનામ સ્તોત્રમ્ ।

Roman (IAST) Transliteration

śrī śiva uvāca |

kathito'yaṃ mahāmantraḥ sarvamantrottamottamaḥ |

yāmāsādya mayā prāptamaiśvaryapadamuttamam || 1 ||

saṃyuktaḥ parayā bhaktyā yathokta vidhinā bhavān |

kurutāmarcanaṃ devyāstrailokyavijigīṣayā || 2 ||

śrīparaśurāma uvāca |

prasanno yadi me deva parameśa purātana |

rahasyaṃ paramaṃ devyāḥ kṛpayā kathaya prabho || 3 ||

vinārcanaṃ vinā homaṃ vinā nyāsaṃ vinā balim |

vinā gandhaṃ vinā puṣpaṃ vinā nityoditāṃ kriyām || 4 ||

prāṇāyāmaṃ vinā dhyānaṃ vinā bhūtaviśodhanam |

vinā dānaṃ vinā jāpaṃ yena kālī prasīdati || 5 ||

śrī śiva uvāca |

pṛṣṭaṃ tvayottamaṃ prājña bhṛguvaṃśa samudbhava |

bhaktānāmapi bhakto'si tvameva sādhayiṣyasi || 6 ||

devīṃ dānavakoṭighnīṃ līlayā rudhirapriyām |

sadā stotrapriyāmugrāṃ kāmakautukalālasām || 7 ||

sarvadā''nandahṛdayāmāsavotsava mānasām |

mādhvīka matsyamāṃsānurāgiṇīṃ vaiṣṇavīṃ parām || 8 ||

śmaśānavāsinīṃ pretagaṇanṛtyamahotsavām |

yogaprabhāvāṃ yogeśīṃ yogīndrahṛdayasthitām || 9 ||

tāmugrakālikāṃ rāma prasīdayitumarhasi |

tasyāḥ stotraṃ paraṃ puṇyaṃ svayaṃ kālyā prakāśitam || 10 ||

tava tat kathayiṣyāmi śrutvā vatsāvadhāraya |

gopanīyaṃ prayatnena paṭhanīyaṃ parātparam || 11 ||

yasyaikakālapaṭhanāt sarve vighnāḥ samākulāḥ |

naśyanti dahane dīpte pataṅgā iva sarvataḥ || 12 ||

gadyapadyamayī vāṇī tasya gaṅgāpravāhavat |

tasya darśanamātreṇa vādino niṣprabhāṃ gatāḥ || 13 ||

tasya haste sadaivāsti sarvasiddhirna saṃśayaḥ |

rājāno'pi ca dāsatvaṃ bhajante kiṃ pare janāḥ || 14 ||

niśīthe muktakeśastu nagnaḥ śaktisamāhitaḥ |

manasā cintayet kālīṃ mahākālena cālitām || 15 ||

paṭhet sahasranāmākhyaṃ stotraṃ mokṣasya sādhanam |

prasannā kālikā tasya putratvenānukampate || 16 ||

yathā brahmamṛtairbrahmakusumaiḥ pūjitā parā |

prasīdati tathānena stutā kālī prasīdati || 17 ||

viniyogaḥ –

asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |

dhyānam –

śavārūḍhāṃ mahābhīmāṃ ghoradaṃṣṭrāṃ hasanmukhīṃ

caturbhujāṃ khaḍgamuṇḍavarābhayakarāṃ śivām |

muṇḍamālādharāṃ devīṃ lalājjihvāṃ digambarāṃ

evaṃ sañcintayetkālīṃ śmaśānālayavāsinīm ||

stotram –

śmaśānakālikā kālī bhadrakālī kapālinī |

guhyakālī mahākālī kurukullā virodhinī || 1 ||

kālikā kālarātriśca mahākālanitambinī |

kālabhairavabhāryā ca kulavartmaprakāśinī || 2 ||

kāmadā kāminī kanyā kamanīyasvarūpiṇī |

kastūrīrasaliptāṅgī kuñjareśvaragāminī || 3 ||

kakāravarṇasarvāṅgī kāminī kāmasundarī |

kāmārtā kāmarūpā ca kāmadhenuḥ kalāvatī || 4 ||

kāntā kāmasvarūpā ca kāmākhyā kulakāminī |

kulīnā kulavatyambā durgā durgatināśinī || 5 ||

kaumārī kalajā kṛṣṇā kṛṣṇadehā kṛśodarī |

kṛśāṅgī kuliśāṅgī ca krīṅkārī kamalā kalā || 6 ||

karālāsyā karālī ca kulakāntā'parājitā |

ugrā ugraprabhā dīptā vipracittā mahābalā || 7 ||

nīlā ghanā meghanādā mātrā mudrā mitāmitā |

brāhmī nārāyaṇī bhadrā subhadrā bhaktavatsalā || 8 ||

māheśvarī ca cāmuṇḍā vārāhī nārasiṃhikā |

vajrāṅgī vajrakaṅkālī nṛmuṇḍasragviṇī śivā || 9 ||

mālinī naramuṇḍālī galadraktavibhūṣaṇā |

raktacandanasiktāṅgī sindūrāruṇamastakā || 10 ||

ghorarūpā ghoradaṃṣṭrā ghorāghoratarā śubhā |

mahādaṃṣṭrā mahāmāyā sudatī yugadanturā || 11 ||

sulocanā virūpākṣī viśālākṣī trilocanā |

śāradenduprasannāsyā sphuratsmerāmbujekṣaṇā || 12 ||

aṭṭahāsapraphullāsyā smeravaktrā subhāṣiṇī |

praphullapadmavadanā smitāsyā priyabhāṣiṇī || 13 ||

koṭarākṣī kulaśreṣṭhā mahatī bahubhāṣiṇī |

sumatiḥ kumatiścaṇḍā caṇḍamuṇḍātiveginī || 14 ||

sukeśī muktakeśī ca dīrghakeśī mahākacā |

pretadehākarṇapūrā pretapāṇisumekhalā || 15 ||

pretāsanā priyapretā puṇyadā kulapaṇḍitā |

puṇyālayā puṇyadehā puṇyaślokā ca pāvanī || 16 ||

pūtā pavitrā paramā parā puṇyavibhūṣaṇā |

puṇyanāmnī bhītiharā varadā khaḍgapāṇinī || 17 ||

nṛmuṇḍahastā śāntā ca chinnamastā sunāsikā |

dakṣiṇā śyāmalā śyāmā śāntā pīnonnatastanī || 18 ||

digambarā ghorarāvā sṛkkāntaraktavāhinī |

ghorarāvā śivāsaṅgā niḥsaṅgā madanāturā || 19 ||

mattā pramattā madanā sudhāsindhunivāsinī |

atimattā mahāmattā sarvākarṣaṇakāriṇī || 20 ||

gītapriyā vādyaratā pretanṛtyaparāyaṇā |

caturbhujā daśabhujā aṣṭādaśabhujā tathā || 21 ||

kātyāyanī jaganmātā jagatī parameśvarī |

jagadbandhurjagaddhātrī jagadānandakāriṇī || 22 ||

jagajjīvavatī haimavatī māyā mahālayā |

nāgayajñopavītāṅgī nāginī nāgaśāyinī || 23 ||

nāgakanyā devakanyā gāndhārī kinnarī surī |

moharātrī mahārātrī dāruṇāmāsurāsurī || 24 ||

vidyādharī vasumatī yakṣiṇī yoginī jarā |

rākṣasī ḍākinī vedamayī vedavibhūṣaṇā || 25 ||

śrutismṛtimahāvidyā guhyavidyā purātanī |

cintyā'cintyā svadhā svāhā nidrā tandrā ca pārvatī || 26 ||

aparṇā niścalā lolā sarvavidyā tapasvinī |

gaṅgā kāśī śacī sītā satī satyaparāyaṇā || 27 ||

nītiḥ sunītiḥ surucistuṣṭiḥ puṣṭirdhṛtiḥ kṣamā |

vāṇī buddhirmahālakṣmī lakṣmīrnīlasarasvatī || 28 ||

srotasvatī srotavatī mātaṅgī vijayā jayā |

nadī sindhuḥ sarvamayī tārā śūnyanivāsinī || 29 ||

śuddhā taraṅgiṇī medhā lākinī bahurūpiṇī |

sadānandamayī satyā sarvānandasvarūpiṇī || 30 ||

sunandā nandinī stutyā stavanīyā svabhāvinī |

raṅkiṇī ṭaṅkiṇī citrā vicitrā citrarūpiṇī || 31 ||

padmā padmālayā padmasukhī padmavibhūṣaṇā |

śākinī hākinī kṣāntā rākiṇī rudhirapriyā || 32 ||

bhrāntirbhavānī rudrāṇī mṛḍānī śatrumardinī |

upendrāṇī maheśānī jyotsnā cendrasvarūpiṇī || 33 ||

sūryātmikā rudrapatnī raudrī strī prakṛtiḥ pumān |

śaktiḥ sūktirmatimatī bhuktirmuktiḥ pativratā || 34 ||

sarveśvarī sarvamātā śarvāṇī haravallabhā |

sarvajñā siddhidā siddhā bhāvyā bhavyā bhayāpahā || 35 ||

kartrī hartrī pālayitrī śarvarī tāmasī dayā |

tamisrā yāminīsthā ca sthirā dhīrā tapasvinī || 36 ||

cārvaṅgī cañcalā lolajihvā cārucaritriṇī |

trapā trapāvatī lajjā nirlajjā hrīṃ rajovatī || 37 ||

sattvavatī dharmaniṣṭhā śreṣṭhā niṣṭhuravādinī |

gariṣṭhā duṣṭasaṃhartrī viśiṣṭā śreyasī ghṛṇā || 38 ||

bhīmā bhayānakā bhīmanādinī bhīḥ prabhāvatī |

vāgīśvarī śrīryamunā yajñakartrī yajuḥpriyā || 39 ||

ṛksāmātharvanilayā rāgiṇī śobhanasvarā |

kalakaṇṭhī kambukaṇṭhī veṇuvīṇāparāyaṇā || 40 ||

vaṃśinī vaiṣṇavī svacchā dhātrī trijagadīśvarī |

madhumatī kuṇḍalinī ṛddhiḥ siddhiḥ śucismitā || 41 ||

rambhorvaśī ratī rāmā rohiṇī revatī ramā |

śaṅkhinī cakriṇī kṛṣṇā gadinī padminī tathā || 42 ||

śūlinī parighāstrā ca pāśinī śārṅgapāṇinī |

pinākadhāriṇī dhūmrā śarabhī vanamālinī || 43 ||

vajriṇī samaraprītā veginī raṇapaṇḍitā |

jaṭinī bimbinī nīlā lāvaṇyāmbudhicandrikā || 44 ||

balipriyā sadāpūjyā pūrṇā daityendramāthinī |

mahiṣāsurasaṃhantrī vāsinī raktadantikā || 45 ||

raktapā rudhirāktāṅgī raktakharparahastinī |

raktapriyā māṃsarucirvāsavāsaktamānasā || 46 ||

galacchoṇitamuṇḍālikaṇṭhamālāvibhūṣaṇā |

śavāsanā citāntasthā māheśī vṛṣavāhinī || 47 ||

vyāghratvagambarā cīnacelinī siṃhavāhinī |

vāmadevī mahādevī gaurī sarvajñabhāvinī || 48 ||

bālikā taruṇī vṛddhā vṛddhamātā jarāturā |

subhrurvilāsinī brahmavādinī brāhmaṇī mahī || 49 ||

svapnavatī citralekhā lopāmudrā sureśvarī |

amoghā'rundhatī tīkṣṇā bhogavatyanuvādinī || 50 ||

mandākinī mandahāsā jvālāmukhyasurāntakā |

mānadā māninī mānyā mānanīyā madoddhatā || 51 ||

madirā madirānmādā medhyā navyā prasādinī |

sumadhyā'nantaguṇinī sarvalokottamottamā || 52 ||

jayadā jitvarā jaitrī jayaśrīrjayaśālinī |

sukhadā śubhadā satyā sabhāsaṅkṣobhakāriṇī || 53 ||

śivadūtī bhūtimatī vibhūtirbhīṣaṇānanā |

kaumārī kulajā kuntī kulastrī kulapālikā || 54 ||

kīrtiryaśasvinī bhūṣā bhūṣyā bhūtapatipriyā |

saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||

dhaniṣṭhā dhanadā dhanyā vasudhā svaprakāśinī |

urvī gurvī guruśreṣṭhā saguṇā triguṇātmikā || 56 ||

mahākulīnā niṣkāmā sakāmā kāmajīvanā |

kāmadevakalā rāmā'bhirāmā śivanartakī || 57 ||

cintāmaṇiḥ kalpalatā jāgratī dīnavatsalā |

kārtikī kīrtikā kṛtyā ayodhyā viṣamā samā || 58 ||

sumantrā mantriṇī ghūrṇā hlādinī kleśanāśinī |

trailokyajananī hṛṣṭā nirmāṃsā manorūpiṇī || 59 ||

taḍāganimnajaṭharā śuṣkamāṃsāsthimālinī |

avantī mathurā māyā trailokyapāvanīśvarī || 60 ||

vyaktā'vyaktā'nekamūrtiḥ śarvarī bhīmanādinī |

kṣemaṅkarī śaṅkarī ca sarvasammohakāriṇī || 61 ||

ūrdhvatejasvinī klinnā mahātejasvinī tathā |

advaitā bhoginī pūjyā yuvatī sarvamaṅgalā || 62 ||

sarvapriyaṅkarī bhogyā dharaṇī piśitāśanā |

bhayaṅkarī pāpaharā niṣkalaṅkā vaśaṅkarī || 63 ||

āśā tṛṣṇā candrakalā nidrānyā vāyuveginī |

sahasrasūryasaṅkāśā candrakoṭisamaprabhā || 64 ||

vahnimaṇḍalasaṃsthā ca sarvatattvapratiṣṭhitā |

sarvācāravatī sarvadevakanyādhidevatā || 65 ||

dakṣakanyā dakṣayajñanāśinī durgatārikā |

ijyā pūjyā vibhā bhūtiḥ satkīrtirbrahmarūpiṇī || 66 ||

rambhoruścaturā rākā jayantī karuṇā kuhuḥ |

manasvinī devamātā yaśasyā brahmacāriṇī || 67 ||

ṛddhidā vṛddhidā vṛddhiḥ sarvādyā sarvadāyinī |

ādhārarūpiṇī dhyeyā mūlādhāranivāsinī || 68 ||

ajñā prajñā pūrṇamanāścandramukhyanukūlinī |

vāvadūkā nimnanābhiḥ satyā sandhyā dṛḍhavratā || 69 ||

ānvīkṣikī daṇḍanītistrayī tridivasundarī |

jvalinī jvālinī śailatanayā vindhyavāsinī || 70 ||

ameyā khecarī dhairyā turīyā vimalā''turā |

pragalbhā vāruṇī chāyā śaśinī visphuliṅginī || 71 ||

bhuktiḥ siddhiḥ sadāprāptiḥ prākāmyā mahimā'ṇimā |

icchāsiddhirvisiddhā ca vaśitvordhvanivāsinī || 72 ||

laghimā caiva gāyatrī sāvitrī bhuvaneśvarī |

manoharā citā divyā devyudārā manoramā || 73 ||

piṅgalā kapilā jihvārasajñā rasikā rasā |

suṣumneḍā bhogavatī gāndhārī narakāntakā || 74 ||

pāñcālī rukmiṇī rādhārādhyā bhīmādhirādhikā |

amṛtā tulasī vṛndā kaiṭabhī kapaṭeśvarī || 75 ||

ugracaṇḍeśvarī vīrā jananī vīrasundarī |

ugratārā yaśodākhyā daivakī devamānitā || 76 ||

nirañjanā citradevī krodhinī kuladīpikā |

kulavāgīśvarī vāṇī mātṛkā drāviṇī dravā || 77 ||

yogeśvarī mahāmārī bhrāmarī bindurūpiṇī |

dūtī prāṇeśvarī guptā bahulā camarī prabhā || 78 ||

kubjikā jñāninī jyeṣṭhā bhuśuṇḍī prakaṭā tithiḥ |

draviṇī gopanī māyā kāmabījeśvarī kriyā || 79 ||

śāmbhavī kekarā menā mūṣalāstrā tilottamā |

ameyavikramā krūrā sampatśālā trilocanā || 80 ||

svastirhavyavahā prītiruṣmā dhūmrārciraṅgadā |

tapinī tāpinī viśvā bhogadā dhāriṇī dharā || 81 ||

trikhaṇḍā bodhinī vaśyā sakalā śabdarūpiṇī |

bījarūpā mahāmudrā yoginī yonirūpiṇī || 82 ||

anaṅgakusumā'naṅgamekhalā'naṅgarūpiṇī |

vajreśvarī ca jayinī sarvadvandvakṣayaṅkarī || 83 ||

ṣaḍaṅgayuvatī yogayuktā jvālāṃśumālinī |

durāśayā durādhārā durjayā durgarūpiṇī || 84 ||

durantā duṣkṛtiharā durdhyeyā duratikramā |

haṃseśvarī trikoṇasthā śākambharyanukampinī || 85 ||

trikoṇanilayā nityā paramāmṛtarañjitā |

mahāvidyeśvarī śvetā bheruṇḍā kulasundarī || 86 ||

tvaritā bhaktisaṃsaktā bhaktavaśyā sanātanī |

bhaktānandamayī bhaktabhāvikā bhaktaśaṅkarī || 87 ||

sarvasaundaryanilayā sarvasaubhāgyaśālinī |

sarvasambhogabhavanā sarvasaukhyanirūpiṇī || 88 ||

kumārīpūjanaratā kumārīvratacāriṇī |

kumārībhaktisukhinī kumārīrūpadhāriṇī || 89 ||

kumārīpūjakaprītā kumārīprītidā priyā |

kumārīsevakāsaṅgā kumārīsevakālayā || 90 ||

ānandabhairavī bālabhairavī baṭubhairavī |

śmaśānabhairavī kālabhairavī purabhairavī || 91 ||

mahābhairavapatnī ca paramānandabhairavī |

sudhānandabhairavī ca unmādānandabhairavī || 92 ||

muktānandabhairavī ca tathā taruṇabhairavī |

jñānānandabhairavī ca amṛtānandabhairavī || 93 ||

mahābhayaṅkarī tīvrā tīvravegā tapasvinī |

tripurā parameśānī sundarī purasundarī || 94 ||

tripureśī pañcadaśī pañcamī puravāsinī |

mahāsaptadaśī caiva ṣoḍaśī tripureśvarī || 95 ||

mahāṅkuśasvarūpā ca mahācakreśvarī tathā |

navacakreśvarī cakreśvarī tripuramālinī || 96 ||

rājarājeśvarī dhīrā mahātripurasundarī |

sindūrapūrarucirā śrīmattripurasundarī || 97 ||

sarvāṅgasundarī raktāraktavastrottarīyiṇī |

javāyāvakasindūraraktacandanadhāriṇī || 98 ||

javāyāvakasindūraraktacandanarūpadhṛk |

cāmarī bālakuṭilanirmalā śyāmakeśinī || 99 ||

vajramauktikaratnāḍhyā kirīṭamukuṭojjvalā |

ratnakuṇḍalasaṃyuktasphuradgaṇḍamanoramā || 100 ||

kuñjareśvarakumbhotthamuktārañjitanāsikā |

muktāvidrumamāṇikyahārāḍhyastanamaṇḍalā || 101 ||

sūryakāntendukāntāḍhyasparśāśmakaṇṭhabhūṣaṇā |

bījapūrasphuradbījadantapaṅktiranuttamā || 102 ||

kāmakodaṇḍakābhugnabhrūkaṭākṣapravarṣiṇī |

mātaṅgakumbhavakṣojā lasatkokanadekṣaṇā || 103 ||

manojñaśaṣkulīkarṇā haṃsīgativiḍambinī |

padmarāgāṅgadajyotirdoścatuṣkaprakāśinī || 104 ||

nānāmaṇiparisphūrjacchuddhakāñcanakaṅkaṇā |

nāgendradantanirmāṇavalayāṅkitapāṇinī || 105 ||

aṅgurīyakacitrāṅgī vicitrakṣudraghaṇṭikā |

paṭṭāmbaraparīdhānā kalamañjīraśiñjinī || 106 ||

karpūrāgarukastūrīkuṅkumadravalepitā |

vicitraratnapṛthivīkalpaśākhitalasthitā || 107 ||

ratnadvīpasphuradratnasiṃhāsanavilāsinī |

ṣaṭcakrabhedanakarī paramānandarūpiṇī || 108 ||

sahasradalapadmāntaścandramaṇḍalavartinī |

brahmarūpā śivakroḍā nānāsukhavilāsinī || 109 ||

haraviṣṇuviriñcīndragrahanāyakasevitā |

śivā śaivā ca rudrāṇī tathaiva śivavādinī || 110 ||

mātaṅginī śrīmatī ca tathaivānaṅgamekhalā |

ḍākinī yoginī caiva tathopayoginī matā || 111 ||

māheśvarī vaiṣṇavī ca bhrāmarī śivarūpiṇī |

alambuṣā vegavatī krodharūpā sumekhalā || 112 ||

gāndhārī hastajihvā ca iḍā caiva śubhaṅkarī |

piṅgalā brahmadūtī ca suṣumnā caiva gandhinī || 113 ||

ātmayonirbrahmayonirjagadyonirayonijā |

bhagarūpā bhagasthātrī bhaginī bhagarūpiṇī || 114 ||

bhagātmikā bhagādhārarūpiṇī bhagamālinī |

liṅgākhyā caiva liṅgeśī tripurā bhairavī tathā || 115 ||

liṅgagītiḥ sugītiśca liṅgasthā liṅgarūpadhṛk |

liṅgamānā liṅgabhavā liṅgaliṅgā ca pārvatī || 116 ||

bhagavatī kauśikī ca premā caiva priyaṃvadā |

gṛdhrarūpā śivārūpā cakriṇī cakrarūpadhṛk || 117 ||

liṅgābhidhāyinī liṅgapriyā liṅganivāsinī |

liṅgasthā liṅganī liṅgarūpiṇī liṅgasundarī || 118 ||

liṅgagītirmahāprītā bhagagītirmahāsukhā |

liṅganāmasadānandā bhaganāmasadāgatiḥ || 119 ||

liṅgamālākaṇṭhabhūṣā bhagamālāvibhūṣaṇā |

bhagaliṅgāmṛtaprītā bhagaliṅgasvarūpiṇī || 120 ||

bhagaliṅgasya rūpā ca bhagaliṅgasukhāvahā |

svayambhūkusumaprītā svayambhūkusumārcitā || 121 ||

svayambhūkusumaprāṇā svayambhūpuṣpatarpitā |

svayambhūpuṣpaghaṭitā svayambhūpuṣpadhāriṇī || 122 ||

svayambhūpuṣpatilakā svayambhūpuṣpacarcitā |

svayambhūpuṣpaniratā svayambhūkusumagrahā || 123 ||

svayambhūpuṣpayajñāṃśā svayambhūkusumātmikā |

svayambhūpuṣpanicitā svayambhūkusumapriyā || 124 ||

svayambhūkusumādānalālasonmattamānasā |

svayambhūkusumānandalaharīsnigdhadehinī || 125 ||

svayambhūkusumādhārā svayambhūkusumākulā |

svayambhūpuṣpanilayā svayambhūpuṣpavāsinī || 126 ||

svayambhūkusumasnigdhā svayambhūkusumātmikā |

svayambhūpuṣpakariṇī svayambhūpuṣpavāṇikā || 127 ||

svayambhūkusumadhyānā svayambhūkusumaprabhā |

svayambhūkusumajñānā svayambhūpuṣpabhāginī || 128 ||

svayambhūkusumollāsā svayambhūpuṣpavarṣiṇī |

svayambhūkusumotsāhā svayambhūpuṣparūpiṇī || 129 ||

svayambhūkusumonmādā svayambhūpuṣpasundarī |

svayambhūkusumārādhyā svayambhūkusumodbhavā || 130 ||

svayambhūkusumāvyagrā svayambhūpuṣpapūrṇitā |

svayambhūpūjakaprājñā svayambhūhotṛmātṛkā || 131 ||

svayambhūdātṛrakṣitrī svayambhūraktatārikā |

svayambhūpūjakagrastā svayambhūpūjakapriyā || 132 ||

svayambhūvandakādhārā svayambhūnindakāntakā |

svayambhūpradasarvasvā svayambhūpradaputriṇī || 133 ||

svayambhūpradasasmerā svayambhūtaśarīriṇī |

sarvakālodbhavaprītā sarvakālodbhavātmikā || 134 ||

sarvakālodbhavodbhāvā sarvakālodbhavodbhavā |

kuṇḍapuṣpasadāprītā kuṇḍapuṣpasadāratiḥ || 135 ||

kuṇḍagolodbhavaprāṇā kuṇḍagolodbhavātmikā |

svayambhūrvā śivā dhātrī pāvanī lokapāvanī || 136 ||

kīrtiryaśasvinī medhā vimedhā śukrasundarī |

aśvinī kṛttikā puṣyā tejaskā candramaṇḍalā || 137 ||

sūkṣmā'sūkṣmā balākā ca varadā bhayanāśinī |

varadā'bhayadā caiva muktibandhavināśinī || 138 ||

kāmukā kāmadā kāntā kāmākhyā kulasundarī |

duḥkhadā sukhadā mokṣā mokṣadārthaprakāśinī || 139 ||

duṣṭāduṣṭamatiścaiva sarvakāryavināśinī |

śukrādhārā śukrarūpā śukrasindhunivāsinī || 140 ||

śukrālayā śukrabhogā śukrapūjāsadāratiḥ |

śukrapūjyā śukrahomasantuṣṭā śukravatsalā || 141 ||

śukramūrtiḥ śukradehā śukrapūjakaputriṇī |

śukrasthā śukriṇī śukrasaṃspṛhā śukrasundarī || 142 ||

śukrasnātā śukrakarī śukrasevyā'tiśukriṇī |

mahāśukrā śukrabhavā śukravṛṣṭividhāyinī || 143 ||

śukrābhidheyā śukrārhā śukravandakavanditā |

śukrānandakarī śukrasadānandābhidhāyikā || 144 ||

śukrotsavā sadāśukrapūrṇā śukramanoramā |

śukrapūjakasarvasvā śukranindakanāśinī || 145 ||

śukrātmikā śukrasaṃvat śukrākarṣaṇakāriṇī |

śāradā sādhakaprāṇā sādhakāsaktamānasā || 146 ||

sādhakottamasarvasvā sādhakābhaktaraktapā |

sādhakānandasantoṣā sādhakānandakāriṇī || 147 ||

ātmavidyā brahmavidyā parabrahmasvarūpiṇī |

trikūṭasthā pañcakūṭā sarvakūṭaśarīriṇī || 148 ||

sarvavarṇamayī varṇajapamālāvidhāyinī |

iti śrīkālikānāmasahasraṃ śivabhāṣitam || 149 ||

guhyādguhyataraṃ sākṣānmahāpātakanāśanam |

pūjākāle niśīthe ca sandhyayorubhayorapi || 150 ||

labhate gāṇapatyaṃ sa yaḥ paṭhet sādhakottamaḥ |

yaḥ paṭhet pāṭhayedvāpi śṛṇoti śrāvayedapi || 151 ||

sarvapāpavinirmuktaḥ sa yāti kālikāpuram |

śraddhayā'śraddhayā vāpi yaḥ kaścinmānavaḥ smaret || 152 ||

durgaṃ durgaśataṃ tīrtvā sa yāti paramāṅgatim |

vandhyā vā kākavandhyā vā mṛtavatsā ca yāṅganā || 153 ||

śrutvā stotramidaṃ putrān labhate cirajīvinaḥ |

yaṃ yaṃ kāmayate kāmaṃ paṭhan stotramanuttamam |

devīpādaprasādena tattadāpnoti niścitam || 154 ||

iti śrīkālikākulasarvasve haraparaśurāmasaṃvāde śrī kālikā sahasranāma stotram |