Shri Kali Ashtottara Shata Nama Stotram

ॐ

શ્રી કાલી અષ્ટોત્તર શત નામા સ્તોત્રં

Kali Ashtottara Sata Namavali Gujarati

ભૈરવ ઉવાચ

શતનામ પ્રવક્ષ્યામિ કાલિકાયા વરાનને ।

યસ્ય પ્રપઠનાદ્વાગ્મી સર્વત્ર વિજયી ભવેત્ ॥ 1 ॥

કાલી કપાલિની કાન્તા કામદા કામસુન્દરી ।

કાલરાત્રિઃ કાલિકા ચ કાલભૈરવપૂજિતા ॥ 2 ॥

કુરુકુલ્લા કામિની ચ કમનીયસ્વભાવિની ।

કુલીના કુલકર્ત્રી ચ કુલવર્ત્મપ્રકાશિની ॥ 3 ॥

કસ્તૂરીરસનીલા ચ કામ્યા કામસ્વરૂપિણી ।

કકારવર્ણનિલયા કામધેનુઃ કરાલિકા ॥ 4 ॥

કુલકાન્તા કરાલાસ્યા કામાર્તા ચ કલાવતી ।

કૃશોદરી ચ કામાખ્યા કૌમારી કુલપાલિની ॥ 5 ॥

કુલજા કુલકન્યા ચ કુલહા કુલપૂજિતા ।

કામેશ્વરી કામકાન્તા કુઞ્જરેશ્વરગામિની ॥ 6 ॥

કામદાત્રી કામહર્ત્રી કૃષ્ણા ચૈવ કપર્દિની ।

કુમુદા કૃષ્ણદેહા ચ કાલિન્દી કુલપૂજિતા ॥ 7 ॥

કાશ્યપી કૃષ્ણમાતા ચ કુલિશાઙ્ગી કલા તથા ।

ક્રીં રૂપા કુલગમ્યા ચ કમલા કૃષ્ણપૂજિતા ॥ 8 ॥

કૃશાઙ્ગી કિન્નરી કર્ત્રી કલકણ્ઠી ચ કાર્તિકી ।

કમ્બુકણ્ઠી કૌલિની ચ કુમુદા કામજીવિની ॥ 9 ॥

કુલસ્ત્રી કીર્તિકા કૃત્યા કીર્તિશ્ચ કુલપાલિકા ।

કામદેવકલા કલ્પલતા કામાઙ્ગવર્ધિની ॥ 10 ॥

કુન્તા ચ કુમુદપ્રીતા કદમ્બકુસુમોત્સુકા ।

કાદમ્બિની કમલિની કૃષ્ણાનન્દપ્રદાયિની ॥ 11 ॥

કુમારીપૂજનરતા કુમારીગણશોભિતા ।

કુમારીરઞ્જનરતા કુમારીવ્રતધારિણી ॥ 12 ॥

કઙ્કાલી કમનીયા ચ કામશાસ્ત્રવિશારદા ।

કપાલખટ્વાઙ્ગધરા કાલભૈરવરૂપિણી ॥ 13 ॥

કોટરી કોટરાક્ષી ચ કાશીકૈલાસવાસિની ।

કાત્યાયની કાર્યકરી કાવ્યશાસ્ત્રપ્રમોદિની ॥ 14 ॥

કામાકર્ષણરૂપા ચ કામપીઠનિવાસિની ।

કઙ્કિની કાકિની ક્રીડા કુત્સિતા કલહપ્રિયા ॥ 15 ॥

કુણ્ડગોલોદ્ભવપ્રાણા કૌશિકી કીર્તિવર્ધિની ।

કુમ્ભસ્તની કટાક્ષા ચ કાવ્યા કોકનદપ્રિયા ॥ 16 ॥

કાન્તારવાસિની કાન્તિઃ કઠિના કૃષ્ણવલ્લભા ।

ઇતિ તે કથિતં દેવિ ગુહ્યાદ્ગુહ્યતરં પરમ્ ॥ 17 ॥

પ્રપઠેદ્ય ઇદં નિત્યં કાલીનામશતાષ્ટકમ્ ।

ત્રિષુ લોકેષુ દેવેશિ તસ્યાઽસાધ્યં ન વિદ્યતે ॥ 18 ॥

પ્રાતઃકાલે ચ મધ્યાહ્ને સાયાહ્ને ચ સદા નિશિ ।

યઃ પઠેત્પરયા ભક્ત્યા કાલીનામશતાષ્ટકમ્ ॥ 19 ॥

કાલિકા તસ્ય ગેહે ચ સંસ્થાનં કુરુતે સદા ।

શૂન્યાગારે શ્મશાને વા પ્રાન્તરે જલમધ્યતઃ ॥ 20 ॥

વહ્નિમધ્યે ચ સઙ્ગ્રામે તથા પ્રાણસ્ય સંશયે ।

શતાષ્ટકં જપન્મન્ત્રી લભતે ક્ષેમમુત્તમમ્ ॥ 21 ॥

કાલીં સંસ્થાપ્ય વિધિવત્ સ્તુત્વા નામશતાષ્ટકૈઃ ।

સાધકઃ સિદ્ધિમાપ્નોતિ કાલિકાયાઃ પ્રસાદતઃ ॥ 22 ॥

ઇતિ શ્રી કાલી કકારાષ્ટોત્તરશતનામ સ્તોત્રમ્ ।

Roman (IAST) Transliteration

bhairava uvāca

śatanāma pravakṣyāmi kālikāyā varānane |

yasya prapaṭhanādvāgmī sarvatra vijayī bhavet || 1 ||

kālī kapālinī kāntā kāmadā kāmasundarī |

kālarātriḥ kālikā ca kālabhairavapūjitā || 2 ||

kurukullā kāminī ca kamanīyasvabhāvinī |

kulīnā kulakartrī ca kulavartmaprakāśinī || 3 ||

kastūrīrasanīlā ca kāmyā kāmasvarūpiṇī |

kakāravarṇanilayā kāmadhenuḥ karālikā || 4 ||

kulakāntā karālāsyā kāmārtā ca kalāvatī |

kṛśodarī ca kāmākhyā kaumārī kulapālinī || 5 ||

kulajā kulakanyā ca kulahā kulapūjitā |

kāmeśvarī kāmakāntā kuñjareśvaragāminī || 6 ||

kāmadātrī kāmahartrī kṛṣṇā caiva kapardinī |

kumudā kṛṣṇadehā ca kālindī kulapūjitā || 7 ||

kāśyapī kṛṣṇamātā ca kuliśāṅgī kalā tathā |

krīṃ rūpā kulagamyā ca kamalā kṛṣṇapūjitā || 8 ||

kṛśāṅgī kinnarī kartrī kalakaṇṭhī ca kārtikī |

kambukaṇṭhī kaulinī ca kumudā kāmajīvinī || 9 ||

kulastrī kīrtikā kṛtyā kīrtiśca kulapālikā |

kāmadevakalā kalpalatā kāmāṅgavardhinī || 10 ||

kuntā ca kumudaprītā kadambakusumotsukā |

kādambinī kamalinī kṛṣṇānandapradāyinī || 11 ||

kumārīpūjanaratā kumārīgaṇaśobhitā |

kumārīrañjanaratā kumārīvratadhāriṇī || 12 ||

kaṅkālī kamanīyā ca kāmaśāstraviśāradā |

kapālakhaṭvāṅgadharā kālabhairavarūpiṇī || 13 ||

koṭarī koṭarākṣī ca kāśīkailāsavāsinī |

kātyāyanī kāryakarī kāvyaśāstrapramodinī || 14 ||

kāmākarṣaṇarūpā ca kāmapīṭhanivāsinī |

kaṅkinī kākinī krīḍā kutsitā kalahapriyā || 15 ||

kuṇḍagolodbhavaprāṇā kauśikī kīrtivardhinī |

kumbhastanī kaṭākṣā ca kāvyā kokanadapriyā || 16 ||

kāntāravāsinī kāntiḥ kaṭhinā kṛṣṇavallabhā |

iti te kathitaṃ devi guhyādguhyataraṃ param || 17 ||

prapaṭhedya idaṃ nityaṃ kālīnāmaśatāṣṭakam |

triṣu lokeṣu deveśi tasyā'sādhyaṃ na vidyate || 18 ||

prātaḥkāle ca madhyāhne sāyāhne ca sadā niśi |

yaḥ paṭhetparayā bhaktyā kālīnāmaśatāṣṭakam || 19 ||

kālikā tasya gehe ca saṃsthānaṃ kurute sadā |

śūnyāgāre śmaśāne vā prāntare jalamadhyataḥ || 20 ||

vahnimadhye ca saṅgrāme tathā prāṇasya saṃśaye |

śatāṣṭakaṃ japanmantrī labhate kṣemamuttamam || 21 ||

kālīṃ saṃsthāpya vidhivat stutvā nāmaśatāṣṭakaiḥ |

sādhakaḥ siddhimāpnoti kālikāyāḥ prasādataḥ || 22 ||

iti śrī kālī kakārāṣṭottaraśatanāma stotram |