Shri Dakshinamurti Kavacham (rudrayamala)

ॐ

શ્રી દક્ષિણામૂર્તિ કવચં (રુદ્રયામલ)

Shiva Kavacham Gujarati

પાર્વત્યુવાચ

નમસ્તેઽસ્તુ ત્રયીનાથ પરમાનન્દકારક ।

કવચં દક્ષિણામૂર્તેઃ કૃપયા વદ મે પ્રભો ॥ 1 ॥

ઈશ્વર ઉવાચ

વક્ષ્યેઽહં દેવદેવેશિ દક્ષિણામૂર્તિરવ્યયમ્ ।

કવચં સર્વપાપઘ્નં વેદાન્તજ્ઞાનગોચરમ્ ॥ 2 ॥

અણિમાદિ મહાસિદ્ધિવિધાનચતુરં શુભમ્ ।

વેદશાસ્ત્રપુરાણાનિ કવિતા તર્ક એવ ચ ॥ 3 ॥

બહુધા દેવિ જાયન્તે કવચસ્ય પ્રભાવતઃ ।

ઋષિર્બ્રહ્મા સમુદ્દિષ્ટશ્છન્દોઽનુષ્ટુબુદાહૃતમ્ ॥ 4 ॥

દેવતા દક્ષિણામૂર્તિઃ પરમાત્મા સદાશિવઃ ।

બીજં વેદાદિકં ચૈવ સ્વાહા શક્તિરુદાહૃતા ।

સર્વજ્ઞત્વેઽપિ દેવેશિ વિનિયોગં પ્રચક્ષતે ॥ 5 ॥

ધ્યાનમ્

અદ્વન્દ્વનેત્રમમલેન્દુકલાવતંસં

હંસાવલમ્બિત સમાન જટાકલાપમ્ ।

આનીલકણ્ઠમુપકણ્ઠમુનિપ્રવીરાન્

અધ્યાપયન્તમવલોકય લોકનાથમ્ ॥

કવચમ્

ઓમ્ । શિરો મે દક્ષિણામૂર્તિરવ્યાત્ ફાલં મહેશ્વરઃ ।

દૃશૌ પાતુ મહાદેવઃ શ્રવણે ચન્દ્રશેખરઃ ॥ 1 ॥

કપોલૌ પાતુ મે રુદ્રો નાસાં પાતુ જગદ્ગુરુઃ ।

મુખં ગૌરીપતિઃ પાતુ રસનાં વેદરૂપધૃત્ ॥ 2 ॥

દશનાં ત્રિપુરધ્વંસી ચોષ્ઠં પન્નગભૂષણઃ ।

અધરં પાતુ વિશ્વાત્મા હનૂ પાતુ જગન્મયઃ ॥ 3 ॥

ચુબુકં દેવદેવસ્તુ પાતુ કણ્ઠં જટાધરઃ ।

સ્કન્ધૌ મે પાતુ શુદ્ધાત્મા કરૌ પાતુ યમાન્તકઃ ॥ 4 ॥

કુચાગ્રં કરમધ્યં ચ નખરાન્ શઙ્કરઃ સ્વયમ્ ।

હૃન્મે પશુપતિઃ પાતુ પાર્શ્વે પરમપૂરુષઃ ॥ 5 ॥

મધ્યમં પાતુ શર્વો મે નાભિં નારાયણપ્રિયઃ ।

કટિં પાતુ જગદ્ભર્તા સક્થિની ચ મૃડઃ સ્વયમ્ ॥ 6 ॥

કૃત્તિવાસાઃ સ્વયં ગુહ્યામૂરૂ પાતુ પિનાકધૃત્ ।

જાનુની ત્ર્યમ્બકઃ પાતુ જઙ્ઘે પાતુ સદાશિવઃ ॥ 7 ॥

સ્મરારિઃ પાતુ મે પાદૌ પાતુ સર્વાઙ્ગમીશ્વરઃ ।

ઇતીદં કવચં દેવિ પરમાનન્દદાયકમ્ ॥ 8 ॥

જ્ઞાનવાગર્થદં વીર્યમણિમાદિવિભૂતિદમ્ ।

આયુરારોગ્યમૈશ્વર્યમપમૃત્યુભયાપહમ્ ॥ 9 ॥

પ્રાતઃ કાલે શુચિર્ભૂત્વા ત્રિવારં સર્વદા જપેત્ ।

નિત્યં પૂજાસમાયુક્તઃ સંવત્સરમતન્દ્રિતઃ ॥ 10 ॥

જપેત્ ત્રિસન્ધ્યં યો વિદ્વાન્ વેદશાસ્ત્રાર્થપારગઃ ।

ગદ્યપદ્યૈસ્તથા ચાપિ નાટકાઃ સ્વયમેવ હિ ।

નિર્ગચ્છન્તિ મુખામ્ભોજાત્સત્યમેતન્ન સંશયઃ ॥ 11 ॥

ઇતિ રુદ્રયામલે ઉમામહેશ્વરસંવાદે શ્રી દક્ષિણામૂર્તિ કવચમ્ ॥

Roman (IAST) Transliteration

pārvatyuvāca

namaste'stu trayīnātha paramānandakāraka |

kavacaṃ dakṣiṇāmūrteḥ kṛpayā vada me prabho || 1 ||

īśvara uvāca

vakṣye'haṃ devadeveśi dakṣiṇāmūrtiravyayam |

kavacaṃ sarvapāpaghnaṃ vedāntajñānagocaram || 2 ||

aṇimādi mahāsiddhividhānacaturaṃ śubham |

vedaśāstrapurāṇāni kavitā tarka eva ca || 3 ||

bahudhā devi jāyante kavacasya prabhāvataḥ |

ṛṣirbrahmā samuddiṣṭaśchando'nuṣṭubudāhṛtam || 4 ||

devatā dakṣiṇāmūrtiḥ paramātmā sadāśivaḥ |

bījaṃ vedādikaṃ caiva svāhā śaktirudāhṛtā |

sarvajñatve'pi deveśi viniyogaṃ pracakṣate || 5 ||

dhyānam

advandvanetramamalendukalāvataṃsaṃ

haṃsāvalambita samāna jaṭākalāpam |

ānīlakaṇṭhamupakaṇṭhamunipravīrān

adhyāpayantamavalokaya lokanātham ||

kavacam

om | śiro me dakṣiṇāmūrtiravyāt phālaṃ maheśvaraḥ |

dṛśau pātu mahādevaḥ śravaṇe candraśekharaḥ || 1 ||

kapolau pātu me rudro nāsāṃ pātu jagadguruḥ |

mukhaṃ gaurīpatiḥ pātu rasanāṃ vedarūpadhṛt || 2 ||

daśanāṃ tripuradhvaṃsī coṣṭhaṃ pannagabhūṣaṇaḥ |

adharaṃ pātu viśvātmā hanū pātu jaganmayaḥ || 3 ||

cubukaṃ devadevastu pātu kaṇṭhaṃ jaṭādharaḥ |

skandhau me pātu śuddhātmā karau pātu yamāntakaḥ || 4 ||

kucāgraṃ karamadhyaṃ ca nakharān śaṅkaraḥ svayam |

hṛnme paśupatiḥ pātu pārśve paramapūruṣaḥ || 5 ||

madhyamaṃ pātu śarvo me nābhiṃ nārāyaṇapriyaḥ |

kaṭiṃ pātu jagadbhartā sakthinī ca mṛḍaḥ svayam || 6 ||

kṛttivāsāḥ svayaṃ guhyāmūrū pātu pinākadhṛt |

jānunī tryambakaḥ pātu jaṅghe pātu sadāśivaḥ || 7 ||

smarāriḥ pātu me pādau pātu sarvāṅgamīśvaraḥ |

itīdaṃ kavacaṃ devi paramānandadāyakam || 8 ||

jñānavāgarthadaṃ vīryamaṇimādivibhūtidam |

āyurārogyamaiśvaryamapamṛtyubhayāpaham || 9 ||

prātaḥ kāle śucirbhūtvā trivāraṃ sarvadā japet |

nityaṃ pūjāsamāyuktaḥ saṃvatsaramatandritaḥ || 10 ||

japet trisandhyaṃ yo vidvān vedaśāstrārthapāragaḥ |

gadyapadyaistathā cāpi nāṭakāḥ svayameva hi |

nirgacchanti mukhāmbhojātsatyametanna saṃśayaḥ || 11 ||

iti rudrayāmale umāmaheśvarasaṃvāde śrī dakṣiṇāmūrti kavacam ||