Shri Bhadrakali Ashtottara Shata Nama Stotram

ॐ

શ્રી ભદ્રકાલી અષ્ટોત્તર શત નામા સ્તોત્રં

Kali Ashtottara Sata Namavali Gujarati

શ્રીનન્દિકેશ્વર ઉવાચ

ભદ્રકાલીમહં વન્દે વીરભદ્રસતીં શિવામ્ ।

સુતામ્રાર્ચિતપાદાબ્જં સુખસૌભાગ્યદાયિનીમ્ ॥ 1 ॥

અથ સ્તોત્રમ્

ભદ્રકાલી કામરૂપા મહાવિદ્યા યશસ્વિની ।

મહાશ્રયા મહાભાગા દક્ષયાગવિભેદિની ॥ 2 ॥

રુદ્રકોપસમુદ્ભૂતા ભદ્રા મુદ્રા શિવઙ્કરી ।

ચન્દ્રિકા ચન્દ્રવદના રોષતામ્રાક્ષશોભિની ॥ 3 ॥

ઇન્દ્રાદિદમની શાન્તા ચન્દ્રલેખાવિભૂષિતા ।

ભક્તાર્તિહારિણી મુક્તા ચણ્ડિકાનન્દદાયિની ॥ 4 ॥

સૌદામિની સુધામૂર્તિઃ દિવ્યાલઙ્કારભૂષિતા ।

સુવાસિની સુનાસા ચ ત્રિકાલજ્ઞા ધુરન્ધરા ॥ 5 ॥

સર્વજ્ઞા સર્વલોકેશી દેવયોનિરયોનિજા ।

નિર્ગુણા નિરહઙ્કારા લોકકલ્યાણકારિણી ॥ 6 ॥

સર્વલોકપ્રિયા ગૌરી સર્વગર્વવિમર્દિની ।

તેજોવતી મહામાતા કોટિસૂર્યસમપ્રભા ॥ 7 ॥

વીરભદ્રકૃતાનન્દભોગિની વીરસેવિતા ।

નારદાદિમુનિસ્તુત્યા નિત્યા સત્યા તપસ્વિની ॥ 8 ॥

જ્ઞાનરૂપા કલાતીતા ભક્તાભીષ્ટફલપ્રદા ।

કૈલાસનિલયા શુભ્રા ક્ષમા શ્રીઃ સર્વમઙ્ગલા ॥ 9 ॥

સિદ્ધવિદ્યા મહાશક્તિઃ કામિની પદ્મલોચના ।

દેવપ્રિયા દૈત્યહન્ત્રી દક્ષગર્વાપહારિણી ॥ 10 ॥

શિવશાસનકર્ત્રી ચ શૈવાનન્દવિધાયિની ।

ભવપાશનિહન્ત્રી ચ સવનાઙ્ગસુકારિણી ॥ 11 ॥

લમ્બોદરી મહાકાલી ભીષણાસ્યા સુરેશ્વરી ।

મહાનિદ્રા યોગનિદ્રા પ્રજ્ઞા વાર્તા ક્રિયાવતી ॥ 12 ॥

પુત્રપૌત્રપ્રદા સાધ્વી સેનાયુદ્ધસુકાઙ્ક્ષિણી ।

ઇચ્છા શમ્ભોઃ કૃપાસિન્ધુઃ ચણ્ડી ચણ્ડપરાક્રમા ॥ 13 ॥

શોભા ભગવતી માયા દુર્ગા નીલા મનોગતિઃ ।

ખેચરી ખડ્ગિની ચક્રહસ્તા શૂલવિધારિણી ॥ 14 ॥

સુબાણા શક્તિહસ્તા ચ પાદસઞ્ચારિણી પરા ।

તપઃસિદ્ધિપ્રદા દેવી વીરભદ્રસહાયિની ॥ 15 ॥

ધનધાન્યકરી વિશ્વા મનોમાલિન્યહારિણી ।

સુનક્ષત્રોદ્ભવકરી વંશવૃદ્ધિપ્રદાયિની ॥ 16 ॥

બ્રહ્માદિસુરસંસેવ્યા શાઙ્કરી પ્રિયભાષિણી ।

ભૂતપ્રેતપિશાચાદિહારિણી સુમનસ્વિની ॥ 17 ॥

પુણ્યક્ષેત્રકૃતાવાસા પ્રત્યક્ષપરમેશ્વરી ।

એવં નામ્નાં ભદ્રકાલ્યાઃ શતમષ્ટોત્તરં વિદુઃ ॥ 18 ॥

પુણ્યં યશો દીર્ઘમાયુઃ પુત્રપૌત્રં ધનં બહુ ।

દદાતિ દેવી તસ્યાશુ યઃ પઠેત્ સ્તોત્રમુત્તમમ્ ॥ 19 ॥

ભૌમવારે ભૃગૌ ચૈવ પૌર્ણમાસ્યાં વિશેષતઃ ।

પ્રાતઃ સ્નાત્વા નિત્યકર્મ વિધાય ચ સુભક્તિમાન્ ॥ 20 ॥

વીરભદ્રાલયે ભદ્રાં સમ્પૂજ્ય સુરસેવિતામ્ ।

પઠેત્ સ્તોત્રમિદં દિવ્યં નાના ભોગપ્રદં શુભમ્ ॥ 21 ॥

અભીષ્ટસિદ્ધિં પ્રાપ્નોતિ શીઘ્રં વિદ્વાન્ પરન્તપ ।

અથવા સ્વગૃહે વીરભદ્રપત્નીં સમર્ચયેત્ ॥ 22 ॥

સ્તોત્રેણાનેન વિધિવત્ સર્વાન્ કામાનવાપ્નુયાત્ ।

રોગા નશ્યન્તિ તસ્યાશુ યોગસિદ્ધિં ચ વિન્દતિ ॥ 23 ॥

સનત્કુમારભક્તાનામિદં સ્તોત્રં પ્રબોધય ।

રહસ્યં સારભૂતં ચ સર્વજ્ઞઃ સમ્ભવિષ્યસિ ॥ 24 ॥

ઇતિ શ્રીભદ્રકાલ્યષ્ટોત્તરશતનામ સ્તોત્રમ્ ।

Roman (IAST) Transliteration

śrīnandikeśvara uvāca

bhadrakālīmahaṃ vande vīrabhadrasatīṃ śivām |

sutāmrārcitapādābjaṃ sukhasaubhāgyadāyinīm || 1 ||

atha stotram

bhadrakālī kāmarūpā mahāvidyā yaśasvinī |

mahāśrayā mahābhāgā dakṣayāgavibhedinī || 2 ||

rudrakopasamudbhūtā bhadrā mudrā śivaṅkarī |

candrikā candravadanā roṣatāmrākṣaśobhinī || 3 ||

indrādidamanī śāntā candralekhāvibhūṣitā |

bhaktārtihāriṇī muktā caṇḍikānandadāyinī || 4 ||

saudāminī sudhāmūrtiḥ divyālaṅkārabhūṣitā |

suvāsinī sunāsā ca trikālajñā dhurandharā || 5 ||

sarvajñā sarvalokeśī devayonirayonijā |

nirguṇā nirahaṅkārā lokakalyāṇakāriṇī || 6 ||

sarvalokapriyā gaurī sarvagarvavimardinī |

tejovatī mahāmātā koṭisūryasamaprabhā || 7 ||

vīrabhadrakṛtānandabhoginī vīrasevitā |

nāradādimunistutyā nityā satyā tapasvinī || 8 ||

jñānarūpā kalātītā bhaktābhīṣṭaphalapradā |

kailāsanilayā śubhrā kṣamā śrīḥ sarvamaṅgalā || 9 ||

siddhavidyā mahāśaktiḥ kāminī padmalocanā |

devapriyā daityahantrī dakṣagarvāpahāriṇī || 10 ||

śivaśāsanakartrī ca śaivānandavidhāyinī |

bhavapāśanihantrī ca savanāṅgasukāriṇī || 11 ||

lambodarī mahākālī bhīṣaṇāsyā sureśvarī |

mahānidrā yoganidrā prajñā vārtā kriyāvatī || 12 ||

putrapautrapradā sādhvī senāyuddhasukāṅkṣiṇī |

icchā śambhoḥ kṛpāsindhuḥ caṇḍī caṇḍaparākramā || 13 ||

śobhā bhagavatī māyā durgā nīlā manogatiḥ |

khecarī khaḍginī cakrahastā śūlavidhāriṇī || 14 ||

subāṇā śaktihastā ca pādasañcāriṇī parā |

tapaḥsiddhipradā devī vīrabhadrasahāyinī || 15 ||

dhanadhānyakarī viśvā manomālinyahāriṇī |

sunakṣatrodbhavakarī vaṃśavṛddhipradāyinī || 16 ||

brahmādisurasaṃsevyā śāṅkarī priyabhāṣiṇī |

bhūtapretapiśācādihāriṇī sumanasvinī || 17 ||

puṇyakṣetrakṛtāvāsā pratyakṣaparameśvarī |

evaṃ nāmnāṃ bhadrakālyāḥ śatamaṣṭottaraṃ viduḥ || 18 ||

puṇyaṃ yaśo dīrghamāyuḥ putrapautraṃ dhanaṃ bahu |

dadāti devī tasyāśu yaḥ paṭhet stotramuttamam || 19 ||

bhaumavāre bhṛgau caiva paurṇamāsyāṃ viśeṣataḥ |

prātaḥ snātvā nityakarma vidhāya ca subhaktimān || 20 ||

vīrabhadrālaye bhadrāṃ sampūjya surasevitām |

paṭhet stotramidaṃ divyaṃ nānā bhogapradaṃ śubham || 21 ||

abhīṣṭasiddhiṃ prāpnoti śīghraṃ vidvān parantapa |

athavā svagṛhe vīrabhadrapatnīṃ samarcayet || 22 ||

stotreṇānena vidhivat sarvān kāmānavāpnuyāt |

rogā naśyanti tasyāśu yogasiddhiṃ ca vindati || 23 ||

sanatkumārabhaktānāmidaṃ stotraṃ prabodhaya |

rahasyaṃ sārabhūtaṃ ca sarvajñaḥ sambhaviṣyasi || 24 ||

iti śrībhadrakālyaṣṭottaraśatanāma stotram |