Shri Batuka Bhairava Kavacham

ॐ

શ્રી બટુક ભૈરવ કવચં

Shiva Kavacham Gujarati

શ્રીભૈરવ ઉવાચ ।

દેવેશિ દેહરક્ષાર્થં કારણં કથ્યતાં ધ્રુવમ્ ।

મ્રિયન્તે સાધકા યેન વિના શ્મશાનભૂમિષુ ॥

રણેષુ ચાતિઘોરેષુ મહાવાયુજલેષુ ચ ।

શૃઙ્ગિમકરવજ્રેષુ જ્વરાદિવ્યાધિવહ્નિષુ ॥

શ્રીદેવ્યુવાચ ।

કથયામિ શૃણુ પ્રાજ્ઞ બટોસ્તુ કવચં શુભમ્ ।

ગોપનીયં પ્રયત્નેન માતૃજારોપમં યથા ॥

તસ્ય ધ્યાનં ત્રિધા પ્રોક્તં સાત્ત્વિકાદિપ્રભેદતઃ ।

સાત્ત્વિકં રાજસં ચૈવ તામસં દેવ તત્ શૃણુ ॥

ધ્યાનમ્ –

વન્દે બાલં સ્ફટિકસદૃશં કુણ્ડલોદ્ભાસિવક્ત્રં

દિવ્યાકલ્પૈર્નવમણિમયૈઃ કિઙ્કિણીનૂપુરાદ્યૈઃ ।

દીપ્તાકારં વિશદવદનં સુપ્રસન્નં ત્રિનેત્રં

હસ્તાબ્જાભ્યાં બટુકમનિશં શૂલખડ્ગૌદધાનમ્ ॥ 1 ॥

ઉદ્યદ્ભાસ્કરસન્નિભં ત્રિનયનં રક્તાઙ્ગરાગસ્રજં

સ્મેરાસ્યં વરદં કપાલમભયં શૂલં દધાનં કરૈઃ ।

નીલગ્રીવમુદારભૂષણશતં શીતાંશુચૂડોજ્જ્વલં

બન્ધૂકારુણવાસસં ભયહરં દેવં સદા ભાવયે ॥ 2 ॥

ધ્યાયેન્નીલાદ્રિકાન્તં શશિશકલધરં મુણ્ડમાલં મહેશં

દિગ્વસ્ત્રં પિઙ્ગકેશં ડમરુમથ સૃણિં ખડ્ગશૂલાભયાનિ ।

નાગં ઘણ્ટાં કપાલં કરસરસિરુહૈર્વિભ્રતં ભીમદંષ્ટ્રં

સર્પાકલ્પં ત્રિનેત્રં મણિમયવિલસત્કિઙ્કિણી નૂપુરાઢ્યમ્ ॥ 3 ॥

અસ્ય વટુકભૈરવકવચસ્ય મહાકાલ ઋષિરનુષ્ટુપ્છન્દઃ શ્રીવટુકભૈરવો દેવતા બં બીજં હ્રીં શક્તિરાપદુદ્ધારણાયેતિ કીલકં મમ સર્વાભીષ્ટસિદ્ધ્યર્થે વિનિયોગઃ ।

કવચમ્ –

ૐ શિરો મે ભૈરવઃ પાતુ લલાટં ભીષણસ્તથા ।

નેત્રે ચ ભૂતહનનઃ સારમેયાનુગો ભ્રુવૌ ॥ 1

ભૂતનાથશ્ચ મે કર્ણૌ કપોલૌ પ્રેતવાહનઃ ।

નાસાપુટૌ તથોષ્ઠૌ ચ ભસ્માઙ્ગઃ સર્વભૂષણઃ ॥ 2

ભીષણાસ્યો મમાસ્યં ચ શક્તિહસ્તો ગલં મમ ।

સ્કન્ધૌ દૈત્યરિપુઃ પાતુ બાહૂ અતુલવિક્રમઃ ॥ 3

પાણી કપાલી મે પાતુ મુણ્ડમાલાધરો હૃદમ્ ।

વક્ષઃસ્થલં તથા શાન્તઃ કામચારી સ્તનં મમ ॥ 4

ઉદરં ચ સ મે તુષ્ટઃ ક્ષેત્રેશઃ પાર્શ્વતસ્તથા ।

ક્ષેત્રપાલઃ પૃષ્ઠદેશં ક્ષેત્રાખ્યો નાભિતસ્તથા ॥ 5

કટિં પાપૌઘનાશશ્ચ બટુકો લિઙ્ગદેશકમ્ ।

ગુદં રક્ષાકરઃ પાતુ ઊરૂ રક્ષાકરઃ સદા ॥ 6

જાનૂ ચ ઘુર્ઘુરારાવો જઙ્ઘે રક્ષતુ રક્તપઃ ।

ગુલ્ફૌ ચ પાદુકાસિદ્ધઃ પાદપૃષ્ઠં સુરેશ્વરઃ ॥ 7

આપાદમસ્તકં ચૈવ આપદુદ્ધારણસ્તથા ।

સહસ્રારે મહાપદ્મે કર્પૂરધવલો ગુરુઃ ॥ 8

પાતુ માં વટુકો દેવો ભૈરવઃ સર્વકર્મસુ ।

પૂર્વ સ્યામસિતાઙ્ગો મે દિશિ રક્ષતુ સર્વદા ॥ 9

આગ્નેય્યાં ચ રુરુઃ પાતુ દક્ષિણે ચણ્ડભૈરવઃ ।

નૈરૃત્યાં ક્રોધનઃ પાતુ મામુન્મત્તસ્તુ પશ્ચિમે ॥ 10

વાયવ્યાં મે કપાલી ચ નિત્યં પાયાત્ સુરેશ્વરઃ ।

ભીષણો ભૈરવઃ પાતૂત્તરસ્યાં દિશિ સર્વદા ॥ 11

સંહારભૈરવઃ પાતુ દિશ્યૈશાન્યાં મહેશ્વરઃ ।

ઊર્ધ્વે પાતુ વિધાતા વૈ પાતાલે નન્દિકો વિભુઃ ॥ 12

સદ્યોજાતસ્તુ માં પાયાત્ સર્વતો દેવસેવિતઃ ।

વામદેવોઽવતુ પ્રીતો રણે ઘોરે તથાવતુ ॥ 13

જલે તત્પુરુષઃ પાતુ સ્થલે પાતુ ગુરુઃ સદા ।

ડાકિનીપુત્રકઃ પાતુ દારાંસ્તુ લાકિનીસુતઃ ॥ 14

પાતુ સાકલકો ભ્રાતૄન્ શ્રિયં મે સતતં ગિરઃ ।

લાકિનીપુત્રકઃ પાતુ પશૂનશ્વાનજાંસ્તથા ॥ 15

મહાકાલોઽવતુ ચ્છત્રં સૈન્યં વૈ કાલભૈરવઃ ।

રાજ્યં રાજ્યશ્રિયં પાયાત્ ભૈરવો ભીતિહારકઃ ॥ 16

રક્ષાહીનન્તુ યત્ સ્થાનં વર્જિતં કવચેન ચ ।

તત્ સર્વં રક્ષ મે દેવ ત્વં યતઃ સર્વરક્ષકઃ ॥ 17

એતત્ કવચમીશાન તવ સ્નેહાત્ પ્રકાશિતમ્ ।

નાખ્યેયં નરલોકેષુ સારભૂતં ચ સુશ્રિયમ્ ॥ 18

યસ્મૈ કસ્મૈ ન દાતવ્યં કવચેશં સુદુર્લભમ્ ।

ન દેયં પરશિષ્યેભ્યઃ કૃપણેભ્યશ્ચ શઙ્કર ॥ 19

યો દદાતિ નિષિદ્ધેભ્યઃ સ વૈ ભ્રષ્ટો ભવેદ્ધ્રુવમ્ ।

અનેન કવચેશેન રક્ષાં કૃત્વા દ્વિજોત્તમઃ ॥ 20

વિચરન્ યત્ર કુત્રાપિ વિઘ્નૌઘૈઃ પ્રાપ્યતે ન સઃ ।

મન્ત્રેણ મ્રિયતે યોગી કવચં યન્ન રક્ષિતઃ ॥ 21

તસ્માત્ સર્વપ્રયત્નેન દુર્લભં પાપચેતસામ્ ।

ભૂર્જે રમ્ભાત્વચે વાપિ લિખિત્વા વિધિવત્ પ્રભો ॥ 22

ધારયેત્ પાઠયેદ્વાપિ સમ્પઠેદ્વાપિ નિત્યશઃ ।

સમ્પ્રાપ્નોતિ પ્રભાવં વૈ કવચસ્યાસ્ય વર્ણિતમ્ ॥ 23

નમો ભૈરવદેવાય સારભૂતાય વૈ નમઃ ।

નમસ્ત્રૈલોક્યનાથાય નાથનાથાય વૈ નમઃ ॥ 24

ઇતિ વિશ્વસારોદ્ધારતન્ત્રે આપદુદ્ધારકલ્પે ભૈરવભૈરવીસંવાદે વટુકભૈરવકવચં સમાપ્તમ્ ॥

Roman (IAST) Transliteration

śrībhairava uvāca |

deveśi deharakṣārthaṃ kāraṇaṃ kathyatāṃ dhruvam |

mriyante sādhakā yena vinā śmaśānabhūmiṣu ||

raṇeṣu cātighoreṣu mahāvāyujaleṣu ca |

śṛṅgimakaravajreṣu jvarādivyādhivahniṣu ||

śrīdevyuvāca |

kathayāmi śṛṇu prājña baṭostu kavacaṃ śubham |

gopanīyaṃ prayatnena mātṛjāropamaṃ yathā ||

tasya dhyānaṃ tridhā proktaṃ sāttvikādiprabhedataḥ |

sāttvikaṃ rājasaṃ caiva tāmasaṃ deva tat śṛṇu ||

dhyānam –

vande bālaṃ sphaṭikasadṛśaṃ kuṇḍalodbhāsivaktraṃ

divyākalpairnavamaṇimayaiḥ kiṅkiṇīnūpurādyaiḥ |

dīptākāraṃ viśadavadanaṃ suprasannaṃ trinetraṃ

hastābjābhyāṃ baṭukamaniśaṃ śūlakhaḍgaudadhānam || 1 ||

udyadbhāskarasannibhaṃ trinayanaṃ raktāṅgarāgasrajaṃ

smerāsyaṃ varadaṃ kapālamabhayaṃ śūlaṃ dadhānaṃ karaiḥ |

nīlagrīvamudārabhūṣaṇaśataṃ śītāṃśucūḍojjvalaṃ

bandhūkāruṇavāsasaṃ bhayaharaṃ devaṃ sadā bhāvaye || 2 ||

dhyāyennīlādrikāntaṃ śaśiśakaladharaṃ muṇḍamālaṃ maheśaṃ

digvastraṃ piṅgakeśaṃ ḍamarumatha sṛṇiṃ khaḍgaśūlābhayāni |

nāgaṃ ghaṇṭāṃ kapālaṃ karasarasiruhairvibhrataṃ bhīmadaṃṣṭraṃ

sarpākalpaṃ trinetraṃ maṇimayavilasatkiṅkiṇī nūpurāḍhyam || 3 ||

asya vaṭukabhairavakavacasya mahākāla ṛṣiranuṣṭupchandaḥ śrīvaṭukabhairavo devatā baṃ bījaṃ hrīṃ śaktirāpaduddhāraṇāyeti kīlakaṃ mama sarvābhīṣṭasiddhyarthe viniyogaḥ |

kavacam –

oṃ śiro me bhairavaḥ pātu lalāṭaṃ bhīṣaṇastathā |

netre ca bhūtahananaḥ sārameyānugo bhruvau || 1

bhūtanāthaśca me karṇau kapolau pretavāhanaḥ |

nāsāpuṭau tathoṣṭhau ca bhasmāṅgaḥ sarvabhūṣaṇaḥ || 2

bhīṣaṇāsyo mamāsyaṃ ca śaktihasto galaṃ mama |

skandhau daityaripuḥ pātu bāhū atulavikramaḥ || 3

pāṇī kapālī me pātu muṇḍamālādharo hṛdam |

vakṣaḥsthalaṃ tathā śāntaḥ kāmacārī stanaṃ mama || 4

udaraṃ ca sa me tuṣṭaḥ kṣetreśaḥ pārśvatastathā |

kṣetrapālaḥ pṛṣṭhadeśaṃ kṣetrākhyo nābhitastathā || 5

kaṭiṃ pāpaughanāśaśca baṭuko liṅgadeśakam |

gudaṃ rakṣākaraḥ pātu ūrū rakṣākaraḥ sadā || 6

jānū ca ghurghurārāvo jaṅghe rakṣatu raktapaḥ |

gulphau ca pādukāsiddhaḥ pādapṛṣṭhaṃ sureśvaraḥ || 7

āpādamastakaṃ caiva āpaduddhāraṇastathā |

sahasrāre mahāpadme karpūradhavalo guruḥ || 8

pātu māṃ vaṭuko devo bhairavaḥ sarvakarmasu |

pūrva syāmasitāṅgo me diśi rakṣatu sarvadā || 9

āgneyyāṃ ca ruruḥ pātu dakṣiṇe caṇḍabhairavaḥ |

nairṛtyāṃ krodhanaḥ pātu māmunmattastu paścime || 10

vāyavyāṃ me kapālī ca nityaṃ pāyāt sureśvaraḥ |

bhīṣaṇo bhairavaḥ pātūttarasyāṃ diśi sarvadā || 11

saṃhārabhairavaḥ pātu diśyaiśānyāṃ maheśvaraḥ |

ūrdhve pātu vidhātā vai pātāle nandiko vibhuḥ || 12

sadyojātastu māṃ pāyāt sarvato devasevitaḥ |

vāmadevo'vatu prīto raṇe ghore tathāvatu || 13

jale tatpuruṣaḥ pātu sthale pātu guruḥ sadā |

ḍākinīputrakaḥ pātu dārāṃstu lākinīsutaḥ || 14

pātu sākalako bhrātṝn śriyaṃ me satataṃ giraḥ |

lākinīputrakaḥ pātu paśūnaśvānajāṃstathā || 15

mahākālo'vatu cchatraṃ sainyaṃ vai kālabhairavaḥ |

rājyaṃ rājyaśriyaṃ pāyāt bhairavo bhītihārakaḥ || 16

rakṣāhīnantu yat sthānaṃ varjitaṃ kavacena ca |

tat sarvaṃ rakṣa me deva tvaṃ yataḥ sarvarakṣakaḥ || 17

etat kavacamīśāna tava snehāt prakāśitam |

nākhyeyaṃ naralokeṣu sārabhūtaṃ ca suśriyam || 18

yasmai kasmai na dātavyaṃ kavaceśaṃ sudurlabham |

na deyaṃ paraśiṣyebhyaḥ kṛpaṇebhyaśca śaṅkara || 19

yo dadāti niṣiddhebhyaḥ sa vai bhraṣṭo bhaveddhruvam |

anena kavaceśena rakṣāṃ kṛtvā dvijottamaḥ || 20

vicaran yatra kutrāpi vighnaughaiḥ prāpyate na saḥ |

mantreṇa mriyate yogī kavacaṃ yanna rakṣitaḥ || 21

tasmāt sarvaprayatnena durlabhaṃ pāpacetasām |

bhūrje rambhātvace vāpi likhitvā vidhivat prabho || 22

dhārayet pāṭhayedvāpi sampaṭhedvāpi nityaśaḥ |

samprāpnoti prabhāvaṃ vai kavacasyāsya varṇitam || 23

namo bhairavadevāya sārabhūtāya vai namaḥ |

namastrailokyanāthāya nāthanāthāya vai namaḥ || 24

iti viśvasāroddhāratantre āpaduddhārakalpe bhairavabhairavīsaṃvāde vaṭukabhairavakavacaṃ samāptam ||