Shri Bagalamukhi Stotram - 1

ॐ

શ્રી બગલામુખી સ્તોત્રમ્ - 1

Stotram Gujarati

ૐ અસ્ય શ્રીબગલામુખીસ્તોત્રસ્ય

નારદૃષિઃ

શ્રી બગલામુખી દેવતા

મમ સન્નિહિતાનાં વિરોધિનાં વાઙ્મુખ-પદબુદ્ધીનાં સ્તમ્ભનાર્થે સ્તોત્રપાઠે વિનિયોગઃ

મધ્યેસુધાબ્ધિ મણિમણ્ટપ રત્નવેદિ

સિંહાસનોપરિગતાં પરિપીતવર્ણામ્ ।

પીતામ્બરાભરણ માલ્યવિભૂષિતાઙ્ગીં

દેવીં ભજામિ ધૃતમુદ્ગરવૈરિ જિહ્વામ્ ॥ 1 ॥

જિહ્વાગ્રમાદાય કરેણ દેવીં

વામેન શત્રૂન્ પરિપીડયન્તીમ્ ।

ગદાભિઘાતેન ચ દક્ષિણેન

પીતામ્બરાઢ્યાં દ્વિભુજાં ભજામિ ॥ 2 ॥

ચલત્કનકકુણ્ડલોલ્લસિતચારુગણ્ડસ્થલાં

લસત્કનકચમ્પક દ્યુતિમદિન્દુબિમ્બાનનામ્ ।

ગદાહત વિપક્ષકાં કલિતલોલજિહ્વાઞ્ચલાં

સ્મરામિ બગલામુખીં વિમુખવાઙ્મનસ્સ્તમ્ભિનીમ્ ॥ 3 ॥

પીયૂષો દધિમધ્યચારુ વિલસ દ્રક્તોત્પલે મણ્ટપે

સત્સિંહાસન મૌલિપાતિતરિપું પ્રેતાસનાધ્યાસિનીમ્ ।

સ્વર્ણાભાં કરપીડિતારિરસનાં ભ્રામ્યદ્ગદાં વિભ્રમાં

ઇત્થં ધ્યાયતિ યાન્તિ તસ્ય વિલયં સદ્યોથ સર્વાપદઃ ॥ 4 ॥

દેવિત્ત્વચ્ચરણામ્બુજાર્ચનકૃતે યઃ પીત પુષ્પાઞ્જલીન્

ભક્ત્યા વામકરે નિધાય ચ મનું મન્ત્રી મનોજ્ઞાક્ષરમ્ ।

પીઠધ્યાનપરોઽથ કુમ્ભકવશાદ્બીજં સ્મરેત્પાર્થિવ-

સ્તસ્યામિત્રમુખસ્ય વાચિ હૃદયે જાડ્યં ભવેત્તત્‍ક્ષણાત્ ॥ 5 ॥

વાદી મૂકતિ કઙ્કતિ ક્ષિતિપતિર્વૈશ્વાનરશ્શીતિતિ

ક્રોધીશામ્યતિ દુર્જનસ્સુજનતિ ક્ષિપ્રાનુગઃ ખઞ્જતિ ।

ગર્વી ખર્વતિ સર્વવિચ્ચ જડતિ ત્વદ્યન્ત્રણા યન્ત્રિતઃ

શ્રીનિત્યે બગલામુખિ પ્રતિદિનં કલ્યાણિ તુભ્યં નમઃ ॥ 6 ॥

મન્ત્રસ્તાવદયં વિપક્ષદલને સ્તોત્રં પવિત્રં ચ તે

યન્ત્રં વાદિનિયન્ત્રણં ત્રિજગતાં જૈત્રં ચ ચિત્રં ચ તે ।

માતઃ શ્રીબગલેતિ નામ લલિતં યસ્યાસ્તિ જન્તોર્મુખે

ત્વન્નામગ્રહણેન સંસદિ મુખ સ્તમ્ભો ભવેદ્વાદિનામ્ ॥ 7 ॥

દુષ્ટસ્તમ્ભનમુગ્રવિઘ્નશમનં દારિદ્ર્યવિદ્રાવણં

ભૂભૃદ્ભીશમનં ચલન્મૃગદૃશાં ચેતસ્સમાકર્ષણમ્ ।

સૌભાગ્યૈકનિકેતનં સમદૃશઃ કારુણ્યપૂર્ણામૃતં

મૃત્યોર્મારણમાવિરસ્તુ પુરતો માતસ્ત્વદીયં વપુઃ ॥ 8 ॥

માતર્ભઞ્જય મે વિપક્ષવદનાં જિહ્વાં ચ સઙ્કીલય

બ્રાહ્મીં મુદ્રય નાશયાશુધિષણામુગ્રાં ગતિં સ્તમ્ભય ।

શત્રૂંશ્ચૂર્ણય દેવિ તીક્ષ્ણગદયા ગૌરાઙ્ગિ પીતામ્બરે

વિઘ્નૌઘં બગલે હર પ્રણમતાં કારુણ્યપૂર્ણેક્ષણે ॥ 9 ॥

માતર્ભૈરવિ ભદ્રકાલિ વિજયે વારાહિ વિશ્વાશ્રયે

શ્રીવિદ્યે સમયે મહેશિ બગલે કામેશિ રામે રમે ।

માતઙ્ગિ ત્રિપુરે પરાત્પરતરે સ્વર્ગાપવર્ગપ્રદે

દાસોઽહં શરણાગતઃ કરુણયા વિશ્વેશ્વરિ ત્રાહિમામ્ ॥ 10 ॥

સંરમ્ભે સૌરસઙ્ઘે પ્રહરણસમયે બન્ધનેવારિમધ્યે

વિદ્યાવાદેવિવાદે પ્રતિકૃતિનૃપતૌ દિવ્યકાલે નિશાયામ્ ।

વશ્યે વા સ્તમ્ભને વા રિપુવધસમયે નિર્જને વા વને વા

ગચ્છંસ્તિષ્ઠંસ્ત્રિકાલં યદિ પઠતિ શિવં પ્રાપ્નુયાદાશુ ધીરઃ ॥ 11 ॥

ત્વં વિદ્યા પરમા ત્રિલોકજનની વિઘ્નૌઘસઞ્છેદિની

યોષાકર્ષણકારિણી ત્રિજગતામાનન્દસંવર્ધિની ।

દુસ્ફોટોચ્ચાટનકારિણી જનમનસ્સમ્મોહસન્દાયિની

જિહ્વાકીલનભૈરવી વિજયતે બ્રહ્માસ્ત્રમન્ત્રો યથા ॥ 12 ॥

વિદ્યાલક્ષ્મીસ્સર્વસૌભાગ્યમાયુઃ

પુત્રૈઃ પૌત્રૈઃ સર્વસામ્રાજ્યસિદ્ધિઃ ।

માનો ભોગો વશ્યમારોગ્યસૌખ્યં

પ્રાપ્તં તત્તદ્ભૂતલેઽસ્મિન્નરેણ ॥ 13 ॥

યત્કૃતં ચ જપં હોમં ગદિતં પરમેશ્વરી ।

દુષ્ટાનાં નિગ્રહાર્થાય તદ્ગૃહાણ નમોઽસ્તુ તે ॥ 14 ॥

પીતામ્બરાં તાં દ્વિભુજાં ત્રિનેત્રાં ગાત્રગોજ્જ્વલામ્ ।

શિલામુદ્ગરહસ્તાં ચ સ્મરેત્તાં બગલામુખીમ્ ॥ 15 ॥

બ્રહ્માસ્ત્રમિતિ વિખ્યાતં ત્રિષુ લોકેષુ વિશ્રુતમ્ ।

ગુરુભક્તાય દાતવ્યં નદેયં યસ્ય કસ્યચિત્ ॥ 16 ॥

નિત્યં સ્તોત્રમિદં પવિત્રમિહ યો દેવ્યાઃ પઠત્યાદરાત્

ધૃત્વાયન્ત્રમિદં તથૈવ સમરે બાહૌ કરે વા ગલે ।

રાજાનોઽપ્યરયો મદાન્ધકરિણસ્સર્પા મૃગેન્દ્રાદિકાઃ

તે વૈ યાન્તિ વિમોહિતા રિપુગણા લક્ષ્મીઃ સ્થિરાસ્સિદ્ધયઃ ॥ 17 ॥

ઇતિ શ્રી રુદ્રયામલે તન્ત્રે શ્રી બગલામુખી સ્તોત્રમ્ ॥

Roman (IAST) Transliteration

oṃ asya śrībagalāmukhīstotrasya

nāradṛṣiḥ

śrī bagalāmukhī devatā

mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ

madhyesudhābdhi maṇimaṇṭapa ratnavedi

siṃhāsanoparigatāṃ paripītavarṇām |

pītāmbarābharaṇa mālyavibhūṣitāṅgīṃ

devīṃ bhajāmi dhṛtamudgaravairi jihvām || 1 ||

jihvāgramādāya kareṇa devīṃ

vāmena śatrūn paripīḍayantīm |

gadābhighātena ca dakṣiṇena

pītāmbarāḍhyāṃ dvibhujāṃ bhajāmi || 2 ||

calatkanakakuṇḍalollasitacārugaṇḍasthalāṃ

lasatkanakacampaka dyutimadindubimbānanām |

gadāhata vipakṣakāṃ kalitalolajihvāñcalāṃ

smarāmi bagalāmukhīṃ vimukhavāṅmanasstambhinīm || 3 ||

pīyūṣo dadhimadhyacāru vilasa draktotpale maṇṭape

satsiṃhāsana maulipātitaripuṃ pretāsanādhyāsinīm |

svarṇābhāṃ karapīḍitārirasanāṃ bhrāmyadgadāṃ vibhramāṃ

itthaṃ dhyāyati yānti tasya vilayaṃ sadyotha sarvāpadaḥ || 4 ||

devittvaccaraṇāmbujārcanakṛte yaḥ pīta puṣpāñjalīn

bhaktyā vāmakare nidhāya ca manuṃ mantrī manojñākṣaram |

pīṭhadhyānaparo'tha kumbhakavaśādbījaṃ smaretpārthiva-

stasyāmitramukhasya vāci hṛdaye jāḍyaṃ bhavettat‍kṣaṇāt || 5 ||

vādī mūkati kaṅkati kṣitipatirvaiśvānaraśśītiti

krodhīśāmyati durjanassujanati kṣiprānugaḥ khañjati |

garvī kharvati sarvavicca jaḍati tvadyantraṇā yantritaḥ

śrīnitye bagalāmukhi pratidinaṃ kalyāṇi tubhyaṃ namaḥ || 6 ||

mantrastāvadayaṃ vipakṣadalane stotraṃ pavitraṃ ca te

yantraṃ vādiniyantraṇaṃ trijagatāṃ jaitraṃ ca citraṃ ca te |

mātaḥ śrībagaleti nāma lalitaṃ yasyāsti jantormukhe

tvannāmagrahaṇena saṃsadi mukha stambho bhavedvādinām || 7 ||

duṣṭastambhanamugravighnaśamanaṃ dāridryavidrāvaṇaṃ

bhūbhṛdbhīśamanaṃ calanmṛgadṛśāṃ cetassamākarṣaṇam |

saubhāgyaikaniketanaṃ samadṛśaḥ kāruṇyapūrṇāmṛtaṃ

mṛtyormāraṇamāvirastu purato mātastvadīyaṃ vapuḥ || 8 ||

mātarbhañjaya me vipakṣavadanāṃ jihvāṃ ca saṅkīlaya

brāhmīṃ mudraya nāśayāśudhiṣaṇāmugrāṃ gatiṃ stambhaya |

śatrūṃścūrṇaya devi tīkṣṇagadayā gaurāṅgi pītāmbare

vighnaughaṃ bagale hara praṇamatāṃ kāruṇyapūrṇekṣaṇe || 9 ||

mātarbhairavi bhadrakāli vijaye vārāhi viśvāśraye

śrīvidye samaye maheśi bagale kāmeśi rāme rame |

mātaṅgi tripure parātparatare svargāpavargaprade

dāso'haṃ śaraṇāgataḥ karuṇayā viśveśvari trāhimām || 10 ||

saṃrambhe saurasaṅghe praharaṇasamaye bandhanevārimadhye

vidyāvādevivāde pratikṛtinṛpatau divyakāle niśāyām |

vaśye vā stambhane vā ripuvadhasamaye nirjane vā vane vā

gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||

tvaṃ vidyā paramā trilokajananī vighnaughasañchedinī

yoṣākarṣaṇakāriṇī trijagatāmānandasaṃvardhinī |

dusphoṭoccāṭanakāriṇī janamanassammohasandāyinī

jihvākīlanabhairavī vijayate brahmāstramantro yathā || 12 ||

vidyālakṣmīssarvasaubhāgyamāyuḥ

putraiḥ pautraiḥ sarvasāmrājyasiddhiḥ |

māno bhogo vaśyamārogyasaukhyaṃ

prāptaṃ tattadbhūtale'sminnareṇa || 13 ||

yatkṛtaṃ ca japaṃ homaṃ gaditaṃ parameśvarī |

duṣṭānāṃ nigrahārthāya tadgṛhāṇa namo'stu te || 14 ||

pītāmbarāṃ tāṃ dvibhujāṃ trinetrāṃ gātragojjvalām |

śilāmudgarahastāṃ ca smarettāṃ bagalāmukhīm || 15 ||

brahmāstramiti vikhyātaṃ triṣu lokeṣu viśrutam |

gurubhaktāya dātavyaṃ nadeyaṃ yasya kasyacit || 16 ||

nityaṃ stotramidaṃ pavitramiha yo devyāḥ paṭhatyādarāt

dhṛtvāyantramidaṃ tathaiva samare bāhau kare vā gale |

rājāno'pyarayo madāndhakariṇassarpā mṛgendrādikāḥ

te vai yānti vimohitā ripugaṇā lakṣmīḥ sthirāssiddhayaḥ || 17 ||

iti śrī rudrayāmale tantre śrī bagalāmukhī stotram ||