Shri Bagalamukhi Ashtottara Shata Nama Stotram

ॐ

શ્રી બગલામુખી અષ્ટોત્તર શત નામા સ્તોત્રં

Tara Ashtottara Sata Namavali Gujarati

નારદ ઉવાચ

ભગવન્ દેવદેવેશ સૃષ્ટિસ્થિતિલયેશ્વર ।

શતમષ્ટોત્તરં નામ્નાં બગલાયા વદાધુના ॥ 1 ॥

શ્રી ભગવાનુવાચ

શૃણુ વત્સ પ્રવક્ષ્યામિ નામ્નામષ્ટોત્તરં શતમ્ ।

પીતામ્બર્યા મહાદેવ્યાઃ સ્તોત્રં પાપપ્રણાશનમ્ ॥ 2 ॥

યસ્ય પ્રપઠનાત્સદ્યો વાદી મૂકોભવેત્ ક્ષણાત્ ।

રિપવસ્સ્તમ્ભનં યાન્તિ સત્યં સત્યં વદામ્યહમ્ ॥ 3 ॥

ૐ અસ્ય શ્રીપીતામ્બર્યષ્ટોત્તરશતનામસ્તોત્રસ્ય સદાશિવ ઋષિઃ અનુષ્ટુપ્છન્દઃ શ્રીપીતામ્બરી દેવતા શ્રીપીતામ્બરી પ્રીતયે જપે વિનિયોગઃ ।

ૐ બગલા વિષ્ણુવનિતા વિષ્ણુશઙ્કરભામિની ।

બહુલા દેવમાતા ચ મહાવિષ્ણુપ્રસૂરપિ ॥ 4 ॥

મહામત્સ્યા મહાકૂર્મા મહાવારાહરૂપિણી ।

નારસિંહપ્રિયા રમ્યા વામના પટુરૂપિણી ॥ 5 ॥

જામદગ્ન્યસ્વરૂપા ચ રામા રામપ્રપૂજિતા ।

કૃષ્ણા કપર્દિની કૃત્યા કલહા ચ વિકારિણી ॥ 6 ॥

બુદ્ધિરૂપા બુદ્ધભાર્યા બૌદ્ધપાષણ્ડખણ્ડિની ।

કલ્કિરૂપા કલિહરા કલિદુર્ગતિનાશિની ॥ 7 ॥

કોટિસૂર્યપ્રતીકાશા કોટિકન્દર્પમોહિની ।

કેવલા કઠિના કાલી કલા કૈવલ્યદાયિની ॥ 8 ॥

કેશવી કેશવારાધ્યા કિશોરી કેશવસ્તુતા ।

રુદ્રરૂપા રુદ્રમૂર્તી રુદ્રાણી રુદ્રદેવતા ॥ 9 ॥

નક્ષત્રરૂપા નક્ષત્રા નક્ષત્રેશપ્રપૂજિતા ।

નક્ષત્રેશપ્રિયા નિત્યા નક્ષત્રપતિવન્દિતા ॥ 10 ॥

નાગિની નાગજનની નાગરાજપ્રવન્દિતા ।

નાગેશ્વરી નાગકન્યા નાગરી ચ નગાત્મજા ॥ 11 ॥

નગાધિરાજતનયા નગરાજપ્રપૂજિતા ।

નવીના નીરદા પીતા શ્યામા સૌન્દર્યકારિણી ॥ 12 ॥

રક્તા નીલા ઘના શુભ્રા શ્વેતા સૌભાગ્યદાયિની ।

સુન્દરી સૌભગા સૌમ્યા સ્વર્ણાભા સ્વર્ગતિપ્રદા ॥ 13 ॥

રિપુત્રાસકરી રેખા શત્રુસંહારકારિણી ।

ભામિની ચ તથા માયા સ્તમ્ભિની મોહિની શુભા ॥ 14 ॥

રાગદ્વેષકરી રાત્રી રૌરવધ્વંસકારિણી ।

યક્ષિણી સિદ્ધનિવહા સિદ્ધેશા સિદ્ધિરૂપિણી ॥ 15 ॥

લઙ્કાપતિધ્વંસકરી લઙ્કેશરિપુવન્દિતા ।

લઙ્કાનાથકુલહરા મહારાવણહારિણી ॥ 16 ॥

દેવદાનવસિદ્ધૌઘપૂજિતાપરમેશ્વરી ।

પરાણુરૂપા પરમા પરતન્ત્રવિનાશિની ॥ 17 ॥

વરદા વરદારાધ્યા વરદાનપરાયણા ।

વરદેશપ્રિયા વીરા વીરભૂષણભૂષિતા ॥ 18 ॥

વસુદા બહુદા વાણી બ્રહ્મરૂપા વરાનના ।

બલદા પીતવસના પીતભૂષણભૂષિતા ॥ 19 ॥

પીતપુષ્પપ્રિયા પીતહારા પીતસ્વરૂપિણી ।

ઇતિ તે કથિતં વિપ્ર નામ્નામષ્ટોત્તરં શતમ્ ॥ 20 ॥

યઃ પઠેત્પાઠયેદ્વાપિ શૃણુયાદ્વા સમાહિતઃ ।

તસ્ય શત્રુઃ ક્ષયં સદ્યો યાતિ નૈવાત્ર સંશયઃ ॥ 21 ॥

પ્રભાતકાલે પ્રયતો મનુષ્યઃ

પઠેત્સુભક્ત્યા પરિચિન્ત્ય પીતામ્ ।

ધ્રુવં ભવેત્તસ્ય સમસ્તવૃદ્ધિઃ

વિનાશમાયાતિ ચ તસ્ય શત્રુઃ ॥ 22 ॥

ઇતિ શ્રીવિષ્ણુયામલે નારદવિષ્ણુસંવાદે શ્રીબગલાષ્ટોત્તરશતનામસ્તોત્રમ્ ।

Roman (IAST) Transliteration

nārada uvāca

bhagavan devadeveśa sṛṣṭisthitilayeśvara |

śatamaṣṭottaraṃ nāmnāṃ bagalāyā vadādhunā || 1 ||

śrī bhagavānuvāca

śṛṇu vatsa pravakṣyāmi nāmnāmaṣṭottaraṃ śatam |

pītāmbaryā mahādevyāḥ stotraṃ pāpapraṇāśanam || 2 ||

yasya prapaṭhanātsadyo vādī mūkobhavet kṣaṇāt |

ripavasstambhanaṃ yānti satyaṃ satyaṃ vadāmyaham || 3 ||

oṃ asya śrīpītāmbaryaṣṭottaraśatanāmastotrasya sadāśiva ṛṣiḥ anuṣṭupchandaḥ śrīpītāmbarī devatā śrīpītāmbarī prītaye jape viniyogaḥ |

oṃ bagalā viṣṇuvanitā viṣṇuśaṅkarabhāminī |

bahulā devamātā ca mahāviṣṇuprasūrapi || 4 ||

mahāmatsyā mahākūrmā mahāvārāharūpiṇī |

nārasiṃhapriyā ramyā vāmanā paṭurūpiṇī || 5 ||

jāmadagnyasvarūpā ca rāmā rāmaprapūjitā |

kṛṣṇā kapardinī kṛtyā kalahā ca vikāriṇī || 6 ||

buddhirūpā buddhabhāryā bauddhapāṣaṇḍakhaṇḍinī |

kalkirūpā kaliharā kalidurgatināśinī || 7 ||

koṭisūryapratīkāśā koṭikandarpamohinī |

kevalā kaṭhinā kālī kalā kaivalyadāyinī || 8 ||

keśavī keśavārādhyā kiśorī keśavastutā |

rudrarūpā rudramūrtī rudrāṇī rudradevatā || 9 ||

nakṣatrarūpā nakṣatrā nakṣatreśaprapūjitā |

nakṣatreśapriyā nityā nakṣatrapativanditā || 10 ||

nāginī nāgajananī nāgarājapravanditā |

nāgeśvarī nāgakanyā nāgarī ca nagātmajā || 11 ||

nagādhirājatanayā nagarājaprapūjitā |

navīnā nīradā pītā śyāmā saundaryakāriṇī || 12 ||

raktā nīlā ghanā śubhrā śvetā saubhāgyadāyinī |

sundarī saubhagā saumyā svarṇābhā svargatipradā || 13 ||

riputrāsakarī rekhā śatrusaṃhārakāriṇī |

bhāminī ca tathā māyā stambhinī mohinī śubhā || 14 ||

rāgadveṣakarī rātrī rauravadhvaṃsakāriṇī |

yakṣiṇī siddhanivahā siddheśā siddhirūpiṇī || 15 ||

laṅkāpatidhvaṃsakarī laṅkeśaripuvanditā |

laṅkānāthakulaharā mahārāvaṇahāriṇī || 16 ||

devadānavasiddhaughapūjitāparameśvarī |

parāṇurūpā paramā paratantravināśinī || 17 ||

varadā varadārādhyā varadānaparāyaṇā |

varadeśapriyā vīrā vīrabhūṣaṇabhūṣitā || 18 ||

vasudā bahudā vāṇī brahmarūpā varānanā |

baladā pītavasanā pītabhūṣaṇabhūṣitā || 19 ||

pītapuṣpapriyā pītahārā pītasvarūpiṇī |

iti te kathitaṃ vipra nāmnāmaṣṭottaraṃ śatam || 20 ||

yaḥ paṭhetpāṭhayedvāpi śṛṇuyādvā samāhitaḥ |

tasya śatruḥ kṣayaṃ sadyo yāti naivātra saṃśayaḥ || 21 ||

prabhātakāle prayato manuṣyaḥ

paṭhetsubhaktyā paricintya pītām |

dhruvaṃ bhavettasya samastavṛddhiḥ

vināśamāyāti ca tasya śatruḥ || 22 ||

iti śrīviṣṇuyāmale nāradaviṣṇusaṃvāde śrībagalāṣṭottaraśatanāmastotram |