Shri Annapurna Ashtottarashata Namstotram

ॐ

શ્રી અન્નપૂર્ણા અષ્ટોત્તરશત નામ્સ્તોત્રમ્

Tara Ashtottara Sata Namavali Gujarati

અસ્ય શ્રી અન્નપૂર્ણાષ્ટોત્તર શતનામસ્તોત્ર મહામન્ત્રસ્ય બ્રહ્મા ઋષિઃ અનુષ્ટુપ્છન્દઃ શ્રી અન્નપૂર્ણેશ્વરી દેવતા સ્વધા બીજં સ્વાહા શક્તિઃ ૐ કીલકં મમ સર્વાભીષ્ટપ્રસાદસિદ્ધ્યર્થે જપે વિનિયોગઃ ।

ૐ અન્નપૂર્ણા શિવા દેવી ભીમા પુષ્ટિસ્સરસ્વતી ।

સર્વજ્ઞા પાર્વતી દુર્ગા શર્વાણી શિવવલ્લભા ॥ 1 ॥

વેદવેદ્યા મહાવિદ્યા વિદ્યાદાત્રી વિશારદા ।

કુમારી ત્રિપુરા બાલા લક્ષ્મીશ્શ્રીર્ભયહારિણી ॥ 2 ॥

ભવાની વિષ્ણુજનની બ્રહ્માદિજનની તથા ।

ગણેશજનની શક્તિઃ કુમારજનની શુભા ॥ 3 ॥

ભોગપ્રદા ભગવતી ભક્તાભીષ્ટપ્રદાયિની ।

ભવરોગહરા ભવ્યા શુભ્રા પરમમઙ્ગલા ॥ 4 ॥

ભવાની ચઞ્ચલા ગૌરી ચારુચન્દ્રકલાધરા ।

વિશાલાક્ષી વિશ્વમાતા વિશ્વવન્દ્યા વિલાસિની ॥ 5 ॥

આર્યા કલ્યાણનિલયા રુદ્રાણી કમલાસના ।

શુભપ્રદા શુભાઽનન્તા વૃત્તપીનપયોધરા ॥ 6 ॥

અમ્બા સંહારમથની મૃડાની સર્વમઙ્ગલા ।

વિષ્ણુસંસેવિતા સિદ્ધા બ્રહ્માણી સુરસેવિતા ॥ 7 ॥

પરમાનન્દદા શાન્તિઃ પરમાનન્દરૂપિણી ।

પરમાનન્દજનની પરાનન્દપ્રદાયિની ॥ 8 ॥

પરોપકારનિરતા પરમા ભક્તવત્સલા ।

પૂર્ણચન્દ્રાભવદના પૂર્ણચન્દ્રનિભાંશુકા ॥ 9 ॥

શુભલક્ષણસમ્પન્ના શુભાનન્દગુણાર્ણવા ।

શુભસૌભાગ્યનિલયા શુભદા ચ રતિપ્રિયા ॥ 10 ॥

ચણ્ડિકા ચણ્ડમથની ચણ્ડદર્પનિવારિણી ।

માર્તાણ્ડનયના સાધ્વી ચન્દ્રાગ્નિનયના સતી ॥ 11 ॥

પુણ્ડરીકહરા પૂર્ણા પુણ્યદા પુણ્યરૂપિણી ।

માયાતીતા શ્રેષ્ઠમાયા શ્રેષ્ઠધર્માત્મવન્દિતા ॥ 12 ॥

અસૃષ્ટિસ્સઙ્ગરહિતા સૃષ્ટિહેતુ કપર્દિની ।

વૃષારૂઢા શૂલહસ્તા સ્થિતિસંહારકારિણી ॥ 13 ॥

મન્દસ્મિતા સ્કન્દમાતા શુદ્ધચિત્તા મુનિસ્તુતા ।

મહાભગવતી દક્ષા દક્ષાધ્વરવિનાશિની ॥ 14 ॥

સર્વાર્થદાત્રી સાવિત્રી સદાશિવકુટુમ્બિની ।

નિત્યસુન્દરસર્વાઙ્ગી સચ્ચિદાનન્દલક્ષણા ॥ 15 ॥

નામ્નામષ્ટોત્તરશતમમ્બાયાઃ પુણ્યકારણમ્ ।

સર્વસૌભાગ્યસિદ્ધ્યર્થં જપનીયં પ્રયત્નતઃ ॥ 16 ॥

ઇદં જપાધિકારસ્તુ પ્રાણમેવ તતસ્સ્તુતઃ ।

આવહન્તીતિ મન્ત્રેણ પ્રત્યેકં ચ યથાક્રમમ્ ॥ 17 ॥

કર્તવ્યં તર્પણં નિત્યં પીઠમન્ત્રેતિ મૂલવત્ ।

તત્તન્મન્ત્રેતિહોમેતિ કર્તવ્યશ્ચેતિ માલવત્ ॥ 18 ॥

એતાનિ દિવ્યનામાનિ શ્રુત્વા ધ્યાત્વા નિરન્તરમ્ ।

સ્તુત્વા દેવીં ચ સતતં સર્વાન્કામાનવાપ્નુયાત્ ॥ 19 ॥

ઇતિ શ્રી બ્રહ્મોત્તરખણ્ડે આગમપ્રખ્યાતિશિવરહસ્યે અન્નપૂર્ણાષ્ટોત્તર શતનામસ્તોત્રમ્ ॥

Roman (IAST) Transliteration

asya śrī annapūrṇāṣṭottara śatanāmastotra mahāmantrasya brahmā ṛṣiḥ anuṣṭupchandaḥ śrī annapūrṇeśvarī devatā svadhā bījaṃ svāhā śaktiḥ oṃ kīlakaṃ mama sarvābhīṣṭaprasādasiddhyarthe jape viniyogaḥ |

oṃ annapūrṇā śivā devī bhīmā puṣṭissarasvatī |

sarvajñā pārvatī durgā śarvāṇī śivavallabhā || 1 ||

vedavedyā mahāvidyā vidyādātrī viśāradā |

kumārī tripurā bālā lakṣmīśśrīrbhayahāriṇī || 2 ||

bhavānī viṣṇujananī brahmādijananī tathā |

gaṇeśajananī śaktiḥ kumārajananī śubhā || 3 ||

bhogapradā bhagavatī bhaktābhīṣṭapradāyinī |

bhavarogaharā bhavyā śubhrā paramamaṅgalā || 4 ||

bhavānī cañcalā gaurī cārucandrakalādharā |

viśālākṣī viśvamātā viśvavandyā vilāsinī || 5 ||

āryā kalyāṇanilayā rudrāṇī kamalāsanā |

śubhapradā śubhā'nantā vṛttapīnapayodharā || 6 ||

ambā saṃhāramathanī mṛḍānī sarvamaṅgalā |

viṣṇusaṃsevitā siddhā brahmāṇī surasevitā || 7 ||

paramānandadā śāntiḥ paramānandarūpiṇī |

paramānandajananī parānandapradāyinī || 8 ||

paropakāraniratā paramā bhaktavatsalā |

pūrṇacandrābhavadanā pūrṇacandranibhāṃśukā || 9 ||

śubhalakṣaṇasampannā śubhānandaguṇārṇavā |

śubhasaubhāgyanilayā śubhadā ca ratipriyā || 10 ||

caṇḍikā caṇḍamathanī caṇḍadarpanivāriṇī |

mārtāṇḍanayanā sādhvī candrāgninayanā satī || 11 ||

puṇḍarīkaharā pūrṇā puṇyadā puṇyarūpiṇī |

māyātītā śreṣṭhamāyā śreṣṭhadharmātmavanditā || 12 ||

asṛṣṭissaṅgarahitā sṛṣṭihetu kapardinī |

vṛṣārūḍhā śūlahastā sthitisaṃhārakāriṇī || 13 ||

mandasmitā skandamātā śuddhacittā munistutā |

mahābhagavatī dakṣā dakṣādhvaravināśinī || 14 ||

sarvārthadātrī sāvitrī sadāśivakuṭumbinī |

nityasundarasarvāṅgī saccidānandalakṣaṇā || 15 ||

nāmnāmaṣṭottaraśatamambāyāḥ puṇyakāraṇam |

sarvasaubhāgyasiddhyarthaṃ japanīyaṃ prayatnataḥ || 16 ||

idaṃ japādhikārastu prāṇameva tatasstutaḥ |

āvahantīti mantreṇa pratyekaṃ ca yathākramam || 17 ||

kartavyaṃ tarpaṇaṃ nityaṃ pīṭhamantreti mūlavat |

tattanmantretihometi kartavyaśceti mālavat || 18 ||

etāni divyanāmāni śrutvā dhyātvā nirantaram |

stutvā devīṃ ca satataṃ sarvānkāmānavāpnuyāt || 19 ||

iti śrī brahmottarakhaṇḍe āgamaprakhyātiśivarahasye annapūrṇāṣṭottara śatanāmastotram ||