Shri Durga Sahasra Nama Stotram

ॐ

શ્રી દુર્ગા સહસ્ર નામ સ્તોત્રમ્

Durga Stotram Gujarati

॥ અથ શ્રી દુર્ગા સહસ્રનામસ્તોત્રમ્ ॥

નારદ ઉવાચ -

કુમાર ગુણગમ્ભીર દેવસેનાપતે પ્રભો ।

સર્વાભીષ્ટપ્રદં પુંસાં સર્વપાપપ્રણાશનમ્ ॥ 1॥

ગુહ્યાદ્ગુહ્યતરં સ્તોત્રં ભક્તિવર્ધકમઞ્જસા ।

મઙ્ગલં ગ્રહપીડાદિશાન્તિદં વક્તુમર્હસિ ॥ 2॥

સ્કન્દ ઉવાચ -

શૃણુ નારદ દેવર્ષે લોકાનુગ્રહકામ્યયા ।

યત્પૃચ્છસિ પરં પુણ્યં તત્તે વક્ષ્યામિ કૌતુકાત્ ॥ 3॥

માતા મે લોકજનની હિમવન્નગસત્તમાત્ ।

મેનાયાં બ્રહ્મવાદિન્યાં પ્રાદુર્ભૂતા હરપ્રિયા ॥ 4॥

મહતા તપસાઽઽરાધ્ય શઙ્કરં લોકશઙ્કરમ્ ।

સ્વમેવ વલ્લભં ભેજે કલેવ હિ કલાનિધિમ્ ॥ 5॥

નગાનામધિરાજસ્તુ હિમવાન્ વિરહાતુરઃ ।

સ્વસુતાયાઃ પરિક્ષીણે વસિષ્ઠેન પ્રબોધિતઃ ॥ 6॥

ત્રિલોકજનની સેયં પ્રસન્ના ત્વયિ પુણ્યતઃ ।

પ્રાદુર્ભૂતા સુતાત્વેન તદ્વિયોગં શુભં ત્યજ ॥ 7॥

બહુરૂપા ચ દુર્ગેયં બહુનામ્ની સનાતની ।

સનાતનસ્ય જાયા સા પુત્રીમોહં ત્યજાધુના ॥ 8॥

ઇતિ પ્રબોધિતઃ શૈલઃ તાં તુષ્ટાવ પરાં શિવામ્ ।

તદા પ્રસન્ના સા દુર્ગા પિતરં પ્રાહ નન્દિની ॥ 9॥

મત્પ્રસાદાત્પરં સ્તોત્રં હૃદયે પ્રતિભાસતામ્ ।

તેન નામ્નાં સહસ્રેણ પૂજયન્ કામમાપ્નુહિ ॥ 10॥

ઇત્યુક્ત્વાન્તર્હિતાયાં તુ હૃદયે સ્ફુરિતં તદા ।

નામ્નાં સહસ્રં દુર્ગાયાઃ પૃચ્છતે મે યદુક્તવાન્ ॥ 11॥

મઙ્ગલાનાં મઙ્ગલં તદ્ દુર્ગાનામ સહસ્રકમ્ ।

સર્વાભીષ્ટપ્રદાં પુંસાં બ્રવીમ્યખિલકામદમ્ ॥ 12॥

દુર્ગાદેવી સમાખ્યાતા હિમવાનૃષિરુચ્યતે ।

છન્દોનુષ્ટુપ્ જપો દેવ્યાઃ પ્રીતયે ક્રિયતે સદા ॥ 13॥

અસ્ય શ્રીદુર્ગાસ્તોત્રમહામન્ત્રસ્ય । હિમવાન્ ઋષિઃ । અનુષ્ટુપ્ છન્દઃ ।

દુર્ગાભગવતી દેવતા । શ્રીદુર્ગાપ્રસાદસિદ્ધ્યર્થે જપે વિનિયોગઃ । ।

શ્રીભગવત્યૈ દુર્ગાયૈ નમઃ ।

દેવીધ્યાનમ્

ૐ હ્રીં કાલાભ્રાભાં કટાક્ષૈરરિકુલભયદાં મૌલિબદ્ધેન્દુરેખાં

શઙ્ખં ચક્રં કૃપાણં ત્રિશિખમપિ કરૈરુદ્વહન્તીં ત્રિનેત્રામ્ ।

સિંહસ્કન્ધાધિરૂઢાં ત્રિભુવનમખિલં તેજસા પૂરયન્તીં

ધ્યાયેદ્ દુર્ગાં જયાખ્યાં ત્રિદશપરિવૃતાં સેવિતાં સિદ્ધિકામૈઃ ॥

શ્રી જયદુર્ગાયૈ નમઃ ।

ૐ શિવાથોમા રમા શક્તિરનન્તા નિષ્કલાઽમલા ।

શાન્તા માહેશ્વરી નિત્યા શાશ્વતા પરમા ક્ષમા ॥ 1॥

અચિન્ત્યા કેવલાનન્તા શિવાત્મા પરમાત્મિકા ।

અનાદિરવ્યયા શુદ્ધા સર્વજ્ઞા સર્વગાઽચલા ॥ 2॥

એકાનેકવિભાગસ્થા માયાતીતા સુનિર્મલા ।

મહામાહેશ્વરી સત્યા મહાદેવી નિરઞ્જના ॥ 3॥

કાષ્ઠા સર્વાન્તરસ્થાઽપિ ચિચ્છક્તિશ્ચાત્રિલાલિતા ।

સર્વા સર્વાત્મિકા વિશ્વા જ્યોતીરૂપાક્ષરામૃતા ॥ 4॥

શાન્તા પ્રતિષ્ઠા સર્વેશા નિવૃત્તિરમૃતપ્રદા ।

વ્યોમમૂર્તિર્વ્યોમસંસ્થા વ્યોમધારાઽચ્યુતાઽતુલા ॥ 5॥

અનાદિનિધનાઽમોઘા કારણાત્મકલાકુલા ।

ઋતુપ્રથમજાઽનાભિરમૃતાત્મસમાશ્રયા ॥ 6॥

પ્રાણેશ્વરપ્રિયા નમ્યા મહામહિષઘાતિની ।

પ્રાણેશ્વરી પ્રાણરૂપા પ્રધાનપુરુષેશ્વરી ॥ 7॥

સર્વશક્તિકલાઽકામા મહિષેષ્ટવિનાશિની ।

સર્વકાર્યનિયન્ત્રી ચ સર્વભૂતેશ્વરેશ્વરી ॥ 8॥

અઙ્ગદાદિધરા ચૈવ તથા મુકુટધારિણી ।

સનાતની મહાનન્દાઽઽકાશયોનિસ્તથેચ્યતે ॥ 9॥

ચિત્પ્રકાશસ્વરૂપા ચ મહાયોગેશ્વરેશ્વરી ।

મહામાયા સદુષ્પારા મૂલપ્રકૃતિરીશિકા ॥ 10॥

સંસારયોનિઃ સકલા સર્વશક્તિસમુદ્ભવા ।

સંસારપારા દુર્વારા દુર્નિરીક્ષા દુરાસદા ॥ 11॥

પ્રાણશક્તિશ્ચ સેવ્યા ચ યોગિની પરમાકલા ।

મહાવિભૂતિર્દુર્દર્શા મૂલપ્રકૃતિસમ્ભવા ॥ 12॥

અનાદ્યનન્તવિભવા પરાર્થા પુરુષારણિઃ ।

સર્ગસ્થિત્યન્તકૃચ્ચૈવ સુદુર્વાચ્યા દુરત્યયા ॥ 13॥

શબ્દગમ્યા શબ્દમાયા શબ્દાખ્યાનન્દવિગ્રહા ।

પ્રધાનપુરુષાતીતા પ્રધાનપુરુષાત્મિકા ॥ 14॥

પુરાણી ચિન્મયા પુંસામિષ્ટદા પુષ્ટિરૂપિણી ।

પૂતાન્તરસ્થા કૂટસ્થા મહાપુરુષસઞ્જ્ઞિતા ॥ 15॥

જન્મમૃત્યુજરાતીતા સર્વશક્તિસ્વરૂપિણી ।

વાઞ્છાપ્રદાઽનવચ્છિન્નપ્રધાનાનુપ્રવેશિની ॥ 16॥

ક્ષેત્રજ્ઞાઽચિન્ત્યશક્તિસ્તુ પ્રોચ્યતેઽવ્યક્તલક્ષણા ।

મલાપવર્જિતાઽઽનાદિમાયા ત્રિતયતત્ત્વિકા ॥ 17॥

પ્રીતિશ્ચ પ્રકૃતિશ્ચૈવ ગુહાવાસા તથોચ્યતે ।

મહામાયા નગોત્પન્ના તામસી ચ ધ્રુવા તથા ॥ 18॥

વ્યક્તાઽવ્યક્તાત્મિકા કૃષ્ણા રક્તા શુક્લા હ્યકારણા ।

પ્રોચ્યતે કાર્યજનની નિત્યપ્રસવધર્મિણી ॥ 19॥

સર્ગપ્રલયમુક્તા ચ સૃષ્ટિસ્થિત્યન્તધર્મિણી ।

બ્રહ્મગર્ભા ચતુર્વિંશસ્વરૂપા પદ્મવાસિની ॥ 20॥

અચ્યુતાહ્લાદિકા વિદ્યુદ્બ્રહ્મયોનિર્મહાલયા ।

મહાલક્ષ્મી સમુદ્ભાવભાવિતાત્મામહેશ્વરી ॥ 21॥

મહાવિમાનમધ્યસ્થા મહાનિદ્રા સકૌતુકા ।

સર્વાર્થધારિણી સૂક્ષ્મા હ્યવિદ્ધા પરમાર્થદા ॥ 22॥

અનન્તરૂપાઽનન્તાર્થા તથા પુરુષમોહિની ।

અનેકાનેકહસ્તા ચ કાલત્રયવિવર્જિતા ॥ 23॥

બ્રહ્મજન્મા હરપ્રીતા મતિર્બ્રહ્મશિવાત્મિકા ।

બ્રહ્મેશવિષ્ણુસમ્પૂજ્યા બ્રહ્માખ્યા બ્રહ્મસઞ્જ્ઞિતા ॥ 24॥

વ્યક્તા પ્રથમજા બ્રાહ્મી મહારાત્રીઃ પ્રકીર્તિતા ।

જ્ઞાનસ્વરૂપા વૈરાગ્યરૂપા હ્યૈશ્વર્યરૂપિણી ॥ 25॥

ધર્માત્મિકા બ્રહ્મમૂર્તિઃ પ્રતિશ્રુતપુમર્થિકા ।

અપાંયોનિઃ સ્વયમ્ભૂતા માનસી તત્ત્વસમ્ભવા ॥ 26॥

ઈશ્વરસ્ય પ્રિયા પ્રોક્તા શઙ્કરાર્ધશરીરિણી ।

ભવાની ચૈવ રુદ્રાણી મહાલક્ષ્મીસ્તથાઽમ્બિકા ॥ 27॥

મહેશ્વરસમુત્પન્ના ભુક્તિમુક્તિ પ્રદાયિની ।

સર્વેશ્વરી સર્વવન્દ્યા નિત્યમુક્તા સુમાનસા ॥ 28॥

મહેન્દ્રોપેન્દ્રનમિતા શાઙ્કરીશાનુવર્તિની ।

ઈશ્વરાર્ધાસનગતા માહેશ્વરપતિવ્રતા ॥ 29॥

સંસારશોષિણી ચૈવ પાર્વતી હિમવત્સુતા ।

પરમાનન્દદાત્રી ચ ગુણાગ્ર્યા યોગદા તથા ॥ 30॥

જ્ઞાનમૂર્તિશ્ચ સાવિત્રી લક્ષ્મીઃ શ્રીઃ કમલા તથા ।

અનન્તગુણગમ્ભીરા હ્યુરોનીલમણિપ્રભા ॥ 31॥

સરોજનિલયા ગઙ્ગા યોગિધ્યેયાઽસુરાર્દિની ।

સરસ્વતી સર્વવિદ્યા જગજ્જ્યેષ્ઠા સુમઙ્ગલા ॥ 32॥

વાગ્દેવી વરદા વર્યા કીર્તિઃ સર્વાર્થસાધિકા ।

વાગીશ્વરી બ્રહ્મવિદ્યા મહાવિદ્યા સુશોભના ॥ 33॥

ગ્રાહ્યવિદ્યા વેદવિદ્યા ધર્મવિદ્યાઽઽત્મભાવિતા ।

સ્વાહા વિશ્વમ્ભરા સિદ્ધિઃ સાધ્યા મેધા ધૃતિઃ કૃતિઃ ॥ 34॥

સુનીતિઃ સઙ્કૃતિશ્ચૈવ કીર્તિતા નરવાહિની ।

પૂજાવિભાવિની સૌમ્યા ભોગ્યભાગ્ ભોગદાયિની ॥ 35॥

શોભાવતી શાઙ્કરી ચ લોલા માલાવિભૂષિતા ।

પરમેષ્ઠિપ્રિયા ચૈવ ત્રિલોકીસુન્દરી માતા ॥ 36॥

નન્દા સન્ધ્યા કામધાત્રી મહાદેવી સુસાત્ત્વિકા ।

મહામહિષદર્પઘ્ની પદ્મમાલાઽઘહારિણી ॥ 37॥

વિચિત્રમુકુટા રામા કામદાતા પ્રકીર્તિતા ।

પિતામ્બરધરા દિવ્યવિભૂષણ વિભૂષિતા ॥ 38॥

દિવ્યાખ્યા સોમવદના જગત્સંસૃષ્ટિવર્જિતા ।

નિર્યન્ત્રા યન્ત્રવાહસ્થા નન્દિની રુદ્રકાલિકા ॥ 39॥

આદિત્યવર્ણા કૌમારી મયૂરવરવાહિની ।

પદ્માસનગતા ગૌરી મહાકાલી સુરાર્ચિતા ॥ 40॥

અદિતિર્નિયતા રૌદ્રી પદ્મગર્ભા વિવાહના ।

વિરૂપાક્ષા કેશિવાહા ગુહાપુરનિવાસિની ॥ 41॥

મહાફલાઽનવદ્યાઙ્ગી કામરૂપા સરિદ્વરા ।

ભાસ્વદ્રૂપા મુક્તિદાત્રી પ્રણતક્લેશભઞ્જના ॥ 42॥

કૌશિકી ગોમિની રાત્રિસ્ત્રિદશારિવિનાશિની ।

બહુરૂપા સુરૂપા ચ વિરૂપા રૂપવર્જિતા ॥ 43॥

ભક્તાર્તિશમના ભવ્યા ભવભાવવિનાશિની ।

સર્વજ્ઞાનપરીતાઙ્ગી સર્વાસુરવિમર્દિકા ॥ 44॥

પિકસ્વની સામગીતા ભવાઙ્કનિલયા પ્રિયા ।

દીક્ષા વિદ્યાધરી દીપ્તા મહેન્દ્રાહિતપાતિની ॥ 45॥

સર્વદેવમયા દક્ષા સમુદ્રાન્તરવાસિની ।

અકલઙ્કા નિરાધારા નિત્યસિદ્ધા નિરામયા ॥ 46॥

કામધેનુબૃહદ્ગર્ભા ધીમતી મૌનનાશિની ।

નિઃસઙ્કલ્પા નિરાતઙ્કા વિનયા વિનયપ્રદા ॥ 47॥

જ્વાલામાલા સહસ્રાઢ્યા દેવદેવી મનોમયા ।

સુભગા સુવિશુદ્ધા ચ વસુદેવસમુદ્ભવા ॥ 48॥

મહેન્દ્રોપેન્દ્રભગિની ભક્તિગમ્યા પરાવરા ।

જ્ઞાનજ્ઞેયા પરાતીતા વેદાન્તવિષયા મતિઃ ॥ 49॥

દક્ષિણા દાહિકા દહ્યા સર્વભૂતહૃદિસ્થિતા ।

યોગમાયા વિભાગજ્ઞા મહામોહા ગરીયસી ॥ 50॥

સન્ધ્યા સર્વસમુદ્ભૂતા બ્રહ્મવૃક્ષાશ્રિયાદિતિઃ ।

બીજાઙ્કુરસમુદ્ભૂતા મહાશક્તિર્મહામતિઃ ॥ 51॥

ખ્યાતિઃ પ્રજ્ઞાવતી સઞ્જ્ઞા મહાભોગીન્દ્રશાયિની ।

હીઙ્કૃતિઃ શઙ્કરી શાન્તિર્ગન્ધર્વગણસેવિતા ॥ 52॥

વૈશ્વાનરી મહાશૂલા દેવસેના ભવપ્રિયા ।

મહારાત્રી પરાનન્દા શચી દુઃસ્વપ્નનાશિની ॥ 53॥

ઈડ્યા જયા જગદ્ધાત્રી દુર્વિજ્ઞેયા સુરૂપિણી ।

ગુહામ્બિકા ગણોત્પન્ના મહાપીઠા મરુત્સુતા ॥ 54॥

હવ્યવાહા ભવાનન્દા જગદ્યોનિઃ પ્રકીર્તિતા ।

જગન્માતા જગન્મૃત્યુર્જરાતીતા ચ બુદ્ધિદા ॥ 55॥

સિદ્ધિદાત્રી રત્નગર્ભા રત્નગર્ભાશ્રયા પરા ।

દૈત્યહન્ત્રી સ્વેષ્ટદાત્રી મઙ્ગલૈકસુવિગ્રહા ॥ 56॥

પુરુષાન્તર્ગતા ચૈવ સમાધિસ્થા તપસ્વિની ।

દિવિસ્થિતા ત્રિણેત્રા ચ સર્વેન્દ્રિયમનાધૃતિઃ ॥ 57॥

સર્વભૂતહૃદિસ્થા ચ તથા સંસારતારિણી ।

વેદ્યા બ્રહ્મવિવેદ્યા ચ મહાલીલા પ્રકીર્તિતા ॥ 58॥

બ્રાહ્મણિબૃહતી બ્રાહ્મી બ્રહ્મભૂતાઽઘહારિણી ।

હિરણ્મયી મહાદાત્રી સંસારપરિવર્તિકા ॥ 59॥

સુમાલિની સુરૂપા ચ ભાસ્વિની ધારિણી તથા ।

ઉન્મૂલિની સર્વસભા સર્વપ્રત્યયસાક્ષિણી ॥ 60॥

સુસૌમ્યા ચન્દ્રવદના તાણ્ડવાસક્તમાનસા ।

સત્ત્વશુદ્ધિકરી શુદ્ધા મલત્રયવિનાશિની ॥ 61॥

જગત્ત્ત્રયી જગન્મૂર્તિસ્ત્રિમૂર્તિરમૃતાશ્રયા ।

વિમાનસ્થા વિશોકા ચ શોકનાશિન્યનાહતા ॥ 62॥

હેમકુણ્ડલિની કાલી પદ્મવાસા સનાતની ।

સદાકીર્તિઃ સર્વભૂતશયા દેવી સતામ્પ્રિયા ॥ 63॥

બ્રહ્મમૂર્તિકલા ચૈવ કૃત્તિકા કઞ્જમાલિની ।

વ્યોમકેશા ક્રિયાશક્તિરિચ્છાશક્તિઃ પરાગતિઃ ॥ 64॥

ક્ષોભિકા ખણ્ડિકાભેદ્યા ભેદાભેદવિવર્જિતા ।

અભિન્ના ભિન્નસંસ્થાના વશિની વંશધારિણી ॥ 65॥

ગુહ્યશક્તિર્ગુહ્યતત્ત્વા સર્વદા સર્વતોમુખી ।

ભગિની ચ નિરાધારા નિરાહારા પ્રકીર્તિતા ॥ 66॥

નિરઙ્કુશપદોદ્ભૂતા ચક્રહસ્તા વિશોધિકા ।

સ્રગ્વિણી પદ્મસમ્ભેદકારિણી પરિકીર્તિતા ॥ 67॥

પરાવરવિધાનજ્ઞા મહાપુરુષપૂર્વજા ।

પરાવરજ્ઞા વિદ્યા ચ વિદ્યુજ્જિહ્વા જિતાશ્રયા ॥ 68॥

વિદ્યામયી સહસ્રાક્ષી સહસ્રવદનાત્મજા ।

સહસ્રરશ્મિઃસત્વસ્થા મહેશ્વરપદાશ્રયા ॥ 69॥

જ્વાલિની સન્મયા વ્યાપ્તા ચિન્મયા પદ્મભેદિકા ।

મહાશ્રયા મહામન્ત્રા મહાદેવમનોરમા ॥ 70॥

વ્યોમલક્ષ્મીઃ સિંહરથા ચેકિતાનાઽમિતપ્રભા ।

વિશ્વેશ્વરી ભગવતી સકલા કાલહારિણી ॥ 71॥

સર્વવેદ્યા સર્વભદ્રા ગુહ્યા દૂઢા ગુહારણી ।

પ્રલયા યોગધાત્રી ચ ગઙ્ગા વિશ્વેશ્વરી તથા ॥ 72॥

કામદા કનકા કાન્તા કઞ્જગર્ભપ્રભા તથા ।

પુણ્યદા કાલકેશા ચ ભોક્ત્ત્રી પુષ્કરિણી તથા ॥ 73॥

સુરેશ્વરી ભૂતિદાત્રી ભૂતિભૂષા પ્રકીર્તિતા ।

પઞ્ચબ્રહ્મસમુત્પન્ના પરમાર્થાઽર્થવિગ્રહા ॥ 74॥

વર્ણોદયા ભાનુમૂર્તિર્વાગ્વિજ્ઞેયા મનોજવા ।

મનોહરા મહોરસ્કા તામસી વેદરૂપિણી ॥ 75॥

વેદશક્તિર્વેદમાતા વેદવિદ્યાપ્રકાશિની ।

યોગેશ્વરેશ્વરી માયા મહાશક્તિર્મહામયી ॥ 76॥

વિશ્વાન્તઃસ્થા વિયન્મૂર્તિર્ભાર્ગવી સુરસુન્દરી ।

સુરભિર્નન્દિની વિદ્યા નન્દગોપતનૂદ્ભવા ॥ 77॥

ભારતી પરમાનન્દા પરાવરવિભેદિકા ।

સર્વપ્રહરણોપેતા કામ્યા કામેશ્વરેશ્વરી ॥ 78॥

અનન્તાનન્દવિભવા હૃલ્લેખા કનકપ્રભા ।

કૂષ્માણ્ડા ધનરત્નાઢ્યા સુગન્ધા ગન્ધદાયિની ॥ 79॥

ત્રિવિક્રમપદોદ્ભૂતા ચતુરાસ્યા શિવોદયા ।

સુદુર્લભા ધનાધ્યક્ષા ધન્યા પિઙ્ગલલોચના ॥ 80॥

શાન્તા પ્રભાસ્વરૂપા ચ પઙ્કજાયતલોચના ।

ઇન્દ્રાક્ષી હૃદયાન્તઃસ્થા શિવા માતા ચ સત્ક્રિયા ॥ 81॥

ગિરિજા ચ સુગૂઢા ચ નિત્યપુષ્ટા નિરન્તરા ।

દુર્ગા કાત્યાયની ચણ્ડી ચન્દ્રિકા કાન્તવિગ્રહા ॥ 82॥

હિરણ્યવર્ણા જગતી જગદ્યન્ત્રપ્રવર્તિકા ।

મન્દરાદ્રિનિવાસા ચ શારદા સ્વર્ણમાલિની ॥ 83॥

રત્નમાલા રત્નગર્ભા વ્યુષ્ટિર્વિશ્વપ્રમાથિની ।

પદ્માનન્દા પદ્મનિભા નિત્યપુષ્ટા કૃતોદ્ભવા ॥ 84॥

નારાયણી દુષ્ટશિક્ષા સૂર્યમાતા વૃષપ્રિયા ।

મહેન્દ્રભગિની સત્યા સત્યભાષા સુકોમલા ॥ 85॥

વામા ચ પઞ્ચતપસાં વરદાત્રી પ્રકીર્તિતા ।

વાચ્યવર્ણેશ્વરી વિદ્યા દુર્જયા દુરતિક્રમા ॥ 86॥

કાલરાત્રિર્મહાવેગા વીરભદ્રપ્રિયા હિતા ।

ભદ્રકાલી જગન્માતા ભક્તાનાં ભદ્રદાયિની ॥ 87॥

કરાલા પિઙ્ગલાકારા કામભેત્ત્રી મહામનાઃ ।

યશસ્વિની યશોદા ચ ષડધ્વપરિવર્તિકા ॥ 88॥

શઙ્ખિની પદ્મિની સઙ્ખ્યા સાઙ્ખ્યયોગપ્રવર્તિકા ।

ચૈત્રાદિર્વત્સરારૂઢા જગત્સમ્પૂરણીન્દ્રજા ॥ 89॥

શુમ્ભઘ્ની ખેચરારાધ્યા કમ્બુગ્રીવા બલીડિતા ।

ખગારૂઢા મહૈશ્વર્યા સુપદ્મનિલયા તથા ॥ 90॥

વિરક્તા ગરુડસ્થા ચ જગતીહૃદ્ગુહાશ્રયા ।

શુમ્ભાદિમથના ભક્તહૃદ્ગહ્વરનિવાસિની ॥ 91॥

જગત્ત્ત્રયારણી સિદ્ધસઙ્કલ્પા કામદા તથા ।

સર્વવિજ્ઞાનદાત્રી ચાનલ્પકલ્મષહારિણી ॥ 92॥

સકલોપનિષદ્ગમ્યા દુષ્ટદુષ્પ્રેક્ષ્યસત્તમા ।

સદ્વૃતા લોકસંવ્યાપ્તા તુષ્ટિઃ પુષ્ટિઃ ક્રિયાવતી ॥ 93॥

વિશ્વામરેશ્વરી ચૈવ ભુક્તિમુક્તિપ્રદાયિની ।

શિવાધૃતા લોહિતાક્ષી સર્પમાલાવિભૂષણા ॥ 94॥

નિરાનન્દા ત્રિશૂલાસિધનુર્બાણાદિધારિણી ।

અશેષધ્યેયમૂર્તિશ્ચ દેવતાનાં ચ દેવતા ॥ 95॥

વરામ્બિકા ગિરેઃ પુત્રી નિશુમ્ભવિનિપાતિની ।

સુવર્ણા સ્વર્ણલસિતાઽનન્તવર્ણા સદાધૃતા ॥ 96॥

શાઙ્કરી શાન્તહૃદયા અહોરાત્રવિધાયિકા ।

વિશ્વગોપ્ત્રી ગૂઢરૂપા ગુણપૂર્ણા ચ ગાર્ગ્યજા ॥ 97॥

ગૌરી શાકમ્ભરી સત્યસન્ધા સન્ધ્યાત્રયીધૃતા ।

સર્વપાપવિનિર્મુક્તા સર્વબન્ધવિવર્જિતા ॥ 98॥

સાઙ્ખ્યયોગસમાખ્યાતા અપ્રમેયા મુનીડિતા ।

વિશુદ્ધસુકુલોદ્ભૂતા બિન્દુનાદસમાદૃતા ॥ 99॥

શમ્ભુવામાઙ્કગા ચૈવ શશિતુલ્યનિભાનના ।

વનમાલાવિરાજન્તી અનન્તશયનાદૃતા ॥ 100॥

નરનારાયણોદ્ભૂતા નારસિંહી પ્રકીર્તિતા ।

દૈત્યપ્રમાથિની શઙ્ખચક્રપદ્મગદાધરા ॥ 101॥

સઙ્કર્ષણસમુત્પન્ના અમ્બિકા સજ્જનાશ્રયા ।

સુવૃતા સુન્દરી ચૈવ ધર્મકામાર્થદાયિની ॥ 102॥

મોક્ષદા ભક્તિનિલયા પુરાણપુરુષાદૃતા ।

મહાવિભૂતિદાઽઽરાધ્યા સરોજનિલયાઽસમા ॥ 103॥

અષ્ટાદશભુજાઽનાદિર્નીલોત્પલદલાક્ષિણી ।

સર્વશક્તિસમારૂઢા ધર્માધર્મવિવર્જિતા ॥ 104॥

વૈરાગ્યજ્ઞાનનિરતા નિરાલોકા નિરિન્દ્રિયા ।

વિચિત્રગહનાધારા શાશ્વતસ્થાનવાસિની ॥ 105॥

જ્ઞાનેશ્વરી પીતચેલા વેદવેદાઙ્ગપારગા ।

મનસ્વિની મન્યુમાતા મહામન્યુસમુદ્ભવા ॥ 106॥

અમન્યુરમૃતાસ્વાદા પુરન્દરપરિષ્ટુતા ।

અશોચ્યા ભિન્નવિષયા હિરણ્યરજતપ્રિયા ॥ 107॥

હિરણ્યજનની ભીમા હેમાભરણભૂષિતા ।

વિભ્રાજમાના દુર્જ્ઞેયા જ્યોતિષ્ટોમફલપ્રદા ॥ 108॥

મહાનિદ્રાસમુત્પત્તિરનિદ્રા સત્યદેવતા ।

દીર્ઘા કકુદ્મિની પિઙ્ગજટાધારા મનોજ્ઞધીઃ ॥ 109॥

મહાશ્રયા રમોત્પન્ના તમઃપારે પ્રતિષ્ઠિતા ।

ત્રિતત્ત્વમાતા ત્રિવિધા સુસૂક્ષ્મા પદ્મસંશ્રયા ॥ 110॥

શાન્ત્યતીતકલાઽતીતવિકારા શ્વેતચેલિકા ।

ચિત્રમાયા શિવજ્ઞાનસ્વરૂપા દૈત્યમાથિની ॥ 111॥

કાશ્યપી કાલસર્પાભવેણિકા શાસ્ત્રયોનિકા ।

ત્રયીમૂર્તિઃ ક્રિયામૂર્તિશ્ચતુર્વર્ગા ચ દર્શિની ॥ 112॥

નારાયણી નરોત્પન્ના કૌમુદી કાન્તિધારિણી ।

કૌશિકી લલિતા લીલા પરાવરવિભાવિની ॥ 113॥

વરેણ્યાઽદ્ભુતમહાત્મ્યા વડવા વામલોચના ।

સુભદ્રા ચેતનારાધ્યા શાન્તિદા શાન્તિવર્ધિની ॥ 114॥

જયાદિશક્તિજનની શક્તિચક્રપ્રવર્તિકા ।

ત્રિશક્તિજનની જન્યા ષટ્સૂત્રપરિવર્ણિતા ॥ 115॥

સુધૌતકર્મણાઽઽરાધ્યા યુગાન્તદહનાત્મિકા ।

સઙ્કર્ષિણી જગદ્ધાત્રી કામયોનિઃ કિરીટિની ॥ 116॥

ઐન્દ્રી ત્રૈલોક્યનમિતા વૈષ્ણવી પરમેશ્વરી ।

પ્રદ્યુમ્નજનની બિમ્બસમોષ્ઠી પદ્મલોચના ॥ 117॥

મદોત્કટા હંસગતિઃ પ્રચણ્ડા ચણ્ડવિક્રમા ।

વૃષાધીશા પરાત્મા ચ વિન્ધ્યા પર્વતવાસિની ॥ 118॥

હિમવન્મેરુનિલયા કૈલાસપુરવાસિની ।

ચાણૂરહન્ત્રી નીતિજ્ઞા કામરૂપા ત્રયીતનુઃ ॥ 119॥

વ્રતસ્નાતા ધર્મશીલા સિંહાસનનિવાસિની ।

વીરભદ્રાદૃતા વીરા મહાકાલસમુદ્ભવા ॥ 120॥

વિદ્યાધરાર્ચિતા સિદ્ધસાધ્યારાધિતપાદુકા ।

શ્રદ્ધાત્મિકા પાવની ચ મોહિની અચલાત્મિકા ॥ 121॥

મહાદ્ભુતા વારિજાક્ષી સિંહવાહનગામિની ।

મનીષિણી સુધાવાણી વીણાવાદનતત્પરા ॥ 122॥

શ્વેતવાહનિષેવ્યા ચ લસન્મતિરરુન્ધતી ।

હિરણ્યાક્ષી તથા ચૈવ મહાનન્દપ્રદાયિની ॥ 123॥

વસુપ્રભા સુમાલ્યાપ્તકન્ધરા પઙ્કજાનના ।

પરાવરા વરારોહા સહસ્રનયનાર્ચિતા ॥ 124॥

શ્રીરૂપા શ્રીમતી શ્રેષ્ઠા શિવનામ્ની શિવપ્રિયા ।

શ્રીપ્રદા શ્રિતકલ્યાણા શ્રીધરાર્ધશરીરિણી ॥ 125॥

શ્રીકલાઽનન્તદૃષ્ટિશ્ચ હ્યક્ષુદ્રારાતિસૂદની ।

રક્તબીજનિહન્ત્રી ચ દૈત્યસઙ્ગવિમર્દિની ॥ 126॥

સિંહારૂઢા સિંહિકાસ્યા દૈત્યશોણિતપાયિની ।

સુકીર્તિસહિતાચ્છિન્નસંશયા રસવેદિની ॥ 127॥

ગુણાભિરામા નાગારિવાહના નિર્જરાર્ચિતા ।

નિત્યોદિતા સ્વયઞ્જ્યોતિઃ સ્વર્ણકાયા પ્રકીર્તિતા ॥ 128॥

વજ્રદણ્ડાઙ્કિતા ચૈવ તથામૃતસઞ્જીવિની ।

વજ્રચ્છન્ના દેવદેવી વરવજ્રસ્વવિગ્રહા ॥ 129॥

માઙ્ગલ્યા મઙ્ગલાત્મા ચ માલિની માલ્યધારિણી ।

ગન્ધર્વી તરુણી ચાન્દ્રી ખડ્ગાયુધધરા તથા ॥ 130॥

સૌદામિની પ્રજાનન્દા તથા પ્રોક્તા ભૃગૂદ્ભવા ।

એકાનઙ્ગા ચ શાસ્ત્રાર્થકુશલા ધર્મચારિણી ॥ 131॥

ધર્મસર્વસ્વવાહા ચ ધર્માધર્મવિનિશ્ચયા ।

ધર્મશક્તિર્ધર્મમયા ધાર્મિકાનાં શિવપ્રદા ॥ 132॥

વિધર્મા વિશ્વધર્મજ્ઞા ધર્માર્થાન્તરવિગ્રહા ।

ધર્મવર્ષ્મા ધર્મપૂર્વા ધર્મપારઙ્ગતાન્તરા ॥ 133॥

ધર્મોપદેષ્ટ્રી ધર્માત્મા ધર્મગમ્યા ધરાધરા ।

કપાલિની શાકલિની કલાકલિતવિગ્રહા ॥ 134॥

સર્વશક્તિવિમુક્તા ચ કર્ણિકારધરાઽક્ષરા।

કંસપ્રાણહરા ચૈવ યુગધર્મધરા તથા ॥ 135॥

યુગપ્રવર્તિકા પ્રોક્તા ત્રિસન્ધ્યા ધ્યેયવિગ્રહા ।

સ્વર્ગાપવર્ગદાત્રી ચ તથા પ્રત્યક્ષદેવતા ॥ 136॥

આદિત્યા દિવ્યગન્ધા ચ દિવાકરનિભપ્રભા ।

પદ્માસનગતા પ્રોક્તા ખડ્ગબાણશરાસના ॥ 137॥

શિષ્ટા વિશિષ્ટા શિષ્ટેષ્ટા શિષ્ટશ્રેષ્ઠપ્રપૂજિતા ।

શતરૂપા શતાવર્તા વિતતા રાસમોદિની ॥ 138॥

સૂર્યેન્દુનેત્રા પ્રદ્યુમ્નજનની સુષ્ઠુમાયિની ।

સૂર્યાન્તરસ્થિતા ચૈવ સત્પ્રતિષ્ઠતવિગ્રહા ॥ 139॥

નિવૃત્તા પ્રોચ્યતે જ્ઞાનપારગા પર્વતાત્મજા ।

કાત્યાયની ચણ્ડિકા ચ ચણ્ડી હૈમવતી તથા ॥ 140॥

દાક્ષાયણી સતી ચૈવ ભવાની સર્વમઙ્ગલા ।

ધૂમ્રલોચનહન્ત્રી ચ ચણ્ડમુણ્ડવિનાશિની ॥ 141॥

યોગનિદ્રા યોગભદ્રા સમુદ્રતનયા તથા ।

દેવપ્રિયઙ્કરી શુદ્ધા ભક્તભક્તિપ્રવર્ધિની ॥ 142॥

ત્રિણેત્રા ચન્દ્રમુકુટા પ્રમથાર્ચિતપાદુકા ।

અર્જુનાભીષ્ટદાત્રી ચ પાણ્ડવપ્રિયકારિણી ॥ 143॥

કુમારલાલનાસક્તા હરબાહૂપધાનિકા ।

વિઘ્નેશજનની ભક્તવિઘ્નસ્તોમપ્રહારિણી ॥ 144॥

સુસ્મિતેન્દુમુખી નમ્યા જયાપ્રિયસખી તથા ।

અનાદિનિધના પ્રેષ્ઠા ચિત્રમાલ્યાનુલેપના ॥ 145॥

કોટિચન્દ્રપ્રતીકાશા કૂટજાલપ્રમાથિની ।

કૃત્યાપ્રહારિણી ચૈવ મારણોચ્ચાટની તથા ॥ 146॥

સુરાસુરપ્રવન્દ્યાઙ્ઘ્રિર્મોહઘ્ની જ્ઞાનદાયિની ।

ષડ્વૈરિનિગ્રહકરી વૈરિવિદ્રાવિણી તથા ॥ 147॥

ભૂતસેવ્યા ભૂતદાત્રી ભૂતપીડાવિમર્દિકા ।

નારદસ્તુતચારિત્રા વરદેશા વરપ્રદા ॥ 148॥

વામદેવસ્તુતા ચૈવ કામદા સોમશેખરા ।

દિક્પાલસેવિતા ભવ્યા ભામિની ભાવદાયિની ॥ 149॥

સ્ત્રીસૌભાગ્યપ્રદાત્રી ચ ભોગદા રોગનાશિની ।

વ્યોમગા ભૂમિગા ચૈવ મુનિપૂજ્યપદામ્બુજા ।

વનદુર્ગા ચ દુર્બોધા મહાદુર્ગા પ્રકીર્તિતા ॥ 150॥

ફલશ્રુતિઃ

ઇતીદં કીર્તિદં ભદ્ર દુર્ગાનામસહસ્રકમ્ ।

ત્રિસન્ધ્યં યઃ પઠેન્નિત્યં તસ્ય લક્ષ્મીઃ સ્થિરા ભવેત્ ॥ 1॥

ગ્રહભૂતપિશાચાદિપીડા નશ્યત્યસંશયમ્ ।

બાલગ્રહાદિપીડાયાઃ શાન્તિર્ભવતિ કીર્તનાત્ ॥ 2॥

મારિકાદિમહારોગે પઠતાં સૌખ્યદં નૃણામ્ ।

વ્યવહારે ચ જયદં શત્રુબાધાનિવારકમ્ ॥ 3॥

દમ્પત્યોઃ કલહે પ્રાપ્તે મિથઃ પ્રેમાભિવર્ધકમ્ ।

આયુરારોગ્યદં પુંસાં સર્વસમ્પત્પ્રદાયકમ્ ॥ 4॥

વિદ્યાભિવર્ધકં નિત્યં પઠતામર્થસાધકમ્ ।

શુભદં શુભકાર્યેષુ પઠતાં શૃણુતામપિ ॥ 5॥

યઃ પૂજયતિ દુર્ગાં તાં દુર્ગાનામસહસ્રકૈઃ ।

પુષ્પૈઃ કુઙ્કુમસમ્મિશ્રૈઃ સ તુ યત્કાઙ્ક્ષતે હૃદિ ॥ 6॥

તત્સર્વં સમવાપ્નોતિ નાસ્તિ નાસ્ત્યત્ર સંશયઃ ।

યન્મુખે ધ્રિયતે નિત્યં દુર્ગાનામસહસ્રકમ્ ॥ 7॥

કિં તસ્યેતરમન્ત્રૌઘૈઃ કાર્યં ધન્યતમસ્ય હિ ।

દુર્ગાનામસહસ્રસ્ય પુસ્તકં યદ્ગૃહે ભવેત્ ॥ 8॥

ન તત્ર ગ્રહભૂતાદિબાધા સ્યાન્મઙ્ગલાસ્પદે ।

તદ્ગૃહં પુણ્યદં ક્ષેત્રં દેવીસાન્નિધ્યકારકમ્ ॥ 9॥

એતસ્ય સ્તોત્રમુખ્યસ્ય પાઠકઃ શ્રેષ્ઠમન્ત્રવિત્ ।

દેવતાયાઃ પ્રસાદેન સર્વપૂજ્યઃ સુખી ભવેત્ ॥ 10॥

ઇત્યેતન્નગરાજેન કીર્તિતં મુનિસત્તમ ।

ગુહ્યાદ્ગુહ્યતરં સ્તોત્રં ત્વયિ સ્નેહાત્ પ્રકીર્તિતમ્ ॥ 11॥

ભક્તાય શ્રદ્ધધાનાય કેવલં કીર્ત્યતામિદમ્ ।

હૃદિ ધારય નિત્યં ત્વં દેવ્યનુગ્રહસાધકમ્ ॥ 12॥ ॥

ઇતિ શ્રીસ્કાન્દપુરાણે સ્કન્દનારદસંવાદે દુર્ગાસહસ્રનામસ્તોત્રં સમ્પૂર્ણમ્ ॥

Roman (IAST) Transliteration

|| atha śrī durgā sahasranāmastotram ||

nārada uvāca -

kumāra guṇagambhīra devasenāpate prabho |

sarvābhīṣṭapradaṃ puṃsāṃ sarvapāpapraṇāśanam || 1||

guhyādguhyataraṃ stotraṃ bhaktivardhakamañjasā |

maṅgalaṃ grahapīḍādiśāntidaṃ vaktumarhasi || 2||

skanda uvāca -

śṛṇu nārada devarṣe lokānugrahakāmyayā |

yatpṛcchasi paraṃ puṇyaṃ tatte vakṣyāmi kautukāt || 3||

mātā me lokajananī himavannagasattamāt |

menāyāṃ brahmavādinyāṃ prādurbhūtā harapriyā || 4||

mahatā tapasā''rādhya śaṅkaraṃ lokaśaṅkaram |

svameva vallabhaṃ bheje kaleva hi kalānidhim || 5||

nagānāmadhirājastu himavān virahāturaḥ |

svasutāyāḥ parikṣīṇe vasiṣṭhena prabodhitaḥ || 6||

trilokajananī seyaṃ prasannā tvayi puṇyataḥ |

prādurbhūtā sutātvena tadviyogaṃ śubhaṃ tyaja || 7||

bahurūpā ca durgeyaṃ bahunāmnī sanātanī |

sanātanasya jāyā sā putrīmohaṃ tyajādhunā || 8||

iti prabodhitaḥ śailaḥ tāṃ tuṣṭāva parāṃ śivām |

tadā prasannā sā durgā pitaraṃ prāha nandinī || 9||

matprasādātparaṃ stotraṃ hṛdaye pratibhāsatām |

tena nāmnāṃ sahasreṇa pūjayan kāmamāpnuhi || 10||

ityuktvāntarhitāyāṃ tu hṛdaye sphuritaṃ tadā |

nāmnāṃ sahasraṃ durgāyāḥ pṛcchate me yaduktavān || 11||

maṅgalānāṃ maṅgalaṃ tad durgānāma sahasrakam |

sarvābhīṣṭapradāṃ puṃsāṃ bravīmyakhilakāmadam || 12||

durgādevī samākhyātā himavānṛṣirucyate |

chandonuṣṭup japo devyāḥ prītaye kriyate sadā || 13||

asya śrīdurgāstotramahāmantrasya | himavān ṛṣiḥ | anuṣṭup chandaḥ |

durgābhagavatī devatā | śrīdurgāprasādasiddhyarthe jape viniyogaḥ | |

śrībhagavatyai durgāyai namaḥ |

devīdhyānam

oṃ hrīṃ kālābhrābhāṃ kaṭākṣairarikulabhayadāṃ maulibaddhendurekhāṃ

śaṅkhaṃ cakraṃ kṛpāṇaṃ triśikhamapi karairudvahantīṃ trinetrām |

siṃhaskandhādhirūḍhāṃ tribhuvanamakhilaṃ tejasā pūrayantīṃ

dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ ||

śrī jayadurgāyai namaḥ |

oṃ śivāthomā ramā śaktiranantā niṣkalā'malā |

śāntā māheśvarī nityā śāśvatā paramā kṣamā || 1||

acintyā kevalānantā śivātmā paramātmikā |

anādiravyayā śuddhā sarvajñā sarvagā'calā || 2||

ekānekavibhāgasthā māyātītā sunirmalā |

mahāmāheśvarī satyā mahādevī nirañjanā || 3||

kāṣṭhā sarvāntarasthā'pi cicchaktiścātrilālitā |

sarvā sarvātmikā viśvā jyotīrūpākṣarāmṛtā || 4||

śāntā pratiṣṭhā sarveśā nivṛttiramṛtapradā |

vyomamūrtirvyomasaṃsthā vyomadhārā'cyutā'tulā || 5||

anādinidhanā'moghā kāraṇātmakalākulā |

ṛtuprathamajā'nābhiramṛtātmasamāśrayā || 6||

prāṇeśvarapriyā namyā mahāmahiṣaghātinī |

prāṇeśvarī prāṇarūpā pradhānapuruṣeśvarī || 7||

sarvaśaktikalā'kāmā mahiṣeṣṭavināśinī |

sarvakāryaniyantrī ca sarvabhūteśvareśvarī || 8||

aṅgadādidharā caiva tathā mukuṭadhāriṇī |

sanātanī mahānandā''kāśayonistathecyate || 9||

citprakāśasvarūpā ca mahāyogeśvareśvarī |

mahāmāyā saduṣpārā mūlaprakṛtirīśikā || 10||

saṃsārayoniḥ sakalā sarvaśaktisamudbhavā |

saṃsārapārā durvārā durnirīkṣā durāsadā || 11||

prāṇaśaktiśca sevyā ca yoginī paramākalā |

mahāvibhūtirdurdarśā mūlaprakṛtisambhavā || 12||

anādyanantavibhavā parārthā puruṣāraṇiḥ |

sargasthityantakṛccaiva sudurvācyā duratyayā || 13||

śabdagamyā śabdamāyā śabdākhyānandavigrahā |

pradhānapuruṣātītā pradhānapuruṣātmikā || 14||

purāṇī cinmayā puṃsāmiṣṭadā puṣṭirūpiṇī |

pūtāntarasthā kūṭasthā mahāpuruṣasañjñitā || 15||

janmamṛtyujarātītā sarvaśaktisvarūpiṇī |

vāñchāpradā'navacchinnapradhānānupraveśinī || 16||

kṣetrajñā'cintyaśaktistu procyate'vyaktalakṣaṇā |

malāpavarjitā''nādimāyā tritayatattvikā || 17||

prītiśca prakṛtiścaiva guhāvāsā tathocyate |

mahāmāyā nagotpannā tāmasī ca dhruvā tathā || 18||

vyaktā'vyaktātmikā kṛṣṇā raktā śuklā hyakāraṇā |

procyate kāryajananī nityaprasavadharmiṇī || 19||

sargapralayamuktā ca sṛṣṭisthityantadharmiṇī |

brahmagarbhā caturviṃśasvarūpā padmavāsinī || 20||

acyutāhlādikā vidyudbrahmayonirmahālayā |

mahālakṣmī samudbhāvabhāvitātmāmaheśvarī || 21||

mahāvimānamadhyasthā mahānidrā sakautukā |

sarvārthadhāriṇī sūkṣmā hyaviddhā paramārthadā || 22||

anantarūpā'nantārthā tathā puruṣamohinī |

anekānekahastā ca kālatrayavivarjitā || 23||

brahmajanmā haraprītā matirbrahmaśivātmikā |

brahmeśaviṣṇusampūjyā brahmākhyā brahmasañjñitā || 24||

vyaktā prathamajā brāhmī mahārātrīḥ prakīrtitā |

jñānasvarūpā vairāgyarūpā hyaiśvaryarūpiṇī || 25||

dharmātmikā brahmamūrtiḥ pratiśrutapumarthikā |

apāṃyoniḥ svayambhūtā mānasī tattvasambhavā || 26||

īśvarasya priyā proktā śaṅkarārdhaśarīriṇī |

bhavānī caiva rudrāṇī mahālakṣmīstathā'mbikā || 27||

maheśvarasamutpannā bhuktimukti pradāyinī |

sarveśvarī sarvavandyā nityamuktā sumānasā || 28||

mahendropendranamitā śāṅkarīśānuvartinī |

īśvarārdhāsanagatā māheśvarapativratā || 29||

saṃsāraśoṣiṇī caiva pārvatī himavatsutā |

paramānandadātrī ca guṇāgryā yogadā tathā || 30||

jñānamūrtiśca sāvitrī lakṣmīḥ śrīḥ kamalā tathā |

anantaguṇagambhīrā hyuronīlamaṇiprabhā || 31||

sarojanilayā gaṅgā yogidhyeyā'surārdinī |

sarasvatī sarvavidyā jagajjyeṣṭhā sumaṅgalā || 32||

vāgdevī varadā varyā kīrtiḥ sarvārthasādhikā |

vāgīśvarī brahmavidyā mahāvidyā suśobhanā || 33||

grāhyavidyā vedavidyā dharmavidyā''tmabhāvitā |

svāhā viśvambharā siddhiḥ sādhyā medhā dhṛtiḥ kṛtiḥ || 34||

sunītiḥ saṅkṛtiścaiva kīrtitā naravāhinī |

pūjāvibhāvinī saumyā bhogyabhāg bhogadāyinī || 35||

śobhāvatī śāṅkarī ca lolā mālāvibhūṣitā |

parameṣṭhipriyā caiva trilokīsundarī mātā || 36||

nandā sandhyā kāmadhātrī mahādevī susāttvikā |

mahāmahiṣadarpaghnī padmamālā'ghahāriṇī || 37||

vicitramukuṭā rāmā kāmadātā prakīrtitā |

pitāmbaradharā divyavibhūṣaṇa vibhūṣitā || 38||

divyākhyā somavadanā jagatsaṃsṛṣṭivarjitā |

niryantrā yantravāhasthā nandinī rudrakālikā || 39||

ādityavarṇā kaumārī mayūravaravāhinī |

padmāsanagatā gaurī mahākālī surārcitā || 40||

aditirniyatā raudrī padmagarbhā vivāhanā |

virūpākṣā keśivāhā guhāpuranivāsinī || 41||

mahāphalā'navadyāṅgī kāmarūpā saridvarā |

bhāsvadrūpā muktidātrī praṇatakleśabhañjanā || 42||

kauśikī gominī rātristridaśārivināśinī |

bahurūpā surūpā ca virūpā rūpavarjitā || 43||

bhaktārtiśamanā bhavyā bhavabhāvavināśinī |

sarvajñānaparītāṅgī sarvāsuravimardikā || 44||

pikasvanī sāmagītā bhavāṅkanilayā priyā |

dīkṣā vidyādharī dīptā mahendrāhitapātinī || 45||

sarvadevamayā dakṣā samudrāntaravāsinī |

akalaṅkā nirādhārā nityasiddhā nirāmayā || 46||

kāmadhenubṛhadgarbhā dhīmatī maunanāśinī |

niḥsaṅkalpā nirātaṅkā vinayā vinayapradā || 47||

jvālāmālā sahasrāḍhyā devadevī manomayā |

subhagā suviśuddhā ca vasudevasamudbhavā || 48||

mahendropendrabhaginī bhaktigamyā parāvarā |

jñānajñeyā parātītā vedāntaviṣayā matiḥ || 49||

dakṣiṇā dāhikā dahyā sarvabhūtahṛdisthitā |

yogamāyā vibhāgajñā mahāmohā garīyasī || 50||

sandhyā sarvasamudbhūtā brahmavṛkṣāśriyāditiḥ |

bījāṅkurasamudbhūtā mahāśaktirmahāmatiḥ || 51||

khyātiḥ prajñāvatī sañjñā mahābhogīndraśāyinī |

hīṅkṛtiḥ śaṅkarī śāntirgandharvagaṇasevitā || 52||

vaiśvānarī mahāśūlā devasenā bhavapriyā |

mahārātrī parānandā śacī duḥsvapnanāśinī || 53||

īḍyā jayā jagaddhātrī durvijñeyā surūpiṇī |

guhāmbikā gaṇotpannā mahāpīṭhā marutsutā || 54||

havyavāhā bhavānandā jagadyoniḥ prakīrtitā |

jaganmātā jaganmṛtyurjarātītā ca buddhidā || 55||

siddhidātrī ratnagarbhā ratnagarbhāśrayā parā |

daityahantrī sveṣṭadātrī maṅgalaikasuvigrahā || 56||

puruṣāntargatā caiva samādhisthā tapasvinī |

divisthitā triṇetrā ca sarvendriyamanādhṛtiḥ || 57||

sarvabhūtahṛdisthā ca tathā saṃsāratāriṇī |

vedyā brahmavivedyā ca mahālīlā prakīrtitā || 58||

brāhmaṇibṛhatī brāhmī brahmabhūtā'ghahāriṇī |

hiraṇmayī mahādātrī saṃsāraparivartikā || 59||

sumālinī surūpā ca bhāsvinī dhāriṇī tathā |

unmūlinī sarvasabhā sarvapratyayasākṣiṇī || 60||

susaumyā candravadanā tāṇḍavāsaktamānasā |

sattvaśuddhikarī śuddhā malatrayavināśinī || 61||

jagatttrayī jaganmūrtistrimūrtiramṛtāśrayā |

vimānasthā viśokā ca śokanāśinyanāhatā || 62||

hemakuṇḍalinī kālī padmavāsā sanātanī |

sadākīrtiḥ sarvabhūtaśayā devī satāmpriyā || 63||

brahmamūrtikalā caiva kṛttikā kañjamālinī |

vyomakeśā kriyāśaktiricchāśaktiḥ parāgatiḥ || 64||

kṣobhikā khaṇḍikābhedyā bhedābhedavivarjitā |

abhinnā bhinnasaṃsthānā vaśinī vaṃśadhāriṇī || 65||

guhyaśaktirguhyatattvā sarvadā sarvatomukhī |

bhaginī ca nirādhārā nirāhārā prakīrtitā || 66||

niraṅkuśapadodbhūtā cakrahastā viśodhikā |

sragviṇī padmasambhedakāriṇī parikīrtitā || 67||

parāvaravidhānajñā mahāpuruṣapūrvajā |

parāvarajñā vidyā ca vidyujjihvā jitāśrayā || 68||

vidyāmayī sahasrākṣī sahasravadanātmajā |

sahasraraśmiḥsatvasthā maheśvarapadāśrayā || 69||

jvālinī sanmayā vyāptā cinmayā padmabhedikā |

mahāśrayā mahāmantrā mahādevamanoramā || 70||

vyomalakṣmīḥ siṃharathā cekitānā'mitaprabhā |

viśveśvarī bhagavatī sakalā kālahāriṇī || 71||

sarvavedyā sarvabhadrā guhyā dūḍhā guhāraṇī |

pralayā yogadhātrī ca gaṅgā viśveśvarī tathā || 72||

kāmadā kanakā kāntā kañjagarbhaprabhā tathā |

puṇyadā kālakeśā ca bhokttrī puṣkariṇī tathā || 73||

sureśvarī bhūtidātrī bhūtibhūṣā prakīrtitā |

pañcabrahmasamutpannā paramārthā'rthavigrahā || 74||

varṇodayā bhānumūrtirvāgvijñeyā manojavā |

manoharā mahoraskā tāmasī vedarūpiṇī || 75||

vedaśaktirvedamātā vedavidyāprakāśinī |

yogeśvareśvarī māyā mahāśaktirmahāmayī || 76||

viśvāntaḥsthā viyanmūrtirbhārgavī surasundarī |

surabhirnandinī vidyā nandagopatanūdbhavā || 77||

bhāratī paramānandā parāvaravibhedikā |

sarvapraharaṇopetā kāmyā kāmeśvareśvarī || 78||

anantānandavibhavā hṛllekhā kanakaprabhā |

kūṣmāṇḍā dhanaratnāḍhyā sugandhā gandhadāyinī || 79||

trivikramapadodbhūtā caturāsyā śivodayā |

sudurlabhā dhanādhyakṣā dhanyā piṅgalalocanā || 80||

śāntā prabhāsvarūpā ca paṅkajāyatalocanā |

indrākṣī hṛdayāntaḥsthā śivā mātā ca satkriyā || 81||

girijā ca sugūḍhā ca nityapuṣṭā nirantarā |

durgā kātyāyanī caṇḍī candrikā kāntavigrahā || 82||

hiraṇyavarṇā jagatī jagadyantrapravartikā |

mandarādrinivāsā ca śāradā svarṇamālinī || 83||

ratnamālā ratnagarbhā vyuṣṭirviśvapramāthinī |

padmānandā padmanibhā nityapuṣṭā kṛtodbhavā || 84||

nārāyaṇī duṣṭaśikṣā sūryamātā vṛṣapriyā |

mahendrabhaginī satyā satyabhāṣā sukomalā || 85||

vāmā ca pañcatapasāṃ varadātrī prakīrtitā |

vācyavarṇeśvarī vidyā durjayā duratikramā || 86||

kālarātrirmahāvegā vīrabhadrapriyā hitā |

bhadrakālī jaganmātā bhaktānāṃ bhadradāyinī || 87||

karālā piṅgalākārā kāmabhettrī mahāmanāḥ |

yaśasvinī yaśodā ca ṣaḍadhvaparivartikā || 88||

śaṅkhinī padminī saṅkhyā sāṅkhyayogapravartikā |

caitrādirvatsarārūḍhā jagatsampūraṇīndrajā || 89||

śumbhaghnī khecarārādhyā kambugrīvā balīḍitā |

khagārūḍhā mahaiśvaryā supadmanilayā tathā || 90||

viraktā garuḍasthā ca jagatīhṛdguhāśrayā |

śumbhādimathanā bhaktahṛdgahvaranivāsinī || 91||

jagatttrayāraṇī siddhasaṅkalpā kāmadā tathā |

sarvavijñānadātrī cānalpakalmaṣahāriṇī || 92||

sakalopaniṣadgamyā duṣṭaduṣprekṣyasattamā |

sadvṛtā lokasaṃvyāptā tuṣṭiḥ puṣṭiḥ kriyāvatī || 93||

viśvāmareśvarī caiva bhuktimuktipradāyinī |

śivādhṛtā lohitākṣī sarpamālāvibhūṣaṇā || 94||

nirānandā triśūlāsidhanurbāṇādidhāriṇī |

aśeṣadhyeyamūrtiśca devatānāṃ ca devatā || 95||

varāmbikā gireḥ putrī niśumbhavinipātinī |

suvarṇā svarṇalasitā'nantavarṇā sadādhṛtā || 96||

śāṅkarī śāntahṛdayā ahorātravidhāyikā |

viśvagoptrī gūḍharūpā guṇapūrṇā ca gārgyajā || 97||

gaurī śākambharī satyasandhā sandhyātrayīdhṛtā |

sarvapāpavinirmuktā sarvabandhavivarjitā || 98||

sāṅkhyayogasamākhyātā aprameyā munīḍitā |

viśuddhasukulodbhūtā bindunādasamādṛtā || 99||

śambhuvāmāṅkagā caiva śaśitulyanibhānanā |

vanamālāvirājantī anantaśayanādṛtā || 100||

naranārāyaṇodbhūtā nārasiṃhī prakīrtitā |

daityapramāthinī śaṅkhacakrapadmagadādharā || 101||

saṅkarṣaṇasamutpannā ambikā sajjanāśrayā |

suvṛtā sundarī caiva dharmakāmārthadāyinī || 102||

mokṣadā bhaktinilayā purāṇapuruṣādṛtā |

mahāvibhūtidā''rādhyā sarojanilayā'samā || 103||

aṣṭādaśabhujā'nādirnīlotpaladalākṣiṇī |

sarvaśaktisamārūḍhā dharmādharmavivarjitā || 104||

vairāgyajñānaniratā nirālokā nirindriyā |

vicitragahanādhārā śāśvatasthānavāsinī || 105||

jñāneśvarī pītacelā vedavedāṅgapāragā |

manasvinī manyumātā mahāmanyusamudbhavā || 106||

amanyuramṛtāsvādā purandarapariṣṭutā |

aśocyā bhinnaviṣayā hiraṇyarajatapriyā || 107||

hiraṇyajananī bhīmā hemābharaṇabhūṣitā |

vibhrājamānā durjñeyā jyotiṣṭomaphalapradā || 108||

mahānidrāsamutpattiranidrā satyadevatā |

dīrghā kakudminī piṅgajaṭādhārā manojñadhīḥ || 109||

mahāśrayā ramotpannā tamaḥpāre pratiṣṭhitā |

tritattvamātā trividhā susūkṣmā padmasaṃśrayā || 110||

śāntyatītakalā'tītavikārā śvetacelikā |

citramāyā śivajñānasvarūpā daityamāthinī || 111||

kāśyapī kālasarpābhaveṇikā śāstrayonikā |

trayīmūrtiḥ kriyāmūrtiścaturvargā ca darśinī || 112||

nārāyaṇī narotpannā kaumudī kāntidhāriṇī |

kauśikī lalitā līlā parāvaravibhāvinī || 113||

vareṇyā'dbhutamahātmyā vaḍavā vāmalocanā |

subhadrā cetanārādhyā śāntidā śāntivardhinī || 114||

jayādiśaktijananī śakticakrapravartikā |

triśaktijananī janyā ṣaṭsūtraparivarṇitā || 115||

sudhautakarmaṇā''rādhyā yugāntadahanātmikā |

saṅkarṣiṇī jagaddhātrī kāmayoniḥ kirīṭinī || 116||

aindrī trailokyanamitā vaiṣṇavī parameśvarī |

pradyumnajananī bimbasamoṣṭhī padmalocanā || 117||

madotkaṭā haṃsagatiḥ pracaṇḍā caṇḍavikramā |

vṛṣādhīśā parātmā ca vindhyā parvatavāsinī || 118||

himavanmerunilayā kailāsapuravāsinī |

cāṇūrahantrī nītijñā kāmarūpā trayītanuḥ || 119||

vratasnātā dharmaśīlā siṃhāsananivāsinī |

vīrabhadrādṛtā vīrā mahākālasamudbhavā || 120||

vidyādharārcitā siddhasādhyārādhitapādukā |

śraddhātmikā pāvanī ca mohinī acalātmikā || 121||

mahādbhutā vārijākṣī siṃhavāhanagāminī |

manīṣiṇī sudhāvāṇī vīṇāvādanatatparā || 122||

śvetavāhaniṣevyā ca lasanmatirarundhatī |

hiraṇyākṣī tathā caiva mahānandapradāyinī || 123||

vasuprabhā sumālyāptakandharā paṅkajānanā |

parāvarā varārohā sahasranayanārcitā || 124||

śrīrūpā śrīmatī śreṣṭhā śivanāmnī śivapriyā |

śrīpradā śritakalyāṇā śrīdharārdhaśarīriṇī || 125||

śrīkalā'nantadṛṣṭiśca hyakṣudrārātisūdanī |

raktabījanihantrī ca daityasaṅgavimardinī || 126||

siṃhārūḍhā siṃhikāsyā daityaśoṇitapāyinī |

sukīrtisahitācchinnasaṃśayā rasavedinī || 127||

guṇābhirāmā nāgārivāhanā nirjarārcitā |

nityoditā svayañjyotiḥ svarṇakāyā prakīrtitā || 128||

vajradaṇḍāṅkitā caiva tathāmṛtasañjīvinī |

vajracchannā devadevī varavajrasvavigrahā || 129||

māṅgalyā maṅgalātmā ca mālinī mālyadhāriṇī |

gandharvī taruṇī cāndrī khaḍgāyudhadharā tathā || 130||

saudāminī prajānandā tathā proktā bhṛgūdbhavā |

ekānaṅgā ca śāstrārthakuśalā dharmacāriṇī || 131||

dharmasarvasvavāhā ca dharmādharmaviniścayā |

dharmaśaktirdharmamayā dhārmikānāṃ śivapradā || 132||

vidharmā viśvadharmajñā dharmārthāntaravigrahā |

dharmavarṣmā dharmapūrvā dharmapāraṅgatāntarā || 133||

dharmopadeṣṭrī dharmātmā dharmagamyā dharādharā |

kapālinī śākalinī kalākalitavigrahā || 134||

sarvaśaktivimuktā ca karṇikāradharā'kṣarā|

kaṃsaprāṇaharā caiva yugadharmadharā tathā || 135||

yugapravartikā proktā trisandhyā dhyeyavigrahā |

svargāpavargadātrī ca tathā pratyakṣadevatā || 136||

ādityā divyagandhā ca divākaranibhaprabhā |

padmāsanagatā proktā khaḍgabāṇaśarāsanā || 137||

śiṣṭā viśiṣṭā śiṣṭeṣṭā śiṣṭaśreṣṭhaprapūjitā |

śatarūpā śatāvartā vitatā rāsamodinī || 138||

sūryendunetrā pradyumnajananī suṣṭhumāyinī |

sūryāntarasthitā caiva satpratiṣṭhatavigrahā || 139||

nivṛttā procyate jñānapāragā parvatātmajā |

kātyāyanī caṇḍikā ca caṇḍī haimavatī tathā || 140||

dākṣāyaṇī satī caiva bhavānī sarvamaṅgalā |

dhūmralocanahantrī ca caṇḍamuṇḍavināśinī || 141||

yoganidrā yogabhadrā samudratanayā tathā |

devapriyaṅkarī śuddhā bhaktabhaktipravardhinī || 142||

triṇetrā candramukuṭā pramathārcitapādukā |

arjunābhīṣṭadātrī ca pāṇḍavapriyakāriṇī || 143||

kumāralālanāsaktā harabāhūpadhānikā |

vighneśajananī bhaktavighnastomaprahāriṇī || 144||

susmitendumukhī namyā jayāpriyasakhī tathā |

anādinidhanā preṣṭhā citramālyānulepanā || 145||

koṭicandrapratīkāśā kūṭajālapramāthinī |

kṛtyāprahāriṇī caiva māraṇoccāṭanī tathā || 146||

surāsurapravandyāṅghrirmohaghnī jñānadāyinī |

ṣaḍvairinigrahakarī vairividrāviṇī tathā || 147||

bhūtasevyā bhūtadātrī bhūtapīḍāvimardikā |

nāradastutacāritrā varadeśā varapradā || 148||

vāmadevastutā caiva kāmadā somaśekharā |

dikpālasevitā bhavyā bhāminī bhāvadāyinī || 149||

strīsaubhāgyapradātrī ca bhogadā roganāśinī |

vyomagā bhūmigā caiva munipūjyapadāmbujā |

vanadurgā ca durbodhā mahādurgā prakīrtitā || 150||

phalaśrutiḥ

itīdaṃ kīrtidaṃ bhadra durgānāmasahasrakam |

trisandhyaṃ yaḥ paṭhennityaṃ tasya lakṣmīḥ sthirā bhavet || 1||

grahabhūtapiśācādipīḍā naśyatyasaṃśayam |

bālagrahādipīḍāyāḥ śāntirbhavati kīrtanāt || 2||

mārikādimahāroge paṭhatāṃ saukhyadaṃ nṛṇām |

vyavahāre ca jayadaṃ śatrubādhānivārakam || 3||

dampatyoḥ kalahe prāpte mithaḥ premābhivardhakam |

āyurārogyadaṃ puṃsāṃ sarvasampatpradāyakam || 4||

vidyābhivardhakaṃ nityaṃ paṭhatāmarthasādhakam |

śubhadaṃ śubhakāryeṣu paṭhatāṃ śṛṇutāmapi || 5||

yaḥ pūjayati durgāṃ tāṃ durgānāmasahasrakaiḥ |

puṣpaiḥ kuṅkumasammiśraiḥ sa tu yatkāṅkṣate hṛdi || 6||

tatsarvaṃ samavāpnoti nāsti nāstyatra saṃśayaḥ |

yanmukhe dhriyate nityaṃ durgānāmasahasrakam || 7||

kiṃ tasyetaramantraughaiḥ kāryaṃ dhanyatamasya hi |

durgānāmasahasrasya pustakaṃ yadgṛhe bhavet || 8||

na tatra grahabhūtādibādhā syānmaṅgalāspade |

tadgṛhaṃ puṇyadaṃ kṣetraṃ devīsānnidhyakārakam || 9||

etasya stotramukhyasya pāṭhakaḥ śreṣṭhamantravit |

devatāyāḥ prasādena sarvapūjyaḥ sukhī bhavet || 10||

ityetannagarājena kīrtitaṃ munisattama |

guhyādguhyataraṃ stotraṃ tvayi snehāt prakīrtitam || 11||

bhaktāya śraddhadhānāya kevalaṃ kīrtyatāmidam |

hṛdi dhāraya nityaṃ tvaṃ devyanugrahasādhakam || 12|| ||

iti śrīskāndapurāṇe skandanāradasaṃvāde durgāsahasranāmastotraṃ sampūrṇam ||