📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
શ્રી દુર્ગા નક્ષત્ર માલિકા સ્તુતિ
Shri Durga Nakshatra Malika Stuti
Durga Gujarati
વિરાટનગરં રમ્યં ગચ્છમાનો યુધિષ્ઠિરઃ ।
અસ્તુવન્મનસા દેવીં દુર્ગાં ત્રિભુવનેશ્વરીમ્ ॥ 1 ॥
યશોદાગર્ભસમ્ભૂતાં નારાયણવરપ્રિયામ્ ।
નન્દગોપકુલેજાતાં મઙ્ગલ્યાં કુલવર્ધનીમ્ ॥ 2 ॥
કંસવિદ્રાવણકરીં અસુરાણાં ક્ષયઙ્કરીમ્ ।
શિલાતટવિનિક્ષિપ્તાં આકાશં પ્રતિગામિનીમ્ ॥ 3 ॥
વાસુદેવસ્ય ભગિનીં દિવ્યમાલ્ય વિભૂષિતામ્ ।
દિવ્યામ્બરધરાં દેવીં ખડ્ગખેટકધારિણીમ્ ॥ 4 ॥
ભારાવતરણે પુણ્યે યે સ્મરન્તિ સદાશિવામ્ ।
તાન્વૈ તારયતે પાપાત્ પઙ્કેગામિવ દુર્બલામ્ ॥ 5 ॥
સ્તોતું પ્રચક્રમે ભૂયો વિવિધૈઃ સ્તોત્રસમ્ભવૈઃ ।
આમન્ત્ર્ય દર્શનાકાઙ્ક્ષી રાજા દેવીં સહાનુજઃ ॥ 6 ॥
નમોઽસ્તુ વરદે કૃષ્ણે કુમારિ બ્રહ્મચારિણિ ।
બાલાર્ક સદૃશાકારે પૂર્ણચન્દ્રનિભાનને ॥ 7 ॥
ચતુર્ભુજે ચતુર્વક્ત્રે પીનશ્રોણિપયોધરે ।
મયૂરપિઞ્છવલયે કેયૂરાઙ્ગદધારિણિ ॥ 8 ॥
ભાસિ દેવિ યદા પદ્મા નારાયણપરિગ્રહઃ ।
સ્વરૂપં બ્રહ્મચર્યં ચ વિશદં તવ ખેચરિ ॥ 9 ॥
કૃષ્ણચ્છવિસમા કૃષ્ણા સઙ્કર્ષણસમાનના ।
બિભ્રતી વિપુલૌ બાહૂ શક્રધ્વજસમુચ્છ્રયૌ ॥ 10 ॥
પાત્રી ચ પઙ્કજી કણ્ઠી સ્ત્રી વિશુદ્ધા ચ યા ભુવિ ।
પાશં ધનુર્મહાચક્રં વિવિધાન્યાયુધાનિ ચ ॥ 11 ॥
કુણ્ડલાભ્યાં સુપૂર્ણાભ્યાં કર્ણાભ્યાં ચ વિભૂષિતા ।
ચન્દ્રવિસ્પાર્ધિના દેવિ મુખેન ત્વં વિરાજસે ॥ 12 ॥
મુકુટેન વિચિત્રેણ કેશબન્ધેન શોભિના ।
ભુજઙ્ગાઽભોગવાસેન શ્રોણિસૂત્રેણ રાજતા ॥ 13 ॥
ભ્રાજસે ચાવબદ્ધેન ભોગેનેવેહ મન્દરઃ ।
ધ્વજેન શિખિપિઞ્છાનાં ઉચ્છ્રિતેન વિરાજસે ॥ 14 ॥
કૌમારં વ્રતમાસ્થાય ત્રિદિવં પાવિતં ત્વયા ।
તેન ત્વં સ્તૂયસે દેવિ ત્રિદશૈઃ પૂજ્યસેઽપિ ચ ॥ 15 ॥
ત્રૈલોક્ય રક્ષણાર્થાય મહિષાસુરનાશિનિ ।
પ્રસન્ના મે સુરશ્રેષ્ઠે દયાં કુરુ શિવા ભવ ॥ 16 ॥
જયા ત્વં વિજયા ચૈવ સઙ્ગ્રામે ચ જયપ્રદા ।
મમાઽપિ વિજયં દેહિ વરદા ત્વં ચ સામ્પ્રતમ્ ॥ 17 ॥
વિન્ધ્યે ચૈવ નગશ્રેષ્ટે તવ સ્થાનં હિ શાશ્વતમ્ ।
કાલિ કાલિ મહાકાલિ સીધુમાંસ પશુપ્રિયે ॥ 18 ॥
કૃતાનુયાત્રા ભૂતૈસ્ત્વં વરદા કામચારિણિ ।
ભારાવતારે યે ચ ત્વાં સંસ્મરિષ્યન્તિ માનવાઃ ॥ 19 ॥
પ્રણમન્તિ ચ યે ત્વાં હિ પ્રભાતે તુ નરા ભુવિ ।
ન તેષાં દુર્લભં કિઞ્ચિત્ પુત્રતો ધનતોઽપિ વા ॥ 20 ॥
દુર્ગાત્તારયસે દુર્ગે તત્વં દુર્ગા સ્મૃતા જનૈઃ ।
કાન્તારેષ્વવપન્નાનાં મગ્નાનાં ચ મહાર્ણવે ॥ 21 ॥
(દસ્યુભિર્વા નિરુદ્ધાનાં ત્વં ગતિઃ પરમા નૃણામ)
જલપ્રતરણે ચૈવ કાન્તારેષ્વટવીષુ ચ ।
યે સ્મરન્તિ મહાદેવીં ન ચ સીદન્તિ તે નરાઃ ॥ 22 ॥
ત્વં કીર્તિઃ શ્રીર્ધૃતિઃ સિદ્ધિઃ હ્રીર્વિદ્યા સન્તતિર્મતિઃ ।
સન્ધ્યા રાત્રિઃ પ્રભા નિદ્રા જ્યોત્સ્ના કાન્તિઃ ક્ષમા દયા ॥ 23 ॥
નૃણાં ચ બન્ધનં મોહં પુત્રનાશં ધનક્ષયમ્ ।
વ્યાધિં મૃત્યું ભયં ચૈવ પૂજિતા નાશયિષ્યસિ ॥ 24 ॥
સોઽહં રાજ્યાત્પરિભ્રષ્ટઃ શરણં ત્વાં પ્રપન્નવાન્ ।
પ્રણતશ્ચ યથા મૂર્ધ્ના તવ દેવિ સુરેશ્વરિ ॥ 25 ॥
ત્રાહિ માં પદ્મપત્રાક્ષિ સત્યે સત્યા ભવસ્વ નઃ ।
શરણં ભવ મે દુર્ગે શરણ્યે ભક્તવત્સલે ॥ 26 ॥
એવં સ્તુતા હિ સા દેવી દર્શયામાસ પાણ્ડવમ્ ।
ઉપગમ્ય તુ રાજાનમિદં વચનમબ્રવીત્ ॥ 27 ॥
શૃણુ રાજન્ મહાબાહો મદીયં વચનં પ્રભો ।
ભવિષ્યત્યચિરાદેવ સઙ્ગ્રામે વિજયસ્તવ ॥ 28 ॥
મમ પ્રસાદાન્નિર્જિત્ય હત્વા કૌરવ વાહિનીમ્ ।
રાજ્યં નિષ્કણ્ટકં કૃત્વા ભોક્ષ્યસે મેદિનીં પુનઃ ॥ 29 ॥
ભ્રાતૃભિઃ સહિતો રાજન્ પ્રીતિં પ્રાપ્સ્યસિ પુષ્કલામ્ ।
મત્પ્રસાદાચ્ચ તે સૌખ્યં આરોગ્યં ચ ભવિષ્યતિ ॥ 30 ॥
યે ચ સઙ્કીર્તયિષ્યન્તિ લોકે વિગતકલ્મષાઃ ।
તેષાં તુષ્ટા પ્રદાસ્યામિ રાજ્યમાયુર્વપુસ્સુતમ્ ॥ 31 ॥
પ્રવાસે નગરે ચાપિ સઙ્ગ્રામે શત્રુસઙ્કટે ।
અટવ્યાં દુર્ગકાન્તારે સાગરે ગહને ગિરૌ ॥ 32 ॥
યે સ્મરિષ્યન્તિ માં રાજન્ યથાહં ભવતા સ્મૃતા ।
ન તેષાં દુર્લભં કિઞ્ચિદસ્મિન્ લોકે ભવિષ્યતિ ॥ 33 ॥
ય ઇદં પરમસ્તોત્રં ભક્ત્યા શૃણુયાદ્વા પઠેત વા ।
તસ્ય સર્વાણિ કાર્યાણિ સિધ્ધિં યાસ્યન્તિ પાણ્ડવાઃ ॥ 34 ॥
મત્પ્રસાદાચ્ચ વસ્સર્વાન્ વિરાટનગરે સ્થિતાન્ ।
ન પ્રજ્ઞાસ્યન્તિ કુરવઃ નરા વા તન્નિવાસિનઃ ॥ 35 ॥
ઇત્યુક્ત્વા વરદા દેવી યુધિષ્ઠિરમરિન્દમમ્ ।
રક્ષાં કૃત્વા ચ પાણ્ડૂનાં તત્રૈવાન્તરધીયત ॥ 38 ॥
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakulejātāṃ maṅgalyāṃ kulavardhanīm || 2 ||
kaṃsavidrāvaṇakarīṃ asurāṇāṃ kṣayaṅkarīm |
śilātaṭavinikṣiptāṃ ākāśaṃ pratigāminīm || 3 ||
vāsudevasya bhaginīṃ divyamālya vibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tānvai tārayate pāpāt paṅkegāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārka sadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapiñchavalaye keyūrāṅgadadhāriṇi || 8 ||
bhāsi devi yadā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī kaṇṭhī strī viśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispārdhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgā'bhogavāsena śroṇisūtreṇa rājatā || 13 ||
bhrājase cāvabaddhena bhogeneveha mandaraḥ |
dhvajena śikhipiñchānāṃ ucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokya rakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamā'pi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭe tava sthānaṃ hi śāśvatam |
kāli kāli mahākāli sīdhumāṃsa paśupriye || 18 ||
kṛtānuyātrā bhūtaistvaṃ varadā kāmacāriṇi |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāttārayase durge tatvaṃ durgā smṛtā janaiḥ |
kāntāreṣvavapannānāṃ magnānāṃ ca mahārṇave || 21 ||
(dasyubhirvā niruddhānāṃ tvaṃ gatiḥ paramā nṛṇāma)
jalaprataraṇe caiva kāntāreṣvaṭavīṣu ca |
ye smaranti mahādevīṃ na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhiḥ hrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānamidaṃ vacanamabravīt || 27 ||
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kaurava vāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhrātṛbhiḥ sahito rājan prītiṃ prāpsyasi puṣkalām |
matprasādācca te saukhyaṃ ārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapussutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathāhaṃ bhavatā smṛtā |
na teṣāṃ durlabhaṃ kiñcidasmin loke bhaviṣyati || 33 ||
ya idaṃ paramastotraṃ bhaktyā śṛṇuyādvā paṭheta vā |
tasya sarvāṇi kāryāṇi sidhdhiṃ yāsyanti pāṇḍavāḥ || 34 ||
matprasādācca vassarvān virāṭanagare sthitān |
na prajñāsyanti kuravaḥ narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 38 ||
InfoLyter.in — Sacred Vedic Knowledge Portal · Free forever