Shri Annapurna Stotram — InfoLyter.in

ॐ

શ્રી અન્નપૂર્ણા સ્તોત્રમ્

Shri Annapurna Stotram

Annapurna Ashtakam Adi Shankaracharya Gujarati

નિત્યાનન્દકરી વરાભયકરી સૌન્દર્ય રત્નાકરી

નિર્ધૂતાખિલ ઘોર પાવનકરી પ્રત્યક્ષ માહેશ્વરી ।

પ્રાલેયાચલ વંશ પાવનકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 1 ॥

નાના રત્ન વિચિત્ર ભૂષણકરિ હેમામ્બરાડમ્બરી

મુક્તાહાર વિલમ્બમાન વિલસત્-વક્ષોજ કુમ્ભાન્તરી ।

કાશ્મીરાગરુ વાસિતા રુચિકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 2 ॥

યોગાનન્દકરી રિપુક્ષયકરી ધર્મૈક્ય નિષ્ઠાકરી

ચન્દ્રાર્કાનલ ભાસમાન લહરી ત્રૈલોક્ય રક્ષાકરી ।

સર્વૈશ્વર્યકરી તપઃ ફલકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 3 ॥

કૈલાસાચલ કન્દરાલયકરી ગૌરી-હ્યુમાશાઙ્કરી

કૌમારી નિગમાર્થ-ગોચરકરી-હ્યોઙ્કાર-બીજાક્ષરી ।

મોક્ષદ્વાર-કવાટપાટનકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 4 ॥

દૃશ્યાદૃશ્ય-વિભૂતિ-વાહનકરી બ્રહ્માણ્ડ-ભાણ્ડોદરી

લીલા-નાટક-સૂત્ર-ખેલનકરી વિજ્ઞાન-દીપાઙ્કુરી ।

શ્રીવિશ્વેશમનઃ-પ્રસાદનકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 5 ॥

ઉર્વીસર્વજયેશ્વરી ભગવતી [જયકરી] માતા કૃપાસાગરી

વેણી-નીલસમાન-કુન્તલધરી નિત્યાન્ન-દાનેશ્વરી ।

સાક્ષાન્મોક્ષકરી સદા શુભકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 6 ॥

આદિક્ષાન્ત-સમસ્તવર્ણનકરી શમ્ભોસ્ત્રિભાવાકરી

કાશ્મીરા ત્રિપુરેશ્વરી ત્રિનયનિ વિશ્વેશ્વરી શર્વરી ।

સ્વર્ગદ્વાર-કપાટ-પાટનકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 7 ॥

દેવી સર્વવિચિત્ર-રત્નરુચિતા દાક્ષાયિણી સુન્દરી

વામા-સ્વાદુપયોધરા પ્રિયકરી સૌભાગ્યમાહેશ્વરી ।

ભક્તાભીષ્ટકરી સદા શુભકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 8 ॥

ચન્દ્રાર્કાનલ-કોટિકોટિ-સદૃશી ચન્દ્રાંશુ-બિમ્બાધરી

ચન્દ્રાર્કાગ્નિ-સમાન-કુણ્ડલ-ધરી ચન્દ્રાર્ક-વર્ણેશ્વરી

માલા-પુસ્તક-પાશસાઙ્કુશધરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 9 ॥

ક્ષત્રત્રાણકરી મહાભયકરી માતા કૃપાસાગરી

સર્વાનન્દકરી સદા શિવકરી વિશ્વેશ્વરી શ્રીધરી ।

દક્ષાક્રન્દકરી નિરામયકરી કાશીપુરાધીશ્વરી

ભિક્ષાં દેહિ કૃપાવલમ્બનકરી માતાન્નપૂર્ણેશ્વરી ॥ 10 ॥

અન્નપૂર્ણે સદાપૂર્ણે શઙ્કર-પ્રાણવલ્લભે ।

જ્ઞાન-વૈરાગ્ય-સિદ્ધ્યર્થં ભિક્ષાં દેહિ ચ પાર્વતી ॥ 11 ॥

માતા ચ પાર્વતીદેવી પિતાદેવો મહેશ્વરઃ ।

બાન્ધવા: શિવભક્તાશ્ચ સ્વદેશો ભુવનત્રયમ્ ॥ 12 ॥

સર્વ-મઙ્ગલ-માઙ્ગલ્યે શિવે સર્વાર્થ-સાધિકે ।

શરણ્યે ત્ર્યમ્બકે ગૌરિ નારાયણિ નમોઽસ્તુ તે ॥ 13 ॥

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌ અન્નપૂર્ણા સ્તોત્રમ્ ।

Roman (IAST) Transliteration

nityānandakarī varābhayakarī saundarya ratnākarī

nirdhūtākhila ghora pāvanakarī pratyakṣa māheśvarī |

prāleyācala vaṃśa pāvanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 1 ||

nānā ratna vicitra bhūṣaṇakari hemāmbarāḍambarī

muktāhāra vilambamāna vilasat-vakṣoja kumbhāntarī |

kāśmīrāgaru vāsitā rucikarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 2 ||

yogānandakarī ripukṣayakarī dharmaikya niṣṭhākarī

candrārkānala bhāsamāna laharī trailokya rakṣākarī |

sarvaiśvaryakarī tapaḥ phalakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 3 ||

kailāsācala kandarālayakarī gaurī-hyumāśāṅkarī

kaumārī nigamārtha-gocarakarī-hyoṅkāra-bījākṣarī |

mokṣadvāra-kavāṭapāṭanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 4 ||

dṛśyādṛśya-vibhūti-vāhanakarī brahmāṇḍa-bhāṇḍodarī

līlā-nāṭaka-sūtra-khelanakarī vijñāna-dīpāṅkurī |

śrīviśveśamanaḥ-prasādanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 5 ||

urvīsarvajayeśvarī bhagavatī [jayakarī] mātā kṛpāsāgarī

veṇī-nīlasamāna-kuntaladharī nityānna-dāneśvarī |

sākṣānmokṣakarī sadā śubhakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 6 ||

ādikṣānta-samastavarṇanakarī śambhostribhāvākarī

kāśmīrā tripureśvarī trinayani viśveśvarī śarvarī |

svargadvāra-kapāṭa-pāṭanakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 7 ||

devī sarvavicitra-ratnarucitā dākṣāyiṇī sundarī

vāmā-svādupayodharā priyakarī saubhāgyamāheśvarī |

bhaktābhīṣṭakarī sadā śubhakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 8 ||

candrārkānala-koṭikoṭi-sadṛśī candrāṃśu-bimbādharī

candrārkāgni-samāna-kuṇḍala-dharī candrārka-varṇeśvarī

mālā-pustaka-pāśasāṅkuśadharī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 9 ||

kṣatratrāṇakarī mahābhayakarī mātā kṛpāsāgarī

sarvānandakarī sadā śivakarī viśveśvarī śrīdharī |

dakṣākrandakarī nirāmayakarī kāśīpurādhīśvarī

bhikṣāṃ dehi kṛpāvalambanakarī mātānnapūrṇeśvarī || 10 ||

annapūrṇe sadāpūrṇe śaṅkara-prāṇavallabhe |

jñāna-vairāgya-siddhyarthaṃ bhikṣāṃ dehi ca pārvatī || 11 ||

mātā ca pārvatīdevī pitādevo maheśvaraḥ |

bāndhavā: śivabhaktāśca svadeśo bhuvanatrayam || 12 ||

sarva-maṅgala-māṅgalye śive sarvārtha-sādhike |

śaraṇye tryambake gauri nārāyaṇi namo'stu te || 13 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau annapūrṇā stotram |