Sankata Nashana Ganesha Stotram

ॐ

સઙ્કટ નાશન ગણેશ સ્તોત્રમ્

Ganesha Stotram Gujarati

નારદ ઉવાચ ।

પ્રણમ્ય શિરસા દેવં ગૌરીપુત્રં વિનાયકમ્ ।

ભક્તાવાસં સ્મરેન્નિત્યમાયુષ્કામાર્થસિદ્ધયે ॥ 1 ॥

પ્રથમં વક્રતુણ્ડં ચ, એકદન્તં દ્વિતીયકમ્ ।

તૃતીયં કૃષ્ણપિઙ્ગાક્ષં, ગજવક્ત્રં ચતુર્થકમ્ ॥ 2 ॥

લમ્બોદરં પઞ્ચમં ચ, ષષ્ઠં વિકટમેવ ચ ।

સપ્તમં વિઘ્નરાજં ચ, ધૂમ્રવર્ણં તથાષ્ટમમ્ ॥ 3 ॥

નવમં ભાલચન્દ્રં ચ, દશમં તુ વિનાયકમ્ ।

એકાદશં ગણપતિં, દ્વાદશં તુ ગજાનનમ્ ॥ 4 ॥

દ્વાદશૈતાનિ નામાનિ ત્રિસન્ધ્યં યઃ પઠેન્નરઃ ।

ન ચ વિઘ્નભયં તસ્ય સર્વસિદ્ધિકરં પરમ્ ॥ 5 ॥

વિદ્યાર્થી લભતે વિદ્યાં ધનાર્થી લભતે ધનમ્ ।

પુત્રાર્થી લભતે પુત્રાન્મોક્ષાર્થી લભતે ગતિમ્ ॥ 6 ॥

જપેદ્ગણપતિસ્તોત્રં ષડ્ભિર્માસૈઃ ફલં લભેત્ ।

સંવત્સરેણ સિદ્ધિં ચ લભતે નાત્ર સંશયઃ ॥ 7 ॥

અષ્ટભ્યો બ્રાહ્મણેભ્યશ્ચ લિખિત્વા યઃ સમર્પયેત્ ।

તસ્ય વિદ્યા ભવેત્સર્વા ગણેશસ્ય પ્રસાદતઃ ॥ 8 ॥

ઇતિ શ્રીનારદપુરાણે સઙ્કષ્ટનાશનં નામ ગણેશ સ્તોત્રમ્ ।

Roman (IAST) Transliteration

nārada uvāca |

praṇamya śirasā devaṃ gaurīputraṃ vināyakam |

bhaktāvāsaṃ smarennityamāyuṣkāmārthasiddhaye || 1 ||

prathamaṃ vakratuṇḍaṃ ca, ekadantaṃ dvitīyakam |

tṛtīyaṃ kṛṣṇapiṅgākṣaṃ, gajavaktraṃ caturthakam || 2 ||

lambodaraṃ pañcamaṃ ca, ṣaṣṭhaṃ vikaṭameva ca |

saptamaṃ vighnarājaṃ ca, dhūmravarṇaṃ tathāṣṭamam || 3 ||

navamaṃ bhālacandraṃ ca, daśamaṃ tu vināyakam |

ekādaśaṃ gaṇapatiṃ, dvādaśaṃ tu gajānanam || 4 ||

dvādaśaitāni nāmāni trisandhyaṃ yaḥ paṭhennaraḥ |

na ca vighnabhayaṃ tasya sarvasiddhikaraṃ param || 5 ||

vidyārthī labhate vidyāṃ dhanārthī labhate dhanam |

putrārthī labhate putrānmokṣārthī labhate gatim || 6 ||

japedgaṇapatistotraṃ ṣaḍbhirmāsaiḥ phalaṃ labhet |

saṃvatsareṇa siddhiṃ ca labhate nātra saṃśayaḥ || 7 ||

aṣṭabhyo brāhmaṇebhyaśca likhitvā yaḥ samarpayet |

tasya vidyā bhavetsarvā gaṇeśasya prasādataḥ || 8 ||

iti śrīnāradapurāṇe saṅkaṣṭanāśanaṃ nāma gaṇeśa stotram |