Shri Panduranga Ashtakam

ॐ

શ્રી પાણ્ડુરઙ્ગ અષ્ટકમ્

Vishnu Ashtakam Adi Shankaracharya Gujarati

મહાયોગપીઠે તટે ભીમરથ્યા

વરં પુણ્ડરીકાય દાતું મુનીન્દ્રૈઃ ।

સમાગત્ય તિષ્ઠન્તમાનન્દકન્દં

પરબ્રહ્મલિઙ્ગં ભજે પાણ્ડુરઙ્ગમ્ ॥ 1 ॥

તટિદ્વાસસં નીલમેઘાવભાસં

રમામન્દિરં સુન્દરં ચિત્પ્રકાશમ્ ।

વરં ત્વિષ્ટકાયાં સમન્યસ્તપાદં

પરબ્રહ્મલિઙ્ગં ભજે પાણ્ડુરઙ્ગમ્ ॥ 2 ॥

પ્રમાણં ભવાબ્ધેરિદં મામકાનાં

નિતમ્બઃ કરાભ્યાં ધૃતો યેન તસ્માત્ ।

વિધાતુર્વસત્યૈ ધૃતો નાભિકોશઃ

પરબ્રહ્મલિઙ્ગં ભજે પાણ્ડુરઙ્ગમ્ ॥ 3 ॥

સ્ફુરત્કૌસ્તુભાલઙ્કૃતં કણ્ઠદેશે

શ્રિયા જુષ્ટકેયૂરકં શ્રીનિવાસમ્ ।

શિવં શાન્તમીડ્યં વરં લોકપાલં

પરબ્રહ્મલિઙ્ગં ભજે પાણ્ડુરઙ્ગમ્ ॥ 4 ॥

શરચ્ચન્દ્રબિમ્બાનનં ચારુહાસં

લસત્કુણ્ડલાક્રાન્તગણ્ડસ્થલાન્તમ્ ।

જપારાગબિમ્બાધરં કઞ્જનેત્રં

પરબ્રહ્મલિઙ્ગં ભજે પાણ્ડુરઙ્ગમ્ ॥ 5 ॥

કિરીટોજ્જ્વલત્સર્વદિક્પ્રાન્તભાગં

સુરૈરર્ચિતં દિવ્યરત્નૈરનર્ઘૈઃ ।

ત્રિભઙ્ગાકૃતિં બર્હમાલ્યાવતંસં

પરબ્રહ્મલિઙ્ગં ભજે પાણ્ડુરઙ્ગમ્ ॥ 6 ॥

વિભું વેણુનાદં ચરન્તં દુરન્તં

સ્વયં લીલયા ગોપવેષં દધાનમ્ ।

ગવાં બૃન્દકાનન્દદં ચારુહાસં

પરબ્રહ્મલિઙ્ગં ભજે પાણ્ડુરઙ્ગમ્ ॥ 7 ॥

અજં રુક્મિણીપ્રાણસઞ્જીવનં તં

પરં ધામ કૈવલ્યમેકં તુરીયમ્ ।

પ્રસન્નં પ્રપન્નાર્તિહં દેવદેવં

પરબ્રહ્મલિઙ્ગં ભજે પાણ્ડુરઙ્ગમ્ ॥ 8 ॥

સ્તવં પાણ્ડુરઙ્ગસ્ય વૈ પુણ્યદં યે

પઠન્ત્યેકચિત્તેન ભક્ત્યા ચ નિત્યમ્ ।

ભવામ્ભોનિધિં તેઽપિ તીર્ત્વાન્તકાલે

હરેરાલયં શાશ્વતં પ્રાપ્નુવન્તિ ॥ 9 ॥

ઇતિ શ્રીમત્પરમહંસ પરિવ્રાજકાચાર્ય શ્રીમચ્છઙ્કરભગવત્પાદાચાર્ય વિરચિતં શ્રી પાણ્ડુરઙ્ગાષ્ટકમ્ ।

Roman (IAST) Transliteration

mahāyogapīṭhe taṭe bhīmarathyā

varaṃ puṇḍarīkāya dātuṃ munīndraiḥ |

samāgatya tiṣṭhantamānandakandaṃ

parabrahmaliṅgaṃ bhaje pāṇḍuraṅgam || 1 ||

taṭidvāsasaṃ nīlameghāvabhāsaṃ

ramāmandiraṃ sundaraṃ citprakāśam |

varaṃ tviṣṭakāyāṃ samanyastapādaṃ

parabrahmaliṅgaṃ bhaje pāṇḍuraṅgam || 2 ||

pramāṇaṃ bhavābdheridaṃ māmakānāṃ

nitambaḥ karābhyāṃ dhṛto yena tasmāt |

vidhāturvasatyai dhṛto nābhikośaḥ

parabrahmaliṅgaṃ bhaje pāṇḍuraṅgam || 3 ||

sphuratkaustubhālaṅkṛtaṃ kaṇṭhadeśe

śriyā juṣṭakeyūrakaṃ śrīnivāsam |

śivaṃ śāntamīḍyaṃ varaṃ lokapālaṃ

parabrahmaliṅgaṃ bhaje pāṇḍuraṅgam || 4 ||

śaraccandrabimbānanaṃ cāruhāsaṃ

lasatkuṇḍalākrāntagaṇḍasthalāntam |

japārāgabimbādharaṃ kañjanetraṃ

parabrahmaliṅgaṃ bhaje pāṇḍuraṅgam || 5 ||

kirīṭojjvalatsarvadikprāntabhāgaṃ

surairarcitaṃ divyaratnairanarghaiḥ |

tribhaṅgākṛtiṃ barhamālyāvataṃsaṃ

parabrahmaliṅgaṃ bhaje pāṇḍuraṅgam || 6 ||

vibhuṃ veṇunādaṃ carantaṃ durantaṃ

svayaṃ līlayā gopaveṣaṃ dadhānam |

gavāṃ bṛndakānandadaṃ cāruhāsaṃ

parabrahmaliṅgaṃ bhaje pāṇḍuraṅgam || 7 ||

ajaṃ rukmiṇīprāṇasañjīvanaṃ taṃ

paraṃ dhāma kaivalyamekaṃ turīyam |

prasannaṃ prapannārtihaṃ devadevaṃ

parabrahmaliṅgaṃ bhaje pāṇḍuraṅgam || 8 ||

stavaṃ pāṇḍuraṅgasya vai puṇyadaṃ ye

paṭhantyekacittena bhaktyā ca nityam |

bhavāmbhonidhiṃ te'pi tīrtvāntakāle

harerālayaṃ śāśvataṃ prāpnuvanti || 9 ||

iti śrīmatparamahaṃsa parivrājakācārya śrīmacchaṅkarabhagavatpādācārya viracitaṃ śrī pāṇḍuraṅgāṣṭakam |