Navagraha Kavacham — InfoLyter.in

ॐ

નવગ્રહ કવચમ્

Navagraha Kavacham

Navagraha Kavacham Gujarati

શિરો મે પાતુ માર્તાણ્ડો કપાલં રોહિણીપતિઃ ।

મુખમઙ્ગારકઃ પાતુ કણ્ઠશ્ચ શશિનન્દનઃ ॥ 1 ॥

બુદ્ધિં જીવઃ સદા પાતુ હૃદયં ભૃગુનન્દનઃ ।

જઠરં ચ શનિઃ પાતુ જિહ્વાં મે દિતિનન્દનઃ ॥ 2 ॥

પાદૌ કેતુઃ સદા પાતુ વારાઃ સર્વાઙ્ગમેવ ચ ।

તિથયોઽષ્ટૌ દિશઃ પાન્તુ નક્ષત્રાણિ વપુઃ સદા ॥ 3 ॥

અંસૌ રાશિઃ સદા પાતુ યોગાશ્ચ સ્થૈર્યમેવ ચ ।

ગુહ્યં લિઙ્ગં સદા પાન્તુ સર્વે ગ્રહાઃ શુભપ્રદાઃ ॥ 4 ॥

અણિમાદીનિ સર્વાણિ લભતે યઃ પઠેદ્ ધૃવમ્ ।

એતાં રક્ષાં પઠેદ્ યસ્તુ ભક્ત્યા સ પ્રયતઃ સુધીઃ ॥ 5 ॥

સ ચિરાયુઃ સુખી પુત્રી રણે ચ વિજયી ભવેત્ ।

અપુત્રો લભતે પુત્રં ધનાર્થી ધનમાપ્નુયાત્ ॥ 6 ॥

દારાર્થી લભતે ભાર્યાં સુરૂપાં સુમનોહરામ્ ।

રોગી રોગાત્પ્રમુચ્યેત બદ્ધો મુચ્યેત બન્ધનાત્ ॥ 7 ॥

જલે સ્થલે ચાન્તરિક્ષે કારાગારે વિશેષતઃ ।

યઃ કરે ધારયેન્નિત્યં ભયં તસ્ય ન વિદ્યતે ॥ 8 ॥

બ્રહ્મહત્યા સુરાપાનં સ્તેયં ગુર્વઙ્ગનાગમઃ ।

સર્વપાપૈઃ પ્રમુચ્યેત કવચસ્ય ચ ધારણાત્ ॥ 9 ॥

નારી વામભુજે ધૃત્વા સુખૈશ્વર્યસમન્વિતા ।

કાકવન્ધ્યા જન્મવન્ધ્યા મૃતવત્સા ચ યા ભવેત્ ।

બહ્વપત્યા જીવવત્સા કવચસ્ય પ્રસાદતઃ ॥ 10 ॥

ઇતિ ગ્રહયામલે ઉત્તરખણ્ડે નવગ્રહ કવચં સમાપ્તમ્ ।

Roman (IAST) Transliteration

śiro me pātu mārtāṇḍo kapālaṃ rohiṇīpatiḥ |

mukhamaṅgārakaḥ pātu kaṇṭhaśca śaśinandanaḥ || 1 ||

buddhiṃ jīvaḥ sadā pātu hṛdayaṃ bhṛgunandanaḥ |

jaṭharaṃ ca śaniḥ pātu jihvāṃ me ditinandanaḥ || 2 ||

pādau ketuḥ sadā pātu vārāḥ sarvāṅgameva ca |

tithayo'ṣṭau diśaḥ pāntu nakṣatrāṇi vapuḥ sadā || 3 ||

aṃsau rāśiḥ sadā pātu yogāśca sthairyameva ca |

guhyaṃ liṅgaṃ sadā pāntu sarve grahāḥ śubhapradāḥ || 4 ||

aṇimādīni sarvāṇi labhate yaḥ paṭhed dhṛvam |

etāṃ rakṣāṃ paṭhed yastu bhaktyā sa prayataḥ sudhīḥ || 5 ||

sa cirāyuḥ sukhī putrī raṇe ca vijayī bhavet |

aputro labhate putraṃ dhanārthī dhanamāpnuyāt || 6 ||

dārārthī labhate bhāryāṃ surūpāṃ sumanoharām |

rogī rogātpramucyeta baddho mucyeta bandhanāt || 7 ||

jale sthale cāntarikṣe kārāgāre viśeṣataḥ |

yaḥ kare dhārayennityaṃ bhayaṃ tasya na vidyate || 8 ||

brahmahatyā surāpānaṃ steyaṃ gurvaṅganāgamaḥ |

sarvapāpaiḥ pramucyeta kavacasya ca dhāraṇāt || 9 ||

nārī vāmabhuje dhṛtvā sukhaiśvaryasamanvitā |

kākavandhyā janmavandhyā mṛtavatsā ca yā bhavet |

bahvapatyā jīvavatsā kavacasya prasādataḥ || 10 ||

iti grahayāmale uttarakhaṇḍe navagraha kavacaṃ samāptam |