Narayaniyam Dashaka 66 - Gopijanahladanam

ॐ

નારાયણીયં દશક 66 - ગોપીજનાહ્લાદનમ્

Vishnu Gujarati

ઉપયાતાનાં સુદૃશાં કુસુમાયુધબાણપાતવિવશાનામ્ ।

અભિવાઞ્છિતં વિધાતું કૃતમતિરપિ તા જગાથ વામમિવ ॥1॥

ગગનગતં મુનિનિવહં શ્રાવયિતું જગિથ કુલવધૂધર્મમ્ ।

ધર્મ્યં ખલુ તે વચનં કર્મ તુ નો નિર્મલસ્ય વિશ્વાસ્યમ્ ॥2॥

આકર્ણ્ય તે પ્રતીપાં વાણીમેણીદૃશઃ પરં દીનાઃ ।

મા મા કરુણાસિન્ધો પરિત્યજેત્યતિચિરં વિલેપુસ્તાઃ ॥3॥

તાસાં રુદિતૈર્લપિતૈઃ કરુણાકુલમાનસો મુરારે ત્વમ્ ।

તાભિસ્સમં પ્રવૃત્તો યમુનાપુલિનેષુ કામમભિરન્તુમ્ ॥4॥

ચન્દ્રકરસ્યન્દલસત્સુન્દરયમુનાતટાન્તવીથીષુ ।

ગોપીજનોત્તરીયૈરાપાદિતસંસ્તરો ન્યષીદસ્ત્વમ્ ॥5॥

સુમધુરનર્માલપનૈઃ કરસઙ્ગ્રહણૈશ્ચ ચુમ્બનોલ્લાસૈઃ ।

ગાઢાલિઙ્ગનસઙ્ગૈસ્ત્વમઙ્ગનાલોકમાકુલીચકૃષે ॥6॥

વાસોહરણદિને યદ્વાસોહરણં પ્રતિશ્રુતં તાસામ્ ।

તદપિ વિભો રસવિવશસ્વાન્તાનાં કાન્ત સુભ્રુવામદધાઃ ॥7॥

કન્દલિતઘર્મલેશં કુન્દમૃદુસ્મેરવક્ત્રપાથોજમ્ ।

નન્દસુત ત્વાં ત્રિજગત્સુન્દરમુપગૂહ્ય નન્દિતા બાલાઃ ॥8॥

વિરહેષ્વઙ્ગારમયઃ શૃઙ્ગારમયશ્ચ સઙ્ગમે હિ ત્વમ્ નિતરામઙ્ગારમયસ્તત્ર પુનસ્સઙ્ગમેઽપિ ચિત્રમિદમ્ ॥9॥

રાધાતુઙ્ગપયોધરસાધુપરીરમ્ભલોલુપાત્માનમ્ ।

આરાધયે ભવન્તં પવનપુરાધીશ શમય સકલગદાન્ ॥10॥

Roman (IAST) Transliteration

upayātānāṃ sudṛśāṃ kusumāyudhabāṇapātavivaśānām |

abhivāñchitaṃ vidhātuṃ kṛtamatirapi tā jagātha vāmamiva ||1||

gaganagataṃ muninivahaṃ śrāvayituṃ jagitha kulavadhūdharmam |

dharmyaṃ khalu te vacanaṃ karma tu no nirmalasya viśvāsyam ||2||

ākarṇya te pratīpāṃ vāṇīmeṇīdṛśaḥ paraṃ dīnāḥ |

mā mā karuṇāsindho parityajetyaticiraṃ vilepustāḥ ||3||

tāsāṃ ruditairlapitaiḥ karuṇākulamānaso murāre tvam |

tābhissamaṃ pravṛtto yamunāpulineṣu kāmamabhirantum ||4||

candrakarasyandalasatsundarayamunātaṭāntavīthīṣu |

gopījanottarīyairāpāditasaṃstaro nyaṣīdastvam ||5||

sumadhuranarmālapanaiḥ karasaṅgrahaṇaiśca cumbanollāsaiḥ |

gāḍhāliṅganasaṅgaistvamaṅganālokamākulīcakṛṣe ||6||

vāsoharaṇadine yadvāsoharaṇaṃ pratiśrutaṃ tāsām |

tadapi vibho rasavivaśasvāntānāṃ kānta subhruvāmadadhāḥ ||7||

kandalitagharmaleśaṃ kundamṛdusmeravaktrapāthojam |

nandasuta tvāṃ trijagatsundaramupagūhya nanditā bālāḥ ||8||

viraheṣvaṅgāramayaḥ śṛṅgāramayaśca saṅgame hi tvam nitarāmaṅgāramayastatra punassaṅgame'pi citramidam ||9||

rādhātuṅgapayodharasādhuparīrambhalolupātmānam |

ārādhaye bhavantaṃ pavanapurādhīśa śamaya sakalagadān ||10||