Narayaniyam Dashaka 49 - Vrindavanapravesham

ॐ

નારાયણીયં દશક 49 - વૃન્દાવનપ્રવેશમ્

Vishnu Gujarati

ભવત્પ્રભાવાવિદુરા હિ ગોપાસ્તરુપ્રપાતાદિકમત્ર ગોષ્ઠે ।

અહેતુમુત્પાતગણં વિશઙ્ક્ય પ્રયાતુમન્યત્ર મનો વિતેનુઃ ॥1॥

તત્રોપનન્દાભિધગોપવર્યો જગૌ ભવત્પ્રેરણયૈવ નૂનમ્ ।

ઇતઃ પ્રતીચ્યાં વિપિનં મનોજ્ઞં વૃન્દાવનં નામ વિરાજતીતિ ॥2॥

બૃહદ્વનં તત્ ખલુ નન્દમુખ્યા વિધાય ગૌષ્ઠીનમથ ક્ષણેન ।

ત્વદન્વિતત્વજ્જનનીનિવિષ્ટગરિષ્ઠયાનાનુગતા વિચેલુઃ ॥3॥

અનોમનોજ્ઞધ્વનિધેનુપાલીખુરપ્રણાદાન્તરતો વધૂભિઃ ।

ભવદ્વિનોદાલપિતાક્ષરાણિ પ્રપીય નાજ્ઞાયત માર્ગદૈર્ઘ્યમ્ ॥4॥

નિરીક્ષ્ય વૃન્દાવનમીશ નન્દત્પ્રસૂનકુન્દપ્રમુખદ્રુમૌઘમ્ ।

અમોદથાઃ શાદ્વલસાન્દ્રલક્ષ્મ્યા હરિન્મણીકુટ્ટિમપુષ્ટશોભમ્ ॥5॥

નવાકનિર્વ્યૂઢનિવાસભેદેષ્વશેષગોપેષુ સુખાસિતેષુ ।

વનશ્રિયં ગોપકિશોરપાલીવિમિશ્રિતઃ પર્યગલોકથાસ્ત્વમ્ ॥6॥

અરાલમાર્ગાગતનિર્મલાપાં મરાલકૂજાકૃતનર્મલાપામ્ ।

નિરન્તરસ્મેરસરોજવક્ત્રાં કલિન્દકન્યાં સમલોકયસ્ત્વમ્ ॥7॥

મયૂરકેકાશતલોભનીયં મયૂખમાલાશબલં મણીનામ્ ।

વિરિઞ્ચલોકસ્પૃશમુચ્ચશૃઙ્ગૈર્ગિરિં ચ ગોવર્ધનમૈક્ષથાસ્ત્વમ્ ॥8॥

સમં તતો ગોપકુમારકૈસ્ત્વં સમન્તતો યત્ર વનાન્તમાગાઃ ।

તતસ્તતસ્તાં કુટિલામપશ્યઃ કલિન્દજાં રાગવતીમિવૈકામ્ ॥9॥

તથાવિધેઽસ્મિન્ વિપિને પશવ્યે સમુત્સુકો વત્સગણપ્રચારે ।

ચરન્ સરામોઽથ કુમારકૈસ્ત્વં સમીરગેહાધિપ પાહિ રોગાત્ ॥10॥

Roman (IAST) Transliteration

bhavatprabhāvāvidurā hi gopāstaruprapātādikamatra goṣṭhe |

ahetumutpātagaṇaṃ viśaṅkya prayātumanyatra mano vitenuḥ ||1||

tatropanandābhidhagopavaryo jagau bhavatpreraṇayaiva nūnam |

itaḥ pratīcyāṃ vipinaṃ manojñaṃ vṛndāvanaṃ nāma virājatīti ||2||

bṛhadvanaṃ tat khalu nandamukhyā vidhāya gauṣṭhīnamatha kṣaṇena |

tvadanvitatvajjananīniviṣṭagariṣṭhayānānugatā viceluḥ ||3||

anomanojñadhvanidhenupālīkhurapraṇādāntarato vadhūbhiḥ |

bhavadvinodālapitākṣarāṇi prapīya nājñāyata mārgadairghyam ||4||

nirīkṣya vṛndāvanamīśa nandatprasūnakundapramukhadrumaugham |

amodathāḥ śādvalasāndralakṣmyā harinmaṇīkuṭṭimapuṣṭaśobham ||5||

navākanirvyūḍhanivāsabhedeṣvaśeṣagopeṣu sukhāsiteṣu |

vanaśriyaṃ gopakiśorapālīvimiśritaḥ paryagalokathāstvam ||6||

arālamārgāgatanirmalāpāṃ marālakūjākṛtanarmalāpām |

nirantarasmerasarojavaktrāṃ kalindakanyāṃ samalokayastvam ||7||

mayūrakekāśatalobhanīyaṃ mayūkhamālāśabalaṃ maṇīnām |

viriñcalokaspṛśamuccaśṛṅgairgiriṃ ca govardhanamaikṣathāstvam ||8||

samaṃ tato gopakumārakaistvaṃ samantato yatra vanāntamāgāḥ |

tatastatastāṃ kuṭilāmapaśyaḥ kalindajāṃ rāgavatīmivaikām ||9||

tathāvidhe'smin vipine paśavye samutsuko vatsagaṇapracāre |

caran sarāmo'tha kumārakaistvaṃ samīragehādhipa pāhi rogāt ||10||