Narayaniyam Dashaka 26 - Gajendramoksham

ॐ

નારાયણીયં દશક 26 - ગજેન્દ્રમોક્ષમ્

Vishnu Gujarati

ઇન્દ્રદ્યુમ્નઃ પાણ્ડ્યખણ્ડાધિરાજ-

સ્ત્વદ્ભક્તાત્મા ચન્દનાદ્રૌ કદાચિત્ ।

ત્વત્ સેવાયાં મગ્નધીરાલુલોકે

નૈવાગસ્ત્યં પ્રાપ્તમાતિથ્યકામમ્ ॥1॥

કુમ્ભોદ્ભૂતિઃ સમ્ભૃતક્રોધભારઃ

સ્તબ્ધાત્મા ત્વં હસ્તિભૂયં ભજેતિ ।

શપ્ત્વાઽથૈનં પ્રત્યગાત્ સોઽપિ લેભે

હસ્તીન્દ્રત્વં ત્વત્સ્મૃતિવ્યક્તિધન્યમ્ ॥2॥

દગ્ધામ્ભોધેર્મધ્યભાજિ ત્રિકૂટે

ક્રીડઞ્છૈલે યૂથપોઽયં વશાભિઃ ।

સર્વાન્ જન્તૂનત્યવર્તિષ્ટ શક્ત્યા

ત્વદ્ભક્તાનાં કુત્ર નોત્કર્ષલાભઃ ॥3॥

સ્વેન સ્થેમ્ના દિવ્યદેશત્વશક્ત્યા

સોઽયં ખેદાનપ્રજાનન્ કદાચિત્ ।

શૈલપ્રાન્તે ઘર્મતાન્તઃ સરસ્યાં

યૂથૈસ્સાર્ધં ત્વત્પ્રણુન્નોઽભિરેમે ॥4॥

હૂહૂસ્તાવદ્દેવલસ્યાપિ શાપાત્

ગ્રાહીભૂતસ્તજ્જલે બર્તમાનઃ ।

જગ્રાહૈનં હસ્તિનં પાદદેશે

શાન્ત્યર્થં હિ શ્રાન્તિદોઽસિ સ્વકાનામ્ ॥5॥

ત્વત્સેવાયા વૈભવાત્ દુર્નિરોધં

યુધ્યન્તં તં વત્સરાણાં સહસ્રમ્ ।

પ્રાપ્તે કાલે ત્વત્પદૈકાગ્ર્યસિધ્યૈ

નક્રાક્રાન્તં હસ્તિવર્યં વ્યધાસ્ત્વમ્ ॥6॥

આર્તિવ્યક્તપ્રાક્તનજ્ઞાનભક્તિઃ

શુણ્ડોત્ક્ષિપ્તૈઃ પુણ્ડરીકૈઃ સમર્ચન્ ।

પૂર્વાભ્યસ્તં નિર્વિશેષાત્મનિષ્ઠં

સ્તોત્રં શ્રેષ્ઠં સોઽન્વગાદીત્ પરાત્મન્ ॥7॥

શ્રુત્વા સ્તોત્રં નિર્ગુણસ્થં સમસ્તં

બ્રહ્મેશાદ્યૈર્નાહમિત્યપ્રયાતે ।

સર્વાત્મા ત્વં ભૂરિકારુણ્યવેગાત્

તાર્ક્ષ્યારૂઢઃ પ્રેક્ષિતોઽભૂઃ પુરસ્તાત્ ॥8॥

હસ્તીન્દ્રં તં હસ્તપદ્મેન ધૃત્વા

ચક્રેણ ત્વં નક્રવર્યં વ્યદારીઃ ।

ગન્ધર્વેઽસ્મિન્ મુક્તશાપે સ હસ્તી

ત્વત્સારૂપ્યં પ્રાપ્ય દેદીપ્યતે સ્મ ॥9॥

એતદ્વૃત્તં ત્વાં ચ માં ચ પ્રગે યો

ગાયેત્સોઽયં ભૂયસે શ્રેયસે સ્યાત્ ।

ઇત્યુક્ત્વૈનં તેન સાર્ધં ગતસ્ત્વં

ધિષ્ણ્યં વિષ્ણો પાહિ વાતાલયેશ ॥10॥

Roman (IAST) Transliteration

indradyumnaḥ pāṇḍyakhaṇḍādhirāja-

stvadbhaktātmā candanādrau kadācit |

tvat sevāyāṃ magnadhīrāluloke

naivāgastyaṃ prāptamātithyakāmam ||1||

kumbhodbhūtiḥ sambhṛtakrodhabhāraḥ

stabdhātmā tvaṃ hastibhūyaṃ bhajeti |

śaptvā'thainaṃ pratyagāt so'pi lebhe

hastīndratvaṃ tvatsmṛtivyaktidhanyam ||2||

dagdhāmbhodhermadhyabhāji trikūṭe

krīḍañchaile yūthapo'yaṃ vaśābhiḥ |

sarvān jantūnatyavartiṣṭa śaktyā

tvadbhaktānāṃ kutra notkarṣalābhaḥ ||3||

svena sthemnā divyadeśatvaśaktyā

so'yaṃ khedānaprajānan kadācit |

śailaprānte gharmatāntaḥ sarasyāṃ

yūthaissārdhaṃ tvatpraṇunno'bhireme ||4||

hūhūstāvaddevalasyāpi śāpāt

grāhībhūtastajjale bartamānaḥ |

jagrāhainaṃ hastinaṃ pādadeśe

śāntyarthaṃ hi śrāntido'si svakānām ||5||

tvatsevāyā vaibhavāt durnirodhaṃ

yudhyantaṃ taṃ vatsarāṇāṃ sahasram |

prāpte kāle tvatpadaikāgryasidhyai

nakrākrāntaṃ hastivaryaṃ vyadhāstvam ||6||

ārtivyaktaprāktanajñānabhaktiḥ

śuṇḍotkṣiptaiḥ puṇḍarīkaiḥ samarcan |

pūrvābhyastaṃ nirviśeṣātmaniṣṭhaṃ

stotraṃ śreṣṭhaṃ so'nvagādīt parātman ||7||

śrutvā stotraṃ nirguṇasthaṃ samastaṃ

brahmeśādyairnāhamityaprayāte |

sarvātmā tvaṃ bhūrikāruṇyavegāt

tārkṣyārūḍhaḥ prekṣito'bhūḥ purastāt ||8||

hastīndraṃ taṃ hastapadmena dhṛtvā

cakreṇa tvaṃ nakravaryaṃ vyadārīḥ |

gandharve'smin muktaśāpe sa hastī

tvatsārūpyaṃ prāpya dedīpyate sma ||9||

etadvṛttaṃ tvāṃ ca māṃ ca prage yo

gāyetso'yaṃ bhūyase śreyase syāt |

ityuktvainaṃ tena sārdhaṃ gatastvaṃ

dhiṣṇyaṃ viṣṇo pāhi vātālayeśa ||10||