Narayana Upanishad — InfoLyter.in

ॐ

નારાયણ ઉપનિષદ્

Narayana Upanishad

Vishnu Upanishad Gujarati

ૐ સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્ય॑-ઙ્કરવાવહૈ ।

તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

ૐ અથ પુરુષો હ વૈ નારાયણો-ઽકામયત પ્રજા-સ્સૃ॑જેયે॒તિ ।

ના॒રા॒ય॒ણાત્પ્રા॑ણો જા॒યતે । મન-સ્સર્વેન્દ્રિ॑યાણિ॒ ચ ।

ખં-વાઁયુર્જ્યોતિરાપઃ પૃથિવી વિશ્વ॑સ્ય ધા॒રિણી ।

ના॒રા॒ય॒ણાદ્બ્ર॑હ્મા જા॒યતે ।

ના॒રા॒ય॒ણાદ્રુ॑દ્રો જા॒યતે ।

ના॒રા॒ય॒ણાદિ॑ન્દ્રો જા॒યતે ।

ના॒રા॒ય॒ણાત્પ્રજાપતયઃ પ્ર॑જાય॒ન્તે ।

ના॒રા॒ય॒ણાદ્દ્વાદશાદિત્યા રુદ્રા વસવસ્સર્વાણિ ચ છ॑ન્દાગ્ં॒સિ ।

ના॒રા॒ય॒ણાદેવ સમુ॑ત્પદ્ય॒ન્તે ।

ના॒રા॒ય॒ણે પ્ર॑વર્ત॒ન્તે ।

ના॒રા॒ય॒ણે પ્ર॑લીય॒ન્તે ॥

ઓમ્ । અથ નિત્યો ના॑રાય॒ણઃ । બ્ર॒હ્મા ના॑રાય॒ણઃ ।

શિ॒વશ્ચ॑ નારાય॒ણઃ । શ॒ક્રશ્ચ॑ નારાય॒ણઃ ।

દ્યા॒વા॒પૃ॒થિ॒વ્યૌ ચ॑ નારાય॒ણઃ । કા॒લશ્ચ॑ નારાય॒ણઃ ।

દિ॒શશ્ચ॑ નારાય॒ણઃ । ઊ॒ર્ધ્વશ્ચ॑ નારાય॒ણઃ ।

અ॒ધશ્ચ॑ નારાય॒ણઃ । અ॒ન્ત॒ર્બ॒હિશ્ચ॑ નારાય॒ણઃ ।

નારાયણ એવે॑દગ્ં સ॒ર્વમ્ ।

યદ્ભૂ॒તં-યઁચ્ચ॒ ભવ્યમ્᳚ ।

નિષ્કલો નિરઞ્જનો નિર્વિકલ્પો નિરાખ્યાત-શ્શુદ્ધો દેવ

એકો॑ નારાય॒ણઃ । ન દ્વિ॒તીયો᳚સ્તિ॒ કશ્ચિ॑ત્ ।

ય એ॑વં-વેઁ॒દ ।

સ વિષ્ણુરેવ ભવતિ સ વિષ્ણુરે॑વ ભ॒વતિ ॥

ઓમિત્ય॑ગ્રે વ્યા॒હરેત્ । નમ ઇ॑તિ પ॒શ્ચાત્ ।

ના॒રા॒ય॒ણાયેત્યુ॑પરિ॒ષ્ટાત્ ।

ઓમિ॑ત્યેકા॒ક્ષરમ્ । નમ ઇતિ॑ દ્વે અ॒ક્ષરે ।

ના॒રા॒ય॒ણાયેતિ પઞ્ચા᳚ક્ષરા॒ણિ ।

એતદ્વૈ નારાયણસ્યાષ્ટાક્ષ॑ર-મ્પ॒દમ્ ।

યો હ વૈ નારાયણસ્યાષ્ટાક્ષર-મ્પદ॑મધ્યે॒તિ ।

અનપબ્રવસ્સર્વમા॑યુરે॒તિ ।

વિન્દતે પ્રા॑જાપ॒ત્યગ્ં રાયસ્પોષ॑-ઙ્ગૌપ॒ત્યમ્ ।

તતો-ઽમૃતત્વમશ્નુતે તતો-ઽમૃતત્વમશ્નુ॑ત ઇ॒તિ ।

ય એ॑વં-વેઁ॒દ ॥

પ્રત્યગાનન્દ-મ્બ્રહ્મ પુરુષ-મ્પ્રણવ॑સ્વરૂ॒પમ્ ।

અકાર ઉકાર મકા॑ર ઇ॒તિ ।

તાનેકધા સમભરત્તદેત॑દોમિ॒તિ ।

યમુક્ત્વા॑ મુચ્ય॑તે યો॒ગી॒ જ॒ન્મ॒સંસા॑રબ॒ન્ધનાત્ ।

ઓ-ન્નમો નારાયણાયેતિ મ॑ન્ત્રોપા॒સકઃ ।

વૈકુણ્ઠભુવનલોક॑-ઙ્ગમિ॒ષ્યતિ ।

તદિદ-મ્પર-મ્પુણ્ડરીકં-વિઁ॑જ્ઞાન॒ઘનમ્ ।

તસ્માત્તદિદા॑વન્મા॒ત્રમ્ ।

બ્રહ્મણ્યો દેવ॑કીપુ॒ત્રો॒ બ્રહ્મણ્યો મ॑ધુસૂ॒દનોમ્ ।

સર્વભૂતસ્થમેક॑-ન્નારા॒યણમ્ ।

કારણરૂપમકાર પ॑રબ્ર॒હ્મોમ્ ।

એતદથર્વ શિરો॑યો-ઽધી॒તે પ્રા॒તર॑ધીયા॒નો॒ રાત્રિકૃત-મ્પાપ॑-ન્નાશ॒યતિ ।

સા॒યમ॑ધીયા॒નો॒ દિવસકૃત-મ્પાપ॑-ન્નાશ॒યતિ ।

માધ્યન્દિનમાદિત્યાભિમુખો॑-ઽધીયા॒નઃ॒ પઞ્ચપાતકોપપાતકા᳚ત્પ્રમુ॒ચ્યતે ।

સર્વ વેદ પારાયણ પુ॑ણ્યં-લઁ॒ભતે ।

નારાયણસાયુજ્યમ॑વાપ્નો॒તિ॒ નારાયણ સાયુજ્યમ॑વાપ્નો॒તિ ।

ય એ॑વં-વેઁ॒દ । ઇત્યુ॑પ॒નિષ॑ત્ ॥

ૐ સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્ય॑-ઙ્કરવાવહૈ ।

તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥

ૐ શાન્તિ॒-શ્શાન્તિ॒-શ્શાન્તિઃ॑ ॥

Roman (IAST) Transliteration

oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |

te॒ja॒svinā॒vadhī̭tamastu॒ mā vi̭dviṣā॒vahai᳚ ||

oṃ śānti॒-śśānti॒-śśāntiḥ̭ ||

oṃ atha puruṣo ha vai nārāyaṇo-'kāmayata prajā-ssṛ̭jeye॒ti |

nā॒rā॒ya॒ṇātprā̭ṇo jā॒yate | mana-ssarvendri̭yāṇi॒ ca |

khaṃ-vā~yurjyotirāpaḥ pṛthivī viśva̭sya dhā॒riṇī |

nā॒rā॒ya॒ṇādbra̭hmā jā॒yate |

nā॒rā॒ya॒ṇādrṷdro jā॒yate |

nā॒rā॒ya॒ṇādi̭ndro jā॒yate |

nā॒rā॒ya॒ṇātprajāpatayaḥ pra̭jāya॒nte |

nā॒rā॒ya॒ṇāddvādaśādityā rudrā vasavassarvāṇi ca cha̭ndāgṃ॒si |

nā॒rā॒ya॒ṇādeva samṷtpadya॒nte |

nā॒rā॒ya॒ṇe pra̭varta॒nte |

nā॒rā॒ya॒ṇe pra̭līya॒nte ||

om | atha nityo nā̭rāya॒ṇaḥ | bra॒hmā nā̭rāya॒ṇaḥ |

śi॒vaśca̭ nārāya॒ṇaḥ | śa॒kraśca̭ nārāya॒ṇaḥ |

dyā॒vā॒pṛ॒thi॒vyau ca̭ nārāya॒ṇaḥ | kā॒laśca̭ nārāya॒ṇaḥ |

di॒śaśca̭ nārāya॒ṇaḥ | ū॒rdhvaśca̭ nārāya॒ṇaḥ |

a॒dhaśca̭ nārāya॒ṇaḥ | a॒nta॒rba॒hiśca̭ nārāya॒ṇaḥ |

nārāyaṇa evḙdagṃ sa॒rvam |

yadbhū॒taṃ-ya~cca॒ bhavyam᳚ |

niṣkalo nirañjano nirvikalpo nirākhyāta-śśuddho deva

eko̭ nārāya॒ṇaḥ | na dvi॒tīyo᳚sti॒ kaści̭t |

ya ḙvaṃ-ve~॒da |

sa viṣṇureva bhavati sa viṣṇurḙva bha॒vati ||

omitya̭gre vyā॒haret | nama i̭ti pa॒ścāt |

nā॒rā॒ya॒ṇāyetyṷpari॒ṣṭāt |

omi̭tyekā॒kṣaram | nama iti̭ dve a॒kṣare |

nā॒rā॒ya॒ṇāyeti pañcā᳚kṣarā॒ṇi |

etadvai nārāyaṇasyāṣṭākṣa̭ra-mpa॒dam |

yo ha vai nārāyaṇasyāṣṭākṣara-mpada̭madhye॒ti |

anapabravassarvamā̭yure॒ti |

vindate prā̭jāpa॒tyagṃ rāyaspoṣa̭-ṅgaupa॒tyam |

tato-'mṛtatvamaśnute tato-'mṛtatvamaśnṷta i॒ti |

ya ḙvaṃ-ve~॒da ||

pratyagānanda-mbrahma puruṣa-mpraṇava̭svarū॒pam |

akāra ukāra makā̭ra i॒ti |

tānekadhā samabharattadeta̭domi॒ti |

yamuktvā̭ mucya̭te yo॒gī॒ ja॒nma॒saṃsā̭raba॒ndhanāt |

o-nnamo nārāyaṇāyeti ma̭ntropā॒sakaḥ |

vaikuṇṭhabhuvanaloka̭-ṅgami॒ṣyati |

tadida-mpara-mpuṇḍarīkaṃ-vi~̭jñāna॒ghanam |

tasmāttadidā̭vanmā॒tram |

brahmaṇyo deva̭kīpu॒tro॒ brahmaṇyo ma̭dhusū॒danom |

sarvabhūtasthameka̭-nnārā॒yaṇam |

kāraṇarūpamakāra pa̭rabra॒hmom |

etadatharva śiro̭yo-'dhī॒te prā॒tara̭dhīyā॒no॒ rātrikṛta-mpāpa̭-nnāśa॒yati |

sā॒yama̭dhīyā॒no॒ divasakṛta-mpāpa̭-nnāśa॒yati |

mādhyandinamādityābhimukho̭-'dhīyā॒naḥ॒ pañcapātakopapātakā᳚tpramu॒cyate |

sarva veda pārāyaṇa pṷṇyaṃ-la~॒bhate |

nārāyaṇasāyujyama̭vāpno॒ti॒ nārāyaṇa sāyujyama̭vāpno॒ti |

ya ḙvaṃ-ve~॒da | ityṷpa॒niṣa̭t ||

oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |

te॒ja॒svinā॒vadhī̭tamastu॒ mā vi̭dviṣā॒vahai᳚ ||

oṃ śānti॒-śśānti॒-śśāntiḥ̭ ||