Narayana Ashtakshari Stuti

ॐ

નારાયણ અષ્ટાક્ષરી સ્તુતિ

Vishnu Gujarati

ૐ નમઃ પ્રણવાર્થાર્થ સ્થૂલસૂક્ષ્મ ક્ષરાક્ષર

વ્યક્તાવ્યક્ત કલાતીત ઓઙ્કારાય નમો નમઃ ॥ 1 ॥

નમો દેવાદિદેવાય દેહસઞ્ચારહેતવે

દૈત્યસઙ્ઘવિનાશાય નકારાય નમો નમઃ ॥ 2 ॥

મોહનં વિશ્વરૂપં ચ શિષ્ટાચારસુપોષિતમ્

મોહવિધ્વંસકં વન્દે મોકારાય નમો નમઃ ॥ 3 ॥

નારાયણાય નવ્યાય નરસિંહાય નામિને

નાદાય નાદિને તુભ્યં નાકારાય નમો નમઃ ॥ 4 ॥

રામચન્દ્રં રઘુપતિં પિત્રાજ્ઞાપરિપાલકમ્

કૌસલ્યાતનયં વન્દે રાકારાય નમો નમઃ ॥ 5 ॥

યજ્ઞાય યજ્ઞગમ્યાય યજ્ઞરક્ષાકરાય ચ

યજ્ઞાઙ્ગરૂપિણે તુભ્યં યકારાય નમો નમઃ ॥ 6 ॥

ણાકારં લોકવિખ્યાતં નાનાજન્મફલપ્રદમ્

નાનાભીષ્ટપ્રદં વન્દે ણાકારાય નમો નમઃ ॥ 7 ॥

યજ્ઞકર્ત્રે યજ્ઞભર્ત્રે યજ્ઞરૂપાય તે નમઃ

સુજ્ઞાનગોચરાયાઽસ્તુ યકારાય નમો નમઃ ॥ 8 ॥

ઇતિ શ્રી નારાયણ અષ્ટાક્ષરી સ્તુતિઃ ।

Roman (IAST) Transliteration

oṃ namaḥ praṇavārthārtha sthūlasūkṣma kṣarākṣara

vyaktāvyakta kalātīta oṅkārāya namo namaḥ || 1 ||

namo devādidevāya dehasañcārahetave

daityasaṅghavināśāya nakārāya namo namaḥ || 2 ||

mohanaṃ viśvarūpaṃ ca śiṣṭācārasupoṣitam

mohavidhvaṃsakaṃ vande mokārāya namo namaḥ || 3 ||

nārāyaṇāya navyāya narasiṃhāya nāmine

nādāya nādine tubhyaṃ nākārāya namo namaḥ || 4 ||

rāmacandraṃ raghupatiṃ pitrājñāparipālakam

kausalyātanayaṃ vande rākārāya namo namaḥ || 5 ||

yajñāya yajñagamyāya yajñarakṣākarāya ca

yajñāṅgarūpiṇe tubhyaṃ yakārāya namo namaḥ || 6 ||

ṇākāraṃ lokavikhyātaṃ nānājanmaphalapradam

nānābhīṣṭapradaṃ vande ṇākārāya namo namaḥ || 7 ||

yajñakartre yajñabhartre yajñarūpāya te namaḥ

sujñānagocarāyā'stu yakārāya namo namaḥ || 8 ||

iti śrī nārāyaṇa aṣṭākṣarī stutiḥ |