Murari Pancha Ratna Stotram

ॐ

મુરારિ પઞ્ચ રત્ન સ્તોત્રમ્

Pancharatnam Gujarati

યત્સેવનેન પિતૃમાતૃસહોદરાણાં

ચિત્તં ન મોહમહિમા મલિનં કરોતિ ।

ઇત્થં સમીક્ષ્ય તવ ભક્તજનાન્મુરારે

મૂકોઽસ્મિ તેઽઙ્ઘ્રિકમલં તદતીવ ધન્યમ્ ॥ 1 ॥

યે યે વિલગ્નમનસઃ સુખમાપ્તુકામાઃ

તે તે ભવન્તિ જગદુદ્ભવમોહશૂન્યાઃ ।

દૃષ્ટ્વા વિનષ્ટધનધાન્યગૃહાન્મુરારે

મૂકોઽસ્મિ તેઽઙ્ઘ્રિકમલં તદતીવ ધન્યમ્ ॥ 2 ॥

વસ્ત્રાણિ દિગ્વલયમાવસતિઃ શ્મશાને

પાત્રં કપાલમપિ મુણ્ડવિભૂષણાનિ ।

રુદ્રે પ્રસાદમચલં તવ વીક્ષ્ય શૌરે

મૂકોઽસ્મિ તેઽઙ્ઘ્રિકમલં તદતીવ ધન્યમ્ ॥ 3 ॥

યત્કીર્તિગાયનપરસ્ય વિધાતૃસૂનોઃ

કૌપીનમૈણમજિનં વિપુલાં વિભૂતિમ્ ।

સ્વસ્યાર્થ દિગ્ભ્રમણમીક્ષ્ય તુ સાર્વકાલં

મૂકોઽસ્મિ તેઽઙ્ઘ્રિકમલં તદતીવ ધન્યમ્ ॥ 4 ॥

યદ્વીક્ષણે ધૃતધિયામશનં ફલાદિ

વાસોઽપિ નિર્જિનવને ગિરિકન્દરાસુ ।

વાસાંસિ વલ્કલમયાનિ વિલોક્ય ચૈવં

મૂકોઽસ્મિ તેઽઙ્ઘ્રિકમલં તદતીવ ધન્યમ્ ॥ 5 ॥

સ્તોત્રં પાદામ્બુજસ્યૈતચ્છ્રીશસ્ય વિજિતેન્દ્રિયઃ ।

પઠિત્વા તત્પદં યાતિ શ્લોકાર્થજ્ઞસ્તુ યો નરઃ ॥ 6 ॥

ઇતિ મુરારિ પઞ્ચરત્નમ્ ।

Roman (IAST) Transliteration

yatsevanena pitṛmātṛsahodarāṇāṃ

cittaṃ na mohamahimā malinaṃ karoti |

itthaṃ samīkṣya tava bhaktajanānmurāre

mūko'smi te'ṅghrikamalaṃ tadatīva dhanyam || 1 ||

ye ye vilagnamanasaḥ sukhamāptukāmāḥ

te te bhavanti jagadudbhavamohaśūnyāḥ |

dṛṣṭvā vinaṣṭadhanadhānyagṛhānmurāre

mūko'smi te'ṅghrikamalaṃ tadatīva dhanyam || 2 ||

vastrāṇi digvalayamāvasatiḥ śmaśāne

pātraṃ kapālamapi muṇḍavibhūṣaṇāni |

rudre prasādamacalaṃ tava vīkṣya śaure

mūko'smi te'ṅghrikamalaṃ tadatīva dhanyam || 3 ||

yatkīrtigāyanaparasya vidhātṛsūnoḥ

kaupīnamaiṇamajinaṃ vipulāṃ vibhūtim |

svasyārtha digbhramaṇamīkṣya tu sārvakālaṃ

mūko'smi te'ṅghrikamalaṃ tadatīva dhanyam || 4 ||

yadvīkṣaṇe dhṛtadhiyāmaśanaṃ phalādi

vāso'pi nirjinavane girikandarāsu |

vāsāṃsi valkalamayāni vilokya caivaṃ

mūko'smi te'ṅghrikamalaṃ tadatīva dhanyam || 5 ||

stotraṃ pādāmbujasyaitacchrīśasya vijitendriyaḥ |

paṭhitvā tatpadaṃ yāti ślokārthajñastu yo naraḥ || 6 ||

iti murāri pañcaratnam |