garuḍagamana tava caraṇakamalamiha manasi lasatu mama nityam
manasi lasatu mama nityam |
mama tāpamapākuru deva, mama pāpamapākuru deva || dhru.||
jalajanayana vidhinamuciharaṇamukha vibudhavinuta-padapadma
mama tāpamapākuru deva, mama pāpamapākuru deva || 1||
bhujagaśayana bhava madanajanaka mama jananamaraṇa-bhayahārin
mama tāpamapākuru deva, mama pāpamapākuru deva || 2||
śaṅkhacakradhara duṣṭadaityahara sarvaloka-śaraṇa
mama tāpamapākuru deva, mama pāpamapākuru deva || 3||
agaṇita-guṇagaṇa aśaraṇaśaraṇada vidalita-suraripujāla
mama tāpamapākuru deva, mama pāpamapākuru deva || 4||
bhaktavaryamiha bhūrikaruṇayā pāhi bhāratītīrtham
mama tāpamapākuru deva, mama pāpamapākuru deva || 5||
iti jagadguru śṛṅgerī pīṭhādhipati bhāratītīrthasvāminā viracitaṃ mahāviṣṇustotraṃ sampūrṇam |