Maha Ganapati Mula Mantrah (pada Mala Stotram)

ॐ

મહા ગણપતિ મૂલ મન્ત્રાઃ (પાદ માલા સ્તોત્રમ્)

Ganesha Stotram Gujarati

॥ મૂલમન્ત્રમ્ ॥

॥ ૐ હ્રીં શ્રીં ક્લીં ગ્લૌં ગં ગણપતયે વરવરદ

સર્વજનં મે વશમાનય સ્વાહા ॥

॥ અથ સ્તોત્રમ્॥

ૐ ઇત્યેતદજસ્ય કણ્ઠવિવરં ભિત્વા બહિર્નિર્ગતં

હ્યોમિત્યેવ સમસ્તકર્મ ઋષિભિઃ પ્રારભ્યતે માનુષૈઃ ।

ઓમિત્યેવ સદા જપન્તિ યતયઃ સ્વાતમૈકનિષ્ઠાઃ પરં

હ્યોઙ્કારાકૃતિવક્ત્રમિન્દુનિટિલં વિઘ્નેશ્વરં ભવાયે ॥ 1॥

શ્રીમ્બીજં શ્રમદુઃખજન્મમરણવ્યાધ્યાધિભીનાશકં

મૃત્યુક્રોધનશાન્તિબિન્દુવિલસદ્વર્ણાકૃતિશ્રીપ્રદમ્ ।

સ્વાન્તઃસ્વાત્મશરસ્ય લક્ષ્યમજરસ્વાત્માવબોધપ્રદં

શ્રીશ્રીનાયકસેવિતે ભવદનપ્રેમાસ્પદં ભાવયે ॥ 2॥

હ્રીમ્બીજં હૃદયત્રિકોણવિલસન્મધ્યાસનસ્થં સદા

ચાકાશાનલવામલોચનનિશાનાથાર્ધવર્ણાત્મકમ્ ।

માયાકાર્યજગત્પ્રકાશકમુમારૂપં સ્વશક્તિપ્રદં

માયાતીતપદપ્રદં હૃદિ ભજે લોકેશ્વરારાધિતમ્ ॥ 3॥

ક્લીમ્બીજં કલિધાતુવત્કલયતાં સર્વેષ્ટદં દેહિનાં

ધાતૃક્ષ્માયુતશાન્તિબિન્દુવિલસદ્વર્ણાત્મકં કામદમ્ ।

શ્રીકૃષ્ણપ્રિયમિન્દિરાસુતમનઃપ્રીત્યેકહેતું પરં

હૃત્પદ્મે કલયે સદા કલિહરં કાલારિપુત્રપ્રિયમ્ ॥ 4॥

ગ્લૌમ્બીજં ગુણરૂપનિર્ગુણપરબ્રહ્માદિશક્તેર્મહા-

હઙ્કારાકૃતિદણ્ડિનીપ્રિયમજશ્રીનાથરુદ્રેષ્ટદમ્ ।

સર્વાકર્ષિણિદેવરાજભુવનાર્ણેન્દ્વાત્મકં શ્રીકરં

ચિત્તે વિઘ્નનિવારણાય ગિરિજજાતપ્રિયં ભાવયે ॥ 5॥

ગઙ્ગાસુતં ગન્ધમુખોપચારપ્રિયં ખગારોહણભાગિનેયમ્ ।

ગઙ્ગાસુતાદ્યં વરગન્ધતત્ત્વમૂલામ્બુજસ્થં હૃદિ ભાવયેઽહમ્ ॥ 6॥

ગણપતયે વરગુણનિધયે સુરગણપતયે નતજનતતયે ।

મણિગણભૂષિતચરણયુગાશ્રિતમલહરણે ચણ તે નમઃ ॥ 7॥

વરાભયે મોદકમેકદન્તં કરામ્બુજાતૈઃ સતતં ધરન્તમ્ ।

વરાઙ્ગચન્દ્રં પરભક્તિસાન્દ્રૈર્જનૈર્ભજન્તં કલયે સદાઽન્તઃ ॥ 8॥

વરદ નતજનાનાં સન્તતં વક્રતુણ્ડ

સ્વરમયનિજગાત્ર સ્વાત્મબોધૈકહેતો ।

કરલસદમૃતામ્ભોપૂર્ણપત્રાદ્ય મહ્યં

ગરગલસુત શીઘ્રં દેહિ મદ્બોધમીડ્યમ્ ॥ 9॥

સર્વજનં પરિપાલય શર્વજ

પર્વસુધાકરગર્વહર ।

પર્વતનાથસુતાસુત પાલય

ખર્વં મા કુરુ દીનમિમમ્ ॥ 10 ॥

મેદોઽસ્થિમાંસરુધિરાન્ત્રમયે શરીરે

મેદિન્યબગ્નિમરુદમ્બરલાસ્યમાને ।

મે દારુણં મદમુખાઘમુમાજ હૃત્વા

મેધાહ્વયાસનવરે વસ દન્તિવક્ત્ર ॥ 11॥

વશં કુરુ ત્વં શિવજાત માં તે વશીકૃતાશેષસમસ્તલોક ।

વસાર્ણસંશોભિતમૂલપદ્મલસચ્છ્રિયાઽલિઙ્તવારણાસ્ય ॥ 12॥

આનયાશુપદવારિજાન્તિકં માં નયાદિગુણવર્જિતં તવ ।

હાનિહીનપદજામૃતસ્ય તે પાનયોગ્યમિભવક્ત્ર માં કુરુ ॥ 13॥

સ્વાહાસ્વરૂપેણ વિરાજસે ત્વં સુધાશનાનાં પ્રિયકર્મણીડ્યમ્ ।

સ્વધાસ્વરૂપેણ તુ પિત્ર્યકર્મણ્યુમાસુતેજ્યામયવિશ્વમૂર્તે ॥ 14॥

અષ્ટાવિંશતિવર્ણપત્રલસિતં હારં ગણેશપ્રિયં

કષ્ટાઽનિષ્ટહરં ચતુર્દશપદૈઃ પુષ્પૈર્મનોહારકમ્ ।

તુષ્ટ્યાદિપ્રદસદ્ગુરુત્તમપદામ્ભોજે ચિદાનન્દદં

શિષ્ટેષ્ટોઽહમનન્તસૂત્રહૃદયાઽઽબદ્ધં સુભક્ત્યાઽર્પયે ॥ 15॥

॥ ઇતિ શ્રીઅનન્તાનન્દકૃતં શ્રીગુરુચિદાનન્દનાથસમર્પિતં

શ્રીમહાગણપતિમૂલમન્ત્રમાલાસ્તોત્રમ્ ॥

Roman (IAST) Transliteration

|| mūlamantram ||

|| oṃ hrīṃ śrīṃ klīṃ glauṃ gaṃ gaṇapataye varavarada

sarvajanaṃ me vaśamānaya svāhā ||

|| atha stotram||

oṃ ityetadajasya kaṇṭhavivaraṃ bhitvā bahirnirgataṃ

hyomityeva samastakarma ṛṣibhiḥ prārabhyate mānuṣaiḥ |

omityeva sadā japanti yatayaḥ svātamaikaniṣṭhāḥ paraṃ

hyoṅkārākṛtivaktraminduniṭilaṃ vighneśvaraṃ bhavāye || 1||

śrīmbījaṃ śramaduḥkhajanmamaraṇavyādhyādhibhīnāśakaṃ

mṛtyukrodhanaśāntibinduvilasadvarṇākṛtiśrīpradam |

svāntaḥsvātmaśarasya lakṣyamajarasvātmāvabodhapradaṃ

śrīśrīnāyakasevite bhavadanapremāspadaṃ bhāvaye || 2||

hrīmbījaṃ hṛdayatrikoṇavilasanmadhyāsanasthaṃ sadā

cākāśānalavāmalocananiśānāthārdhavarṇātmakam |

māyākāryajagatprakāśakamumārūpaṃ svaśaktipradaṃ

māyātītapadapradaṃ hṛdi bhaje lokeśvarārādhitam || 3||

klīmbījaṃ kalidhātuvatkalayatāṃ sarveṣṭadaṃ dehināṃ

dhātṛkṣmāyutaśāntibinduvilasadvarṇātmakaṃ kāmadam |

śrīkṛṣṇapriyamindirāsutamanaḥprītyekahetuṃ paraṃ

hṛtpadme kalaye sadā kaliharaṃ kālāriputrapriyam || 4||

glaumbījaṃ guṇarūpanirguṇaparabrahmādiśaktermahā-

haṅkārākṛtidaṇḍinīpriyamajaśrīnātharudreṣṭadam |

sarvākarṣiṇidevarājabhuvanārṇendvātmakaṃ śrīkaraṃ

citte vighnanivāraṇāya girijajātapriyaṃ bhāvaye || 5||

gaṅgāsutaṃ gandhamukhopacārapriyaṃ khagārohaṇabhāgineyam |

gaṅgāsutādyaṃ varagandhatattvamūlāmbujasthaṃ hṛdi bhāvaye'ham || 6||

gaṇapataye varaguṇanidhaye suragaṇapataye natajanatataye |

maṇigaṇabhūṣitacaraṇayugāśritamalaharaṇe caṇa te namaḥ || 7||

varābhaye modakamekadantaṃ karāmbujātaiḥ satataṃ dharantam |

varāṅgacandraṃ parabhaktisāndrairjanairbhajantaṃ kalaye sadā'ntaḥ || 8||

varada natajanānāṃ santataṃ vakratuṇḍa

svaramayanijagātra svātmabodhaikaheto |

karalasadamṛtāmbhopūrṇapatrādya mahyaṃ

garagalasuta śīghraṃ dehi madbodhamīḍyam || 9||

sarvajanaṃ paripālaya śarvaja

parvasudhākaragarvahara |

parvatanāthasutāsuta pālaya

kharvaṃ mā kuru dīnamimam || 10 ||

medo'sthimāṃsarudhirāntramaye śarīre

medinyabagnimarudambaralāsyamāne |

me dāruṇaṃ madamukhāghamumāja hṛtvā

medhāhvayāsanavare vasa dantivaktra || 11||

vaśaṃ kuru tvaṃ śivajāta māṃ te vaśīkṛtāśeṣasamastaloka |

vasārṇasaṃśobhitamūlapadmalasacchriyā'liṅtavāraṇāsya || 12||

ānayāśupadavārijāntikaṃ māṃ nayādiguṇavarjitaṃ tava |

hānihīnapadajāmṛtasya te pānayogyamibhavaktra māṃ kuru || 13||

svāhāsvarūpeṇa virājase tvaṃ sudhāśanānāṃ priyakarmaṇīḍyam |

svadhāsvarūpeṇa tu pitryakarmaṇyumāsutejyāmayaviśvamūrte || 14||

aṣṭāviṃśativarṇapatralasitaṃ hāraṃ gaṇeśapriyaṃ

kaṣṭā'niṣṭaharaṃ caturdaśapadaiḥ puṣpairmanohārakam |

tuṣṭyādipradasadguruttamapadāmbhoje cidānandadaṃ

śiṣṭeṣṭo'hamanantasūtrahṛdayā''baddhaṃ subhaktyā'rpaye || 15||

|| iti śrīanantānandakṛtaṃ śrīgurucidānandanāthasamarpitaṃ

śrīmahāgaṇapatimūlamantramālāstotram ||