Kaliya Krita Krishna Stotram

ॐ

કાલિય કૃતા કૃષ્ણ સ્તॊત્રમ્

Krishna Stotram Vyasa Gujarati

વ્યાસ ઉવાચ ।

ઇત્યુક્તે તાભિરાશ્વાસ્ય ક્લાન્તદેહોઽપિ પન્નગઃ ।

પ્રસીદ દેવદેવેતિ પ્રાહ વાક્યં શનૈઃ શનૈઃ ॥ 43 ॥

કાલીય ઉવાચ ।

તવાષ્ટગુણમૈશ્વર્યં નાથ સ્વાભવિકં પરમ્ ।

નિરસ્તાતિશયં યસ્ય તસ્ય સ્તોષ્યામિ કિન્વહમ્ ॥ 44 ॥

ત્વં પરસ્ત્વં પરસ્યાઽદ્યઃ પરં ત્વં તત્પરાત્મકમ્ ।

પરસ્માત્પરમો યસ્ત્વં તસ્ય સ્તોષ્યામિ કિં ન્વહમ્ ॥ 45 ॥

યથાઽહં ભવતા સૃષ્ટો જાત્યા રૂપેણ ચેશ્વરઃ ।

સ્વભાવેન ચ સંયુક્તસ્તથેદં ચેષ્ટિતં મયા ॥ 46 ॥

યદ્યન્યથા પ્રવર્તેય દેવદેવ તતો મયિ ।

ન્યાય્યો દણ્ડનિપાતસ્તે તવૈવ વચનં યથા ॥ 47 ॥

તથાઽપિ યં જગત્સ્વામી દણ્ડં પાતિતવાન્મયિ ।

સ સોઢોઽયં વરો દણ્ડસ્ત્વત્તો નાન્યોઽસ્તુ મે વરઃ ॥ 48 ॥

હતવીર્યો હતવિષો દમિતોઽહં ત્વયાઽચ્યુત ।

જીવિતં દીયતામેકમાજ્ઞાપય કરોમિ કિમ્ ॥ 49 ॥

ઇતિ બ્રહ્મપુરાણે પઞ્ચાશીત્યધિકશતતમાધ્યાયાન્તર્ગતં

કાલિયકૃતં શ્રીકૃષ્ણસ્તોત્રં સમાપ્તમ્ ।

બ્રહ્મપુરાણ . અધ્યાય 185/43-49 . ।

Roman (IAST) Transliteration

vyāsa uvāca |

ityukte tābhirāśvāsya klāntadeho'pi pannagaḥ |

prasīda devadeveti prāha vākyaṃ śanaiḥ śanaiḥ || 43 ||

kālīya uvāca |

tavāṣṭaguṇamaiśvaryaṃ nātha svābhavikaṃ param |

nirastātiśayaṃ yasya tasya stoṣyāmi kinvaham || 44 ||

tvaṃ parastvaṃ parasyā'dyaḥ paraṃ tvaṃ tatparātmakam |

parasmātparamo yastvaṃ tasya stoṣyāmi kiṃ nvaham || 45 ||

yathā'haṃ bhavatā sṛṣṭo jātyā rūpeṇa ceśvaraḥ |

svabhāvena ca saṃyuktastathedaṃ ceṣṭitaṃ mayā || 46 ||

yadyanyathā pravarteya devadeva tato mayi |

nyāyyo daṇḍanipātaste tavaiva vacanaṃ yathā || 47 ||

tathā'pi yaṃ jagatsvāmī daṇḍaṃ pātitavānmayi |

sa soḍho'yaṃ varo daṇḍastvatto nānyo'stu me varaḥ || 48 ||

hatavīryo hataviṣo damito'haṃ tvayā'cyuta |

jīvitaṃ dīyatāmekamājñāpaya karomi kim || 49 ||

iti brahmapurāṇe pañcāśītyadhikaśatatamādhyāyāntargataṃ

kāliyakṛtaṃ śrīkṛṣṇastotraṃ samāptam |

brahmapurāṇa . adhyāya 185/43-49 . |